ولكم باك للعائدين ( مشعل + يوسف + سلطان )

مالك

رأيك الأول متضح تماما و زين اننا متفقين في أن المشكلة في وجودهم مع بعض انه راح نفقد احد المحورين و هذا صعب جدا .

بينما في رأيي عن كيلي ، فأنا فكرت في كونه البديل الأول لكنه صراحة اعتقد انه يفتقد للخبرة والاحظ عليه نفس مشكلة جونسون و هي التقدم غير محمود العواقب ، لذلك اعتقد في حالة عودة اوريليو للعب يصبح محور هجومي في حالة الهجمة مع اللعب ب3 مدافعين و هم آغر و سكيرتيل و كارا ، صحيح اوريليو الاحظ عليه بطء لكنه يستطيع قتل الخصم بتمريرة و لو لعب جناح لأنضربنا بالمرتدات و لهذا اعتقد ان علينا اللعب بمدافعين و ظهير تكون مهامه الدفاعية اكبر و هذا ما ينطبق على كارا ، ونفس الأمر ينطبق لو جربنا كيلي مع وضع آغر كظهير ايسر و هو مالم احبذه لنزعة آغر الهجومية و بطئه في الهجوم و العودة .


-----------------

el-nino-9

اظن اسمك سلطان اخوي .

يعطيك العافية على النقاش .

كل ما كتبته موجود في الصفحات الماضية بنقاشي مع مالك .

كفووووووو يا عياااااااال

إقتباس الفريق كله مافيه الا مهاجمين صريحين الي هم (توريس - نجوج) , وزي مالكل عارف توريس لآعب اصابات, طيب اذا اصيب مافيه الا نجوج فقط !!

والله وأنا أخوك عندك بابل وكاوت يلعبون مهاجمين أو نلعب بدون مهاجم أبرك من انجوج العاله على المجتمع الليفربولي

إقتباس الرسالة الأصلية كتبت بواسطة el-nino-9 بعد انتهاء فترة الانتقالات الصيفيه مآرأيك بـ صفقات روي ؟؟! بعد انتهاء فترة الانتقلات الصيفيه برأيك ماهي افضل تشكيله لخوض المباريات القادمه ؟؟! بعد قدوم الوافد الجديد راؤول ميريلسيس هل تؤيد ان يلعب جيرارد خلف المهاجم ام في وسط الملعب ؟ في فترة توقف البريمر, هل تتوقع ان يكون هذا الامر سلبي لليفربول المنتشي بالفوز وبذات توريس بعد ان عاد لحاسته التهديفيه ؟ رأيك بشكل عام على جميع المباريات التي خاضها ليفربول هذا الموسم الى الان ؟

التعاقدات كويسه مره لاعبين يأدون اللي عليهم واكثر وبـ أسعار قليله
وبالنسبه لـ جيرارد انا اشوف افضل مكانه له في الوسط لان اكثر التعاقدات
لان خلف المهاجمين عندك لاعبين كثيرين يصلحون بذا المركز ..

وتوقف البريمر من صالح الليفر عشان يحسبها صح المدرب ويقلبها براسه
بعد كل ذي التعاقدات
ومباريات ليفربول ماكانت بالمستوى المأمول الا مباراة الارسنال
لكن اتوقع الريدز راح يكشر عن انيابه

ويعطيكم العافيه

قبل اسبوع كان فيه نقاش بين البلانكو وليفر 4 ايفر < عاجز يكتبه بالانقلش
كان الحوار على مورينهو
واللي ذكرني بذا النقاش تصريح مورينهو الاخير
وأكد لي انه من جنبها
التصريح فيذا

^
أدري ماعندي سالفه

إقتباس الرسالة الأصلية كتبت بواسطة el-nino-9 بعد انتهاء فترة الانتقالات الصيفيه مآرأيك بـ صفقات روي ؟؟!

بصراحه صفقات روي عشان لا نتفائل بزياده ونعطيها اكبر من حجمها ! .. اقدر اقول انها عاديه او حتى تقدر تسميها معوضه للخارجين لا اكثر ! ..
خروج ماسكي واكويلاني واستقدام كول وميراليس وحتى مع كونشيسكي التعاقدات مافيها تلك النقله الب بتنقل الفريق للأمام ! .. حتى ان الفريق بوجه نظري مااغطى احتياجه الهجومي وخاصه انه مافي غير نغوغ وتوريس كمهاجمين ! .. صحيح بالترقيع ممكن نمشي ولكن ماكان فيه تدعيم للمنطقه ! ..

بالنسبه لي كنت متفائل اكثر بالصيف ذا ولكن مالنا الا نقول الحمد لله على كل حال ! .. عشان كذا ماانتظر النقله وتحسين المستوى من القادمين انما عزائنا الوحيد هو بفكر روي الي من الممكن انه يخرج الامكانيات الكبيره الي يمتلكها الفريق ككل

إقتباس الرسالة الأصلية كتبت بواسطة el-nino-9 بعد انتهاء فترة الانتقلات الصيفيه برأيك ماهي افضل تشكيله لخوض المباريات القادمه ؟؟!

افضل تشكيل صدقني صعبه .. واشوف ان الفريق اكثر بيتغير شكله حسب تغير مكان جيرارد ! ..

من المحور الهجومي الي الوسط المتقدم ! .. عشان كذا اعفيني من السؤال ذا خخ ..

إقتباس الرسالة الأصلية كتبت بواسطة el-nino-9 بعد قدوم الوافد الجديد راؤول ميريلسيس هل تؤيد ان يلعب جيرارد خلف المهاجم ام في وسط الملعب ؟

السؤال ذا بصراحه يكون على حسب طريقه ونوعيه ميراليس ! .. اذا كان هجومي فصعب انك تخاطر وتلعب بمحورين هجومين وخاصه ان وسطك مااعنده خااصيه القدره على الاحتفاظ بالكره بشكل كبير وطويل ! .. اما اذا كان محور دفاعي فأعتقد ان جيرارد بيكون شريكه ! ..

وفيه حاجه اضافيه او ميزه اضافيه اذا كانت موجوده في ميراليس الي هي المحور صاحب المجهود البدني الكبير والقادر على الاداء الدفاعي والهجومي ( زي ماسكي ) اتوقع ان فيه امكانيه ان جيرارد يلعب كمحور ثاني معه وخاصه ااذا قدر يوظفوا بعض ويريحوا بعض ..

يعني الجواب يكون على حسب طريقه ميراليس ! ..

إقتباس الرسالة الأصلية كتبت بواسطة el-nino-9 في فترة توقف البريمر, هل تتوقع ان يكون هذا الامر سلبي لليفربول المنتشي بالفوز وبذات توريس بعد ان عاد لحاسته التهديفيه ؟

اتوقع انها بتأثر وخاصه ان الفريق ماشي على بدايه سلسله معينه ! .. والتوقف ذا بيأثر سلبيا عليه .. اتكلم طبعا عن الليفر كمجموعه وكفريق

ولكن بالنسبه لتوريس اتوقع انه ماابيأثر عليه الشيء ذا الا ممكن يرجع بحاسه تهديفيه افضل وخاصه انه بيلعب هناك وفيه امكانيه انه يسجل

إقتباس الرسالة الأصلية كتبت بواسطة el-nino-9 رأيك بشكل عام على جميع المباريات التي خاضها ليفربول هذا الموسم الى الان ؟

كعامه اشوف من الظلم الحكم على مستويات المباره وخاصه انك تحت مدرب جديد وفكر جديد يطبق ! ..
ولكن كتقدير اشوفها جيده جدا بصراحه لان الفريق قدر يتأهل للدوري الاوروبي وقدر يفوز في مباره وتعادل في مباره مع الارسنال مع انه كان ناقص وبخطأ وخسر امام السيتي بأخطاء فرديه وزيد عليها شويات طريقه روي ! .. كل ذا في البدايه اشوف انها مبشره لو نظرت ان الفريق فكره جديد وتحت مدرب جديد بعد رحيل بينيتز ! ..

يعطيك العافيه يالنينو 9 ..

إقتباس الرسالة الأصلية كتبت بواسطة DЯJ قبل اسبوع كان فيه نقاش بين البلانكو وليفر 4 ايفر < عاجز يكتبه بالانقلش كان الحوار على مورينهو واللي ذكرني بذا النقاش تصريح مورينهو الاخير وأكد لي انه من جنبها التصريح فيذا ^ أدري ماعندي سالفه

ههههههههههههههههههههههه .. الله يهديك لازم تشب النار ..

المشكله يااصاحبي انك مااتعرف وش الي صار بالضبط .. مورينهو يوم يقول انا مدرب كوره مهو هاري بوتر رد على الصحف الاسبانيه المدريديه الغبيه ..

هو صادق انت لو تشوف كميه النقد الي جاته بسبه تعادله مع مايوركا بتقول الريال ضيع الدوري مع انه لسه بادي < مع انك لو تشوف المباره بتلاقي ان الريال ضيع فوق 6 فرص محققه للتسجيل خخ .. ماادري وش يبون يبون مورينهو ينزل ويسجل مكانه

المشكله ان الصحف المدريديه تبي شيء زي السحر .. تبي الريال في غضون يوم وليله يصير احسن من البرسا خخ ..
ياارجل البرسا له على نفس الاسلوب اكثر من 7 سنوات خخ .. وشلون تبي تصير احسن منه في غضون يوم وليله ..

ومورينهو قال لهم انا ماني هاري بوتر عشان اكون لكم فريق في غضون يوم وليله عشان يصير خيالي ويسحق البرسا خخ .. انا مدرب كره في الاخير < مع انه المشكله قال لهم من اول الموسم اني مااحقق افضلي الا في الموسم الثاني بعد ماايتعودون الفريق على اسلوبي واعرف اخطائي

يعني اظن انه معه حق .. واظن انه عنده سالفه مهو زيك خخخ < امززح

إقتباس المشكله يااصاحبي انك مااتعرف وش الي صار بالضبط .. مورينهو يوم يقول انا مدرب كوره مهو هاري بوتر رد على الصحف الاسبانيه المدريديه الغبيه .. هو صادق انت لو تشوف كميه النقد الي جاته بسبه تعادله مع مايوركا بتقول الريال ضيع الدوري مع انه لسه بادي < مع انك لو تشوف المباره بتلاقي ان الريال ضيع فوق 6 فرص محققه للتسجيل خخ .. ماادري وش يبون يبون مورينهو ينزل ويسجل مكانه المشكله ان الصحف المدريديه تبي شيء زي السحر .. تبي الريال في غضون يوم وليله يصير احسن من البرسا خخ .. ياارجل البرسا له على نفس الاسلوب اكثر من 7 سنوات خخ .. وشلون تبي تصير احسن منه في غضون يوم وليله ..

مرحباااااااااااااااااااااااااااا

تدرين وين المشكله بعد ... باللي يتجرعون الكوارث اشهى من العسل
الانتراويه من قبل يدافعون عنه ماهو مقتنعين باللي يقدمه لكنه تعصب وتحير ولما فشل في مواجهة المان بالابطال بان على حقيقته ... وتناسوها الناس يوم حقق لاعبيوا الانتر ثلاثيه , نفس الكلام يسير بالريال اشوفه نتائج غير معهوده في مدريد ومستوى مارتضاه جمهوره وهم ابطال للدوري في وقت كابيلو .... ننتظر ونشوف نهاية الدوري على اي وجه .
صدق القرد بعين امه غزال << مع احترامي طبعا للكل

انا اشك انك شايف المباراة تدري ليش لانك تناسيت الطريقة اللي تلاعب فيها مايوركا بالملكي
يارجل مايوركا كان يستحق فوز ساحق , وكالعاده تالق كسياس يحفظ ماء الوجه

هجمات للريال امر طبيعي .. وهجمة لمايوركا غير اعتيادي امام الريال

ابختصر الكلام .. الموري يبي يسوي بالريال زي ماسوى بالانتر
سنه تجربه وتخبطات واللي بعده يفتح الله
واللي يفرق بالليجا عن الكالتشيو , انه الليجا تعتمد على المهاراة والانسجام عند اللاعبين
ومن تصريحه هذا اشوفه فهم النقطه وصعب على من يلعب باسلوبه انه يعطي للمهاره جانب

والاغرب من هذا كله الصلاحيه المطلقه اللي قدمه بيريز له ...؟؟؟ ماعطيت لاحد من قبله في مدريد وهي سبب هجرة كثير من المدربين .

اما عن البارشا فالاسلوب هذا استراتيجي وهنا الاحترافيه على اصوله .

يعطيك العاافيه اخووي Mr.Anfield

ماشاء الله اشووفك متفااعل بالراابطه

وبالتوفيق لليفر

انس

يعطيك العافية على التفاعل و الخبر الأخير

صراحة احلى خبر نشوف مجموعة من ابطال 2005

المشكلة ان اوين يبي يلعب >_____<
مادري كيف تبي تستقبله جماهير الكوب ، والمصيبة لو سجل اعظم .



اهم شيء المباراة ضد برمنجهام و المان ، اقول لروي : فز بهالمباراتين و انت بطل الدوري 100%

ما تلاحظون ضغط المباريات 4 مباريات خلال 10 ايام
اي بمعنى مباراة كل 3 ايام

نورثامبتون معهم مواهب ليت لو روي ينتبه لها بالمباراة عشان يفاوضهم بالشتاء

ستيوا خويا رادوي ، اتوقع دام المباراة بالأنفيلد نهزمهم بالراحة .

المان و ان شاء الله الفوز يستمر ، لو سجلنا هدف في أول ربع ساعة و حافظنا عليه الفوز لنا ان شاء الله .