هاردلكم يا عيال
والله مباراة مجنونه خاصه الشوط الثاني
بس لولا كلجه رينا
على العموم خيرها في غيرها بس مو قدامنا

هاردلك شباب ايام التفيخه رجعت
لكن ياشباب ترى الارسنال انا اشوفه مو مقياس .. لانه عقده


بصراحه النتيجه فيها جانبين ,, الاول يحسب للكوتش << انقهر يابوليلى
وهو انه قدر انه يعود بليفر جديد وبروح جديده (روح انجليزيه ) هذي اللي فقده ليفربول بينتز العام الماضي فقط
قدر انه ينتشل الفريق من الاحباط . ويبدولي انه التغييرات الكثير ه اللي صارت بالفريق هي عامل مساعد
تغيير المدرب .. تغيير بعض الاسماء ... تغيير الراعي الرسمي ... تغيير الطقم > ماله دخل بس دعايه للشنطه

شفنا ليفربول وعشنا ايام الانفيلد زمن الرباعيات
والروح اللي ساندت فيها الجماهير ماتدل الى على ان الانفيلد موطن الصبر

الجانب الثاني ,, هو الطريقه اللي دخل فيها الهدف ,
كل الخوف انه يكون عكسي على روح الفريق اللي شفنا وهنا دور روي اذا قدر انه يخرج الليفر وبالاخص بيبي رينا من هالحاله الليفر بيكون له كلمه اكبر وراح نشوف مان سيتي يتجرع ثمن مالم يدفع ثمنه .. وهو مجارات الكبار


تشكيله مثاليه بصراحه واخير جاء من يطبق هالطريقه بالانفيلد
خصوصا عندك لاعبين ثلاثه يحيرون من تلعب وبالامكانه اشراكههم (سجل اعجاب بالشايب )

ومادام حنا بالتشكيله : الفريق يحتاج مهاجم نجوج وتوريس مايكفون لاكمال الدوري الاول مايدري من وين هي هابه والثاني الاصابات معه تخوف ... يحتاج الفريق لمهاجم فيه فرص تحتاج قناص اليوم سواء على مستوى التحرك او بطريقة التعامل

وعلى فكره ترى توريس حوم تسبدي يوم انه يتميلح ويتيطيح






شوفو الجماهير .... كانهم يقولون لأ لأ مش من هينا يارينا

رمضان كريم ياقنرز


شباب لايفوتكم التعاون
لن تسير وحيدا يابرزيل القصيم

هلاليــ اصيل ( محمد ان ماخاب ظني والله اني كنت دايم اتذكر اسمك بس هل المره زحلطن ) ..
يازين قريحتك التحليليه .. يقربلك الشنيف خخ ؟ ..

بالضبط انا متفق معك بالكلام الي قلته الا في موضوع نغوغ ..
وصدقني الليفر مقدم بوادر اكثر من ايجابيه لموسم تنافسي له ! ..
روي متفائل به العجيز ذا ! .. تحس انه قدر يضبط اخطاء الفريق في السنه الماضيه من ناحيه االاخطاء الدفاعيه الى مشكله الربط في الفريق الي اشوف ان الفريق عاانا منها بعد ماانتقل الونسو لفريقي الريال خخ ..
الفريق تحس انه ثابت وقائم على ارضيه الميدان ! .. حتى مع الطرد الفريق بقى محافظ على شخصيته وادائه ! ..
وخطأ واحد ابد مااينقص من اداء الفريق ككل ..

كل ذا ترا مهو هين ! .. وخاصه انك تحت مدرب جديد واسماء جديده تشارك اول مره والاسم الاميز في هجوم فريقك مهو موجود ! .. وتقابل فريق اكثر انسجاما ووطريقته هي هي من سنوات ومع كذا تتفوق عليه رغم طردك ويتعادل معك بخطأ فردي شيء مهو قليل ابد ! ..

عموما كل ذا تفائل ! .. ومعنا الحق اننا نتفائل ! .. ولكن برضو لا نستعجل ونصدر الاحكام بدري بدري سواء بالفشل ولا بالنجاح ! ..

بأنتظار الفريق يوم الخميس

.
.

][ رغم الخطأ الفادح .. كاراغير يشيد بيبي رينا ][



رفض جيمي كاراغير انتقاد حارس مرمى ليفربول بيبي رينا رغم الخطأ الفادح
الذي سلم لأرسنال نقطة التعادل في الجولة الاولى من الدوري الإنجليزي .
وقال كاراغير لشبكة سكاي سبورت : " انها ليست مشكله , ويبقى بيبي رينا من أفضل
الحراس في العالم "

المصدر

إقتباس مجيــد الحمد لله تغيرت وجهة نظرك هالمره . مازلت ضد الجزلنه >> خلنا نستغلها بعدين تعال ع الصوره الجماهير اللي وراه تقول ايوه من هنا يا رينا لانهم تبع الجنرز

ياخي انت خطير ... تدس السم بالعسل

انا ضد العنصريه واخذ اللاعبين لانهم انجليز فقط لكن مطالب بضم ايرلاند وميلنر ... اسماء حفظتوه من كثر ماردده

بصراحه الروح اللي ظهر فيها الليفر تبشر بالخير .. واقدر اكول ان الليفر منافس على البرمير وبقوه
والتغييرات اللي صارت ساعدت على اننا نشوف ريدز بحق وحقيقه
انا متفائل خصوصا بالطقم الابيض كم قصير لان وجوه النحس فكت بن عيون وكارلسبيرج



عنوان للرابطــــــه : >> ودي اجيب طاري التفيخه ماقدرت

|| روح الانفيلد تستفيق بعشره .... ورينا اهداهم فرحه ||

يجمع بين الطريقه اللي شجعت فيها الجماهير والطريقة اللي فقد فيها الريدز الفرحه

|| بهفوه .. الريدز يكمل بعشره يكتفي بنقطه ||

يتكلم عن هفوه الحكم ضد كول >> مش كووووول
وهفوة رينا بالمكرمه
ويحدد موقع الريدز بعد هالنكبه



وسلامتكم

هآردلكم شبآب نعوض بآلقآدم

إقتباس الرسالة الأصلية كتبت بواسطة البلانكو10 حرام انك تحكم على مستوى فريق جماعي بسبب خطأ فردي ! .. خطأ ريينا كبير ولكن لو تجي بتعذره بتعذره ! .. مروان خطف الكره بشكل سريع ارتداد الكره واستيعاب ريينا للحدث اثر عليه وماكانت رده فعله جيده ومناسبه .. حتى لو تشوف اللقطه زين تحس ان ريينا مهو مصدق ان الكره رجعت له ويبي يمسكها مع انه كان مندفع وبيدخل للقول ! .. وبالنسبه للسيتي .. بدري القول عليه انه ماايرحم ! .. شفنا قدام توتينهام كان سيء وسيء جدا ! .. صحيح الامور بتكون اصعب كونها مباره على ارض السيترز ولكن برضو لو شفت الليفر اليوم من الناحيه والتكتيكيه والبدنيه ( رغم انها مباره افتتاحيه للفريق وتحت امره مدرب جديد ) رغم النقص العددي بتشوف ان الفريق قادر على الوقوف في وجه السيتي وتقديم مباره كبيره امامه ! .. لسه بدري الخوف من الفرق ولسه بدري كمان الحكم على الامور وكأننا بنهايه الدوري ! .. حبه حبه وبتشوف الفريق افضل من ماكان .. معليش على التفلت خخخ

طيب ليش التناقض تو تقول المان سيتي سيء جدااا وبعدين تجي تقوول لاتحكمون على الفريق باول جولة او في البداية شفت التناقض انت الحين حكمت على المان سيتي انه سيء سيء جداا وحنا في بداية المشوار الامور الان بدت تصعب على الليفر وانا اتمنى ان الريدز يقدر يقاوم ويتغلب على الظرووف

.
.

شبآآآآآآآآب

خبر أعجل من العاجل

القناة المصريه الثانيه أصبحت تبث على النايل سات ,
القناه معروفه انها من سنة 2005 تنقل 3 لقاءات كل اسبوع من الدوري الانجليزي مباشره ,
و 3 لقاءات مسجله آخر الليل !

تو جربت وطلعت معي زي الحلاوه + ولد خالي يقول شفت الريدز × القنرز عليها اليوم وبتعليق مصري .. عاد مدري عنه صادق ولا نصآآب

التردد : 11488 .. أفقي .. 3/4 .. 27500

للمعلوميه : هنآك أنباء تقول ان القناه تبث أرضي - فضائي بنفس البث ولا يتغير البث إلا عند بدء المباراه فتنقل المباراه ع البث الأرضي فقط , وهناك
أنباء تؤكد العكس

ان شاء الله المصريه الثانيه ما تخيب ظننا وتنقل الدوري الانجليزي ع البث الفضائي !

أخوكم / عبدالرحمن