ابو اصيل وش صار على اليوزر ،، كلمنا الدحمي راعي الواسطات وسحب علينا هههههههههههه

إقتباس يوسف يازينك وانت تغرد بعيد عن اسوار الارتيمو ترى الفيولا بعد رايح فيها مع المهايطي ميها >> الاخير بالدوري

عبدالمجيد.....

الفيولا بعد خسارتهم على ارضهم من بلايرمو غسلت يدي منهم مو ذاك الفيولا العام المااضي

ترانا في رابطة الاحمر ليفربول لا تطمرنا في الفيولا بس يبقى الحاجة المميزة بيني وبينك فقط .. !!

وبعدين انا اتكلم عن التعاقدات

وعلى طاري الفيولا ما ودهم يجيبون جيلاردينو بعد

شباب روي الحين بالظبط وش يبي يثبت ؟ ؟

صراحه مدرب فرق صغيرة امثال بولتون ستوك

مايصلح ابد لليفر !

اتمننى التعاقد مع مدرب كفؤ بالنادي !

إقتباس الكُل تَجرًاأ عَلَى زَعِيم أنجلترا ! غارغانو : انا متأكًد إنًنا ســـَ نُسَجًل الأهداف أمام فريق ليفربول ..!!

فليت امها عاد لا تصدق بس انك بتسجل

إقتباس طيب اعطيني اسباب تقنعني ان روي مظلوم اعلامياً وجهور الليفر ظالمه ولازم ياخذ فرصته .. خلنا بلب الموضوع عشان لا ندخل بنقاش بيزنطي وطريقه مسدود .. انت تقول ان روي لازم ياخذ فرصته .. علل ذلك

هههههههههههههه
ياخي قلته لك وش تبين اقول اكثر من كذا (1+1= ؟؟ )

الجواب : بختصار شديد ماكمل استراتيجيته
يعني (الواحد الاول ) جلب لاعبين يرضون بالدكه وهي الاسماء اللي انت ذكرت + التعاقد مع نجوم للفريق كخطوه ثانيه

وبس ,, الاولى خلصه بالاسماء اللي جابه ... باقي الثانيه ولهالسبب انا اطالب انه يكمل .
بصراحه شايف الطريقة والانتقائات الللي يسويه جيده (كمرحلة اولى ) ننتظر ونحكم بالاكيد على المرحلة الثانيه .

زد على هذا ترى الفريق خرج منه اهم لاعبين الفريق ... يعني كذا انت ظلمت روي لانه جاء لفريق منهار اساسا
بعد رحيل الونسو ورييرا واربيلوا وانسوا وكمله ماسكيرانو وانهيار مستوى النينو .
كله اسباب او ظروف ماخدمة روي .. لهالاسباب انا التمس له العذر . ايه الليفر زعيم انجلترا لكنه بعيد عن البطولات + بعيد عن الاستقرار الاداري وهو عامل اساسي في البريمير + بعيد عن طموح اللاعبين وخصوصا السوبر .
عوامل ماتساعد روي على سرعه التحرك .... بالعربي لازم يثبت للاعبين السوبر انه يمتلك فريق قادر على المنافسه .

إقتباس الرسالة الأصلية كتبت بواسطة محسن الخزاعي نجي لجهاد المدريدي .. سقطت وسقط منطقك .. يا اخي وش لوكاس وش ميراليس ؟ .. لوكاس اضن مهو مطول وحتى ان اقتنع بالبقاء اتمنى يعار او بولسون .. واحد منهم لازم يطير من الفريق .. نأتي بديفور والباقي من الاشقرانيين يدفي الدكه وعنده حلول كثيره يستعمل فيها الاعبين .. ممكن يلعب بلوكاس وديفور بالمنتصف وميراليس جناح وجيرارد خلف مهاجمين .. وممكن في حال يبي يلعب بخطه هجومية يضع جيرارد وديفور ارتكاز .. او ديفور وميراليس وجيرارد خلف مهاجمين ويستغل النجوم الصغار بالاجنحه .. صدقني صفقه ناجحه .. الي اتمناه الحين بيع اكوي على اليوفي واعارة الاشقراني او واحد فيهم والقدوم بديفور وعندنا ادارة ممولة للأموال ومابتقصر .. لكن اما اننا نترك اموال النادي على هالكهل يضيع فيها على اشباه الاعبين لا والف لا

خخخخخخخخخخخخخخخخخخخخخخخخخخخـ ... سقطت انت وزلفك ! ..

الحين انت محسن ماخذ الوضع عبط ونتف وتسفيل خخ ! ..
الحين انت تبي تجيب ديفور مع انه عندك ناس تلعب في مكانه وتقدر تأدي وتترك احتياجات الفريق الثانيه ؟! ..
ياخي بدال مااتجيب لاعب مكانه فيه اربعه ويقدرون يوفون فيه ! .. رح جيبلك مهاجم بدال نغوغ الداشر ! .. رج جيبلك جناح صاحي ويقدر يفكفك لك ويوجد حلول فرديه ! .. حل مشاكل هجومك او مشاكل صناعه اللعب او مشاكل الدكه اول بعدين رح فكر في ديفور ! ..

فكر اول شيء في احتياجات فريقك ثم بالتدعيم ! .. اما انك تشتغل على تقويه منطقه وعندك منطقه ثانيه جايبه العيد ابد مهو اسلوب خخ ! ..

اول شيء حل مشاكل واحتياجاتك ! .. ثم فكر في ديفور الله يصلحك ..

ايه على طاري الله يصلحك خخخ ! .. اذا بتزل موضوع فيه محارش قلنا عشان نتوقف سوا ونجي مقرعين للرابطه ! ..



نجي لأخونا نينو الشرقيه ( ياخي شرفنا بأسمك ) ! .. ايه صح معك جهاد ! ..

إقتباس الرسالة الأصلية كتبت بواسطة نينو الشرقية السلام عليكم ورحمة الله وبركاته ..

وعليكم السلام ورحمه الله وبركاته

إقتباس الرسالة الأصلية كتبت بواسطة نينو الشرقية تحدّثتَ في ردّ قبل صفحتين ما بعد لقاء الديربي مع إيفرتون ، ذكرت بأنّ روي يملك العذر فيما قدّمه من سوء حتى الآن ، المشاكل الإدارية وانخفاض مستوى النجوم والروح الضائعة على حدّ تعبيرك ، اسمح لي أن أختلف معك في ذلك تماماً ، وســ أوضّح وجهة نظري في هذا الأمر .. أما المشاكل الإدارية ، فــ مع كامل احترامي وتقديري ، بــ هذا التبرير تشعرني بأنّ روي في امتحان مادّة الفيزياء النهائي لــ آخر سنة في المرحلة الثانوية وهو لا يمكنه أن يذاكر بــ سبب الضجّة التي تحدث في المنزل !! هل المشاكل الإدارية تجعلنا نشاهد الفريق متهالكاً مهلهلاً ، معدوم التكتيك وضائع

اول حاجه وقبل كل شيء ! .. تراني استمتع بردودك هذا اولا ! .. ثاني شيء مااحب موضوع من بعد اذنك ولو سمحت ! .. اذا في خاطرك شيء انسفني مافي مشكله ! ..

نرجع ثاني للنقاش ! ..
اول حاجه وقبل كل شيء ! .. في ردي الماضي لو قريته زين بتلاحظ اني مااعذرت روي ابد ووضعت الامور ذي كأعذار له ! ..

انا قلت انه مستحيل اننا نعذر روي بتحقيق 6 نقاط من اصل 8 مباريات لانه في الاخير مدرب لليفر وحصيله مثل ذي سيئه ولو تلعب ب9 لاعبين كل مباره ! ..
لكن كل الي قلته وكل الي اقصده انه فيه امور ماشيه بعكس اتجاه روي وبعكس مخططاته وقاعد تعيقه ! .. واشوف من الظلم اننا نحط اللوم 100 % عليه ! ..

مهما كان تبقى الاجواء والامور المحيطه تأثر على الفريق وعلى المدرب ! .. يوم تكون هناك مشاكل بين الاعبين والاداره ومشاكل بين الاداره والجمهور وكمان مافي صله بين المدرب والاداره كل ذي عوامل تأثر على اي مدرب ! ..

اذا ماكان فيه اجواء صحيه للفريق ومافي اجواء مناسبه للمدرب فأكيد الوضع بيكون سيء او بيكون مؤثر وماانع الفريق من الانطلاقه والسير في طريق بشكل سلسل ( مثل مااتكون الاجواء مناسبه ! ) ..

ياخي ليه نروح بعيد عندك في مدريد ! .. 2004 تقريبا والفريق في القاع وفي وضع سيء جدا والسبب الاداره والاجواء المحيطه مع انه فيه دفع وفيه مال وفيه اسماء كبيره ومواهب عديده ! ..
لكن الفريق كان سيء وكان وضعه مشابه لوضع الليفر الحالي تقريبا ! ..

انا كل الي ابي اوصله وحتى لو اخذنا نفس المثال حق الفيزياء ! ..
ان وضعك يوم تدرس في ازعاج ! .. غير وضعك يوم تدرس في مكان هادئ ورايق ! .. والوقت الي تحتاجه في الدراسه يختلف بين الاثنين ! ..
صحيح مهو بعذر انك مااتذاكر ! .. بس عذر انك مااتجيب الفل مارك ! ..

وذا النفس الشيء لروي ! .. صحيح مهو عذر انك تجيب 6 من 24 ! .. لكن عذر انك مااتظهر بالمطلوب ! ..

إقتباس الرسالة الأصلية كتبت بواسطة نينو الشرقية الفريق ضائع بكلّ ما تعنيه الكلمة ، وكلّ ذلك بــ سبب روي وتخطيطه الفاشل والسقيم ، دفاع مهلهل ، ووسط متفكّك وضعيف ، وهجوم غائب ، الفريق متفكّك الأطراف ، يشعر المشاهد بأنّ مهاجم ليفربول يلعب كــ فريق ثالث ، فــ الوسط أقرب لــ الدفاع ، لكن بدون فائدة ، عمل بدائي وليس هناك أيّ بصمة من روي على الفريق ، الفريق في القاع ، وأقرب لــ الضياع ، وكلّ هذا بــ سبب الأحمق روي هودجسون ، هل هذا كلّه يمكن أن يبرّر بــ المشاكل الإدارية ؟!!! هذا لا يعقل !!

طبعا اولا يوم تقول كله يبرر بالمشاكل الاداريه ! .. تحسسني اني قلت ان كل الي حاصل بسبب المشاكل الاداريه ! ..

انا قلت سبب واحد من الاسباب ! .. وهي المشاكل الاداريه بس انت كذا طيرت كل الاسباب الباقيه ! ..
وهي مستويات الاعبين ! .. وفكر بينيتز المحفور في الفريق ! .. وكمان الروح التائهه وهويه الفريق الضائعه ! ..

الفريق لازم نعرف انه قاعد ينتقل من فكر الى فكر ! .. من فكر قعد 5 سنوات تقريبا يدرسه ويطبقه ! .. الى فكر جديد عليه وهويه جديده ! ..
وانتقال الفكر وترسيخه في الاعبين يحتاج الى وقت كبير ( على حسب الفكر ) حتى وان كانت الاجواء مناسبه ! .. فما بالك بأجواء سيئه وقاعد تعيق شغلك ! ..

كل الي نشوفه من لخبطه وفكفكه هي بسبه ان الاعبين قاعد ينتقلون من فكر الى فكر ! .. ويحاولون يطبقون فكر جديد عشان كذا نشوف تأليف وتضيع ولخبطه ! ..
الاشياء ذي المفروض تكون انتهت ( اانا تكلم هنا عن لخبطه الفريق وكل قسم يلعب لحاله الدفاع بلحال والوسط ضايع والهجوم تلاقيه كاشت قدام خخ ) ويكون الفريق يحاول يرسخ ويطبق الفكر الجديد على اكمل وجه ( والي طبعا يحتاج وقت ) لو كانت الاجواء مناسبه للعمل ! .. لكن بسبه المشاكل الفريق بيحتاج وقت واطول وجهد اكبر ! ..
يعني كمثال عددي مثلا ماله دخل في اي شيء خخ ! ..
لو الفريق يحتاج الى اسبوعين الى 3 اسابيع عشان ينتهي من المراحل الاولى وتطبيق الفكر الجديد فأنه يحتاج الى 4-5 اسابيع كمثال اذا كانت فيه مشاكل تعيق عملك وتأخره ! ..

عشان كذا اقول انه من الظلم اننا نلوم روي ونضع اللوم عليه 100 % تحت الظروف ذي ! .. وبرضو حتى مع ظروف زي كذا ابد مااينعذر العذر الكامل بالظهور بالمستوى التافه ذا ! ..

اتمنى انها وصلت الفكره ! ..

إقتباس الرسالة الأصلية كتبت بواسطة نينو الشرقية أما مستويات نجوم الفريق ، فــ هذا ليس إلا زيادة لــ الطين بلّة ، روي هو من تسبّب في انخفاض مستوى معظم لاعبي الفريق ، توريس رغم أنه في مستوى هزيل جداً وحالته يرثى لها بــ صراحة ، إلا أني أجد له العذر في ذلك أحياناً ، توريس يلعب في عزلة من الملعب وكأنه فريق ثالث ، يحاصر بين المدافعين ويريد منه روي أن يتحرّك بينهم فقط ، هل هذا يعقل بأن تكون هذه مهمة مهاجم !! بــ شكل عام ، فريق بلا تكتيك ، لاعبون يدخلون إلى الملعب لكي يركضون ويلاحقون الكرة أينما ذهبت كيف نريد منهم أن يقدّموا أفضل المستويات ، ميريليس حتى الآن لم أدرك في أيّ مباراة لعبها ما هو المركز الذي يلعب فيه وما هي المهام المطلوبة منه ، فقط أشياء بــ الإحساس ، فلان يلعب في الدفاع والآخر في الوسط ، وهناك لاعب في المقدّمة ، أما الحقيقة فــ ليس هناك شيء نعرفه سوى ( دفاع ، وسط ، هجوم ) وكلّه بــ سبب سذاجة وغباء روي ، وأعتقد أنه لا داعي لــ أن أضيف نقطة الروح في ذلك ، لأنني ربما ســ أطيل في غير فائدة .. يبقى لــ رأيك الشخصي الاحترام ، ولــ شخصك العزيز كلّ الاحترام والتقدير أيضاً ، لكنها وجهة نظر شخصية أحببت التعليق بها وحسب .. أتمنى لك التوفيق إن شاء الله ..

مستويات الاعبين هذا يرجعني للي قبل ! .. او يجيبني لنقطه جديده ! ..
ياايرجعنا لنقطه روي السابقه وتطبيق فكره والي تكلمنا عنه ! .. ياان الاعبين المؤثرين مستوياتهم في القاع وهو احد اسباب انحدار الفريق ! ..

اتوقع ان كلنا يعرف توريس وكلنا نعرف ان توريس السنه ذي غير توريس اخر موسمين وواضح ان الاصابه واللياقه البدنيه مأثره عليه ! .. وذا الشيء كان واضح في كاس العالم ! ..

وصعب اننا نحط اللوم على انحدار مستوى توريس ( الي تسبب بمشاكل مع الاداره والراجع من الاصابه ) على روي ! .. لان الاعب مستواه طايح اساسا ويحاول الرجوع ! .. ولا ننسى كمان ان خطه روي تعتمد على توريس الي طايح مستواه ( وذا الشيء يرجعنا لموضوع ان مستويات الاعبين احد اسباب وضع روي السيء حاليا ) ..


انا للمعلوميه ماادافع عن روي ! .. ولا اني من الناس الي مقتنعه بروي كمدرب مستقبلي وطويل لليفر ! .. ولو يوجد مدربين كبار افضل منه مثل هيدينك ولا حتى ديشامب متاحين فأكيد افضلهم على روي ! .. لانك بتعمل تحت يد مدرب مضمون وتبني مستقبلك وفكرك من تحته ! ..
لكن الحق لازم يقال ولازم اننا ننصف الرجال بدل مااننسفه ! .. الرجال يعمل تحت ظروف سيئه وكل حاجه ماشيه بشكل عكسي معه ويحتاج الى الوقت عشان يكمل عمله ! .. على الاقل على الاقل لفتره وجيزه بعد مااتحسنت الظروف الا مالها اسبوع ! ..
وعاد وقتها نشوف ونحكم حتى من البوادر بس ! ..

عموما نتمنى لك التوفيق توو .. واكن كامل الاحترام لك ولشخصك يااجميل خخخخ < مره اتقن الفصحى خخخ ..

إقتباس جو كول كنت رافض صفقته والكل انتقدن ... حتى اني قريت تصريح لجيرارد قمة بااعلاميه وقمه بتسفيه العقول يوم يقول جول كول زي ميسي ...؟؟!!! تكلمت على محمد وقلت انه اللي يصير بالليفر شيء عنصري وضم لاعب مثل جو كول بالمواصفات اللي انت ذكرته وبالاستقبال وكانه ميلنر !!!!! كنت اطالب بضم لاعبين مثل لورنتي وفورلان وفابيانو و سواريز ... واتهمت بالعنصريه >> بهتانا وطالبت بلاعبين على الطريقه الانجليزيه مثل ميلنز او بينت او اجبونلاهور

هالكلام هو اللي لازم يصير ، اخيرا رجعت اتفق معك مجيد .

ليورينتي

بس لو تشوف ليورينتي صعبة شوي ، نجم بلباو و تعرف قاعدتهم السقيمة ، مافيه اي احد خارج الباسك يلعب داخله ، ومن وين يلقون داخله ليورينتي ثاني ؟

والثاني شسمه ،

فورلان

رغم ان مستواه نازل بس هو مسجل 3 اهداف بأول مباراتين ، ومعروف فورلان بعودته في الفترة الثانية دائما ، لذلك انا مع شرائه في يناير و يبقى خيار ثاني

فابيانو

لاعب احيانا تقول ما يضيع قدام الباب و احيانا تقول افشل لاعب قدام الباب ، مستواه متذبذب و لم يسجل اي هدف من بداية الموسم ، وهو لا يختلف عن نجوج في شيء ، و طبعا تبيه لأنه برازيلي

سواريز

40 مليون و يجيك ، الخيار المفضل لدي ، هداف ما يتفاهم قدام المرمى ، و يصنع لنفسه الفرص و يسدد من أصعب الأماكن ، صفقة الموسم لو اتى ، امس مسجل هدف و يوم بعد يوم يثبت انه هداف من طراز الكبار ، اياكس حتى الآن متعثر بالدوري و اتمنى قدومه .


بكرا موقعة السان باولو

خل عنك كل المباريات الماضي ، نهائي كأس العالم بكرا بالنسبة لروي ، إما انك تفوز او تودع ، القرار بيدك ياخي ، تخلى عن قناعاتك الدفاعية ، رافا الموسم الماضي حتى بسوء النتائج سجل 61 هدف و بمثل هالوقت من الموسم الماضي كنا اقوى هجوم بأوروبا ب22 هدف ، هاجم يابن الحلال والله لو تهاجم و ننهزم 10-0 ما راح نقول شيء ، نقول حاول الرجال و ما قصر ، اما انك تلعب ب3 محاور في كل مباراة ، خل عنك ليفربول و فولهام و هذا ، مافيه فريق بالدوري الإنجليزي سوى كذا الا الليفر ، حتى انني احط على المباراة و انشغل بشيء ثاني ، مافيه شيء يشدني لها ، ملل و تمريرات تائهة على قولة مالك ، إعلم يا روي انك لو فزت غدا فإنك ستصبح بطل الفريق .



مستحيل ان يكون الفريق الذي نشاهده الآن هو المسجل بهذه النتيجة ، يا حسرة على زعيم انجلترا .



الآن فقط عرفت ما جعل رافا يجعله احتياطيا ، لأنه كان دايم يخرج و يلعب حسب غريزته و هذا هو الصحيح ، و صحيح ايضا فعل رافا ، اللاعب لا يجب أن يخالف تعليمات مدربه ، لكن عندما تصبح التعليمات غير منطقية لا داعي لتنفيذها .

||:. ليفربول ينضم للانديه المهتمه بـمكسيس .:||



" لبفربول يضع عينه على المدافع الفرنسي فيليب مكسيس ( 28 ) وبذلك يكون الليفر قد انضم لقائمة الانديه المهتمه باللاعب

بعد ميلان ويوفنتوس ، وستكون هناكـ تطورات جديده في هذا الاتجاه في الاسابيع القادمة "