حياكم



][ استديو العالم ][ مباريات هامة في ألمانيا .. بوردو و مرسيليا في فرنسا .. و قمة أفريقية حساسة ][ تقديم + متابعة ][

مجموعتنا في اليوربا ليغ جيده نوعاً ما
نابولي صعب على ارضه بس مو هذاك الي ينخاف منه مرره نقدر نجاريه ونفوز عليه
ستيوا بوخارست مستواه طيب ونقدر نحقق في ارضه 3 نقاط
اوتريخت اسهل فريق في المجموعه

اما باقي المباريات الي في الانفيلد سهله جدا اهم شي تكون مبارتين في الذهاب على ارضنا عشان نحقق فوزين نقدر بعدها تحقيق 3 نقاط خارج الارض والتاهل مضمون

بتوفيق في مباراة ويست بروميتش

مع انه في غير مكانه .. ولو تمارسون هوايه نقز الردود افضل ! ..

مجيد تعال .. خل نتفاهم تحت

إقتباس الرسالة الأصلية كتبت بواسطة LIVER 4 EVER جوابي مختصر ماراح اطول النقاش لان اللي اتكلم عنه شيء ورغبات جمهور الموري شيء اخر سواء القداماء او الجدد بس نقطه مهمه يجب انه تفهم قبل الاحكام :: فيه مدربين اعداد وفيه مدربين انجاز ::

اول حاجه ماني من عشاق مورينهو لا سواء جدد ولا القديمين .. انا عاشق للريال ومحب للريدز .. واي شيء يتعلق فيهم اكيد بميل له ! ..

لكن اذا كنت تقول ان مورينهو ليس بمدرب انجازات فأنا اوقف نقااشي معك ياامجيد واقطعهها معك .. لانك واضح انك تتكلم من عشق كتلوني حاقد لشخص مورينهو ! ..

وين مهو مدرب انجازات !!؟!! .. وهو محقق

مع بروتو .. 2 دوري 1 ابطال 1 كأس الاتحاد الاوروبي 1 كأس البرتغال 1 دوري ابطال اوروبا ! ..

مع تشيلسي .. كأس الكارلنج كاب مرتين .. الدوري الانجليزي مع غياب تقريبا 50 سنه محققه مرتين .. ومحقق كأس الخيريه .. ومحقق كأس انجلترا ! .. ووصل مرتين لنصف نهائي الابطال ووقفه الريدز وبينيتز ..

مع الانتر .. محقق الدوري مرتين .. وكأس ايطاليا .. وابطال اوروبا بعد غياب اكثر من 40سنه ! .. ومحقق السوبر الايطالي ! ..

17 بطوله في 2003 تقريبا الى 2010 ! .. في غضون 8 سنوات محقق 17 بطوله وتقولي مهو مدرب انجازات !!!!!!!!!!!!!!!!!!!!!!!!!!!!!!!!!!!!!!!!!!..
ياازين مدرب الاعداد اذا كان يحقق لك 17 بطوله في 7 سنوات

وباالنسبه للشخص الانتراوي الي تتككلم عنه وتقول شفه وش قال بعد خروج مورينهو .. المشكله انه قالها بعد خروجه خخخخ

إقتباس الرسالة الأصلية كتبت بواسطة LIVER 4 EVER انا ماقول انه خاوي (فاشل ) لكن الرجل اخذ اكبر من قدره بكثير جدا ,, والسبب الاعلام وصدقني لو درب فريق فيه 5 لاعبين مبدعين والباقين خسته بان على حقيقته وطلع الشيء اللي انا اتكلم عنه المدرب المحنك بكسر الطاء هو المدرب اللي يقدر يتعامل باصعب الظروف اللي يمر فيها الفريق بكل امتياز , المحنك هو اللي تكون له بصمه بالملعب ماهو بصفحات الجرائد (لاتحاول تقنعن بانه امتصاص اثرها على اللاعبين قد ماهو عشق للبروز ) شفنا مدربين كان لهم بصمات على فرقهم اكبر من الموري وماخذوا الصيت اللي اخذه ..؟؟!! مع فارق الامكانيات بين الفرق اللي دربه هذا وهذولاك .... اما اللي قاعد يصير منك حاليا فهو نفسه اللي جالس يصير من الانتراوي قبلك (مالومك )

هههههههههههههههههههههههه ..

الحين انت تبي من المدرب يحقق لك انجازات بدون لاعبين خخخ ! .. يعني نجي لمورينهو نقووله حقق البطوله مثلا مع لاعبين زي برناوي وحسام غالي ومحمد نامي مكان مايكون خخ ..

ابد ياخوي لا تقعد تطلب المستحيل لان المدرب عنده فكره والااعبين هم الي يطبقونها ! .. لا تتنتظر من المدرب انه يصنع انجاز من لاعبين مااعندهم مبادء كوره ولا تطلب منه انه يكون مدرب ولاعب زي ماكان الليفر اول خخ ..

الانجاز يتكون من طرفين .. من الاعبين والمدرب ! .. وااذا كان المدرب فكره دااهيه زي مورينهو والاعبين يحققون له الشيء ذا .. اكيد بيحقق الي حققه واكثر وبدون فكره ومع وجود لاعبين مااتحقق شيء ! .. ومدرب بفكره وبدون لاعبين ماابتحقق شيء ! .. الشيء ذا مررتبط ! ..

* طبعا الكلام ذا ينطبق في كل الفرق الا في برشلونه بصراحه خخ .. لانه فريق لو تجيب له الجوهر بينجح معهم ! ..
لان طريقتهم وحده وفكرهم واحد ولعبهم واحد وتطبيقهم واحد من الفئات السنيه الى الفريق الاول ! .. وهذا من زمن طويل وبرشلونه معروف بالفكر ذا ! ..

وبعدين وين المدربين الي تتكلم عنهم وانهم حققوا بصمات لفريقهم اكثر من مورينهو ومالهم صيت ؟! .. اذكرلي اياهم لو سمحت ..

ولا اقولك انسى الكلام الي قلته كووله ! ..
مورينهو بورتو بدون ماال ولاعبين كبار ( على ايامهم طبعا ) حقق الي مااقدر يحققه المدربين الي تتكلم عنهم ! ..
طيب ذي مهي بصمه ؟! < ترا مااقصد البسام خخ

اما سالفه البصمه والتكتيك في الملعب .. ارجع واقول مورينهو ماايحتاج لا شهاادتك ولا شهادتي في الموضوع ذا ابد ! ..

كونك مااتلومني لاني زي الانتراوي الي قبل خخخ.. كمان انا ماالومك لحقدك لى مورينهو لانك برشلوني < طحت من عيني خخخ

إقتباس الرسالة الأصلية كتبت بواسطة LIVER 4 EVER بهالنظره ماراح تاخذ الثاني حتى ...؟؟!! لانك نسيت انه انديه الليجا انديه صعبه على ارضه والعامريه مثال مايعرفه الا متابع ماراح اعد الفرق لانه هذا مكان مخصص لليفربول لكن قلي مته انفكت عقدت الديبور

ههههههههههههههههههه ..
مجيد يرحم لي والديك بالله تسمي الدوري الاسباني وانديته صعب ! .. ياارجل دوري بين الريال والبرسا وحتى احيانا يكون البرسا لحاله كمان خخخ ..

يارجل مدريد بأسوء مستوياته واكل 6 من برشلونه وطلع بأ 4 من الليفر وكان ياكل على راسه وماكان في الفريق غير روبين كلاعب مهاري بس في الدوري المهاري الي تتكلم عنه خخخ .. ومع كذا مااخذ الثاني وباالراحه وبدون مناافسه كمان ! ..

دوري يااخذه مدريد المركز الثاني وبدون مدرب يفهم او حتى بتتابع مدربين كلهم ماايفهموا كمان خخخخ .. اعرف انه دوري داج خخخ .. لانه مافيه الا البرسا والريال في المنافسه ! ..
طبعا بتجي تقولي اشبيله ولا الاتليتكو ! .. ارجع واقولك فرق تنافس على الدوري ونفسها طويل مهو انديه زي كذا من حق مباره او مبارتين في الموسم يبدعون بس ! ..

وبالنسبه لعقده الديبور .. صحيح طولت بس فكيناها في الاخير ..
على الاقل عقده فريق مهو عقده لاعب خخخ .. ولا نسيت توريس كمان وكمان وكمان خخخخ ..

إقتباس الرسالة الأصلية كتبت بواسطة LIVER 4 EVER اولا وصل لتشلسي والفريق نفس حالة السيتي العام الماضي يبي اي لاعب يرضى باللعب له والدليل صفقات السيتي الحاليه الغير مدروسه ناظر الاساسي واحتياجاته وناظر الدكه تعرف كيف اي مدرب يبي ينجح من اول موسم وبعدين جاء خلف رانييري ومحد ينكر انه رانييري مدرب معد من الدرجه الاولى بتشلسي حقق الدوري صح والامر مايقتصر على امكانيات المدرب على قد حجم الامكانيات المتوفره بعد واذكر تصريحه اول مامسك تشلسي قال يبيلنا اربع مواسم حتى نحقق الدوري ...؟؟!! وباول موسم حققه !!!! هنا يجي جانب اخر خارج من حسابات الموري في الايطالي صفقاته دليل نظرته , خواريزما ومانسيني اسماء ماشفناه حتى بالدكه , ولو ان الفريق كاليفربول كان انهار بهالصفقات لانه بختصار غير مدروسه مدرب نجح بخطه في دوري مختلف ويبي يطبق نفس الخطه في دوري ثاني ؟؟ وفشل ولوا التبرعات اللي وصلت الانتر في الموسم اللي بعده ماشفناه بطلا للثلاثيه (ايتو - شنايدر - لوشيو )

اولا معروف في عالم الكره واذا كنت مدرب لفريق مدمر او حتى فاقد لهويته ! .. انه على الاقل تحتاج لموسم على الاقل عشان اولا توجد شخصيه وفكر يناسب الفريق ثم تبدأ بالانسجام ثم تبدأ بأخراج اخطاء الفريق ونواقصه ! ..

وهذا الشيء سواه مورينهو مع الانتر وتشيلسي ! .. وش المشكله طيب فيها ! ؟! ..
طيب حقق شيء من اول موسم صار مجرم وخارج الحسابات ونجي نحاسبه عشان قال الحق ان الفريق يبيله مده عشان يتطور وشوي انه محقق شيء نجي نقوله يالكذاب يالظالم تحقق بطوله والفريق لسه عظمه طري ..
الا اكيد شيء ينحسب له والمفروض يشكر عليه كثيرا انه حققه من اول موسم ! .. ماادري وش مشكلتها معك ؟!!

اما سالفه تعاقدات الانتر ! .. المفروض انك تعرف ان في الاسباني والايطالي المدرب ماايتحكم بالصفقات الا يتحكم بالمركز الي يريده ! .. ويجي واحد زي فالدانو مدريد يحقق له الشيء ذا بالاسم الي يشوفه انسب ! ..

هذا طبعا غير انه اول مره يستلم الفريق وماايعرف نواقصه جيدا الا عن طريق مساعدي الانتر ! ..
طيب لو مشينا على هواك ! .. وقلنا ان المدرب طلبهم ! .. طيب وش المشكله لو اخطاء ورجع ثاني افضل بكثير وحقق الي مااقدر ( على معلوماتي ) اي نادي في تاريخ الكالتشيو بتحقيقه ! .. الثلاثيه ! ..
وقتها ليه نحجر له على الخطأ .. الا طبعا ااذا كنت تتصيد له خخخ .. وهذذا الظاهر الي حصل

اما بالنسبه للتبرعات خخخخ .. انا ماادري كيف سميتها تبرعات ! .. اكثر من هي احتياجات فريق ناقص ومورينهو عرف وش ينقصه وطلب تعزيزه ( وخاصه انه في السنه الثانيه عرف وين المشكله وحقق الي يبي فيها ) ! ..

ايتو بدل نجم الفريق الابرز !.. المفروض تكون نكسه ولكن مورينهو جعلها نقله ! ..
شنايدر .. بطلب من مورينهو انه يحتاج لاعب وسط زي نوعيته واتى به ! ..
والاخير لوسيو .. مورينهو طلب مدافع وكان بالاسم ( كرفهاليو ) ولكن المدير الرياضي حق الانتر قال نجيب لك لووسيو افضل كونه مجاني وطلع افضل وابرز ! ..

كيف صارت تبرعات ؟! ..

إقتباس الرسالة الأصلية كتبت بواسطة LIVER 4 EVER حاليا جالس يكرر نفس الاشكاليه وباذن الواحد الاحد ماراح يحقق اي شيء في دوري المتعه والكوره الجميله .. لانها ماتمت له باي صله .

دليل على السريع انك حاقد عليه اكثر من انك ناقد له ! .. عشان كذا تتمنى له الفشل ! ..

اما سالفه انه ماابيحقق شييء .. ياارجل شوستر حقق الدوري .. بتصعب على مورينهو يعني ..
وارجع واقولك في دوري زي الاسباني خل دوران لاعبينك يلف وانت لاتفكر الا في ثلاث مباريات بس .. فوز فيها بتكتيك ولاعبينك ( كالعاده خخ ) وانت في السليم ان شاء الله ! ..

إقتباس الرسالة الأصلية كتبت بواسطة LIVER 4 EVER اعتذر منكم شباب على هالاطاله فيما لايخص الرابطه واللي عنده هرج غير هذا يكتبه بالعالميه ويبلغنا فيه ونكمله هناك والافضل انه يرسله على الخاص اذا هو مايبيه يتشعب

الظاهر ان الكلام موجه لي ! ..
وانا قلت في اول رد لي في الموضوع ذا ماابي اتكلم فيه لاننا في رابطه الليفر ! .. بعدين زدت انت ورديت عليك وقلت في اخره ماابيه يكمل ونوقف نقاشنا الى هنا ولو تبي نكمله نكمله في البالتوك خخ والمزز باقي ينتظرون الله يهديك ..
بس رجعت ورديت هنا ولازم ارد عليك هنا ! ..

عموما انا مابي ازيد واعيد في الموضوع ! .. ولا ابي كمان انه تتسبب مشكله بيني وبينك ابد ..
صحيح انك حوثي وانا ملكي خخخخخ .. بس يجمعنا حب الليفر ..
ولا ابي انتمائتنا تسبب مشاكل في صحيفه الريدز ! ..

بالنسبه لي الموضوع مقفل من جهتي ! .. ومالها داعي يجي ابو ليلي ويغسلنا خخ

إقتباس كلامك صحيح انه جيرارد كسب حب الجماهير وهذا امر طبيعي لك كمشجع للريدز لكن انا اتكلم عن اجيال مستقبليه ماراح تذكره لانه ماحقق انجازات في مسيرته لكن راح تذكره من اوفيا النادي والمهتمين بالناي هم اللي يهتمون بهالاشيء مثال بسيط : اوين من راح يذكر انه لعب بالليفر بعد خمس سنوات من الان ؟؟ نفس الكلام على ماكمنمان ؟؟ باول اينس و كارغار و هيبيا و بيرجر ويسترفليد < حارس الماني نجوم بالفريق من يذكرهم حاليا ....؟؟ يمكن شخص رجع لتاريخ النادي المغزى من الكلام حنا متفقين عليه واذا ماحصل الشكوى لله انه البطولات هي ما يدون في اروقه النادي وبالسيرة الذاتيه للانديه الكبيره ماراح يقال فلان لعب له وحققوا النتيجه الفلانيه قس كلامي على فريق قدم مستوى خرافي والحصم هو اللي فاز بالنهايه .

ياحبي لك يامجيد ،، الي ذكرتهم تقارنهم بجيرارد ؟؟ ،، تفكيرك يبو ، جيرارد القائد الاسطوري والباقين كلهم نجوم مثل ما اسلفت وطبعي مع السنين ينسون بأستثناء هيبا لأنه هو اسطورة ايضاً ، ماكمان والبقيه نجوم وبخصوص اوين هو خائن , والخائنين مالهم اي ذكريات ، ماسكي بلحظة نسيت كل الي سواه بالليفر ودعيت ان الله مايوفقه لاهو ولا فريقه ، لأن بطبعي وبطبع الريدزاويين كلهم تقريباً عرب وعجم مانحب الخونه ، اما عن السطور الاخيره يمكن هالشي عند غيرنا ، ياحبيبي خلنا للواقع حنّا ناس من سنين ماشفنا بطولات ، بنفس الوقت كسبنا لاعبين اوفياء امثال جيرارد ، وبكون غبي لو بقولك ينمحون من هالذاكره بهالسهوله ..!!

إقتباس اما عن حبي للبارشا فهو امر طبيعي لاي شخص يعشق المتعه الكرويه وشلون بزعيمه وعن الانحدار اتفق معك من الموسم الماضي والفريق بانحدار لانه العنصريه خشت بالموضوع وتخبطات بيب والاهم رحيل الرجل الذهبي والرئيس العصري لابورتا

انا احب الميلان ، لكن للحب حدود والليفر هو الي يملك القلب ، بالعربي انا اعشق الليفر واعشق لعب الليفر ولاعبينه ، وبالوقت نفسه استمتع بالميلان وبتاريخ الميلان واحب الميلان واشجعهم .. مافي مقارنه بين ذا وذاك ولا ؟ .. لكن اني اغير ردودي وارائي عشان فريق اكرهه او احبه ؟؟ .. هزلت طبعاً لو الميلان كان مكان البرشا الحين بقول نفس الكلام ، ويمكن لو كنت بمكانك بكره البرشا لأن اللسبب الاول فريق وضيع خخخ دوعابه .. لكن البرشا من المستهدفين الجدد لليفر ، واستغلوا ضعف ادارة الليفر الماليه وحاولوا يغرون الاعبين ، مثل الانتر والريال والحين البرشا ,, دمت عزاً ياليفر

^^^^^^


الخبر اللي يفتح النفس ع الصبح

ليفربولي متعصب و لكن متابع بصمت

أفادت شبكة سكاي سبورتس الى ان ظهير فولهام الايسر بول كونشيسكي في طريقه لخوض الفحوصات الطبية في ليفربول نهاية هذا الاسبوع ..


وقد أكد مدرب ليفربول روي هودجسون في وقت سابق من هذا الاسبوع بانه قد تحدث الى فريقه السابق بخصوص امكانية ضم الظهير الايسر ..


وابن الـ29 عاما كونشيسكي , والذي انضم الى الكرافين كوتيج عندما كان هودجسون مدربا للفريق , يبدو انه سيقوم بـ لم الشمل من جديد مع روي هودجسون في قطب الميرسيسايد الاحمر ..


يذكر ان كونشيسكي , والذي يملك مشاركتين مع المنتخب الانجليزي , قد انضم الى فولهام قادما من ويست هام منذ 3 سنوات اي في عام 2007 ..


http://www.skysports.com/story/0,195...342686,00.html

.
.