يوم الأحد يوم حافل بالإثارة 3ديربيات ديربي بيرمنغهام3.00 + ديربي (Wear-Tyne) سندرلاند و نيوكاسل3.00 +ديربي ميرسيسايد ( ليفر توفيز )5.05 :: ثم قمة الدجاج و الشياطين 7.10 :: أحلى شيئ إني بأختبر ثاني اختباراتي يوم الأحد إن شاء الله يعني مافيه إلا قوة مشاهدة بعدين نفكر بإختبار السبت اللي بعدوووو
ماتشوفني أحاول أتأخر أكثر وأكثر عشان أجمع أسئله يحبها قلبك بعدين إنت وخشتك لاتقعد تتمصلح معي لازخك بالأسئله يعني لازخك << خخخخ ابد خذ راحتك حبيب ألبي انا موفر مجهود كبير لأسئلتك
ويا إنك حبيب بعد هذي تسميها الحين إنتقام الإنتقام الصدقي والكبير جايك جايك إن شاء الله هين يجي اليوم اللي تكون فيه ضيف في رابطتكم بسم الله نبدأ
1- البطاقة الشخصية / الاسم الثلاثي ، العمر ، الكلية أو الجامعة أو موظف ، الوزن و الطول ، اسم أمك << كني كثرت عبدالله جمال
العمر : 23
الوظيفه : موظف ممرض واول سنه لي
الوزن يمكن 70 والطول متر و 72
اسم امي : ام مشعل
2- عبدالله إيزيك ؟
تمام ولله الحمد مو ناقصنا غير شوفتك
3- وش رايك بإنتدابات المانشستر هذا الموسم ؟ وأي الخانات اللي تشوف تحتاج تعزيز ولماذا ؟ انتدبات كويسه بالنسبه لسياسة السير انا اشوف ان الفريق بحاجه الى جناح
السبب مثل مانت شايف اصابة فالنسيا بداية الدوري اثرت كثير على الفريق
وجيجز بعد اصيب فتره بسيطه وناني قبل فتره اصيب لذلك انا اشوف ان الفريق
بحاجه الى جناح وذكرت قبل كذا اني اشلي يونغ او بال ممكن نشوفهم مانشستراويه
4- ماهي هواياتك ووش تكرهـ من الهوايات البعض ؟ هوايتي سلمك الله الشطرنج ولعب الورقه وبالتحديد فيه لعبه اسمها هند
5- الهيئة وش رايك فيهم بكل صراحة تامة ؟ بعض رجال الهيئه يحتاجون الى توعيه وحط خط تحت كلمة بعض
مااحب اتعمق اكثر من كذا لكن البعض منهم تجده شخص واعي وفاهم
وله اسلوب مميز في الدعوه واسلوب مميز في النصيحه
6- تشيلسي وآرسنال ومآنشسترستي لو قآلوآ لكـ من تتمنى يآخذ الدوري من بينهم ؟؟!
طبعآ المانيو يكون بعيد عن المنآفسهـ بتمنى تشلسي موب علشان احبكم يالتشلساويه لكن فريقكم كويس وبطل
وفي كل مباراه ضد السيتي او الارسنال او السيتي تشوفوني اتابع المباراه كأني
تشلساوي
7- افضل ثلآث أسـآطير تشووفهم في العآلم ؟؟! باجيو - ماردونا - كانتونا 8- اذكرلي اعضاء ماتفوت عنهم اي رد داخل الرابطه واذكر لي اعضاء ماتفوت عنهم اي رد من خارج الرابطهـ ؟ داخل الرابطه متابع للكل خارج الرابطه احرص على مواضيع فهد المقاليه
ومواضيع عبدالعزيز المدريدي وكابيلو والاخبار اللي تكتبها انت تشوفني
دايم مسنتر بمواضيعك
9- المجاملة في حياتك ... كم تعطيها ؟ و متى تكثـر منها ؟ فيه امور تحتاج المجامله لانك تعطي دفعه معنويه للشخص اللي تجامله
وفيه امور مره ماتقدر صعب امشيها واجامل لابد اني اطرح رأيي فيها
عموماً مثل ماقلت الامور اللي تحتاج مني مجامله ومنها فايده بجامل
10- وش اللي خلاك تثبـت على هالرابطة تحديدا ً مع العلم إنه فيه مئات
الروابط منتشرة في النت خاصة لـمانشستر ؟ سبب واحد فقط تنقلت بين المنتديات كثير ودخلت روابط مانشستراويه لكن
مثل الوضع اللي هنا مافيش الروابط الاخرى تجد اشخاص ينتقدون لمجرد
انه يسجل اسمه كمنتقد فقط , ويوم انك تجي تناقشه تلاقي هالعضو شاف له
اقرب مخرج او اخذ النقاش بسخريه ومافيه احترام للرأي الاخر ابداً
اما هنا يختلف الوضع تماماً : رابطه منظمه , كل عضو يطرح رأيه ويحترم
وفي النقاش يكون الاحترام متواجد للاراء وعدم السخريه
11- تمارس الكورة و إلا بس متابـع ؟ وش مركزك إذا لعبت ؟ كل اسبوع مباراه فقط انقطعت عن الكوره اربع سنين ورجعت لها هالسنه
مركزي سلمك الله مدافع , متكي طوال المباراه مع الحارس وسواليف وفصفص
12- عادات عجيبة نشوفها هاليومين على الشباب مثل الكدشان و جنز طيحني
و إسمح لي يا بابا ... رأيك فيهم ، هل تؤيد قرار توقيف من يسوي هالعادات ؟
وهل من موقف طريف حصل لك مع هالآشكــال ؟ مو توقيف فقط الا يستاهلون الجلد قدام الناس بعد صلاة الجمعه
فليعذرني شباب الكدش وطيحني والحركات الجديده ذي لكن اللي يسونه
عيب والله ثم والله لو عندي ولد ويسوي هالحركات اجلد فيه بالعقال لين
يقول خلاص ماعاد اسويها العتب هنا على الاب والام وين دورهم في تربية
الابن , للاسف الان حتى ماعاد تفرق بينهم وبين البنات حتى اصواتهم صارت
ناعمه وانعم من صوت البنت ويشتري كريمات وامشاط اكثر من البنات
ممكن اللي يشوف ردي يقول ذا بدوي مُتحجر ومتعصب بصراحه افتخر
بالشي ذا انا , لأن اللي نشوفه لاهو من عادتنا ولا من تقاليدنا
ماعمره صار معاي موقف معهم لأني ابعد عن هالنوعيه كثير 13- إعلامي - فنان - شاعر تكرههم ؟ عطني بالإسم لو سمحت ؟ اعلامي : بتال القوس , فنان : راشد الماجد , شاعر : حامد زيد
14 - داعية كل ما سمعت له لازم تتأثر بـ كلامة ؟ كثير والله : احب اسمع لـ نبيل العوضي طارق السويدان
واحب اسلوب سليمان الجبيلان وصالح الحمودي في الدعوه الى الله
15- رابطة المانسشتر وش تعني لك ؟وفيه أشياء ناقصة في الرابطة و ودك إنها تطبق ؟ رابطة مانشستر هي مكاني الاول في الشبكه مااقدر استغنى عن المشاركه فيها.
اشياء ناقصه : ابد مافيه الا اني اتمنى انه كم عضو يرجع يشارك مابي احدد بالاسم
ولكن فيه اعضاء افتقدناهم
16- جدار برلين لو استمر لسنتين هل كانت له عواقب او فوائد اكثر ... ؟ موب هو اللي كان قاسم المانيا ؟ والله ياوليد اتذكر اني قرأت عنه قبل سنتين او ثلاث
عواقب : اعتقد تفريق الشعب فقط اذا ماخانتني الذاكره على حسب فهمي من اللي قرأته
وقرأت ان يوم الحكومه اعلنت عن فتح المعابر الشعب قام يهدم الجدار بغرض انهم
يبون يتوحدون وبعضهم اخذ له قطعه من الجدار كتحفه فنيه , هذا اللي اتذكره
17- ماهو معنى الصديق الحقيقي بالنسبة لـ MANU10 ..؟ اللي يوقف معي وقت مااكون محتاج له البعض مايقدر يوقف معك
بسبب ظروفه ولكن اللي يتهرب ذا بتتغير نظرتي له
18-اكتشاف كولومبوس لـ قارة أميركا .. نعمه ام نقمه ..؟ مع التعليل ..؟ نقمه اكيد السبب واضح لولا هالاكتشاف الفاشل كان ماشفنا ضعف
الامه الاسلاميه
19- ليش العالمية في الفترة الآخيرة فيها تعصب آعمى و الكل يدرعم و الكل يناقش بعصبية لـ فريقه ؟ وش سبب كل هـ المشاكل الحالية ؟ تكلمت بالموضوع ذا مع المشرفين ولازلنا نبحث عن الحلول
سبب هالمشاكل انه مافيه احترام لـ الاراء ووجهة نظر العضو الاخر
كل عضو يعتقد انه هو على صواب وانه الباقي غلط وفريقه الكويس
وباقي الفرق زلايب والسبب الرئيسي ورى ذلك صغار السن اللي دوبهم
تابعوا الكره العالميه موب كلهم البعض منهم
20- رايك بمباراة تشيلسي ضد برشلونه قبل موسمين بكل صراحهـ ؟ انا لازلت اقولها لأخوياي ان الفريق الوحيد القادر على وقف الزحف البرشلوني
هو تشلسي حتى مع انخفاض مستوى البلوز المباراه ذيك برأيي انها سُلبت من
البلوز وفيه امر ثاني هو رعونة دروجبا في المباراه فيه اكثر من فرصه
كانت بأمكان دروجبا انهاء المباراه لصالح البلوز والتأهل للنهائي ولكن الفلسفه الزائده
هي ثاني سبب
21- وش اللي يشغـل بالك حاليـا ً ؟ حالياً اخطط لأكمال البكالوريس في التمريض في كندا او السويد
22- المرأة في حياة عبدالله ... وش تعني لك ؟ امر اساسي ولكن حالياً صعب اني افكر بالزواج
لأن دراستي لها الاولويه بعد الدراسه ان شاء الله بتزوج
الوالد يقول لي تزوج واطلع كمل دراستك بكل امانه مااقدر اوفق
بين هالامرين لأني تركيزي كله بيكون على الشهاده لذلك انا مأجل الزواج 23- هل أنت مؤيد للعلاقات العاطفية و الزواج عبر النـت و المحادثات ؟ لا والف لا ضدها طوال ماانا عايش هم بس لو يلغون الشات حنا بخير
فساد صار علني بالشات
24-عضو تتأثـر فيه ؟ يعني يشـدك و ما تفوت له أي رد ؟ جاوبت على هالسؤال فوق
25- كم عضو عطيته حظر في هالمنتدى ؟ ابد والله مافي احد عطيته حظر كل اللي طلب ايميلي او انا طلبت
ايميله موجود عندي ومتواصل معهم باستمرار وفيه اعضاء متواصل معهم
على الجوال ومنهم نواف (ديندل ) وايوب عندي رقمه لكن الى الان ماكلمته
هاليومين بكلمه وان شاء الله يرجع بأقرب وقت
26- المنتديات اللي تزورها يوميا ً ؟ و هل منها إستفدت منها دينيا ً و دينيويا ً ؟ شبكة الزعيم الاقلاع متابع فقط النت له فوائد كثير وخصوصاً
المنتديات وفيه اقسام تستفيد منها دينياً مثل المنتديات الاسلاميه
وفيه اقسام تتطلع فيها على احوال الامه الاسلاميه واحوال الناس وتاخذ
منها الحكم والعبر , وفيه اقسام وجودها مثل عدمها
27- هل فيه فريق بين عبدالله خارج نطاق النت و عبدالله MANU10 ؟ ابداً .. عبدالله اللي خلف اليوزر هو عبدالله خارج النت
28- عضو طاقن منه الميانة لدرجة الأخوة ؟ طبعاً بعدي ؟ سؤال محرج شوي لأن انا طبعي شخص اجتماعي وامون على الكل
29- الرابطة .. تحرص على الأخبار أو التعليقات أو السوالف ، و هل
إنت من الذين ما يطفون أي صفحة و تقرأ كل رد بـ الحرف ؟ التعلقيات تهمني اكثر شي , لأن الاخبار اقرأها خارج الرابطه في الغالب
انا مظبط من الاعدادت كل صفحه بها 60 رد لذلك مستحيل فيه رد
يفوتني
30- تتابع المباريات بإستمرار ، أو تحرص على تحميل الملخصات أو الأهداف ؟ باستمرار صعب جداً لأن احياناً الواحد يكون مشغول في عزيمه او انك
مشغول مع الاهل فلذلك تلاقيني احمل الملخص واجي الرابطه واقرأ تحليل الاعضاء
للمباراه بدون ان اكتب رأيي لأني ماتابعت
31- عطني أندية تكرها حيل في كل دوري ( إنجليزي ، إسباني ، إيطالي ، ألماني ، سعودي ) شوف احياناً جمهور نادي معين تخليك تكره ناديهم غضب
الانجليزي : مافيش ولكن الظاهر عن قريب بيصير فيه
اسباني : ابد كلهم احبهم ومااتابعهم
ايطالي : لاتسيو , هالنادي ماحبيته ابد رغم انه كويس
الالماني : البايرن السبب معروف طبعاً
سعودي : اصدقاء نفسهم
32- المنتخب السعودي بعد خسارته ضد سوريا وإقالة بوسيرو ؟ تتوقع إنه بيقدر يعدي من هالمحنه ويرجع ينافس على البطوله ؟ متفائل كثير بـ ناصر الجوهر ومتفائل كثير ان هالبطوله سعوديه ان شاء الله
33- رأيك في التعصب الرياضي ؟ و هل أنت متعصب ؟ ضده وبقوه , انا جالس احارب التعصب بالشبكه وان شاء الله
محاربتي بتكون ناجحه
34- أفضل لاعب سعودي ( هلالي ) مر عليك ؟ يوسف الثنيان
35- أفضل لاعب سعودي (غير هلالي ) مر عليك ؟ قديماً : الهريفي رغم اني مااحب ناديه لكن هو لاعب مميز
حالياً وفي السنوات الاخير : محمد نور
36- بيت شعر دايم تردده ، و من هو شاعرك المفضل ؟ اردده لأني يعجبني
تبغي تشوف اشجع رجل في حياتك شفني وانا مقفي على كثر ما غليك
شاعري المفضل : اثنين هم : الامير بدر بن عبدالمحسن وبن فطيس 37- فنانتك المفضلة ؟ نوال
38- تحرص على المحافظة على صورتك الشخصية في جهازك المحمول سواء ً جوال أو لاب توب ؟ الجوال فقط
39- شخص ما قابلته و تتمنى اليوم اللي تقابله فيه ؟ كثير والله خصوصاً من الشبكه ومنهم انت وان شاء الله اني
اتشرف بشوفتك وبشوفة باقي الاعضاء 40- قأرئ كل ما سمعت له لازم تخشـع بتلاوتـه ؟ ياسر الدوسري وهاني الرفاعي
41- ما هو أصعب قرار أتخذتـه في حياتك و تتمنى الزمن يرجـع و تروح تعدله ؟ ابد ولله الحمد مافي قرار اتخذته وندمت عليه الى الان واتمنى مستقبلاً اني
مااتخذ قرار واندم عليه
42- و طلع لك مارد الصباح و قال لك : لديك 7 طلبات ... وش بتطلب ؟ 1- اكمال الدراسه 2- احضر مباراه لمانشستر 3- هو خله يجي بس
43- إذا إنقهرت من شخص عزيز لك ؟ وش هي طريقتك في التعامل معه ؟ على حسب الموقف لكن ثق تماماً ان زعلي منه ماراح يستمر اكثر من يوم
لأني حريص على علاقاتي مع الاشخاص العزيزين علي ومااحب احد يزعل
مني او انا ازعل منه اكثر من يوم بعدها صافي يالبن عندي حليب ياقشطه
44- رابطة مانشستر .. وش تعني لك ؟ جاوبت عليه
45- أشياء ناقصة في الرابطة و ودك إنها تطبق ؟ جاوبت عليه 46- وش رأيك باللي يحلق شنبه على الزيرو ؟ لامانع من التخفيف لكن زيرو مثل المصاريه مع احترامي لهم
انا ضد وبقوه حلق الشنب على الزيرو , اصلاً يطلع شكله غلط اللي حالقه
47- من وجهة نظـرك وش الفرق بين هذولا () لان أنا من الناس الي أبلش اذا بغيت أحط قلب مدري وش أحط ؟ الحب درجات الاحمر يعني تحبه مره كثر من الاحمر لأنه كويس
48- موقف ضحكت علييييه كثييييييييييير وموقف زعلت علييه ؟ موقف مضحك : والله ماحضرني حالياً
موقف زعلت عليه : هو انتقالي بين بيتنا اللي ولدت ونشأت وتربيت فيه الى
البيت الجديد ماااخفيك سراً انه حتى اليوم وانا احياناً ارجع انام في البيت
القديم في غرفتي القديمه , في البدايه ماكنت راضي اني انقل للجديد
ولكن الوالد عطاني حل , قال خل غرفتك موجوده هناك واذا اشتقت للبيت
القديم رح هناك هذا الموقف اللي زعلت عليه
49- الدوري المحلي تتوقع انه سنة عن سنة يتطور والا زي ماهو التعصب والتخلف هنا زي ماقد شفت واحد نصراوي متعصب صابغ غرفة نومة بالاصفر والازرق ؟ التعصب المحلي اساسه الاعلاميين وبعض رؤساء النوادي
فـ مستحيل يختفي هالتعصب الا اذا انتشلت كبار المتعصبين من الرياضه
مستحيل كرتنا تتطور وهذا التعصب الاعمي موجود
50- من متى وانت تشجع مانشستر وليش اخترته ماخترته تشلسي مثلا؟؟ موسم 2004 - 2005 على مااظن , لأني بالصدفه كنت اتابع التلفزيون
ولقيت مباراه للدوري الانجليزي وتابعتها وكانت لمانشستر وكان مقدم اداء
خورافي في ذيك المباراه وغير كذا عندي خالي مانشستراوي قدييم وكان يسولف
عن مانشستر وفيرغي يعني كان عندي خلفيه عن هالنادي ولكن لأول مره تابعته
كان ذاك الموسم بالصدفه
51- من وجهة نضرك .. تشلسي؟ تشوف إنه يحط كامل قوته على الشامبيزليغ والكأس أفضل من إنه يدخل الدوري
معه لإن آماله بالحصول على الدوري تقريباً أنتهت ؟ بالعكس ماانتهت لو انه الاسباني كان قلت لك انتهت اماله لكن الانجليزي
ماله أمان لكن انا من وجهة نظري يركز على البطوله الاهم بالنسبه له
وهي التشامب لأن البلوز يبحث عنها ودائماً مايخرج بمسلسل تحكيمي
او بمشهد درامي
52- هل شجعت نادي قبل مانشستر ولا إنت مانشستراوي بالفطرة ؟ ماشجعت احد قبل مانشستر ولكن كنت متابع بعض الشي للايطالي والاسباني
وبالاخص ديربي ميلاني وكلاسيكو اسبانيا , لكن ماشجعت احد منهم
53- وش موترك ؟ ذكرت سابقاً ان سياسة الوالد الله يطول بعمره شغل الموتر اللي قدامك وامش
الموجود سلمك الله : هايلكس 2008 وكابريس 2004 وباجيرو 2010 وجيب
قديم شوي لكن وكاله موديل 94 نيسان ذا تحفه فنيه واقف عند البيت فقط
54- و الله ادري إني طولت عليك لكن أتمنى إنك تسامحني ؟ ياشيخ تعال كل يوم ياحبي لك بس اعذرني على الاطاله ولخبطة الاسئله و الانبراش بـ رابطتكم
واسف ان كنت ثقلت عليك الاسئله لاني ماقريت شروط المشاركه بـ كرسي الإعتراف .
واعتذر ان تكرر اي سؤال قبل كذا
لاهنتم جميع . انبرش يومياً ياحقيير
راجع ان شاء الله للتعليق على الاخبار والنقاشات
واعذروني على قلة تواجدي هاليومين بسبب انشغالي مع لجنة تغطية
كأس اسيا
يوم الأحد يوم حافل بالإثارة 3ديربيات ديربي بيرمنغهام3.00 + ديربي (Wear-Tyne) سندرلاند و نيوكاسل3.00 +ديربي ميرسيسايد ( ليفر توفيز )5.05 :: ثم قمة الدجاج و الشياطين 7.10 :: أحلى شيئ إني بأختبر ثاني اختباراتي يوم الأحد إن شاء الله يعني مافيه إلا قوة مشاهدة بعدين نفكر بإختبار السبت اللي بعدوووو
التقديم ان شاء الله بينزل الاربعاء بالليل او صباح الخميس
التقديم عندي لكن انتظر اسماء المعلقين والقنوات الناقله
السمي : يعلم الله ان هالشعور متبادل احرجتني بكلامك والله
راجع لاسئلتك ان شاء الله اعذرني دوبي مجاوب على اسئلة وليد
وشلون أبو العبد 
ياخي أحس إنه ملك لنا ماينفع كذا 
7.10
) لان أنا من الناس الي أبلش اذا بغيت أحط قلب مدري وش أحط 
في غرفتي القديمه , في البدايه ماكنت راضي اني انقل للجديد
× هل جائـزة الآفضل في العالم ستفتقد لـ مصداقيتها مستقبلاً : |
الوضع العادي
