هاردلكم الخسارة مدري هي عادتنا كل موسم نبدأ بداية سيئة والا هو انذار بموسم بيكون كارثي انا متوقعه قبل حتى مباراة كأس السوبر والموسم
ابومزاج فوزي يا يشوفون حل لمخه ويا يلعب بمستوى واحد يا الدكة تحتريه
اجي لسبب هالتعادل اللي هو رانيييري انت الفريق قدامك مقفل ويلعب في ملعبه وانا من الشوط الاول واول ربع ساعة تأكدت ان هالمباراة تعادل ولاراح يسجل فيها روما اذا الفريق ما بادر من بدري ، من الشوط الاول يا رانييري غير وش المشكلة الاهم انك تسجل وتخطف الثلاث نقاط اهم من اي شئ حتى لو صارت اصابات الغلط اللي صار بيروتا بهالمباراة بالذات وجوده ماله اي فايدة بالتشكيلة كان مفروض يسحبه ويدخل اوكاكا ويرجع توتي يلعب ورا وتتغير الطريقة لمهاجمين بدخول فوزي للصندوق
بالأخير الله يعين على هالموسم اذا هاذي بدايته عشان كذا لاتتحمسون كثير دوري ابطال بعد هالمستوى نحلم حتى نتجاوز دور المجموعات اسكودييتو بعد جية ابراهيموفتش للميلان صار المرشح الاقوى والاول عشان كذا ريحوا اعصابكم وانسوه زين نفكر بمقعد مؤهل باقي البطولات اعتبرها بطولات ضعيفة وماهي بطموح
كالعادة بداية متعثرة من فريق عثر محبيه في نفق مظلم ..!! كنا نعاني من بدايات نواجه فيها فريق معتاد متمرس واليوم قلنا خلاص نفك النحس ولعبنا بكل برودة عشان نحمي لموسم كارثي مقارنة بمباراة اليوم من الشوط الاول الفريق ماقدر يفرض نفسه على الضيف هذي نقطة كفيلة بالعقم الهجومي الي حصل .. رانييري سوى الي عليه في اختيار التشكيل المناسب فقط ماكملها بتبديلات تلائم ظروف المباراة .. اصطدمت بخذلان فريق شبه كامل حاول تلاشي التاثير بتديل مؤثر ..!!
دخول تادي مطلوب " الشكوى لله " هذا نجم الدكة خخ لكن ممكن يخلينا نقول " الحمد لله " لو كان على حساب بيروتا او دي روسي دامك ناوي تبدل الاخير اي واحد ماتفرق كثير لكن ان مينيز الخيار قتلت الامل ممكن ماقدم مباراة كبيرة لكن الزيادة العددية مطلوبة في هالمباريات والمغامرة افضل حل قدام فريق مثل تشيزينا .. تادي شكل خطورة وتحرك بلا منة كاسيتي الي مايطلع قدام الا اخر الدقايق عشانه زورو في الاوقات الصعبة
ويمكن كان من اسباب ضعف مينيز في الجبهة اليمين .. سلموني على توتي بس اكثر واحد تحه يتحرك ويصنع اللعب لكن اليد الوحدة ماتصفق فريق نايم اغلب الوقت والصحوة جت متأخرة جدا .. فوزينيتش اعمى يبيله يشوف بعد عشرين جولة مزاج ! زين ماكلنا هدف من المرتدات الي شكلت رعب بين حين لاخر التعادل سلبي ايجابي! بضحك على نفسي واقول بنعديها مثل الموسم الماضي واشوف الايام الجاية ماضن لان الفريق الي اشوفه متساهل ومتذبذب في رتمه ومافي ذرة أمل على الدكة ..!! افتقرنا للتسديد من خارج المنطقة واللعب على الاطراف مع مساندة الاظهرة ..!! زين انها جت كبداية وللاسف في ملعبك السلبية امام خصم ضعيف يعتبر تفريط!
للأســـف شايف اغلب ردودكم سلبيه مع اني ماني فـآهم ليـه ..؟ , امر ليس بالغريب على روما , دائما تكون البدايه موب زينه واكبر دليل الموسم الماضي , اعتقد ان روما من الفرق اللي يرتفع اداءها بشكل تصاعدي دائماً , وصدقوني موب بس روما اللي بيتعثر انا متأكد ان احد الفرق الثلاثه ( يوفي , ميلن , انتر ) راح يتعثر , لذلك الدوري لسا بالبدايه وما راح شي , ترى كلها نقطتين ! , وسعو صدوركم والقادم احلــى ..
يخرب بيت هـ الكديش اللي عندكم نسمك عدد من اللاعب ، دي روسي صار ماينظمن أبد في لقطه نقول هذا دي روسي اللي نعرفه وبعدها يخربها ، بيتزارو معقوله هذا بيتزارو الموسم الماضي! يستلم وتحسه خايف يذب الكورهـ بأي مكان يحاول يتخلص منها بأي شكل وهـ الصفه ماتروح عنه الا أن كان داخل منطقه جزائنا ! يقعد يلف ويدور الى مايكسب فاول أو يسجلون ، فوجي وياصبر الارض عليه مزاجيه بشكل غبي غبي غبي غبي أنانيه زايدهـ عن اللزوم كرات تقول شووت يروح يناول برضو مينيز نفس الشئ ماتدري وش موقعه ولا له فايدهـ أصلا ، بيروتا وماأدراك مابيروتا يدري أن ماعندهـ مهارات ولاسرعه وع يمينيه مينيز ويتركه ويكمل المشوار الى ماتنقع وبعدها يعترض ياخذ قرار أنه يتقدم وفجأهـ يوقف وتكون الكورهـ رايحتله فتضيع علينا ، أهم نقطه لاحظتها اليوم وفي مباراه الانتر أن مافيه مهاجم داخل منطقه الجزاء ! الكل يكون حولها ومافيه أحد يدخل ! ، 4-3-2-1 أثبتت فشلها! لازم نرجع 4-2-3-1 هذي الافضل أكيد ، أصلا ميزهـ فريقنا الاجنحه فوجي ومينيز وهـ الميزهـ أفتقدناها اليوم وأفتقدنا توتي جوا المنطقه بعد ، ع طاري توتي هـ المخيس وش مجلسه معنا؟ ثاني مباراهـ بالموسم يكون أفضل لاعب فيها آسيستات تشويت يبدأ الهجمه يلحق كورهـ ميته تماما ويحولها لهجمه خطرهـ ببساطه يلعب للشعار اليوم فرقنا كان عبارهـ عن توتي فقط ! توتي يبدأ هجمه يعطيها لفوجي المخيس يطيرها ، توتي يبدأ هجمها يلعبها لبيروتا تلقا المخيس فجأهـ وقف توتي يلعبها لكاسيتي ويدخل المنطقه نشوف الحيوان كاسيتي يرجعها لجوان!! ، على فكرهـ في أخطاء اليوم بس يامحمد ومشهور لاتحسسونا أننا شسمه وأننا سنهبط فريقنا ضد الانتر بطل أوروبا أمتلك الملعب كله والحظ ماوقف معنا ! برظو اليوم مسكنا المباراهـ وتوي كان بيسجل أكثر من مرهـ لولا تدخل شايبهم المخيس يخرب بيته من حارس شسمه وباللهي مانبي نسمع زين أن ماهبطنا أو موسم كارثي تونا في البدايه
،،
إقتباس
افتقرنا للتسديد من خارج المنطقة
أشوتك ؟ اليوم الشئ الوحيد اللي شفناهـ التسديد من برا المنطقه اللي أفتقدناهـ اليوم الاطراف ،، المهم قدامنا أسبوع فيفا رانييري يقدر يرتب فيه الاوراق ويلعب بـ4-2-3-1 ، وعلى فرهـ مباراهـ اليوم أثبتت أننا نحتاج جناح أيسر في حال واصل فوجي ع هـ المستوى ويبلينا نكرش بيروتا ونلعب تادي أإساسي + الاعتماد ع روسي في الجهه اليمنى
،
شسمه وأرجع وأقول عندنا أغلاط بس فريقنا كويس وقدم مستوى جيد بس الحظ ماكان معنا وأقرب مثال كورهـ المزاجي الخايس
،،
إقتباس
المرشح الاقوى والاول
مشهور من جدك؟ الميلن ممكن عندهـ هجوم من بين الاقوى في أوروبا بس عندهـ دفاع سئ + وسط بطئ وتقولي المرشح الاول؟
مشعل فيه لعيبة غير عن كثير لعيبة ابرا لاعب يشيلك فريق باكمله والا الدلخ مانشيني براسه تدريب و يفوز بالاسكوديتو ثلاث مرات !
ابرا كان فارق بفريق اليوفي وبعدها مع الانتر واللحين اضمن للميلان اللقب بنسبة 70% لاعب نزل بآخر 15 دقيقة مع الانتر وحسم لقب اسكوديتو ضد بارما اما الانتر الحالي ممكن ماينافس لان شكل بينتيز بيخبص فيهم
صور من البطاقات الجديدة بس غريب اليوم الكورفا سود حضورها جيد على عكس ماكان متوقع انه بيكون قليل
هالحقير خلاص من اليوم انا الى ما ينقلع من روما باسفل فيه اليوم عرفت الفرق بفريق الانتر والظهير مايكون في الهجمة اللي انطلق منها مينيز وبالاخير ضاقت عليه المساحة وقف وماعاد فيه حل الا انه يمرر ، كاسيتي اللاعب الموهوب وين كان كان ملبد ورا عرفتوا الفرق بمايكون لو كان مايكون بذيك او الهجمة كان الموقف بيكون مختلف وشفنا يمكن انفراد تفكك التكتل
الله يعينك على الكدندش اللي معك بيروتا وتادي وكاسيتي وواحد مزاجي وياقلب لاتتعب
هاردلك للجميع و بدايه ما كنا نتمناها, لكن قدَر الله و ماشاء فعل, الحمد لله على كُلِ حال . .
\\
فوزي ترانا للحين ننتظر و نبي نعرف بس آخرتها << ضاع دوري و ضاع سوبر و السبب مخك المقفل يا الصربي و متى بس, أموت و أعرف متى بس تسترجل ؟!!
\\
ياجماعه صلّوا على النبي, و تونا في أول المشوار << الشيء الوحيد الي مقلقني, هو دي روسي << هالولد مع هالدقن ضايع و مُشتت ذهنياً و لا تحسه بالملعب نهائياً و المشكله بريغي في المحور كيف الحال << حلاته يلعب دور تكتيكي طرف وهمي أو مكان بيروتا, يعني ..
كما قال محمد 4-2-3-1 << أوكاكا أساسي و بيروتا جنب بيزارو في المحور و البرنس يريح شوي ياخذ أنفاسه و يشوف له حل مع أي حلاق يشيل هالدقن ولا يشوف له صرفه بعمره . .
و طبعاً الثلاثي خلف أوكاكا, توتي مينيز و المزاجي.
إلا صدق ما تحسون لو غير الدون مكان فوزي يمكن يسترجل شوي << مثلاً مثلاً يعني//
مينيز , , , فوزي , , , تادي
توتي
و يخلي الخال ورقه رابحه, بس مو لين آخر عشر دقايق, يعطيه وقت كافي والله متفائل فيه . .
\\
ما أبي أتشائم بس حاس لكم هالـ آدريانو بتكثر جلساته العلاجيه طول الموسم و الله يستر << يعني الفريق يبيله راس حربه ثالث << شايب ماتفرق معه الجلسه على الدكه, تذكرون تادي يوم يلعب راس حربه مع سبالتي, ولا سوا شغل راعي الإستشوار هذا و توتي غايب . .
\
السلام عليكم ..
حيآكم الله شباب كلكم .. مشتاقين لكم ! ,
مبروك بورديسو يستاهل هالاعب والله العام قدم مستوى بطل , فدا الثمانيه فدا
ماعليه هارد لك السوبر .. ماعليه ,
هارد لكم التعثر بأول مباراة .. وتعادل لكن مانقول زي كل مرهـ يعني ان شاء الله هالسنه ممتازهـ البدايه , ولكن الخطأ ان الصحوهـ تجي متأخرهــ !
عموماً للأمانه ماتآبعت المباراة .. ويقولون الفريق بأكمله ضيع كذا هجمه .. والمرتدات جات خطيرهـ علينا .. , وكمان فوزي يمطرس زي مباراة السامب العام الي كانت تتحسم الدوري لنا
للللللللللللللللللللكن ! ان شاء الله يرجع رتم الفريق من احسن الى احسن ..
نبي نصبر شوي بس ,
كل الشكر للجميع ..
![|| رابطـة عُشـاق الـذئاب ][ 2010 / 2011 ][ Campioni del futuro ||](iconimages/t913951_rtl.gif)
بأنتظار شوفه روسي
برضو مينيز نفس الشئ ماتدري وش موقعه ولا له فايدهـ أصلا ، بيروتا وماأدراك مابيروتا
الوضع العادي
