^^

لا يالحبيب لاتجدع الكلمه وتمشيء

افضل مدرب ماتقال كذا ... وماتبي احد يرد عليك
ماراح اطول بالموضوع لانه مايستاهل الواحد يكتب به

بعدين من قال لك اني اكره الريال ...؟؟!! صحيح برشلوني صميم لكن ماكره الريال
بالعكس احياننا اشجع الريال لما يكون الخصم مكروه

مورينهو يافيصل يلعب على الحبلين ارجع واستعرض الانديه اللي دربه وشف ميزته
وقارنه باي مدرب ثاني درب رنفس الطريقه تبي تعرف وين ميزه مورينهو

ارفعوا راسكم يا كبار ، انتم تلعبون لليفربول ، وليس جيرارد او رينا من اذكره بهذا فهم أعلم مني ، صحيح ان الخسارة قاسية لكنها ليست نهاية المشوار ، تذكروا موسم 2007 و الخسارة القاسية من ايفرتون بثلاثية نظيفة كهذه ، هل يئسنا ؟ لا بالعكس ، فقط كنا من افضل 3 اندية اوروبية في ذلك الموسم ، صحيح الخسارة قاسية لكنها ببداية المشوار ولا تعني شيئا ، بقليل من الجهد و كثير من الروح يستطيع جيرارد و رفاقه صناعة التاريخ ، الفارق بيننا و بين المتصدر 5 نقاط لا اكثر ، الفوز بالدوري سهل للغاية ، يجب علينا الفوز ب27 مباراة مع تجنب الخسارة بأكثر من 5 مباريات ، هذا ما حدث مع جميع الفرق الفائزة في الدوري في السنين الماضية .

لكن فقط الروح و الروح ولا شيء غير الروح .

لا انسى مقولة رافا في نهائي 2005 " You can't call yourselves Liverpool players if you have your heads down. If we create a few chances we have the possibility of getting back into this. Believe you can do it and you will. Give yourself the chance to be heroes."

" كيف تدعون انفسكم لاعبي ليفربول و رؤوسكم مطأطأة للأرض ، إذا صنعنا لأنفسنا بعض الفرص سنستطيع العودة ، صدقوا انكم ستفعلونها و ستفعلونها ، اعطوا انفسكم الفرصة لتصبحوا ابطالا "




ماسكي خل عنك لعب البزران مرات ابي اروح و مرات ابي اقعد ، لو انه في عندك ذرة احترام لليفر كان حددت موقفك من الحين لأنه باقي اقل من 7 ايام وتنتهي فترة التسجيل ، وعرض البرشا طيب للغاية هليب + كاسيريس + 12 مليون ، ال12 نزود عليها 8 و نجيب فيها بريان رويز و ديارا و قفل السوق .

---------

خبر و بعدها اكمل

من الكوبتوك

|ماسكي يرفض اللعب لليفربول |

اشارت التقارير ان خافيير ماسكيرانو رفض اللعب مع ليفربول بسبب رفض النادي بيعه الى نادي برشلونة ، و قد يرجح أن ليفربول سيبيع اللاعب خلال اليومين القادمين لكي يمكنه ضم لاعب بديل والغالب انه مامادو ديارا ، حيث أشارت الأخبار انه قريب من الإنضمام مقابل 6 ملايين .

المصدر

-------------

بعد هالخبر يبدو بنسبة 99% ان ماسكي خارج النادي ، ورحيله هو افضل خبر صراحة و باللي ما يحفظه ان شاء الله ، تصرفات صبيانية و مسوي فوضى بالنادي ، الونسو بالرغم من المشاكل بينه و بين رافا ، بالرغم من انه لعب موسمين و هو يريد الرحيل ، لكن لم يخرج و يقول اريد الخروج ، بل خاطب رافا و إدارة النادي و تفهموا موقفه و باعوه على الريال ، و قبل خروجه قال لن انسى فضل ليفربول علي ، حتى بعد خروجه رغم المشاكل بينه و بين رافا فقد مدحه و قال انه الرجل المناسب لليفربول ، بينما هذا الخائن يود الخروج و يرفض اللعب و يعلن و يضغط على النادي ليبقى احتياطيا في البرشا ، ارحل غير مأسوف عليك .

-------------

مجيد

مورينهو من اول يوم جاء لتشلسي و بالإنتر و الآن بالريال ، على رأس قائمته المطلوبة لاعب اسمه ستيفن جيرارد ، نفس الكلام قاله 2004 و ما قلنا شيء ، المفروض تكون متعود على هالكلام .

بإذن الله يكون طريقنا نحو اللقب بقيادة جيرارد و توريس ، تونا ببداية الطريق ولا زال هناك مجال للتعويض اعتقد لو فزنا في الخمس مباريات القادمة سنتصدر و سنؤمن بقدرتنا على تحقيق الدوري .

[ برشلونة يستضيف ميلان في كأس خوان غامبر ؛ Welcome Home R10 ]

إقتباس الرسالة الأصلية كتبت بواسطة LIVER 4 EVER ^^ لا يالحبيب لاتجدع الكلمه وتمشيء افضل مدرب ماتقال كذا ... وماتبي احد يرد عليك ماراح اطول بالموضوع لانه مايستاهل الواحد يكتب به بعدين من قال لك اني اكره الريال ...؟؟!! صحيح برشلوني صميم لكن ماكره الريال بالعكس احياننا اشجع الريال لما يكون الخصم مكروه مورينهو يافيصل يلعب على الحبلين ارجع واستعرض الانديه اللي دربه وشف ميزته وقارنه باي مدرب ثاني درب رنفس الطريقه تبي تعرف وين ميزه مورينهو

مجيد ترى كل الكلمات المجرحه هدي مزح يا وش دعووووه يعني ترى مايحتاج أستأدن عشان أطق المياااااااااااانه

8888

مجيد مع اني يدي تحكني وابي ارد عليك وخصوصا انك حوثي وصميم كمان ( يااسلام خخ ) .. بس المشكله اننا في صحفيه الريدز .. < ليتك تطلعلي برا خخخ ..





لاعبنا ..
مدريد افضل فريق حاليا تأتي منه بلاعبين على مستويات عاليه وبسعر التراب ! ..
روبين افضل لاعب في البايرن حاليا خرج تقريبا ب 25 مليون ! .. شنايدر احد المنافسين على افضل لاعب في العالم وصاحب الثلاثيه خرج ب 15 مليون للأنتر !!!! .. وزيد عليها كمان ديارا ممكن يخرج بمبلغ ال 7 مليون فقط ! .. ولا ننسى فارت الهولندي الي خروجه اكيد ( وايضا ماابيعدي خروجه ال 10 مليون )
وزي ماايقول فينقر مدرب الارسنال اذا الريال مره ثانيه يبي يبيع لاعبيه انا بتكي عند باب ناديه والقطهم خخخ < طبعا بعد تألق كل من شنايدر وروبين ! ..

بس حسسهم بالراحه النفسيه ( سواء باللعب او من الدعم الجمهوري ! ) بيقدموا لك مستوى خرافي .. ولا اظن فيه نادي بيوفر الشيء ذا اكثر من الليفر

ديارا مشكلته اصااباته الاخيره ولكن برضو مع العمل بيقدر يرجع ويقدم مستوى كبير ! .. ديارا بيكون اضافه كبيره للريدز في المحور الدفاعي ..
بوجود ديارا وبولسن محاور دفااعيه وبوجود جيرارد وكمان لوكاس ( الي اشووف انه عنده الامكاانيه للأضافه الهجوميه اكثر من الدفاعيه ) محاور هجوميه .. بكذا بتحل مشكل المحاور لديك بشكل تام من اساسين واحتيااطين على مستوى كبير ! ..

طبعا الكلام ذا كله لو تم بيع مااسكي .. والي اشووفه مفيييييييييييييد جدا جدا للفريق اكثر من بقاائه ! ...
يعني خروج مااسكي يعني قدوم هليب وايضا ماارتن كااسريس ( الي طلع ظهير مهو مهاجم خخخ .. لانه اختلط علي بينه وبين مهاجم برشلونه المعار كيرسون ) وايضا مبلغ ماالي تقدر تدعم فيه صفقه ممادو ديارا ! .. بصراحه بيعه موووفقه جدا لو تمت بالشكل ذا وخاصه ان الارجنتيني يبي الطلعه ! ..

تخيلوا وفكروا معي بس ..

ريينا

اغير .. سكرتل .. كارا .. جونسون ..

ديارا .. جيرارد

كول ................... هيلب

كاوت

النينو

* لا تدققوا كثير بالتوزيع .. بس دققوا في قوه الاسماء على الورق ..


الدكه ( مااكسي .. نغوغ .. كاسيرس .. يوفا .. بولسن .. لوكاس .. بابل .. اوريليو ) < فريق ثاني ياارجل

بيتغير شكل فريقك وسرعته وطريقته وايضا تقوى دكتك ومااتكون فارغه وعديمه .. ويكون فريق فيه تنويع كثير ومختلط بين الاعبين التكتيكين ( امثال كاوت يوفا بولسن) والاعبين الفنين ( امثال كول هليب النينو ) ..
ولا تنسى انه بتعطي خيارات كثيره لروي من ناحيه التشكيل والتكتيك ..
يقدر يستخدم 4-3-3 وويقدر يستخدم 4-2-2-2 وكمان 4-2-3-1 وزياده عن كذا لو يبي من الخيارات الي بتكون بحوزته ! ..


كل ذا بتملكه من خروج مااسكي ! .. صحيح بتفقد احد اعمده الفريق .. بس انك بتركب اكثر من عمود مكانه < صنااعيه خخخخ ..

أنتظر البيعه لو كان عرض البرسا ( هليب + كااسريس + مبلغ مالي ) .. لانه نحن الربحانين في المقام الاول ! ..

هالخبر على السريع من بوفايل الصحفي الليفربولي على الفيس بوك يقول فيه ..

الوكيل : محادثات خروج كاوت ..

الوكيل اللي يمثل ديرك كويت تقول ان المحادثات بين ليفربول وانتر ميلان الايطالي مستمره ..

www.koptalk.co.uk

إقتباس شف مورينهو معروف عنه بالتصريحات الاسفزازيه ويسمونها حرب اعلاميه لكن تتكلم عن مدرب محنك مثل مورينهو افضل مدرب في العالم..واتوقع بحجم جيرارد وبحجم ليفربول ماتعتبر هذي بطولات يمكن بس اقدر اقوول الكاس ودوري الابطال الجمهور يطمح بالمزيد وانا متفاءل ان الليفر راح يحقق نجاح في هذا الموسم

هلا بالسهم

اعرف مورينهو زين مدرب ذكي
ولو كان فيه شيء من اللي انت قلته ماكتبت عنه هالشيء
مدرب يثير البلبله لا اقول ولا اكثر وغايته يقول انا موجود

بس محنك هذي من وين جبته ..؟؟!!!
وشي الصعوبات اللي واجهه عشان تطلق عليه هالكلمه ؟؟
مدرب مايروح الى لفرق جاهزه لابد من توفر شرطين
الاول النادي مطنوخ (اطلب تجد ) والثاني اعلام وكمرات خاصه لمتابعته بالمباريات

ملينا من الحركات الصبيانيه اللي يسويه بقصد ويتعمد فيها الظهور بالاعلام
لكن مصيره ينصهر بالليجا .. لانه بيواجه فرق لاتعتمد على التكتيك الاضباطي كما هو البريمير والكالتشيو
تعتمد على قلي وش مستوى مهارك اقولك من انت

إقتباس مجيد مورينهو من اول يوم جاء لتشلسي و بالإنتر و الآن بالريال ، على رأس قائمته المطلوبة لاعب اسمه ستيفن جيرارد ، نفس الكلام قاله 2004 و ما قلنا شيء ، المفروض تكون متعود على هالكلام . بإذن الله يكون طريقنا نحو اللقب بقيادة جيرارد و توريس ، تونا ببداية الطريق ولا زال هناك مجال للتعويض اعتقد لو فزنا في الخمس مباريات القادمة سنتصدر و سنؤمن بقدرتنا على تحقيق الدوري .

قمة القذاره والانحطاط الطريقة اللي يتغزل فيها بجيرارد

وهذي من الاشياء اللي اكتسبه جيرارد انه بوفائه خلى امثال هالثرثار ينفجر

إقتباس مجيد ترى كل الكلمات المجرحه هدي مزح يا وش دعووووه يعني ترى مايحتاج أستأدن عشان أطق المياااااااااااانه

ابو سبيرنق
تمون يالغالي ... لكن كلامي موجه للطريقة اللي يشاهد فيها موري

مايحتاج اقولك اخ عزبز وغالي

إقتباس مجيد مع اني يدي تحكني وابي ارد عليك وخصوصا انك حوثي وصميم كمان ( يااسلام خخ ) .. بس المشكله اننا في صحفيه الريدز .. < ليتك تطلعلي برا خخخ ..

اسباني كتلوني صميم

وانا جاهز ,, وين تبي نتقابل ترى فترات اسير على الملكيه ولي مناوشات مع الشباب هناك < ايام روبينهو
بس تكفى لاتخيب ظني وتقول تبي تناقشن عن الموري
خلها زي ماحاول اقنع نفسي انها عن امنيه محمد ديارا


التشكيله اللي انت حاط حلوه

لكن كاوت الثاني صايل يبي يمشي ,, اشوفه كذا افضل

رينا

جونسون ........... سكيرتل ..... كارغار ............ كاسيراس

محمد ديارى

............................ جيرارد

بابل ........................... كول ................................... هليب (ماكسي )

توريس

مقدرش امسك نفسي اكثر من كذا مقدرش خخ .. ويااريت تنقزوه لانه طويل ولا له فايده لليفر ..
الا مجيد طبعا لازم يقراه خخ ..

إقتباس الرسالة الأصلية كتبت بواسطة LIVER 4 EVER بس محنك هذي من وين جبته ..؟؟!!! وشي الصعوبات اللي واجهه عشان تطلق عليه هالكلمه ؟؟

يااكبرها عند ربي .. مورينهو مهو مدرب محنك ؟! .. اجل منهو المحنك اذا ماكان الافضل عالميا في مجال التدريب حاليا مهو محنك ؟! ..

نجيبها حبه حبه طيب
اول شيء نجي لتعريف المحنك : محنّك بتشديد النون مأخوذن من حنّك أي التحنيك وتقال للشخص اللبيب والذكي خخخ .. ومدامنا متفقين انه ذكي كونك قلت انه ذكي .. نجي للبيب والي هو النبيه والفاهم والي يعرف مروينهو سواء من عشاق البريمر او الكالتشيو يعرف ان مورينهو صعب انه يقع بالخطأ مرتين و مدرب يتعلم من اخطائه ويدعمها للأمام هذا غير انه يملك ملاحظه كبييره وموهبه في الشيء ذا تخليه يتوقع الخطأ قبل الوقوع فيه يعني لبيب خخ يعني محنك خخخ يعني حرام عليك تجحده وتظلمه في صفه من افضل صفاته ! ..

هذا غير التكتيك الخرافي الي يمتلكه والي مااظن لا يحتاج شهادتي ولا شهادتك في الموضوع ذا .. بطولاته وجولاته وخصوصا في الدوري الانجليزي او الايطالي او امام الحوثين اخويائك مثال جيد لك ..

اما كلمه وش الصعوبات الي واجهته !! .. انا ماادري ولكن فيه اصعب من المنافسه في التشامبينز ليق والدوري الانجليزي !!؟! ..
ماظن فيه ! .. ومع كذا حقق الابطال مرتين وحقق تقريبا 6 بطولات مع تشيلسي مع عدم الخساره على مااعتقد 3 سنوات متتاليه على ارضه رغم قوه الفرق القادمه ! ..
ولا أظن انه في قهر للصعوبه اكثر من انك تحقق دوري الابطال بفريق زي بورتو ! ..

إقتباس الرسالة الأصلية كتبت بواسطة LIVER 4 EVER مدرب يثير البلبله لا اقول ولا اكثر وغايته يقول انا موجود ملينا من الحركات الصبيانيه اللي يسويه بقصد ويتعمد فيها الظهور بالاعلام

أغلب الي ماايعرفون مورينهو بالشكل الصحيح يقولون الشيء ذا ! .. والي يعرفه زين يعرف انها كلها حرب نفسيه وتوجيه الاضواء نحوه عشان تبعد الاضواء والضغوطات عن االاعبين ! ..

كل شيء يسويه في الاعلام عشان تصلط عليه الضغوط وتحرر عن لاعبيه ! .. عشان كذا داايم تشوف لاعبين مورينهو زي الديناميت ويلعبون من قلب وبدون اي ضغوط ! .. لانه مورينهو محررهم من الشيء ذا ..

حتى احد ادااري الانتر يقول .. مااريت مدرب في حياتي يبعد الضغوط عن لاعبينه مثل مورينهو ! .. وهذا الشيء شفناه في لاعبين الانتر ! ..

واذا كاان بيشيل الضغوط عن لاعبيه والعاقبه الي بتكون عليه بس نظره الناس له انه مغرور وماايحب الا نفسه .. فالذا الشيء بالنسبه له ولعشاق نااديه ابد ماايهمهم لانه بيحقق النجاح في النهايه ! .. اجعلهم يتكلمون ويحكمون ونحن نحقق النجاح

ترا الشيء ذا مهو هين ابد ! .. العامل النفسي احد اسباب النجاح في الكره الحديثه ! .. وبدونه مااتقدر تقدم شيء ابد ! ..
لانروح بعيد ! .. عندك مدريد ! .. على كثر الاعبين الي يأتون وتكون مستويات عاليه اغلبهم لما تطأ اقدامهم البرناابيو ماايقدروا يقدموا نصف مستواهم ! .. لان الضغوط تكون كبيييييره وثقيله ومكبله لامكانياتهم ! .. ولما يخرجوا يتفجروا

ويوم يكون عندك مدرب من النوع ذا يخرج الضغوط عن الاعبين هؤولاء ويتحمله هو ! .. فهو مدرب مهو عادي ابد ! .. الا المدرب الي تبيه ! ..

إقتباس الرسالة الأصلية كتبت بواسطة LIVER 4 EVER مدرب مايروح الى لفرق جاهزه لابد من توفر شرطين الاول النادي مطنوخ (اطلب تجد ) والثاني اعلام وكمرات خاصه لمتابعته بالمباريات لكن مصيره ينصهر بالليجا .. لانه بيواجه فرق لاتعتمد على التكتيك الاضباطي كما هو البريمير والكالتشيو تعتمد على قلي وش مستوى مهارك اقولك من انت

اول حاجه وقبل كل شيء مورينهو ماتى من العدم والانديه مااجاات تتقاتل عليه وتضع فلوسها ومبالغها تحت واحد اسمه مجهول وبدون تاريخ جيد وان قل ! ..

مورينهو حقق النجاح الخيالي مع بورتو ! .. بدون المبالغ الي تتكلم عنها ! ..
وطلع لاعبين مثل ديكو وماانيش وكرفهاليو من العدم وحقق معهم دوري الابطال .. من هنا بدأت مسيره مورينهو ومن هنا بدأت الانديه تتقاتل عليه ! .. لانه مدرب من لاشيء حقق اعظم شيء ! ..
وكون الانديه اصحاب المبالغ تبيه ! .. ذا دليل انه ناجح ! ..

يعني لا تقول ابد ان مورينهو صنااعته من قوه فلوس الانديه ولاعبينه ! ..
وحتى مهو اي مدرب يحقق النجاح لو تحقق له الاشياء ذي ! .. هذا رنيري على مااعتقد درب البلوز قبل مورينهو ومع فلوس الروسي ولا حقق شيء ونفس الكلام عن ماانشيني ايام مااكان مدرب الانتر مع انه كان ملبين رغباته ولكن مااحقق شيء من طموح النادي ابد والان نفس الشيء اتوقعه مع السيتي ! .. بس مورينهو حقق الين طفش ياارجل

اما مصيره في الليغا بينصهر خخ .. ياارجل ماانصهر في الكاالتشيو ولا الدوري الانجليزي تبيه ينصهر في اسهل الدوريات الي ماافيها مناافس غير برشلونه ( الي متعود عليه خخخ ) وكل الفرق تكتيكها واضح وماافيه اي شيء ابد ! ..
وسالفه هات مهاارتك ونشوف وش عندك خخ ! .. المشكله الكلام ذا ينصب في صالح الريال والبرسا ! .. لانه ماافي نادي ثالث يقدر ينافسك في المهاره ( هذا اذا فيه نادي ثالث يناافس اصلا خخ ) .. بمهاره رونالدو وكريس وبن زيما اصلخهم ولما تجي للبرسا بالمعتاد ياامورينهو تفوز عليهم زي مااكنت تسوي مع الانتر وتشيلسي خخخ ..
وبالنسبه لي اشوف نجاح مورينهو في الدوري الاسباني اكيد ان شاء الله .. لانه لو تعد المباريات الي يبيلها تفكير وشغل تكتيكي كبير مااتتعدى ال 3 خخ .. مبارتي البرسا ومباره اشبيله على ارضه ولا غيره خل دوران لاعبينك وبطريقتهم وهم يجيبون لك 3 نقاط وانت تاكي في البيت ..

الكلام عن مورينهو بيكثر صدقني .. وانا متفهم كرهك لمورينهو من ميولك الانفصالي والحوثي خخ .. واعذرك خخ ..

بس لا تهظم حق الرجال ابد .. وخاصه انه حاليا الافضل عالميا ..

واعتذر اولا على الرد الي مهو في مكانه .. واعتذر عن الرد الطويل خخخ ..
ونقاشي معك يامجيد اتمنى انه يقف هنا ولو تبينا نكمله نفتحه في البالتوك خخخخخ .. نجيب مزز ونتهاوش والعالم تعرض خخ ..

إقتباس هلا بالسهم اعرف مورينهو زين مدرب ذكي ولو كان فيه شيء من اللي انت قلته ماكتبت عنه هالشيء مدرب يثير البلبله لا اقول ولا اكثر وغايته يقول انا موجود بس محنك هذي من وين جبته ..؟؟!!! وشي الصعوبات اللي واجهه عشان تطلق عليه هالكلمه ؟؟ مدرب مايروح الى لفرق جاهزه لابد من توفر شرطين الاول النادي مطنوخ (اطلب تجد ) والثاني اعلام وكمرات خاصه لمتابعته بالمباريات ملينا من الحركات الصبيانيه اللي يسويه بقصد ويتعمد فيها الظهور بالاعلام لكن مصيره ينصهر بالليجا .. لانه بيواجه فرق لاتعتمد على التكتيك الاضباطي كما هو البريمير والكالتشيو تعتمد على قلي وش مستوى مهارك اقولك من انت

هلا فيك مجيد
عشان اعلمك انه محنك شف وش سوى مع بورتو صنع فريق من لاشي
ومع تشيلسي جلب العديد من النجوم بالاك وايسيان ودورجبا اشلي كول
وانت تقول انه ياخذ فريق جاهز وانه اول ماجاء البلوز خذوا الدوري لاول مرة
مورينهو لايقارن

إقتباس الرسالة الأصلية كتبت بواسطة El Blanco_7 إيلاديو باراميس المتحدِّث الرسمي باسم جوزيه مورينهو ينفي المقابلة التي نشرتها صحيفة ديلي ميروو الإنجليزية اليوم وَ انتقد خلالها مورينهو عمل كابيلو " ما قيل زائف تماماً ، المقابلة التي نشرتها اليوم صحيفة ديلي ميرور كاذبة تماماً " " جوزيه مورينهو لم يقم بأيِّ تصريح لهذه الصحيفة وَ ينفي كلَّ محتوياتها " " سنقوم بجميع الإجراءات القانونية ضدَّ ما نــُـشــِــر وَ صاحبه " http://www.as.com/futbol/articulo/mourinho-anuncia-entrevista-habla-capello/dasftb/20100825dasdasftb_43/Tes

عشان ماانجرف ونصلخ في ذيبان خخ .. الموضوع والمقابله كلها تأليف الميرور ..
يعني ذيبان مااقال شيء من قريناه خخ ..

اظن ان ذا الشيء كفيل اننا نغلق الموضوع ..

الا صدق ماافي اخبار عن مااسكي وعرض البرسا ؟! .. < تصريفك يابو خخ