مدد فيديتش عقدة مع المانيو لمدة لربع سنوات وهو سعيد بهذا العقد
وكشف رئيس اليوانيتد دافيد جيل عن سعادتة بتوقيع العقد مع فيديتش
حيث كانت التقارير تربط انتقال اللاعب الى احد اندية ريال مدريد او اي سي ميلان
بصراحه ما اشتقتو له ؟! ما تحسون ان الموسم الماضي لو كان عندنا هالاطخم مع روني كان حسم لنا مباريات كثير كنا ننتظره دايما فيها ؟! .. كثير مباريات كنا محتاجين احد يدخل يحسم لنا المباراة نلقى برباتوف يسخن على الخط عشان ينزل
بالنسبه لـ تيفيز , ماحد ينكر ان تيفييز كان قوة ضاربه بالهجوم وخصوصاً انه
يشكل ثنائي ناري مع روني ولاننسى ان بينهم تفاااهم كبيير جداً لكن اني اندم علييه !!
معلييش مو هو اللي اندم علييه يعني وقتها انتم كنتم تطالبون بتجديد عقده طيب وبربا
وين يروح والسيير شاريه بـ 30 , يتركه على الدكه صعبه صعبه , وهو اللي دفع الكثير
علشانه , لو ان وقتها السيير ماوقع مع بربا ذيك الساعه اقول حرام يطلع تيفيز من عندنا
لكن بظل التوقيع مع لاعب جديد وجاي بتوصيه من السيير وبعد محاربه مع توتنهام
الكل اجزم ان اللاعب راح يكون خورافي مع المان يونايتد وصار اللي صار بربا
ماارضى طموح الجمهور , وخصوصاً واننا كنا ننتظر مهاجم يقوم بدبل اللي كان يقوم
فيه تيفييز , انا مااقول ان صفقة بربا فاشله لا ومستحيل اقول هالكلام بربا استفدنا منه
الكثيير سواء بالتهديف او صناعة اللعب او الخ اعطيكم ارقام
بربا معنا وتيفير مع السيتي
الموسم اللي فات بربا مسجل 12 هدف بالدوري واسيست 7 ومااخذ بطاقه حمراء
طوال الموسم وبطاقة صفراء واحده فقط
تيفير مع السيتي 23 هدف 7 اسيست بدون بطاقة حمراء 6 اصفر
نجي للموسم اللي قبله موسم 08/09
بربا مسجل 9 , وتيفييز مسجل 5 , بربا عمل 10 اسيست , تيفيز عمل 3 اسيست
كلهم ولا بطاقة حمراء , تيفير ثلاث بطاقات صفراء , بربا بطاقتين ..
موسم 08/07 كارلوس معنا وبربا مع توتنهام
بربا مسجل 15 , تيفير 14 , بربا اسيست 11 , وتيفيز 7 اسيست , بربا ثلاث اصفر ,
وتيفيز واحده , ولا بطاقه حمراء . .
ابيكم تحكمون من افضل بالموسم اللي كان عندنا بربا وتيفييز !!
وبالنسبه لـ الابطاال الموسم اللي كانو مجتمعين فيه معنا بربا كان مسجل 4 وتيفيز 2 ..
من جد عاد الحكم لكم هنا !!
المهم ياشباب بعد الهذره ذي كلها انا مااشتركت بـ ابو ظبي االى الان , الجوله
اللي فاتت شفتها على برنامج SopCast , اقسم بالله قمة الصفاوه وبدون تقطيع انا
اتصالي 4 ومايقطع معي نهائيا , وللعلم مباراة توتنهام بالابطال قلت بجرب ثاني مره
واشوفها علييه وبرضو ماقطع معي , يعني البرنامج الى الان بالسلييم وتقدر تسجل منه
المباراه كامله لو تبي او هدف , زبدة كلامي اللي يبي رابط البرنامج وشرحه يراسلني
على الخاص وراح اقله ايش افضل قناتين تنقل الدوري بأعلى وضوح
الموسم اللي تيفير معنا وبربا مع توتنهام بالتحديد موسم 07/08 : تيفيز (مانشستر يونايتد) لعب 34 مباراه منها ثلاث كبديل ومسجل 14 , و 7 اسيست ..
بربا (توتنهام) لعب 36 مباراه ثلاث كبديل , مسجل 15 واسست 11 . . لاحظ ان بربا شارك اكثر من تيفيز في مباراتين . . ممكن هالمبارتين تخليه يسجل
هدفيين لكن مستحيل يوصل اسيست 11 . . ومايحتاج اقول ان مانشستر فيه عناصر
كانت تساعده على التسجيل اكثر , فما بالك بـ بربا في توتنهام لو كان عنده اللاعبين
اللي كانو يلعبون بجانب تيفيز بتظن انه بينتهي بـ 15 هدف !!
موسم 08/09 كلهم معنا : بربا لعب 31 منها مبارتين كبديل , مسجل 9 و 10 اسيست . .
تييفيز لعب 29 منها 11 كبديل مسجل 5 واسيست 3 . . هنا راح تقولي تيفيز متفوق معلييش .. صح ان بربا لعب اساسي اكثر لكن
تيفيز لعب على حساب بربا كبديل مبارتين حلو , و9 مباريات لعب بجانب بربا
كبديل , لذلك انا اقول لو انه افضل من بربا ذيك السنه كان يمديه بالراحه يتعدى
بربا بالارقام حتى وهو بدييل تيفيز ادوره الدفاعيه ومساندة خط الوسط سيئه
حتى في صناعة اللعب في حين بربا يصنع ويساند الوسط . . تبديلات السير معروفه
بالشوط الثاني بأول عشر دقائق المهم انها قبل الربع ساعه كانت الى في مبارتين او ثلاث. .
اما فيما يخص الموسم السابق واضح تفوق تيفيز لاسباب كثييره راح اذكرك اثنين
اولا ان مانشستر تغيرت طريقة لعبه كثيير وبذلك بربا تحول لـ صانع لعب كثيراً
وحتى الموسم اللي فيه تيفيز معنا كان بربا صانع لعب وغير كذا تيفيز مستريح
بـ مانشستر سيتي لأنه المهاجم الوحيد اللي فرصته اكيده في اللعب بعد خروج روبينهو . .
من جد ابو عابد انا كنت من اكثر الناس اللي يتوقعون ان بيربا راح يكون ثنائي مع روني افضل من تيفيز على اعتبار مستواه مع باير ليفركوزن وتوتنهام بعد لكن على ارض الملعب بعد ما جابه السير الولد ما نجح بالشكل المطلوب واذا دخل تيفيز تلقاه يعمل عمايل ويشكل اضافة وينقذ الفريق بعد وتبين انه افضل من بيربا بدون شك لكن قناعات شايب خخخخ
من جد قناعات شيب يبي ياكد غصب ان وجهة نظرة هو الصح وغيره خطا
طبعا السير ما احد يختلف على اسطوريته كمدرب لكن يوم ما نجح بيربا بالشكل المتوقع المفروض يتنازل عن قناعته ويرجع تيفيز موب يزبد له ومدري وش