يسعدلي صباحكم يا شلة مجانين << و يازين الصباح و أنت نايم و مروق البارح بس صوتك فيه أبو بحّه ^__^, كُل شيء بحمدٍ من الله على ما يُرام << فيهكلام أبو كثيــــــر و الله, بس ماني عارف من وين أبدأ ولا كيف أنتهي, بس باخذه على شكل أبو نقاط و بحاول أختصر
\\
- لوبونت << والله من بعد الخمسه قبل الدوري كنت غاسل يدي و أول ما شفتك أساسي قلت الله يستر, و مع كل دقيقه تمر تخليني أسكر فمي و أحرك يديني و أصفق, بس أصفق << كبير يا القط والله كبيــــر
- ريزا << ياخي والله حرام منت إيطالي, إي والله, إنت رومانيستي أصيــــــل و روح مامثلها مثيل, الحمد لله على السلامه يا بطل و قال إيش, قال مايكون قال << أقول كيف الحال ؟ !!
- جوان << هذا هو خليفة آلدايير, هذا هو جوان الذي نعرف, ثقه تركيز و آداء كبير << صحيح بغيت تجيب أبو أم العيد في كوره وحده, بس هفوه ماتضر مادامها ماجت قول
- بورديسو << يلعن شكلك و شكلينك بعد يادب يا منتهي يا أرجنتيني << وش ذا كله الله يخرب بيتك, و ربي أول مره في حياتي أقتنع فيك عن جداره و إستحقاق و أبو ضمير بعد, إيه دا كُله إيه دا كُله << مِني أنا أُعطي بورديسو نجومية اللقاء << الرقم (1) في اللقاء .. !
- كاسيتي << يا لبا كُلش, إيه كذا سكتهم الحبايب الي هنا, ذاك راعي الشسمه و الإخوه الأعداء والله لقاء من لقاءات العُمر يا كاسيتي, صحيح فرط إيتو في كوره و كمٍ وحده من النص, بس والله يا حشرته حشره مامثلها, كفو يا ذيب كفو . .
- بيزارو << أنا أجزم و أكاد أقسم إن هالأفغاني يصمخ له زقاره حشيش قبل لا ينزل الملعب << ياجماعه وش يسوي هالنزغه ذا وش يسوي بربكم عقلة الإصبع هذا وش يسوي, صحيح في بعض الكرات إستعجل فيها, تمريرتين تقريباً طوليتين بالغلط و تسديده ماكان لها داعي << بس والله تحشيــــــــــش مافيها كلام . .
دي روسي << أفضل لقاء لك هذا الموسم, كنت خايف منك كثير والله بس الحمد لله رأينا جزء من دي روسي الحقيقي الي نعرفه << إستمر يا برنس . .
- بيروتا << لازلت أقول و أؤمن و واثق بكل معنى الكلمه, بأنك الجندي المجهول في الفريق << فيه لاعبين يتحركون من دون كوره و حتى لو ماتمر عليهم الكوره في الهجمه أو تمر عليهم في المرتده << لكن تمركزهم آداءهم مساندتهم و مهمتهم الخاصه تكون على أكمل وجه << والله يا جماعه سيميوني بيروتا جوهره و التكتيكي الأول في الفريق بلا منازع . .
- مينيز << لو بقعد أسولف لين بكره ماراح أخلص, يا زبال يا فرنسي يا منتهي وش سويت فينا و في الي كان خويٍ لنا وش سويت << والله يوم شفت صياح كيفو لـ بينيتز إنه إنحشر ضحكت و قلت في قلبي إشرب إي والله إشرب << مينيز جوهره يجب عدم التفريط بِها << و أعطيه اللاعب الثاني باللقاء (2)
- توتي << روقان على آخر حد و الشوط الأول بالتحديد, بس كان الفريق تقريباً متراجع << في الهجوم مانشوف غير توتي و بوريللو و مينيز + تقدم متأخر من ريزا << لما تكون المرتده سريعه, بس لما يمسكون اللعب الشباب و يطقطقون على مخ الإنتر و لاعبينهم, يحلى الوضع و يكون أحلى و أحلى << ليتك سجلت البارح أي والله ليتك سجلت . .
- بوريللو << الصفقه الأنجح هذا الموسم و بِلا نقاش, يوم عن يوم يثبت إن له مستقبل بإذن الله تعالى واعد في روما, يحتاج للمسانده أكثر + التفاهم مع كُل اللاعبين و ليس توتي فحسب << الكوره الي عرضّها مينيز قراءته لها كانت خاطئه << توجه للكوره و قصر المسافه و الكوره سريعه, في حين كان عليه التوجه للمرمى مع إتجاه الكره لكي يوسع المسافه و يستطيع الوصول للكره في الوقت المناسب و لا تتخطاه . .
- فوزي << هدف يوازي وزنهُ ذهب << سيعطيه دافع أكبر لكي يؤدي أكثر و ترتفع معه نفسيته و يقدم آداء أفضل و يعود فوزي الذي نعرف . .
- بريغي << الدقائق القليله لم توضح شيء, لكن جميل أن يكون لدينا بديل بمثل آداءه و هدوءه . .
- باتيستا << إن شاء الله ياخذ فرصه أكبر و يرجع بس لمستواه الفعلي, اللاعب بحاجه ماسه لكي تعود لهُ الرغبه في اللعب و تقديم كُل ماهو رائع << الأمر نفسي أعتقد أكثر من كونه فني . .
\\
أبو دبه دبابه, أدريانو مخيس << بدت المشاكل و بدا وجع الراس و خير يا طير يا دب يا هيش لما يقولك المدرب إنزل آخر عشر دقايق << وين المُشكله وين المشاكل في هذا كله, وش هالغرور و التعالي, نعنبو غيرك وزنك 200 و صابرين عليك أنت و خشتك الي تجيب الفلس و تنفخ و تزعل بعد, إمحق صفقه والله << قسم بالله ياريت ياريت قدرنا نجيب راؤول بداله وربي يا ريــــــت, بس الله يعديها على خير و عساه ما يخرب معاه كم برازيلي .. !
\\
قلت لكم ألف مره أصبروا على رانييري يا جماعه الله يرحم والديكم و يخليكم تكفووووووون لا تجيبون طاري تغيير, تونا في أول المشوار و الحمد لله الحين أقدر أقول إنها البدايه الفعليه بإذن الله للفريق << مافي إنطلاقه أحلى من كذا, على الإنتر أول فوز للفريق والله شيء ممتاز و دافع معنوي كبيــــــر . .
\\
خارج النص << أسألكم بالله من جدكم ليوناردو مدرب كبير << يا هوه تكفون والله إني مصدوم من ناس لها تفكير كبير و تقول ليوناردو مدرب ممتاز << والله ثم الله إن التدريب في جهه و هو في جهه, خلوها على الله و إحمدوا ربكم و أشكروه على الي حنا فيه, رانييري والله ما مثلُه ^__^ . .
\\
يا جماعه فديتكم أبي كم لقطه ولا عليكم أمر:
1- أنشوده روما روما روما << قبل بداية اللقاء, تعودنا مع الجزيره بنت الكلب مانسمعها للأسف.
2- المعلق الداخلي للملعب بعد هدف فوزي و هو يصيح بإسمه و الجمهور يردد معاه
3- لو فيه ردات فعل الجهاز الفني و البدلاء للهدف يا سلام.
و لا خلا و لا أبو عدم . . .
خروج توتي كآن في محله بصرآحة
أوكي كآن يتحرك كثير و و و , لكن الفريق كآن محتآج وآحد أسرع منه
أنا معك كنا نحتاج لمهاجم سيريع وكنت متأكد لو دخل فوجي بينهيها بس مو مكان توتي توتني أوكي فيه كم كوره جلس يستعرض فيها بس كان مسوي شغل كبيييير يستلم من المحاور ويسلم لمينيز أو بيروتا أو ريزا أو كاسيتي بعد ماطلع شفنا الفريق ضايع والانتر مسك اللعب كله حتى دخل بابتيستا شسمه الزبده اللي أبي أوصله لو من أول ربع ساعه من الشوط الاول سحب بوريللو اللي ماقصر وحط فوجي كنا ممكن ننهيها بدري وبدون حرق أعصاب المهم بأمسك العيال واحد واحد:-
لوبونت:_ كان شعوري مثل أبو كابيلو خايف منه كثيير بس الحمد الله قدم أداء جيد ولو أن الخروج في الركلات الثابته عيب كبير فيه بس يمشي الوضع الى مايرجع سيرجيو
كاسيتي:- مباراه العمر بالنسبه له أدار خورافي بالنسبه للاعب بأمكانياته صحيح 1 ضد 1 سئ ودلخ وحتى أنا امر منه بس كان له حسنات بهـ المباراهت خصوصا الكورهـ اللي بوجهه
جوان وبورديسو:- رجعوا الثنائي اللي عرفناه الموسم الماضي خصوصا الخال قدم أداء خورافي وأنهى كل الهجمات له غلطه وحده والحمد الله ضاعت
ريزا:- وقسم حرام أتكلم عنه أخاف ماأوفيه حقه كتم مايكون وسوا شوارع في الجهه اليسار أول مرهـ أشوف مايكون واقف زي كذا واصل واصل يامخيس وفالك الكبتنيه بعد توتي أن شاء الله
دي روسي وبيتزارو:- الافعاني وخويه أن كانو بيومهم النقاط الثلاث بالجيب روقان غير طبيعي من الافغاني أخيرا ترك حركاته ورجع ودي روسي مافيه جديد
مينيز:-قدم مباراه حلوه ألا خورافيه وأداء كبير وبرضو فتح شوارع في الجهه اليسار للانتر بس عيبه الوحيد واللي ماتخلص منه هو الاحتفاظ بالكورهـ أكثر من اللازم في أكثر من مرتدهـ لنا يقدر يلعبها لتوتي أو بورييلو يفضل التسديد ولا يتقدم وتطلع لو واصل ع هـ المستوى وخفف من الاحتفاط بالكورهـ صدقوني بيجيب مبلغ كويس ونبيعه
توتي وبورييلو:- أكبر غلط من رانييري أن لعبهم مع بعض وخلا بيروتا يلعب جناح أيسر الاثنين كلهم بطيئين بس لكل واحد خصائص حلوهـ يعني لو لعب رانييري بفوجي يسار ومينيز يمين كـجنحه وتوتي وبورييلو قدام ثدقوني ماحد يقدر يوقفنا خصوصا أن مشكله البطء بتنحل بتواجد فوجي ومينيز ع الاطراف وصناعه اللعب ع توتي وبورييلو التسجيل الزبدهـ في مباراه أمس توتي قدم أداء حلو وأكثر من هجمه صنعها قدام بس المشكله برضو بالبطء يعني لو تواجدوا توتي وفوجي من بدايه الشوط الثاني كنا بنخلصها بدري وفوجي طبعا ماشفناه الا بالهدف لبى كلش يالمزاجي
رانييري:- أعطيه 9 من 10 وسبب اللي خلاني أنقص واحد هو أن تأخر كثييير بالتبديلات خصوصا ان بوريللو كان واقف الشوط الثاني
غوتي يعطيك العافيه أو كابيلو أن لقيت طلياتك حطيتها
بمناسبة الحديث عن ماركو بوريللو .. أنا الصراحة أشوف أنه صفقة ممتازة و أبو الشباب جالس يقدم مباريات حلوه من يوم جاء , يمكن مهاراته الفردية ما تساعده كثير لكن يكفي أنه يقاتل و يراكض و يبثر أبو الدفاع و فوق ذا يقص ..
بخصوص أدريانو على ما قريت أنه ما كان جاهز 100% أو أن رانييري فضل باتيستا عليه باالأخير و أنه رفض الدخول هذا كلام عار من الصحة ..
عموماً أدريانو لازم يصبر و حنا نصبر عليه بعد .. لو نقدر نعيره بالشتاء لأحد أندية الكالتشيو و نرجع جوبيرتي شيء راائع ..
اشتقنا للمزيون تادي , هالاعب تمنيته لو أنه موجود ضد الإنتر , لاعب يطلع لك حلول هجوميه دايم ..
هذا بالله شارينه بـ5 مليون بس ! و الزرفه العظمى أن كييفو ماخذينه الإنتر بـ15 مليون ههههههههـ ..
اللي أبي أوصله لو من أول ربع ساعه من الشوط الاول سحب بوريللو اللي ماقصر وحط فوجي كنا ممكن ننهيها بدري وبدون حرق أعصاب
نزل جدولك ؟
شسمه معليش مشعل لكن سآلفة إن توتي رآس حربة تقهرني بقوة
آكيد شفت مبآرآتنآ مع تشيزينآ و العقم الهجومي اللي كآن موجود
توتي مع احترآمي مآينفع أبد يكون رآس حربة , و إن صآر اللي
كنت تبيه أنت ويدخل فوزي مكآن بوريللو , مستوعب إن لوسيو هو اللي بيمسك توتي ؟
لوسيو بثر جداً وتوتي غير قآدر على مجآرآته بدنياً , وبدون مبآلغة صرآحة
يقدر إنه ينرفز توتي و يتسبب في طرده
إقتباس
بخصوص أدريانو على ما قريت أنه ما كان جاهز 100% أو أن رانييري فضل باتيستا عليه باالأخير و أنه رفض الدخول هذا كلام عار من الصحة ..
هنآ يقولون إن أدريآنو هو اللي رفض الدخول في آخر 5 دقآيق
^
الله يسمع منك << إن شاء الله نشوفهم بالمنتخب سوا << و الله زمــــااااان .. !
\\
مشعل يا خيي << لو نزل فوزي يسار على حساب بيروتا الجانب الدفاعي بياكل أبو خابور << نعم ريزا إشتغل و قفل بس ترا في كل كوره بيروتا واقف جنبه و فازع << و كان دور بيروتا دفاعي أكثر من كونه هجومي << صدقني لو كان بينزل رانييري فوجي و بيخلي توتي و مينيز و بوريللو << البديل بيكون يا دي روسي يا الأفغاني << مافيها كلام, بيكتفي بلاعب إرتكاز واحد و بيخلي بيروتا على نفس الدور حقه << الفزعه لريزا + عدم التقدم الحين نهائي .. !
و ميرسي يا خيي على أبو مقاطع إن جبتها ولا ما حصلتها, تُشكر يا مان
\\
محمد << اللقطه والله بدون أية تصريحات تثبت إن هالهيش هو الي رفض ينزل << أضم صوتي لـ أنس, شفنا أدري جالس يبي يحط الكساره و قال كلام كذا بنرفزه << كأنه يقول (الحين منزلني) و قام جاه رانييري و وجه له كلام بصرامه و أشر لـ الباب و قاله أنزل و خل هالبزر يقشر أبو بصل
\\
أقولكم و بنسبة 90% صعب جِداً تشوفون الرباعي توتي, فوجي, مينيز و بوريللو مع بعض << إلا إذا بنلعب مع فريق أبو طقه في الأولمبيكو و يمكن .. !
تشكيلة روما ممتازه جِداً بس يبيلها إن الدون ما يقيد مينيز بالجهه اليُمنى << يعطيه أبو حريه و يثبت الثلاث محاور + أبو حريه أخرى للظهيرين و هاتك يا فت
\\
سيرجيو يقولون شهر << يا جماعه أبو كثيــــــر << لوبونت ماقصر صحيح, بس للحين والله ثقتي فيه مهزوزه و الله يستر من طامه يجيب فيها أبو عيد . .