الف مبرووك الفوز لكل ميلاني على وجه الارض
وآآآو .. تدرون وش آحلى شيء في الفوز ..
فريق عنده اصابات و موب اي اصابات .. اصابات بالجملة واغلبهم ركآئز اساسية في الفريق ..
والشيء الثاني لاعبين يلعبون في غير مراكزهم ..
وزود على ذلك فريق ناقص من الدقيقة 54 ..
ويجيك الفوز على كاتانيا الغثيث .. وفي ملعبه المخيس
وبتحكيم لك عليه ..
الحين عرفت ان هذا هو ميلان الحقيقي ..
هذا ميلان البطولات والانجازات ..
الحين نقدر نقوول عاد مرعب اوروبا الكبير
..
بصراحة الفريق بالمجمل قدم مباراة جيدة او بالاصح عرف كيف يتعامل معها مثل ما يبي ..
صحيح ان المستوى موب ذاك الزود بس في مبارايات زي كذا اهم شيء تعرف كيف تتعامل معها
وتاخذ الثلاث نقاط وترجع سالم ..
اتوقع هذي المباراة تسجل للمدرب .. اتوقع اول مرة هالموسم ينطرد منه لاعب وفي هالظروف ويعرف كيف يتعامل
معها بكل دهاء .. ولاننسى خط الهجوم ابرا و روبي .. بصراحة هالاثنين مسوين الهوايل ..
على قولة اخوي DR.NO
لو يلعبون قدام 12 دفاع وحارسين بيسجلون
امس كالعادة كنا على موعد التألق مع الحارس ابياتي بصراحة هاللاعب له تأثيره على الفريق اذا غاب ..
واشوف من اهم المكاسب الي كسبها الفريق في ظل الغيابات .. ماريو يبيس
هاللاعب اثبت انه خير معوض لنيستا وتياغو ..
لاعب خبرة وثقة وقيادي في خط الدفاع .. بصراحة هذا حرام بونيرا يلعب واهو موجود ..
فان بوميل اشوف ان الكرت الثاني ماله داعي ابد
ومع ذلك لاعب راح يفرق في خط الوسط ..
ميركل اتوقع ضغط المباريات وكثرتها خصوصاً ان الفريق لعب خميس وسبت وراح يلعب ثلوث
بعدين اللاعب توه 18 سنه .. وعلى الي يقدمه طبيعي يحصل فيه انخفاض في المستوى شوي ..
لكن مع ذلك لاعب مستقبل واتمنى من السيد اليغري يستمر على اشراكه بين فتره وفتره ..
ايما من وجهة نظري لاعب قادم و بقوة في خط الوسط وخصوصاً في الجهة اليسار ..
تياغو هالموسم صاير لاعب جوكر متعدد الاستخدام .. لاعب على قولة غالياني لو احتجنا نلعبه في خط الهوجم راح نلعبه
كاسانو اهم شيء ترجع لياقته ويكون في التوب .. وراح تشوفون الفانتا بشكل غير ..
اللاعب واضح عليه التعب والارهاق .. بالذات ان المدرب في المباريات الاخيرة استخدمه اساسي كثير ..
الكبيتانو في المباراة عامل شغل .. لاعب يقاتل على كل كورة .. اتمنى يستمر على ذلك ..
تمنيت امس من المدرب اشراك باتو لكن ما عليه اهم شيء الثلاث نقاط وجت
في النهاية فوز يحسب للدون ماكس
يعطيكم العافية يا شباب