جراح اوين هارجريفز 'يعتقد ان نجم مانشستر يونايتد يقترب من اللعب مرة أخرى.
بعد أن قضى ما يقرب من عامين في محاولة للتعافي من مشكلة في أوتار كانت تهدد حياته في ركبتيه
ويعتقد انه كان هارجريفز على درب العودة الموسم الماضي. ومع ذلك ، إعادته للدكتور ريتشارد ستيدمان في كولورادو للمزيد من العمل لإعادة التأهيل.
"الامور تبدو جيدة لأوين ، كل شيء عملت بها"
واضاف "انه قريب من اللعب اللياقة البدنية "
مدرب ليفربول روي هودجسون يعتقد بان توريس سيضع كابتن اليونايتد الجديد نيمانيا فيديتش على الحافة
هودجسون يعتقد بان توريس وباقي اعضاء فريقه سيكونون متحمسين لاثبات الذات امام اليونايتد - ويامل المدرب بان مهاجمه النجم سيستمتع بكونه سيضع نيمانيا فيديتش تحت الظغط معنويا بعد تفوقه على الصربي في اللقاءات السابقة .
وصرح المدرب لقناة ليفربول " توريس إنسان - وليس آلة. حقيقة انه لاعب جيد للنادي لا يعني انه سيكون أداءه عبقري في كل مرة يكون فيها على ارض الملعب ، لكنه دائما يريد ذلك . اللاعبون الجيدون هم لاعبين جيدين ، واللاعبين الجيدين سوف يكونوا دائما في المقدمة .
" يوم الأحد انا متأكد انه وباقي الفريق سيثبتون ان الاحد الماضي كان واحدا من الماضي , خصوصا بعد الانتقادات التي تلقوها .
" انا لا أؤمن دائما بتلك النظريات لكن فيديتش سيكون قلقا منه .
صرح السير " لم أكن شخصيا ابدا . انت يجب ان تختبره وليس انا ", في اشارة من السير لسلوك بنيتيز . " كنت دائما احظى بعلاقة جيدة مع مدربين ليفربول . كلا الفريقين كانا دائما مايعالجون الوضع بالطريقة الصحيحة بعد المباريات . " ذلك تغير تحت ادارة النظام الماضي , لكنه ليس شيئا مهما بالنسبة لي ".
سـلام علييكم , في البدايه اعتذر عن انقطاعي عن الرابطه بسبب ذهابي
للرياض لـ مساندة الزعيم والف مبروك فوز الزعيم , الحمد لله تعبي ماراح
بلاش للأسف انشغلت كثير وماقدرت اقابل احد , بعض الاخوان دقيت عليهم
وكنت اتمنى اني اقابلهم ولكن كانو خارج الرياض , ان شاء الله مره ثانيه نشوفكم
بقولكم شغله وانا رايح للمطار راجع لـ تبوك انا طبعاً حجزي انتظار وماتأكد فـ قلت
اشوف اقرب حجز ومالقيت غير يوم الثلاثاء الجاي عاد انتم تعرفون دوامي السبت
فـ مايمدي اتأخر المهم وانا طالع من المطار بشوف لي تكسي يوصلني عند الكداديين
الا اشوف ولد شباب طبعاً الي قبل الولد الشباب ذا كلهم يقولون لي 90 ريال وانت
طالع المهم ان الرجال ذا وصلني للمكان اللي ابيه بـ 30 ريال , عاد يوم وصلت
مالقيت احد يوصلني غير بـ 1500 ريال , الرجال ذا قالي والله غالي , مو مشكله
انا اوصلك انت واخوياك انا بسافر لـ تبوك , اقسم بالله ان الرجال ماقصر اخذنا
معه للبيت وتقهوينا عنده وتغدينا ومشينا , اقسم بالله الرجال احرجني بطيبة اخلاقه
الله يوفقه وين ماراح
المهم ماعليينا نجي للموضوع الاهم واللي هو انا قرأت ردود كثيير تنتقد السير
على التشكيله اللي لعب فيها , والله يااخوان تعبت وانا اتكلم اقول الانتقاد بدون
هدف ماراح يوصل لنا معلومه او نقاش له فايده , اذا فيه انتقاد عطيني الاسباب
اللي دفعتك انك تنتقد التشكيله , طبعاً الكل عارف ان عندنا مباراه يوم الاحد ضد
ليفربول ومايحتاج اقول ان ليفربول يصير قدامنا نجوم العالم وغير كذا فرق بيننا
وبين المتصدر اربع نقاط , الظروف اجبر السيير انه يلعب بالتشكيله ذي وعلشان
اكون صرييح معكم التشكيله اعجبتني كثيير فيها توازن وتفاهم بين الخطوط رغم
ان الاغلبييه اول مره يلعبون بتشكيله وحده لكن الفريق اللي قدامنا جاي يدافع حتى
مرتدات مايبون يلعبون علييها , ونجح بـ باللي جاب علشان رينجرز , كنت اتمنى
اننا نشوف جيجز بدري ولكن اصابة فالنسيا حاست الامور عند السييير اسوء لاعب
في المباراه من وجهة نظري بارك , شي ثاني الكل كان يتمنى اننا نشوف خافيير
اساسي بجانب روني من بداية الموسم وصار هالشي , السيير بدأ اساسي فييه
يبيه ياخذ الثقه واثبات نفسه في هالبطوله ولكن اللاعب ماوفق عموماً مباريات كثيره
قدامه ممكن يعمل الفارق فيييها , مجمل كلامي ان مستوى اليونايتد ماكان سيء
وعلشان اكون صرييح معكم ماكنت اتوقع ان هالتشكيله تلعب بالشكل الممتاز اللي
شفناه , لكن الكل زعلان علشان ماسجلنا , او خليني اقول التعادليين السابقيين
الى الان مأثره فييكم , نرجع ونقول حنا ببداية موسم , والمشوار قدامنا طوويييل
يعني انا استغرب شغله من زعلكم المبالغ فييه على مباراة رينجيز !! مدري عندي
احساس انهم متوقعيين اننا مانتعدى هالدور ولا كييف !! ياشييخ لو صار هالكلام
ماراح تشوفني بالشبكه لمدة ثلاث شهور ياجماعه فريقيييكم مانشستر ومدربه
فيرغي يعني الخوف ماله داعي . .
الشي الوحييد اللي زعلني وسبب لي ضيقه , اصابة فالنسييا كنت اتمنى نشوفه
اساسي ضد الليفر لكن يالله مايشوف شر ان شاء الله يرجع لنا بأقرب وقت مع
ان الاخبار ماتبشر بالخييير
عزوز كل تبن ادق علييك ماترد . .
احمد اقسم بالله وجودك بالرابطه ومشاركتك بكل حرف معنا شرف لنا
عمر ولكم باك سير مصعب ولكم بااااك و ولكم لكل الشباب اللي رجعوا
فهد وخااالد , قلوب من هنا الى لاس فيجاس , الف الف شكر لكم على التقديم
المميز اقسم بالله احرجتموني بالشغل الجامد اللي عملتوه , لبى قلوبكم
سـلام علييكم , في البدايه اعتذر عن انقطاعي عن الرابطه بسبب ذهابي للرياض لـ مساندة الزعيم والف مبروك فوز الزعيم , الحمد لله تعبي ماراح
بلاش
المهم وين سكنت بس
مبروك الفوز وكويس تعبك ما راح على الفاضي .. بس وراك رجعت تبوك كان تكيت كم يوم وبعدها فليتها للدوحه
بصراحه ما ادري مع اصابة فالنسيا وش بيكون التكتيك ؟! اعتقد وبقوة ان السير بيرجع روني للجناح .. وبنشوف معه مهاجم ثاني يا بربا يا هيرنانديز وعلى الاغلب بربا اللي متالق هالموسم ... يمكن اصابة فالنسيا يعني تعطي اشارة للادارة وفيرغي انه استحو على وجيهكم واصرفو فلوس يا عيال الكلب .. كل سنة المانيو اكثر نادي ارباح وايرادات وينتهي الصيف واحنا ما وقعنا الا مع ورعين عشان نطورهم وبعد 4 سنين نبيعهم لمدريد .. ودي اعرف الحين مين بيغطي مكان فالنسيا وايش بيسوي السير ؟! والله يستر من مباراة الليفر بكره ؟! .. بس مدري ليه متفائل في اوشيه
بصراحه لو قالو لي وش امنيتك .. اقولكم يحطوني مشرف بالمنتدى .. ما لي صلاحيات ابدا الا على رابطة المانيو .. وبالرابطه برضو ما لي صلاحيات الا بتعديل الرد اللي يحتوي على كلمة " السير ابخص " .. اقلقتو امنا يا عيال الذينا الى الحين مصرين ان السير ملاك وما يغلط وكل شي يسويه هو حاسب حسابه وهو قاصد .. حتى اصابة فالنسيا السير ابخص ااااااخ بس الله لا يسلطني عليكم يا عيال السير ابخص .. الا غصب السير ما يغلط ؟! فيه احد ما يغلط ؟! روقونا تمجيد وتعظيم يرحم امكم ... السير فري فري كويس بس لا توصولوه لدرجة الرجل الذي لا يغلط
مبروك الفوز وكويس تعبك ما راح على الفاضي .. بس وراك رجعت تبوك كان تكيت كم يوم وبعدها فليتها للدوحه
هلا وغلا دحمي طال عمرك سكنت بشقه قريبه من مطعم العاذريه والله
انه مطعم خطيير مارحت لغييره اللي عطيتني رقمه يستهبل علي يقول عوائل
والله يادحمي لو ماعندي دوام كان دزييت للدووحه ولكن الله يقلع الدوام
من زمان وانا اتمنى الكبتينيه مع فيدا لأنه بكل امانه لاعب يستاهل وحش
داخل الملعب وان شاء الله يستمر على مستواه الخورافي
ماعندي كلام اقوله لكن بكل امانه علشان اكون صرييح معكم الليفر بأسوء حالاته
قادر على الفوز , ماني متفائل كثيير بمباراة بكره , لأن سجلنا ضدهم في السنوات
الاخيييره مايبشر بخييير , لكن ان شاء الله ان وحوشونا بكره تكون في يومها و
يهدونا الفوز بعد الثلاث تعادلات السابقه
علشان اكون صرييح معكم لو كل الرابطه تنتقد فيرغي , انا بكون معارضكم
بكل حرف فيه نقد لـ فيرغي ولا احد يلومني على هالشي , مااحد معلقني بـ
مانشستر غيييره , كيف تبوني اشوف احد ينتقده ومااتكلم صعبه صعبه بالحيييل
سؤال يطرح نفسسه لـ بعض النقاد هل تتوقعون لو مدرب غير فيرغي يدرب
مانشستر ويطلع اثنين من اهم العناصر ويحقق المركز الثاني بفارق نقطه وكان
من الممكن نحصد الدوري لولا الاخطاء التحكيميه لكن مو مانشستر اللي ماياكل بيده
وموسم عانى فيه الفريق من اصابات بالجمله لدرجة ان لاعبيين الوسط صارو قلوب
دفاع , وبرضو الفريق يمشي فالسليييييم . .
عيب علي في يوم من الايام اذا انا انتقدت فيرغي طال الزمن او قصر فيرغي يبقى
الافضل في التدريييب والبقييه متدربييين
دااايم نقول نبي رضاوه والسير يلبي المطااالب , نقول دبرنا يافيرغي وبرضو يكون
قدها , ان شاء الله نشوف فيرغي بكره بتشكيله حلوه وفوز احلى ويرد على جميع
المشككييين والنقااااد . .
معليييش ياشباب تدرون لييش انا كتبت هالكلام لأني دوبي متناقش مع شخص عن
فيرغي ووصل النقاش لطريق مسدود وموب راضي يقتنع بداية النقاش كان نقد منه
لفيرغي وهذا اللي خلاني اانااقشه في هالايام الكل صار ينتقد فيرغي ولدرجة
ان البعض صار يقول موري افضل والله عجزت اهضمها , بالله اعطوا موري
تشكيلة مانشستر الحاليه ياشيييخ اعتزل متابعتي للكوره لو جاب بها بطووله , معليش
موري مدرب كوييس وكل شي , لكن يعتمد على جلب النجوم ويوظفهم لكن انه يمسك
فريق فييه لاعبيين مستواهم مابيين متوسط وقوي , ابقى قابلوووني قلت قبل
ويمكن البعض ماقرأ ردي بالرابطه السابقه , لو فيرغي اعتزل مافي مدرب كفؤ
يدرب مانشستر غيير اثنين , هيدينك او اونيييل . .
اول شي كل عام وانتوا بالف خير وصحة وسلامة
واعذروني على التاخير
بالنسبة لمبارياتنا الاخيرة انا ما اشوف انها تستاهل كل هالزعل ,, مباراة رنجرز تونا باول مباراة وقادرين على التعويض
ومباريات ايفرتون وفولهام صحيح ان التعادل باخر المباراة وبهالطريقة يقهر
لكن تونا بداية الدوري والمنافسة ببدايتها ..
وبعدين ايفرتون وفولهام التعادل معهم موبذاك السوء خصوصا ان المباراتين على ارضهم
وماننسى انا خسرنا قدامهم العام كلهم وبمستويات اسوأ بكثير ....
وبما انها بداية الدوري ان شاء الله تكون رجعتنا من مباراة بكره اللي صراحه تخوف
صحيح اني متفائل بالفوز لكن مهما كان الليفر فريق كبير واتوقع بيكون منافس قوي بكره
خصوصا ان هالمباراة تعتبر هي كلاسيكو البريمير ..
السير زعلان على اللعيبه ومهزأهم وأتوقع ان هالوقت انسب وقت اننا نخطئ ونصحح اخطائنا
واتوقع ان اللاعبين بيحاولون يرجعون ثقة السير فيهم ويعطون كل اللي عندهم ونكون طلعنا بشيين
ثلاث نقاط وفوز معنوي على الغريم التقليدي ليفربول وهالشي بيكون دفعه كبيره للاعبين
اكبر خسارة لنا هو فالنسيا صحيح ان ناني بياخذ فرصته بالجناح الايمن
لكن منو بيلعب بالجناح الايسر ؟؟؟ بارك هجوميا مو فعال جيجز كبر سنه مايسمح له يلعب جناح المركز اللي يبي له لياقه
عاليه وسرعه اوبيرتان عساه بس مايكون مصاب
انا ما اتوقع ان السير بيرجع روني زي ماقال الهلالي11 خصوصا بعد مستوى روني الخرافي
اللي قدمه كراس حربه ثابت صعب يخسر كل هالابداع ويرجع روني هذا غير ان روني يحب يلعب راس حربه ثابت
انا اتوقع ان ناني يمين وروني راس حربه وراه بربا اللي يرجع يستلم من ورا
ويساعد بارك اللي بيكون على اليسار لان بارك مو ذاك الزود هجوميا ولياقته العاليه
تجبرك انك تطلب منه يرجع يساند الدفاع .. انا اتوقع ان السير بتكون تشكيلته كذا اغلب الموسم ...
بالتوفيق لنا وسوري اذا طولت
ذايب سؤال ودي اسالك اياه من زمااان ( ياخي انت عندك مشاعر واحاسيس ؟؟ يعني مايجيك يوم تكون طفشان ومالك خلق ولا اي شي ومالك خلق ترد ولا تترجم ... ماشاء الله عليك )
مهاجم ليفربول فرناندو توريس " هذه المباراة تعني كل شيء بالنسبة لمشجعينا "
توريس الذي كان بعيدا عن مستواه المعهود الاشهر الماضية ولكنه يبقى دائما
مثيرا للرعب لدفاع اليونايتد قال " نحن الفريقان الأكثر نجاحا في انجلترا لكن لم يكن جيدا بالنسبة لمشجعين الليفر مشاهدة اليونايتد يحصل على نجاحات عدة المواسم الماضية , نحن حقا نأمل ان نقدم بطولة للمشجعين هذا الموسم - كما نأمل ان نهزم اليونايتد لأجلهم ".
السير اليكس صرح عن مباراة اليوم " مباراة اليوم هي الأم لكل مباريات الديربي ".
والله يا هو شعور انك ما تدخل النت بعد مباريات فريقك الشينة ..
كان دايم عندي قناعة اذا فريقي انهزم او تعادل بمحل الهزيمة ما ادخل النت الا بعد يومين او ثلاثة واقرا كل الردود وترجعلي ضيقة الصدر هالمرة بعد مباراة ايفرتون قلت ابدخل بعد مباراة رينجرز ولا اشوف اللي قبل .. تعادل المان مع رينجرز ما كان سيء علشان كذا قريت الردود اللي بعد رينجرز وشفت ناس مبالغين بالسب وضيقة الصدر .. يعني هل تتوقعون ان المان مب متأهل بالصدارة مثلا ..
والله حلاتها نتأهل الثاني ونباري برشلونة .. فيه ديوووون يا شباب وانتم ابخص السير والديون <<< ما جاب طاري الـ 4-0 ابد ..
السير ابخص او اليكس نوز يعني تعادلنا وش صار .. ان كان فيه انتقاد للسير فهو شي واحد تلعيبته لبارك لو انه مطبب جيجز من البداية كان شفنا شغل ثاني .. برضو هرنانديز ما يصلح مع روني ابد للاسف وما يصلح يلعب ضد فريق مقفل ..
اللي اتوقعه ان السير كان متوقع شيئين من الرينجرز يا انهم يلعبون بطبيعتهم او يقفلون وهذا اللي صار .. لو لعبو بطبيعتهم عندك بارك وعندك هرنانديز يصلحون لذا الشي لو قفلوا التشكيلة اللي لعبها كانت تدل على انه متوقع ذا الشي .. لكن اللي صار انت شفت ان كوزتشاك ما شفناه الشوط الاول ابد طلع بارك وطبب جيجز بكل بساطة .. برضو طلع هرناندز وطبب اوين يحب مثل ذا الافرقة والعام هو هدافنا بدوري الابطال بعد روني ..
التعادل اشوفه عادي بصراحة بالنسبة لي كلين شيت + الريكورد حق الهزيمة على ارضنا ابغاه يستمر صحيح حنا في البداية لكن هذا دافع للاعبين .. مباراة الليفر اخذت كل تفكير السير وبالنسبة لي انهزم ضد الرينجرز بالـ 6 ولا اتعادل او انهزم ضد الليفر ..
دوري الابطال قدامي 5 مباريات غيرها ونص المجموعة تتأهل فاذا ما تأهلت بالاول تأهل بالثاني بكل بساطة .. اما الدوري انت الحين بفارق 4 نقاط خلف المتصدر اللي ما دخل مرماه الا هدف واحد في الدوري وله من بدا الموسم في كل المسابقات 21 هدف وعليه 2 بس يعني فريق ماشي صح .. صحيح اني اتوقع لهم يخبطون لا جاء وقت الجد في الدوري والتشامبيونز بسبب ضعف الاحتياط اللي عندهم .. لكن خسارتك او تعادلك ضد الليفر يعني انك فرق 6 او 7 نقاط ورا تشلسي يعني اقرب للسمتحيل ..
فولهام رجعوا على حسابنا ايفرتون رجعوا على حسابنا ما ابغى ليفربول يرجعون على حسابنا بعد ..
فوز الليفر يعني انهم يعادلونا بالنقاط .. حتى احطكم بالصورة بس .. المان غير قابل للخسارة من بداية الموسم حتى الان لكن في الغالب خسارة وحدة افضل من تعادلين ..
لو تلاحظون في المباراة الماضية والمباراتين اللي لعبتهم انجلترا تحول روني من راس حربة الى صانع لعب وبدع الكلب .. يعجبني اللاعب اللي عنده كرياتيفتي يعني ممكن يصنعلك ويسجلك ويملك القدرة على انتشال الفريق وبناء الهجمة .. سرعته وقوته تساعد في بناء الهجمة المرتدة .. هالشي حصل في هدفنا ضد الارسنال العام .. روني بدا الهجمة وناولها لناني ومنه لروني وهوبا والقول الثاني .. هالشي برضو سواه في هدف ديفو الثالث اللي صنعه روني بنفسه ..
كل المطلوب ان بربا يستمر على مستواه وروني يسوي زي ما سوى مع انجلترا وسكولز ما يحتاج نوصي حريص ..
انا متطمن بشكل ما تتصورونه من توريس بسبة فيديتش .. الخطا الوحيد اللي وساه فيديتش هو في مباراة الـ 4-1 .. غيره ما سوى اي خطأ ضد توريس ..
العالم تكبر الخطا على المدافع لكن ما تشوف اللي سواه فيديتش ضد توريس في مباراة الـ 2-0 لصالحهم .. قسم بالله توريس ذيك المباراة شوي ويبكي .. فيدتيش كان شايل الدفاع على راسه .. لقطة وحدة فيديتش ترك توريس للريو وجاء منها القول ولو تلاحظون بالهدف فيديتش ضغط على بن عيون واشر للريو امسك توريس .. الريو كعادته اخر سنيتن بالمباريات الكبيرة يفهي واجد وما انتبه الا توريس سافطه ويكاتفه هو وجهه على باله زي قبل سنيتن .. على طاري قبل سنتين .. اول موسم لتوريس اللي هو 2007 - 2008 اللي كان احسن موسم لتوريس في حياته وكان اخر عهد للريو بابداعاته .. من يذكر وش سوى الريو بتوريس والله يا حشره حشرة .. توريس في اول هدف له صفط تيري صفطة وجاب قول ضد تشلسي جاء للريو قال صفطت احسن مدافع بالعالم اخر سنتين عاجز عليك انت وبرطمك .. ما درى الا قدامه وحش ولو تلاحظون بالمقطع اللي تحت وشلون جماهيرك المسكينة حالها من حال توريس العاجز .. لكن لكل زمان دولة ورجال وهالزمن زمن فيديتش يوريك شغلك ..
الحين اتوقع السير انتهى من شغله مع اللعيبة خصوصا ان 90 بالمية منهم مريحين .. ترى عادي السير يلخمنا ويلعب الريو اساسي .. عاد اللخمة صدق لو لعب اندرسون اساسي .. تبي تشوفون جيرارد يدق على فابريقاس يقوله وش السواة الحين .. يرد عليه فابريقاس سو نفسك مصاب احسنلك ترى بيحطك بمواقف بايخااااه هههههههههههههه ..
بالنسبة لاصابة فالنسيا ما احب اتكلم عنها كثير بس اقول انها راح تكون فرصة لناني انه يحجز الجناح الايمن اللي نبي نشوف ابداعاته فيه اهم شي يستغل سرعته ورجله وعرضياته زي عرضية فلتشر ..
الفرق بين ناني وقيقز كلهم يمطرسون بصراحة .. لكن اذا ناني مطرس اعتبر الهجمة ضاعت جيجز اذا مطرس فهي مطرسة بعدها هجمة خطيرة او هدف .. ناني تعرف من بداية الهجمة هل هي بتكون خطيرة او لا .. جيجز عكس .. ما تعرف وحتى السير ما يعرف .. بس جيجز اللي يعرف ..
والله ما ادري باركتلكم بالعيد ولا لا .. كل عام وانتم بخير .. وروني يقولكم ابعايدكم بهدف ضد ليفربول ..
نجي للموضوع الاهم واللي هو انا قرأت ردود كثيير تنتقد السير
ياجماعه فريقيييكم مانشستر ومدربه
.. كل عام وانتم بخير .. وروني يقولكم ابعايدكم بهدف ضد ليفربول ..
الوضع المتطور
