إقتباس تفضل ...

بسم الله

هل تؤمن بوجود لاعب الانديه المتوسطه .. ولماذا ..؟

هي لها وجهتي نظر ، فيه لاعبين يبدعون مع الأندية المتوسطة لأنها بدون ضغوط مثل فورلان و كين و غيرهم ، بينما فيه لاعبين يبدعون بالفرق المتوسطة و يزيد ابداعهم بالفرق الكبيرة و اولهم النينو ، طبعا انا اميل للثانية اكثر لأن الغالبية منها .

وهنا بيندرج سؤال ثاني ..
روبي كين وخروجه بعد تألقه هل ترى انه أجحف وهضم حقه أم قرار رافا بمحله ..؟

انا داري ان هالسؤال كله عشان كين ، بس الصراحة اتوقع غلطة رافا الوحيدة عام 2009 اخراج كين مع عدم احضار بديل له ، بل الإعتماد على كاوت و هذا ما جعلنا نخسر نقاط حنا بحاجتها و اولها مباراة البورو و ستوك .

ليفربول غائب عن الدوري عقدين .. ما السبب ومن المتسبب ..؟

كارلسبيرغ بلا منازع ، من جت و الفريق ما شاف خير ، بس ان شاء الله مع البنك الجديد نشوف الخير و الدوري يشيله ستيفي و جنبه كارا

بينيتز وروي .. و 50 مليون بيد كل منهم .. من تختار ولمذاآ ..؟

روي اكيد ، رافا كان معه 50 مليون بس ما سوى شيء عام 2009 ، فقط جونسون ب18 مليون و اكوي ب20 مليون ، اما روي جاب كول و يوفانوفيتش و الكثير من اللاعبين رغم انه ما صرف اكثر من 20 مليون .

وش التكتيك اللي تؤمن انه يمثل شخصية الليفر ..؟

صراحة اعتقد ان الليفر نادي من الأندية اللي تتحكم برتم المباراة ، يعني هجوم مكتسح في حالة ان الكورة معنا ، و قتل اللعب في حالة ان الكرة مع الخصم ، وافضل تكتيك شاهدته لرافا عام 2007 عندما اخرج تشلسي و البرسا ، واي تكتيك غير هذا فهو لا يناسب شخصية الليفر ، اما عن التشكيلة فهي 4-5-1 .

من خارج الليفر ..

الاتحاد الانجليزي وش يحس فيه مع كابيلو ..؟

لا تظلمهم الحارس نكبهم ، بس تبي تشوف مع جو هارت ان المنتخب يبي يجيب اليورو 2012 ان ما جابته اسبانيا ان شاء الله

وش رأيك بقرارات وافكار بلاتيني ..؟

بلاتيني وده يسوي شيء بس ما يقدر ، كل ما يقترح قرار يشوف ان فيه منفعة يقومون عليه الأندية و يخلونه يهون ، بس مع ذلك انا ضده .

متى الارجنتين تأخذ كأس العالم ..؟

زي ما انجلترا مشكلتها بالحارس ، الأرجنتين مشكلتها بالدفاع والمدرب ، اجل مارادونا المحشش مدرب ؟ والله ما ينسرح بغنم هذا ، يبيلهم مدرب يحط تكتيك سنع للمنتخب ، صحيح ان كأس العالم الجاية تبي تكون بدون زانيتي و ميليتو بس خل نشوف وش يبي يسوي المدرب الجديد بكوبا امريكا 2011 ، والدفاع ديميكليس تسميه مدافع ؟ الشكوى لله بس .

لعنة مدريد حقيقيه ام اسطوره ..؟ (( الاصابات وهبوط المستوى )) .

اذكر مرة تناقشت معك حول هالسالفة ، مدريد اعظم نادي في العالم < بعد الليفر طبعا ، و اكبر نادي اعلامي بالعالم ، لذلك الضغوطات على لاعبيه تكون كبيرة للغاية ، ولا شف البيكس في 2007 يوم استبعده كابيللو و بعدين رجعه ، رجع بيكهام المان و قدر يساعد الفريق بتحقيق الدوري و ما اكذب ان قلت ان بعد الرود افضل لاعب كان بيكهام .

عن زيآآد ..
لو أعطيت الخيار بالعوده للوراء بأي زمن كنت بتعيش وليه ..؟

لزمن شانكلي اكيد ، لو كان فيه شيء اتمناه بعد شوفة النبي ، فهو شوفة هالأسطورة على الواقع .

لاعب تمنيت تلحق عليه ..؟

الكينجين ، داجليش و كيجان .

بدايتك مع كرة القدم كيف ..؟

الحارة طبعا ، اما عن المشاهدة ، فمشاهدتي كانت متقطعة للغاية ، لكني حظيت بمشاهدة بعض الأحداث مثل نهائي الشامبيونز 2006 مع اني ما كنت اعرف ارسنال الا انه اللي معه هنري ، اما برشلونة و رونالدينو المجنون ، اذكر اني كنت لا احد اختار الريال بالبلايستيشن اختار البرسا على طول ، و 2006-2007 شفته مع اشتراك الآرتي اللي الوالد جابه عشان كاس العالم و تركه بعد ما خلص و كان باقي 11 شهر قلت حرام تروح ، الدوري الإنجليزي ماكنت اشوفه لأن المباريات متاخرة كان وقتها و تروح علي نومة دايم ، و فيه 2007-2008 قعدنا على المفتوح فترة طويلة و قطعنا اوروبا ، بس في مارس 2009 جاء الدريم بوكس ،اول مباراة شفتها كانت مباراة الليفر و الريال ، والبقية تعرفونها << مهو كأني قلت قصة حياتي

وبس