24/11/2010, 09:19 PM
|
| روماوي مميز | | تاريخ التسجيل: 23/06/2006 المكان: Il Romanista
مشاركات: 6,045
| |
.. طيب بحكم أن رحلتي صارت الساعة 4 الفجر  فهذا يعني شيء واحد
و هو أن العشاء إن شاء الله بيكون :
إلى أن يحين وقت العشاء بأتكلم عن مباراة أمس العجيبة صراحة !
خطة راننيري قبل المباراة :
راننيري كان داخل بمهاجمين و صانع لعب و 3 محاور ! جريكو يغطي
ظهر ريزا اللي فلها زيادة هجومياً  و خلا جريكو يتسبب بفاولات كاد ينطرد
بسبتها , يعني لما تجي المتردة ما يصير فيه إلا جريكو وراه المكان مفتوح
و تشوف كروس و مولر هاجمين بكل قوة و سرعة و منطلقين فجريكو يظطر
ياخذ له كرت بسبة ريزا , هذا رقم 1  بريجي قدم أداء ممتاز
و كان ماسك الجهة اليمنى صح مع كاسيتي أفضل لاعبين بالشوط الأول و شفنا
ريبري ما يقدر يتحرك أبداً و الفضل بعد الله لكاسيتي و بريجي ,هذا رقم 2 .
دي روسي  و الله مضيق صدري دانييلي قسم بالله لازم ينلطع على الدكة
لين يرجع لمستواه , و الله يا عالم أنه أضعف جزء بالفريق كله !! غير انه تسبب
بالهدف الثاني بغى يتسبب بهدف ثالث لولا الله ثم سيرجو ! غير الهفوات اللي الله
فكنا منها , دي روسي مب بمستواه و طالماً يلعب أساسي مب راجع لمستواه بسرعة
أنا اعتبره اسوء لاعب أمس بكل الشوطين حتى بالشوط الثاني تشوف الهجمة لهم و
هو في الهجوم , غير أنه يسحب رجلينه , الحماس مب كل شي يا دانييلي
ما أدري الصراحة متى بنشوف ديروسي ديروسي 2007 خاصة إذا الله كتب لنا
نستمر في الأبطال ما نقدر نمشي إلا بمحور بقوة ديروسي 2007 , و انا اعتبر
النتايج اللي في 2007 و 8 و لديروسي فضل كبير فيها .. هذا رقم 3 .
راننيري كان حاط بباله يوم رسم المحاور بهالطريقة 2 يساندون الأطراف و واحد
ثابت أن مينيز و فوزينتش و ريزا و كاسيتي بيشتغلون صح على الأطراف
بس للأسف هذا ما صار لعدة أسباب :
1/ الألمان ما عطونا فرصة نهاجم
2/ ما في أحد يوصل الكورة لقدام غير ريزا و من المفترض نشوف المحاور
هم اللي يكونون نقطة وصل بين الدفاع و الهجوم و السبب هم المحاور الثلاثة
بالإضافة لكاسيتي و ريزا بدرجة أقل .
3/ مينيز بحكم أن له حرية أكثر من فوزي كان يرجع ياخذ الكور بس ما يلقى
مساندة و هذي كانت واضحه تلقاه يرجع الكور لورا و المفروض اللي ورا يتقدمون
و السبب بالمحاور و الأظهره النايمه يمكن ريزا كان يطلع يساند فوزي بس كاسيتي
كان نايم فعلاً ورى , و كذلك دي روسي المفروض كان يتقدم شوي ..
هذي أهم الأسباب اللي خلت الفريق ما يهاجم في الشوط الأول و ما يقدر
يبتكر الهجمات !
بالشوط الثاني وش صار  , دخل سيمبليسو مكان جريكو و خلاه قدام ديروسي
و بريجي و حط مينيز يمين و فوزي يسار
ديروسي بريجي ....سيمبليسو... فوزينتش..مينيز ....بوريللو...
غير كذا دي روسي تحسن مستواه و صار يمرر الكور و يساند هجومياً
و بريجي نفس الكلام حتى أحياناً تشوف 4 في منطقة الجزاء حقت بايرن
و هذا الشي خلانا نشوف مينيز يتحرك و فوزي يتحرك لأن الكور بدت توصلهم
بشكل أكبر من دي روسي وانفكت عنهم الرقابة شوي عشان الزيادة العددية
بالوسط من المهرج و بريجي و ريزا حتى مكسيس احياناً يسحب معه مدافع ..
بعدين رانييري سوى حركة ذكية الصراحة  , طلع بريجي و دخل توتي
و صار يلعب كذا
ديروسي ....
...........سيمبليسو
توتي.......
فوزينتش...........مينيز
بوريللو
كذا صارت الكور بالهبل من توتي و ديروسي اللي صار يمرر بشكل رائع
و بريجي و المهرج مسوين زيادة عددية فاكين الضغط عن مينيز و فوزي و بوريللو
و توتي و ريزا حتى ..
بعدين التبديل المدمر بدخول بيتزارو بدال فوزي
دي روسي ... بيتزارو
سيمبليسو
......مينيز
توتي....
.....بوريللو
شفنا توتي يمرر لبوريللو و ما انكر ان لاعبين البايرون تشتت تركيزهم و فزنا
تحيلي بسيط لمباراة أمس 
أسوء لاعب للأسف ديروسي
و أفضل لاعب بوريللو و مينيز
نقاط
- دفاعنا للأسف ما فيه تنظيم و مكسيس و بروديسو ما يصلحون مع بعض
- كاسيتي سوى شغل عظيم و أغلق المناطق على ريبري و كل الهجمات كانت
من جهة ريزا اللي صاير دفاعياً سيء من مباراة اليوفي .
- رانييري انت عظيم بس لو تصير أشجع شوي بتصير أسطورة .
- توتي المفترض ما يدخل بمبدأ المداورة .
- ديروسي مكانه الدكة .
- ريزا لازم يراجع نفه دفاعياً
- سيبمبليسو أوكيه يعطينا حلول تكتيكية لكن فيه أفضل منه و هو
بايروتا يعطيك حلول تكتيكة و يعرف يستلم و يسلم و يسدد و زيادة
على كذا متفاهم بشكل رائع مع توتي .
- عندنا مدافعين ممتازين , لكن ما عندنا تنظيم دفاعي ممتاز
- مكسيس و بورديسو و جوان كلهم مستوايتهم ممتازة الصراحة
- فوزينتش و المزاجية أعتقد رانييري لازم يكون صارم معه
و لا نبيعه بهالصيف أفضل و الله ..
- لا تبني خطتك على مينيز إلا قدام فرق أقل مستوى ..
- تادي
- لا تنسون اننا لعبنا مع الصف الثاني لبايرن ميونخ و غير كذا دفاعهم مضروب
من الأصل و أعتبره من أسوء الدفاعات بالعالم , خصوصاً مع غياب فان بوميل
اللي كان يقطع الكور و يريحهم كثير , فلو كان مدربنا أمس سبال كنت اتوقع
بتكون تاريخيه الصراحة ..
هذي بعض النقاط كان ودي أقولها  ..
كل حرف فيها قابل يكون خطأ 
الرد للنقاش بأي نقطة كانت ..
|
![|| رابطـة عُشـاق الـذئاب ][ 2010 / 2011 ][ Campioni del futuro ||](iconimages/t913951_rtl.gif)
بأرجع وأنبرش عليك 
البيك مدري شسمه 
, أبأجل النقاش في نقطة كاسيتي لما بعد 
الوضع العادي
