احد تكلم عن الظاطور خويي ؟

فيصل .. اذا ودك تطرد خويي من يستحق البقاء اجل ؟!

صراحة شدّني اداءه شيء شيء .. لاعب نجم وحرام يطير بهالشكل .

خامس افضل لاعب في الليفر هالموسم من وجهة نظري

وجيرارد موب منهم معناها ادق على كومولي اقول نفضل لوكاس على جيرارد ؟!

ميريلس في بعض المباريات ماكان يلعب بمركزه وهالشيء لاحظوه الاغلبيه ..

سرعة .. لياقه .. ذكاء .. تحس انه منتمي لليفر واحد ابناءه من حماسه داخل الملعب

ممكن نستغني عنه لو كان عندنا افضل منه .. بس حتى الان اكويلاني ماشفناه بشكل كبير لاصاباته .. وهندرسون مابعد شفناه معنا يمكن مايعجبونك الثنين وناكلها خصوصا ان الظاطور مقدم مستويات مرضية جدا جدا ..

اكوي لاعب زجاجي (توني متعلمها وبجربها هالمرة ) ومايناسب البريمير ابد .. البريمير يبي قوة بدنية للاتحامات , - يعني نحتاج لاعب يقاتل على الكورة موب من احتكاك واحد تلقاه مرقّد بمستشفى الشميسي -


برشلونة اجل ؟!
و آسفاه يا محررنا
دوروا لنا محرر زي محسن وشرواه نبي ليفربولي صميم < تخصص رفعة ضغط

وش ذا الموقع الملحوس
اكتب رد فجأ احط ذا اللي ينسق الرد وينمسح
خير
والمشكله الرد طويل ابي ارد على محمد


مين جاب طاري جيرارد الحين
جيرارد نص الموسم مصاب
ميريلس صانع العاب .. وانا ماقد شفت صانع العاب طول الموسم يصنع 4 اهداف
بعدين من جاب طاري اني ما ابيه بالنادي ؟
انا قلت الافضل انه يطلع بدال اكويلاني
وياليتني ماقلتها
السعر اللي بيجيبه دبل سعر اكويلاني !!
بعدين حماسه مهوب كل شي !!
وسط ماعليك الا من كم صنع وكم سجل واحكم !

إقتباس برشلونة اجل ؟! و آسفاه يا محررنا دوروا لنا محرر زي محسن وشرواه نبي ليفربولي صميم < تخصص رفعة ضغط

اتابعه والله اتابعه
وش فيك انت ؟

InsideLFC InsideLFC



LFC to offer 18.5m cash or 14+ Cole or Ngog (villas choice) for Downing with 50% up front. Thats a large down payment nowadays

خذوهم الاثنين

إقتباس الرسالة الأصلية كتبت بواسطة Cяαży ĻỉṿęяρσσĻ وش ذا الموقع الملحوس اكتب رد فجأ احط ذا اللي ينسق الرد وينمسح خير والمشكله الرد طويل ابي ارد على محمد مين جاب طاري جيرارد الحين جيرارد نص الموسم مصاب ميريلس صانع العاب .. وانا ماقد شفت صانع العاب طول الموسم يصنع 4 اهداف بعدين من جاب طاري اني ما ابيه بالنادي ؟ انا قلت الافضل انه يطلع بدال اكويلاني وياليتني ماقلتها السعر اللي بيجيبه دبل سعر اكويلاني !! بعدين حماسه مهوب كل شي !! وسط ماعليك الا من كم صنع وكم سجل واحكم ! اتابعه والله اتابعه وش فيك انت ؟

إقتباس مين جاب طاري جيرارد الحين جيرارد نص الموسم مصاب

اهوه جبتك على خشتك يا كتلوني
جيرارد نص الموسم مصاب .. والظاطور نص الموسم مايلعب بمركزه
وصلت ؟!

__
ياخي كل لاعب فلوسه مقياسها على مستواه .. اكوي مستواه موب ذاك الزود معناها سعره رخيص
ميريلس مجنون وسعره فيه يعني نبيعه مع افضليته على اكوي عشان سعره اغلى ؟
اذا على كذا بيّعنا نجومنا وتبا للبشر وموب تبا للفلوس

اذا تبي الفلوس لاتبيع نجومك .. اكرش الكديش اللي عندك ثم يمديك تفكر بالنجوم
واذا تبي الفلوس لاتطاوع كل بزر قال ابي 20 مليون
حتى لو توصل انك تبيع فساتين المعزبة (ليندا) بس لاتبيع لاعب مهم بالفريق

(وش رايك باقتراحاتي بالمحاسبة بس اصلح كاشير ؟ )

__
سواءً صنع اهداف كثيرة او شويه مايهمني هالشيء .. المهم اداءه وحماسه مُلهم للفريق ككل
ولو اني انصدمت يوم شفته صنع 4 اهداف بس !
معناها الولد مسوي شغل كبير بدون مايصنع بصراحة على مستواه توقعته صنع 8 كأقل شيء

إقتباس LIVERPOOLISTA

ياحبي لك .. لا فيصل اخ عزيز وغالي بس عاد الله يهديك برشلونه عاد .. وعوووه !

ميراليس الادارة عارضينه بـ 12 مليون او حولينها .. خسارة كبيرة ان خرج بمبلغ بسيط مثل ذا .. لاعب شارلي ليفربول .. وصرح وطلب البقاء .. ومبدع ونشيط وطوال الموسم موجود .. وعلى قولة ابو لستا تحسه مولود بالانفيلد .. تحسه من ابناء الناي .. تفضله على شخص من شهور وهو يصايح هو ومدير اعمال يبغونه ينباع بأي طريقة ! .. شي يقهر !

وعلى فكرة .. كلهم سعرهم متقارب لا تاخذها حجة يافيصل .. ويمكن اكويلاني اعلى بس ماوصلت له عروض حسب الطلب .. الادارة كانت عارضته على اليوفي بـ 14 مليون .. الي هم نفسهم عارضين ميراليس بـ12 .. تبببببببببببباً

ماشاء الله واضح ان اكوي مسسستانس في الصور مع الفريق
وموسع صدره ~
كويس اذا النفسيه كذا حلوه ~

اللي قاهرني الفريق لحد الان ماباع ولا لاعب ..؟!!!

نجوج , كونشيسكي , بولسن , جوكول , يوفآ
ياخي بيعوهم لو كلهم على بعضهم يجيبون 10 مليون حلو تنفع الفريق ~

ما ادري مكدسين لاعبين على غير فايده صرآحه :/



واتوقع التعاقد مع دوني بيكون قريب
والسبب رينآ مصآب واعتقد اول جولتين او ثلاث بيكون حارسنآ دوني
مجرد توقع ^^

الله يسسستر بس من دوني وزلآته


هونت ما ابي سيسوكو ابي ليتون بينز
يالبيه هالاعب لو جانا الدوري لنا غصب
المشكله انه مع الجار بس ان شاء الله يجي

واعتقد ماراح يعلنون عن اي صفقه لين يرجع الفريق من الجوله

راؤول مريليش يصر بأنه سيبقى مع الريدز الموسم القآدم بالرغم من الاخبآرالكثيره حول مستقبله .
الملك كيني دالغليش تعاقد مع هنديرسون و آدم ، مما اثارت تكهنآت بالاستغنآء عنه .
انتر ميلان و يوفنتوس مهتمين بضم نجم فريق بورتو السابق، لكن البرتغآلي لا يزال مصرآ بآنه بآقي في الفريق .
قبل بدآية المعسكر التدريبي والسفر الى الصين سئل البرتغآلي عمآ اذآ كان سيبقى
مع ليفربول فأجآب : بالطبع
مريليس يعاني من آصآبه في كاحله ، لكنه يقول أنه في تحسـن وقال " لدي مشكله
صغيره في كآحلي لكنها بسيطه جدآ "


على كذا الاعب شكله جآلس هو وآكوي برضضضو

الباقي




































اخبار تقول ان الفيلا وافق على 18 مليون ونص
والفحص الطبي اليوم او بكره

ويقال ان الجهاز الطبي جالس في ليفربول
ويضبط المكان عشان الفحص
ويقولون دوني او داونينغ

كونسكي تخطى الفحص الطبي في ليستر سيتي (الحمدالله)
قيمة الصفقة 1.5
مكسب فيه هو وخشته

إقتباس هونت ما ابي سيسوكو ابي ليتون بينز يالبيه هالاعب لو جانا الدوري لنا غصب المشكله انه مع الجار بس ان شاء الله يجي واعتقد ماراح يعلنون عن اي صفقه لين يرجع الفريق من الجوله

أنشهد انه ظهير بن كلب
يكفي احصائياته .. اقسم بالله اللي يشوفه يقول هذا صانع لعب مهوب ظهير
وتراه كان في ليفربول وسرحوه على ما اظن
وانا افضله على سيسوكو لانه انجليزي .. وسيسكو يبقى خيار بن كلب بعد




الحمدالله
الحين بيجون ناس بيقولون هماك ماتبيه
انا ماقلت ما ابيه .. قلت لو بيطلع واحد من اكويلاني او ميريلس قلت ميريلس عشان اللي ذكرته في النقاش !
وفيه احد ماوده ان ميريلس يجلس ؟

مدافع اودنيزي الكولمبي زاباتا راح عليكم < وهذا اللي كنت ابيه
اعلن النادي الايطالي عن بيع عقده لـ فياريال

إقتباس أنشهد انه ظهير بن كلب يكفي احصائياته .. اقسم بالله اللي يشوفه يقول هذا صانع لعب مهوب ظهير وتراه كان في ليفربول وسرحوه على ما اظن وانا افضله على سيسوكو لانه انجليزي .. وسيسكو يبقى خيار بن كلب بعد

والله يافيصل ويابو فيصل انا اتمناه بعد سيسوكو
بالاول سيسوكو بنية جسمانيه بنت كلب ودفاع صلب وقت الهجوم ابن كلب بعد
وسيسوكو عمره 21 سنه وبينز عمره 26 سنه فرق بالعمر

إقتباس الرسالة الأصلية كتبت بواسطة DЯJ والله يافيصل ويابو فيصل انا اتمناه بعد سيسوكو بالاول سيسوكو بنية جسمانيه بنت كلب ودفاع صلب وقت الهجوم ابن كلب بعد وسيسوكو عمره 21 سنه وبينز عمره 26 سنه فرق بالعمر

كلهم ابيهم
اي واحد يجي ماعندي مشكله

ازاغوري - سيسوكو - بينز

واحد منهم بيحل مشكلة الظهير 5 سنين قدام
بعدها نسلم المهمه لروبينسون
وبعد التفكير العميق ودي بسيوكو اول
بعدين ازاغوري .. ومستبعد بينز
تخيل يبيوعنه لنا ؟

Liverpool to offload Paul Konchesky and Milan Jovanovic | Football | guardian.co.uk

مبرووووك