المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > أرشيف شبكة الزعيم > أرشيف المنتديات الخاصه بالمناسبات > أرشـــيف منتدى الروابط العالميه
   

أرشـــيف منتدى الروابط العالميه أرشـــيف منتدى الروابط العالميه

 
   
 
LinkBack أدوات الموضوع طريقة عرض الموضوع
  #3496  
قديم 13/03/2011, 01:40 AM
الصورة الرمزية الخاصة بـ ريـ ـ ـ ـ ـان
زعيــم متألــق
تاريخ التسجيل: 01/09/2005
المكان: حائل
مشاركات: 1,460
[QUOTE]
إقتباس
الرسالة الأصلية كتبت بواسطة البلانكو10
هلا مجيد ..

سؤالك بمحله وهو اغلب الي يشغل عشاق الليفر ! .. الي هو كيف قدرنا اننا نتفوق على المان وتشيلسي وقدرنا نتفوق عليهم وندكهم دك ولكن في نفس الوقت الفريق يعاني امام فرق صغيره وتكون ند له ؟! ..

بالنسبه لي ..
اشوف تذبذب المستوى سببه حاجتين ! ..
الاولى : الليفر بصراحه مايملك عناصر تقدر تخليه يستمر على مستوى عالي وبنفس طويل ..
الثانيه : الشغل النفسي الكبير الي يقدمه دانغليش .. لكن في نفس الوقت صعب انك تشحن الاعبين في كل مباره وفي اي مباره ! ..


يآعيني عليك .. هالسببين كنت نآوي أكتبهم

من نآحية الدكه فالفريق يعآني من نآحية المهاجمين وقلتهم .. على اعتبار الليفر عنده 3 مهاجمين
وأكيد العآهه نقوق خآرج الحسبة

أتمنى بالانتقالات الصيفيّة .. قدوم [COLOR="rgb(65, 105, 225)"]مهآجم ولآعبين جنآح وظهير أيسر
<< على الأقل إذا كان الليفر يفكّر يرجه لأبطآل أوروبآ .. طبعا ً الدوري مآ اتوقع تخطيط سنة وحده يكفي عشان نحقق البطوله

ال2 .. مره قلتهآ خطة دآقليش ( شدوا حيلكم ياشباب ) تنفع مع الفرق الكبيره ومع مباريات خروج المغلوب .. لكن بمباريات الدوري وخصوصا َ ضد الفرق الصغيره وفي المباريات اللي مايكون فيهآ حآفز تفسي للآعبين .. رآح يكون الفوز صعب جدا ً

يعطيكم العآفية .. وأتمنى نحرّك الرآبطة بمثل هالنقآشآت
[/COLOR]
  #3497  
قديم 13/03/2011, 02:55 AM
الصورة الرمزية الخاصة بـ DЯJ
رئيس رابطة ليفربول
تاريخ التسجيل: 02/04/2010
المكان: هنيا
مشاركات: 1,392
إقتباس
عواااااافي يالقاطع على هالخبر

عبدالله < على ماعتقد


لا مو عبدالله احمد
كنت متابع من بعيد لبيعد
وماعرف الا مجيد وحسن وانس < من متابعتي فقط
ومشاركاتي قليله ف الرابطه
وأتمنى اكون منكم وفيكم واليكم < ياشيخ

موفقين
  #3498  
قديم 13/03/2011, 02:58 AM
الصورة الرمزية الخاصة بـ DЯJ
رئيس رابطة ليفربول
تاريخ التسجيل: 02/04/2010
المكان: هنيا
مشاركات: 1,392
إقتباس
الرسالة الأصلية كتبت بواسطة FALCON ALAHLI
ما تلاحظون ان كل لاعب يبيه الليفر تلقى اليوفي معنا يفاوضونه

بس اهم شي انهم يجيبون الامير اكوي


ههههههه اي ملاحظ
اليوفي قاط مع اي نادي يفاوض
  #3499  
قديم 13/03/2011, 07:28 AM
الصورة الرمزية الخاصة بـ Pride england
زعيــم نشيــط
تاريخ التسجيل: 26/08/2004
المكان: Onayza near Anfield
مشاركات: 848
إقتباس
المتابع لحال الليفر يرى ان الفريق يظهر كند ومنافس على جميع الاصعده في بعض القائات وخصوصا اللقائات الكبيره , لكن سرعان ماتتوارى الروح وينضب الحماس ويعود الفريق لنتائجه المخيبه !! برئيك مالسبب وراى هذا التذبذب ؟! وماهي الوسيله الامثل لحل لغز الليفر والكل يعلم انه هو احد اسباب حرمان الليفر للفوز باول القابه بالمسمى الجديد وكسر عقدة 18 ..؟؟!!


بانتظار ارائكم ,,




انا من وجهة نظري ان الليفر لازال يحتاج انتدابات قويه في فترة الصيف المقبله

وخاصة بالاحتياط لازلنا نعاني رغم ان مركز الهجوم في فترة الانتقالات الشتويه الماضيه وبعد سنوات طويله وبقاءنا على توريس وحيداا في الهجوم تم تغطيته من اساسيين واحتياطيين بوجود سواريز واندي كارول وانجوج ..

اما نتائجنا اتوقع الليفر ولاعبيه يلعبون على حجم المباراه لان اذا صرنا بمباراه مع فريق كبير تلقى الفريق مستوى ونتيجه لكن العكس اذا صرنا مع احد اندية الوسط او المؤخره

وهذا يرجع لاسباب كثيره يمكن تكون من اللاعبين ويمكن تكون من المدرب اما انا فارى ان الحظ له دور كبير ... وان شــآء الله دوري السنه القادمه وبتعليق فهد العتيبي لليفر

تحيتي لكم
  #3500  
قديم 13/03/2011, 01:36 PM
الصورة الرمزية الخاصة بـ J.Ħeиdeгsoи
زعيــم مميــز
تاريخ التسجيل: 08/09/2010
المكان: Anfield Road ♡
مشاركات: 2,478
إقتباس
المتابع لحال الليفر يرى ان الفريق يظهر كند ومنافس على جميع الاصعده في بعض القائات وخصوصا اللقائات الكبيره , لكن سرعان ماتتوارى الروح وينضب الحماس ويعود الفريق لنتائجه المخيبه !! برئيك مالسبب وراى هذا التذبذب ؟! وماهي الوسيله الامثل لحل لغز الليفر والكل يعلم انه هو احد اسباب حرمان الليفر للفوز باول القابه بالمسمى الجديد وكسر عقدة 18 ..؟؟!!

بتكلم عن النقطه الاولى
اتوقع سبب تذذبب المستوى الثقه الزايده .. نلاحظ بعد كل مباراة قويه الفريق ينخفض مستواه بشكل كبير .. وتشوفه اذا كان في اسبوعين او 3 مافيه فريق من البيج 4 تشوفه عادي يفوز على الفريق الصغيره والوضع طبيعي .. لازم الكينج يحفزهم .. اتوقع انهم يستهينون بعد كل فوز على تشلسي ومانشستر عشان كذا نشوف التذبذب..!
والشي الثاني الدكه ضعيفه مرره
انا دايم اقول كومولي اذا جاب اللاعبين الاساسيين اللي نحتاهجم في التشكيلة الاساسيه 4 لاعبين او 5
يركز على الدكه .. يجيب كم لاعب 3 او 4 مايكونون غالين بس نجوم فريقهم ويقون الدكه ..
ونبيع العاهات الموجودين .. انجوج وميلان وماكسي وبولسون .. وبعدها ان شاءالله يضبط الفريق

اخر تعديل كان بواسطة » J.Ħeиdeгsoи في يوم » 13/03/2011 عند الساعة » 03:33 PM
  #3501  
قديم 13/03/2011, 03:09 PM
الصورة الرمزية الخاصة بـ Anfield Fan
نائب رئيس رابطة ليفربول
تاريخ التسجيل: 02/09/2006
المكان: Anfield Road
مشاركات: 1,629
تذكير

إقتباس
بسم الله الرحمن الرحيم

عذرا على التأخير

نعود مع فقرتنا الشهرية ، ضيف مدرج الكوب ، و هي بإختصار عمل إستضافة لأحد أعضاء الرابطة و طرح أسئلة عليه .

و ضيف هذا الأسبوع هو
Dalglish




الأسم : سلطان العتيبي
المدينة : حالياً - الريآض !
المهنة : طآلب جآمعي
الهوايات : جمع الطوابع ض1

كيف تابعت الليفر : ما أذكرها بالضبط ض1 , لكنها مع مطلع الألفيه وكانت متابعه شختك بختك بس :/..
وبدأت أتابعه عن قرب تقريباً مع بداية الـ 2002 إن لم تخني الذاكره ..


كيف دخلت الرابطة : بعد ما أذكر ولا أدري وش جابني هنا
لكن أحمدلله تعالى أنـه أرسلني لـ رابطه يتشرف الشخص بمعرفة أعضاءها !

عن الإستضافة

1- الاستضافه راح تكون باول اسبوع من كل شهر ميلادي . وراح تتوقف الاسئله بعد هالاسبوع , حتى ماتتداخل مع الاخبار والمناقشات .
2- الضيوف من جماهير الليفر عموما سواء كان مشارك بالرابطه او من الزوار او حتى من المنقطعين .
3- التنسيق والاختيار للضيوف راح يكون عند زياد .
4- يحق للجميع المشاركه سواء من اعضاء الرابطه او من الزوار .
5- لكل عضو الاحقيه بطرح مجموعه من الاسئله دفعه واحده + العدد مايتجاوز عشرة اسئلة ، و للضيف أحقية الإجابة عن 5 منها و إن أراد اجاب عن الباقي .
6- يمنع مناقشة الضيف ( التعقيب على ردوده ) .
7- نوعيه الاسئله مفتوحه بحدود الادب وقوانين الروابط .

و بسبب أن الإستضافة صادفت قمة الليفر و المان ، لذلك قررنا تمديد الإستضافة اسبوع الى الجمعة الجاي .

اسألوا لاحد يستحي .
  #3502  
قديم 13/03/2011, 08:31 PM
الصورة الرمزية الخاصة بـ LIVER 4 EVER
إستشاري سابق بقسم الرياضة العالمية
تاريخ التسجيل: 16/07/2008
المكان: الرياض
مشاركات: 1,969
تفاعل رائع
ومناقشات مثريه .. اشكر عليها كل اللي ناقشوا
وطبعا النقاش هو حلى الروابط ... وعندي تعليقات على الردود
وان كان جهاد قال كل اللي في بالي .


إقتباس
الاولى : الليفر بصراحه مايملك عناصر تقدر تخليه يستمر على مستوى عالي وبنفس طويل ..
الثانيه : الشغل النفسي الكبير الي يقدمه دانغليش .. لكن في نفس الوقت صعب انك تشحن الاعبين في كل مباره وفي اي مباره ! ..

اتفق معك 100%
وتحليل مميز بهالنقطتين حطت ملامح اوضح لنقاط النقاش .

إقتباس
عشان كذا لو خذيناها من السبب الثاني نشوف الليفر يرتفع مستواه ويكون ند لفرق كبيره زي تشيلسي والمان وحتى انه يتفوق عليهم بشكل كبير ! .. لكن سرعان مايرجع الفريق للسبب الاول يوم ماتوجد فيه مباره تحتاج الى الشغل النفسي وتكون تعتمد اكثر على الامكانيات وعلى النفس الطويل ويرجع الفريق ثاني لمستواه العادي ! ..


جواب على فيصل وبعض كلام ريان

ريان الامر ماهو شدو حيلكم ؟؟!! المدرب له تاريخه بالنادي وبصمته واضحه .
لكن انا اضم كلامي لكلام جهاد انه فيه اشكاليه بالليفر مع التعامل مع الصغار ..



إقتباس
الفريق عشان يصعد ! .. لازم انه يدعم نفسه بلاعبين ! .. ويدعم دكته ( الي اشوفها فارغه بصراحه ! ) ..
ويوم يكون في مستواه العادي ( يوم تحكم الامكانيات فقط ! ) يكون قادر على الفوز ! ..

هنا فيه نقطة اختلاف دكه الليفر ماهي مثل قبل
الفريق اشوفه يملك عناصر لكن ماستفاد منهم ايه اتفق معك
قبل كان بابل يعاني وعندنا جوكول حاليا وباتشيكو وكيللي وايلا المعار
اسماء كان على الفريق اعطائه فرص بلقائات الكاس هالموسم او الاتحاد الاوروبي
حتى يكون قوي بالموسم القادم يعني بعطيك مثال صغير والتشاير لاعب ارسنال ..!!
ماكان اساسي العام الماضي هالموسم هو افضل لاعب بالفريق مع نصري ...؟؟!! كله يرجع للثقه الي صنعها فيها فينجر والاعب طموح واستغل الفرصه ... والامثله كثيره بالبريمير .


إقتباس
عشان كذا اشوف ذا سبب تذبذب مستوى الليفر ! ... مره فوق بالشغل النفسي وقوه المباره ومره تحت بسبه الامكانيات الي نملكها وانها ماتقدر احيانا انها تدير اي مباره ! ..

سبب انه يكون تحت
انا اشوفه زي ماذكرت بالبدايه من ضعف الدكه ... وضعف الدكه بسبب قلة المشاركات للاعبينه




إقتباس
لا مو عبدالله احمد
كنت متابع من بعيد لبيعد
وماعرف الا مجيد وحسن وانس < من متابعتي فقط
ومشاركاتي قليله ف الرابطه
وأتمنى اكون منكم وفيكم واليكم < ياشيخ

حياك الله احمد
وانا متابع للي يسيرون للرابطه وينقطعون

وانت منا ان شاء الله ,,
بس خف بالقطعات



إقتباس
اما نتائجنا اتوقع الليفر ولاعبيه يلعبون على حجم المباراه لان اذا صرنا بمباراه مع فريق كبير تلقى الفريق مستوى ونتيجه لكن العكس اذا صرنا مع احد اندية الوسط او المؤخره

فيه نقطه هذي تقال على فريق متوسط
فريق امكانياته اقل من الليفر ...

وطبيعي الفرق الكبيره انها تريح مع الفرق الصغيره لكن مب على انها تفقد اللقاء ..؟!
الليفر يفتقد للتنويع باللاعبين لهالسبب الفريق ينحاس مجرد مايقل عطاء احد لاعبينه الاساسين
او انه الفريق يريح لاعب او لاعبين ...
والدليل كاوت من بديله ؟!! وليش !! مع انه باالفريق لاعبين



نقاش ممتع
يعطيكم العافيه شباب


وجاينكـ ياسلطان ,,
يعطيك العافيه زياد على التذكير
  #3503  
قديم 13/03/2011, 08:46 PM
الصورة الرمزية الخاصة بـ Reds Lover
زعيــم نشيــط
تاريخ التسجيل: 25/12/2009
المكان: الرياض
مشاركات: 637
إقتباس
الاولى : الليفر بصراحه مايملك عناصر تقدر تخليه يستمر على مستوى عالي وبنفس طويل ..
الثانيه : الشغل النفسي الكبير الي يقدمه دانغليش .. لكن في نفس الوقت صعب انك تشحن الاعبين في كل مباره وفي اي مباره ! ..

ازودك من الشعر بيت !

ليفربول دائم لا لعب قدام البيج فور تسوف الحماس وروح وحب الفوز بأعين الاعبين

اوكي صحيح دالجليش له دور هالشي بسس لو ترجع بعهد السباك < مايقلد انس

وتشوف سيناريو مباراة المان معنا في ملعبهم , وقبلها ارسنال وبعدها تشلسي !


انتظر تعليقك !
  #3504  
قديم 14/03/2011, 12:37 AM
الصورة الرمزية الخاصة بـ Anfield Fan
نائب رئيس رابطة ليفربول
تاريخ التسجيل: 02/09/2006
المكان: Anfield Road
مشاركات: 1,629
إقتباس
عشان كذا اشوف ذا سبب تذبذب مستوى الليفر ! ... مره فوق بالشغل النفسي وقوه المباره ومره تحت بسبه الامكانيات الي نملكها وانها ماتقدر احيانا انها تدير اي مباره ! ..

هلا جهاد
منوور الحتة

وشسمه أمكانيات الفريق ممتازة جدا ، فالمراكز جميعها فيها لاعبين ممتازين و بالذات هجوميا ، لكن اعتقد اننا نواجه مشكلة ضد الفريق المتكتل دفاعيا ، لأن هناك مشكلة بالكرات الهوائية بس ان شاء الله كارول يحل هالمشكلة ، أضف إلى هذا عدم تأقلم الفريق حاليا ، و هو حاليا تقريبا حققها لولا وجود الدوري الأوروبي ، حيث أنه يجب على دالجليش أن يضع تشكليتين و تكتيكين و لاعبين مختلفين ، هنا اعتقد انه سبب المشكلة ، فعندما تأقلم الفريق مع لويزيتو قدر انه يمسخر المان مسخرة ، و كذلك ضد تشلسي حيث أن الملك ما اشرك سواريز لأن التشكيلة اللي لعب فيها المباراة كانت هي الأفضل للفريق في تلك الفترة من حيث الإنسجام و المستوى الفني ، بينما يبدو ان دالجليش ضحى بمباراة ويستهام ليتأقلم سواريز و نحصد النتائج ، فقد لاحظنا في مباراة المان ان اللاعبين كانوا يفهمون جميع كرات سواريز و في كل هجمة له يجد لاعبين يمرر لهما و هما كاوت و ميراليس و أحيانا ينضم جيرارد لهم ، و كما أقول فإن الفريق الآن يحصد ثمار الإنسجام لكن اتمنى من دالجليش عدم التضحية بأي مباراة لأجل أن يتأقلم كارول ، فالأفضل إشراكه في الشوط الثاني حتى يقدر على التسجيل و حينها يشارك أساسيا .


إقتباس
الحسن ديارا ماهو اللاعب القادر على هالشيء . لو كان الكلام عن محمد بيكون الكلام مختلف .

للحين مصمم يا مجيد على مامادو ، ابي اسألك عشان مستواه او عشان اسمه نفس اسم سيسوكو ؟

إقتباس
وتشوف سيناريو مباراة المان معنا في ملعبهم , وقبلها ارسنال وبعدها تشلسي

مباراة المان في ملعبهم ضيعها السباك لأنه ما هاجم ، أما أرسنال ففريقهم مع احترامي ما يأهلهم انهم يسوون شيء بالأنفيلد و الخروج بالتعادل نتيجة جدا إيجابية لهم ، بينما تشلسي باريناه و هو على بداية الإنهيار .

احمد ، ريان ، عبدالرحمن ، فيصل و rony_ england <<< ليت لو تعطينا أسمك أسهل .

يعطيكم العافية على التفاعل .
  #3505  
قديم 14/03/2011, 01:20 AM
الصورة الرمزية الخاصة بـ J.Ħeиdeгsoи
زعيــم مميــز
تاريخ التسجيل: 08/09/2010
المكان: Anfield Road ♡
مشاركات: 2,478





ملاك ليفربول يعتزمون التجديد مع الملك




يستعد ملاك ليفربول لتقديم كيني دالغليش مدرب دائم لليفر وفقا للصحف الصادرة نهار الاحد.
ووفقا لصحيفة صنداي اكسبرس فقد قدم لاسطورة الكوب عرضا لمدة سنتين
وتحويل الاموال لتحويل ليفربول الى سابق عهده.
استلم كيني تدريب الفريق في يناير من روي هدجسون بشكل مؤقت,
ولكن لم يخف رغبته في العمل على المدى الطويل.
تحولت الاموال للنادي منذ تولى الاسكتلندي تدريب النادي للمرة الثانية, فالجماهير بحاجة ماسة لرؤيته
مرة ثانية يتولى مهام المدير للفني للمرسيسايد.
ويعتقد انه يريد التوصل الى اتفاق لمدة أربع سنوات، لكن الأمريكيين جون دبليو هنري وفيرنر توم يترددون في اعطائه أكثر من سنتين في السنوات الأولى وفقا لاكسبرس,
والمفاوضات لا تزال جارية.


..المصدر..

  #3506  
قديم 14/03/2011, 01:37 AM
الصورة الرمزية الخاصة بـ LIVER 4 EVER
إستشاري سابق بقسم الرياضة العالمية
تاريخ التسجيل: 16/07/2008
المكان: الرياض
مشاركات: 1,969



حيا الله سلطان
اسفرت وانورت الرابطه
بعوده ابن من ابنائها




الاسئلة :

1- بوجهة نظرك اي الدوريات الاوروبيه اقوى بالترتيب لثلاث دوريات ؟ وميولك فيها ؟
2- كيف كانت بدايك مع الريدز ؟ وكيف كان شعورك في نهائي الابطال 2005 ؟
3- اختر افضل تشكيله للريدز حسب وجهة نظرك ؟ وبالاسماء اللي تابعته مع الفريق ؟
4- بعيد عن الرياضه عرفنا باهتمامات سلطان ؟ واين تحب تقضي وقت فراغكـ ؟
5- بما ان الاوضاع حولنا ماتسر .. حدثنا عن سلطان السياسي ؟ واي قناه تتابع للاخبار ؟
6- مع او لا
- الزواج المبكر { }
- اكمال التعليم والابتعاث { }
- الاشتراك بنادي رياضي { }
- السهر بالاستراحات { }
- الدردشات المكتوبه ماسن , بلاكبيري , .... { }
7- نجوم العالم بعتقادك ..؟؟ كون لنا تشكيله من النجوم الحاليه ؟
8- لاعبين تتمنى تشوفهم بالليفر ؟ ولاعبين ندمت على رحيلهم من الريدز ؟
9- هل انت متابع للدوري السعودي ؟ واي المباريات تعنيكـ ؟



تحياتي لكـ
والشكر كل الشكر على قبول الاستضافه
وان شاء الله تعود بيننا زي قبل
  #3507  
قديم 14/03/2011, 04:01 AM
الصورة الرمزية الخاصة بـ DЯJ
رئيس رابطة ليفربول
تاريخ التسجيل: 02/04/2010
المكان: هنيا
مشاركات: 1,392
إقتباس
هنا فيه نقطة اختلاف دكه الليفر ماهي مثل قبل
الفريق اشوفه يملك عناصر لكن ماستفاد منهم ايه اتفق معك
قبل كان بابل يعاني وعندنا جوكول حاليا وباتشيكو وكيللي وايلا المعار
اسماء كان على الفريق اعطائه فرص بلقائات الكاس هالموسم او الاتحاد الاوروبي
حتى يكون قوي بالموسم القادم يعني بعطيك مثال صغير والتشاير لاعب ارسنال ..!!
ماكان اساسي العام الماضي هالموسم هو افضل لاعب بالفريق مع نصري ...؟؟!! كله يرجع للثقه الي صنعها فيها فينجر والاعب طموح واستغل الفرصه ... والامثله كثيره بالبريمير .


دكة الليفرانا اتفق معك انها مو مثل اول وقويه شوي بس محتاجين للثقه وويلشر اكبر مثال
في لاعبين ماخذو فرصتهم الكافيه في الفريق
الدوري الاوربي اتمنى نلعب بالاحتياطيين يكون احسن ونريح الاساسسين
ومنها اعطاء فرصه للاعبين اللي ما أثبتوا نفسهم وإن اخذنا الكاس يكون احسن
ويمكن يبرز احد من الدكه ويرتفع سعره ونبيعه < تفكير شاطح


إقتباس
حياك الله احمد
وانا متابع للي يسيرون للرابطه وينقطعون

وانت منا ان شاء الله ,,
بس خف بالقطعات


الله يبقيك يابعدي


إقتباس
احمد ، ريان ، عبدالرحمن ، فيصل و rony_ england <<< ليت لو تعطينا أسمك أسهل .

يعطيكم العافية على التفاعل .



الله يعافيك
لسى مامنت عليكم ،
ولا كان تشوف التفاعل على اصوله

  #3508  
قديم 14/03/2011, 09:04 AM
الصورة الرمزية الخاصة بـ البلانكو10
زعيــم مميــز
تاريخ التسجيل: 22/07/2007
المكان: @jehad_10
مشاركات: 2,235
إقتباس
الرسالة الأصلية كتبت بواسطة Reds Lover
ازودك من الشعر بيت !

ليفربول دائم لا لعب قدام البيج فور تسوف الحماس وروح وحب الفوز بأعين الاعبين

اوكي صحيح دالجليش له دور هالشي بسس لو ترجع بعهد السباك < مايقلد انس

وتشوف سيناريو مباراة المان معنا في ملعبهم , وقبلها ارسنال وبعدها تشلسي !

انتظر تعليقك !

هلا اخوي ! ..

شوف ياصاحبي ..
في كل مباره كبيره تجد الاعبين عندهم دافع ! .. حتى ولو كان المدرب ناصر الجوهر ! ..

ايام روي .. الفريق كان يلعب بروح وبدافع امام الفرق الكبيره ! ..

لكن السؤال هنا لأي دافع وبأي روح ؟! ..
هنا اساس فكره الفرق بين روح الاعبين مع الكينغ وروحهم ودافعهم مع السباك روي خخ ! ..

ايام روي يوم يلعب الاعب ضد احد الفرق الكبيره تجد ان الاعبين كلهم يلعبون بدافع لكن بأختلاف الدوافع طبعا ! ..
فيه من يلعب عشان يقدم مباره كبيره ويتسطر اسمه ! .. وفيه من يبي يشد انظار الغير ! .. وفيه الي يبي يفوز ! .. فيه الي يلعب عشان الفلينه الحمراء الي لابسها ! ..

تلاقي الفريق متطور ولكن مختلف بقليل يعني تلاقي بعضهم يلعب بروح وبعضهم يقدم مجهود اضافي فقط يقال عنه روح ! ..

لكن لما استلم دالغليش قدر انه يوجه الدافع ذا لحاجه وحده ! .. وهي اللعب تحت شعار النادي وحب والنادي ! .. واللعب بروح شانكلي ! ..

هنا يكون اختلاف الدافع واختلاف الروح الي يلعب فيها الليفر وخاصه امام الفرق الكبيره وكيف قدر يتفوق عليهم ! ..
وهنا الفرق بين روح الفريق ايام روي ! .. وروح الفريق بقياده دالغليش ! ..

لان دالغليش قدر يوجه الفريق ويوحد دافعه ! .. وذا الشيء ماقدر عليه روي ابد ! .. طيب ليه ؟! .
لانه بأختصار دالغليش اسطوره من اساطير الليفر ! ... متشرب وعاشق للأنفيلد ! .. عارف كل زاويه من ارضيه الملعب وعارف اهميه الشعار الي ينلعب به واحد الاشخاص الي خروجوا من غرفه الاحذيه الشهيره ! ..
اسطوره كلاعب واسطوره كمدرب ! .. وعشق الجمهور له مهو محدود ابد ! ..

ويوم يستلم شخص بالمكانه ذي تحس ان الاعبين كلهم بيكونوا تحته ! .. ويحاولون انه يطبقون كل شيء يطلبه منهم ! ..
لانهم قاعدين يشوفون ويقرون ويسمعون من هو دالغليش ! .. وايش هم بالنسبه له ! ..
وفي نفس الوقت هو يعلمهم وش معنى الليفر ويبين لهم الجزيئيات الصغيره الي مايشوفها الا عشاق النادي فقط ! ..

عشان كذا روح دالغليش غير عن روح روي ! .. وكلام دالغليش الي يقوله وتشجيعه غير عن تشجيع روي ! ..

لانه اعلم بالفريق وتاريخه ! .. ويعلم كل صغيره وكبيره لليفر ! ..

طبعا انا اتكلم عن الامور النفسيه وروح الفريق الي يتحلى فيها مع دالغليش ! ..
وترا الامور النفسيه ذي مهي شيء عابر او شيء ثانوي ماايهتم به ! .. لا ابدا الا شيء مهم جدا جدا ! ..

وعشان تكون مدرب ناجح ! .. لازم تكون مبدع في جانبك النفسي زي ماانت مبدع في جانبك التكتيكي والفني ! ..
واذا فقدت او ماعندك كل الامرين ! .. فأنت عمرك مابتكون مدرب ناجح ابد ! ..

لانه هاذي نظرتي في المدرب الناجح في الكره الحديثه ! .. ملم بالامور الفنيه والنفسيه ! ..

ولك اقرب مثال في مورينهو ! ..
لو انه مهو راعي نفسيات ! .. كان ماوصل للي وصل له ! .. ولا كان ابد مدرب ناجح ! ..

عشان كذا ! ..
لو اثبت دالغليش انه مميز فنيا وتكتيكيا ! .. وانه مدرب لكل العصور ! .. وقدر انه يجاري تطورات الكره الحديثه ! ..
على الطول على الاداره انها تقدم له عقد ! .. عقد لو يمتد ل 20 سنه مافيه اي مشكله ! ..
لانه وقتها مين بيكون افضل واعرف من دالغليش مدرب لليفر ؟! ..

بس لازم دالغليش يثبت تميزه تكتيكيا ! .. لانه الى الان مااثبت بوجهه نظري ! ..
فوزك على الانديه الكبيره برووح خرافيه ! .. مايعني انك مميز تكتيكيا ! ..

لكن اتوقع انه فيه مباريات بتثبت لنا مدى قوه دالغليش تكتيكيا ! .. وخاصه مباره سبورتينغ براغا ! ..
لان مباريات خروج المغلوب زي ماعليك انك تكون ثابت ومركز ذهنيا لازم تكون مميز تكتيكيا ! ..

ونتيجه الذهاب 1-0 لهم ! .. نتيجه خطيره وامتحان حقيقي للكينغ ! .. وخاصه انك لازم تسجل وفي نفس الوقت لازم انه مايتسجل فيك ! ..

مدري بس حاس اني طولت خخخخ ! .. بس الكلام يسحب خخخ ! ..

مجيد .. الا لازم تلاقي اختلاف خخخ ! ..



  #3510  
قديم 14/03/2011, 05:27 PM
الصورة الرمزية الخاصة بـ سكاوزية
زعيــم متواصــل
تاريخ التسجيل: 13/10/2010
المكان: جالسة أبكي بــِ الأنفِيلد !
مشاركات: 97
سكرتيل يمتدح زميلة كارول و يصفة بــ " القوي "








سكرتيل يمتدح زميلة كارول و يصفة بــ " القوي "








club call - المًدافع السلوفاكي مارتن سكرتيل يعتقد أنً زميلة الجديد و المنضم لـــ الرٍيدز بـــ أواخر يناير اّندي كارول ســ يكون له شأن كبير بـــ نادي ليفربول في حال تمًة جاهزيًتة التًامًة . . و لدى مارتن سكرتيل ذكريات خاصًة بـــ اللٍقاء الذي جمع أحفاد الانفيلد رود ضد فريق نيوكاسل في وقت سابق من هذا الموسم . . / !


حيث قال هذا المدافع السلوفاكي :"
مازلت أتذكًر لقاؤنا امام فريق نيوكاسل ! و كان من الصًعب لنا مجابهة اّندي لَــ أَنًه لَاعب هائل . . فـــ كارول لَاعب كبير و قوي و من الصًعب أن تلعب ضدًة . . و الّان أنا سعيد لـــ أَنًه يلعب لـــ كتيبتنا و إنًه لـــ أمر جيًد أن يكون لَاعب كــ مواصفات كارول يتواجد بـــ الفريق . . و من المؤكًد أنًه واحداً من أصعب اللًاعبين الذين واجهتهم بــــ الدًوري الممتاز ! فــ هو لَاعب قوي و يستطيع الإحتفاظ بــــ الكرة ": . . . ! ! ! / !



حفيدة الأنفيلد


   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:48 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube