اول شيئ بسم الله الرحمن الرحيم

بدخل على طول بنقاش المباراه ,,, صراحه الوضع مو طبيعي شيئ يقهر صراحه ,, نفرح ونحزن بنفس الوقت ,,

والله مو معقول نفرح انه جانا لاعبين بحجم ابرا وروبينهو ,, ويجيك ذا المدرب يتفلسف على روسنا ,,

صراحه مدربنا ذا يبيله حل مو معقول الي يسويه في الفريق تضيع نقاط على فرق داجه ,,

1 - مافيه قرايه للخصم - 2 - ماعنده تكتيك يفكر فيه صح - 3 - تبديلاته مال امها داعي - 4 - حتى تبديلاته متأخره

والله مدري وش اعد مدري وش اقول عليه ملاحظات لليل ,,

مع احترامي للي يقولون ما اخذ فرصه ,, والي يقول نصبر عليه ..

بقولك شيئ حنى فريق كبير اسمه ميلان ,, مو فريق تجارب وبعدين من بدايته معنى ما قد حسينا ان ميلان رجع

لذاك الفريق المرعب ,, حتى مبارياته الوديه لم ينجح بها ,, اللحين ليو يوم كان لاعبين العام معه قد ماحاول يرقع

بهم وزبطنا من الى حتى روني أكبر دليل ,,الي رجعه من حاله يرثا لها ,,,

المشكله انه مصر على ثلاثي هجومي ياخي ,, ماعندك باتو وانزاقي مانفع وعلى قولتهم روبينهو موكامل جهازيته

خلاص ياخي مايبيلها فيزياء ليش تلعب بواتينغ مكانهم ,, لعب مهاجمين وخلصنا ,,

اليوم من المفروض من الدقيقة 60 يلعب روبينهو مكان سيدورف الي بس يضيع الكور وماكأنه يلعب مباراه ,,

بارد والله مفروض له 3 سنين على الاقل طالع من ميلان ,,

والله الي بقلبي ماخلص بس ما اقول الا الله يسهل علينا بس ,,

لا احلى شيئ يوم يقول سيلفا بدل اباتي ,,!!

صحيــح أن المصائب لا تأتي فرادى .. عقب مستوى الهلال الهزيل

يجي ميلان ويكملها علينا بهالنتيجه المدري وش تبي

بصراحه انا بديت اقتنع ان العيب او المشكله موب في اللاعبين ولا في الفريق ككل بل في المدرب مدرب فاشل بمعنى الكلمه او بالاصح لا يعرف يتعامل مع الانديه الكبيره مدرب طموحه التعادل والخروج بأقل الخسائر .. سلامات لا يكون مصدق نفسه في كالياري لين الحين .. والله انا اشوف ان الميلان استعجل بكرشة ليوو على الاقل هذاك ما كان عنده نفس اللاعبين الي عند الليغري .. وقدر يسوي شيء مع الفريق .. لكن مدربنا الحالي اثبت عدم قدرته على التعامل مع فريق يملك كوكبه من النجوم .. يعني الي انا اشوفه ان المدرب غير قادر على قيادة ميلان لأي استحقاق هالموسم .. بعدين لي ملاحظه عليه ليش تغيراته تكون في آخر عشر دقائق من المباراة ولا من زين شغله ينزلهم وكن الفريق فائز او متقدم بالنتيجه ما يدري انه يا متعادل او مهزوم .. يعني هذي ثالث مباراة له واهو ما يغير الا على نهاية الوقت .. ما اقول الا الله يستر بس والله الفريق وضعه مآآآش في الدوري وان شاء الله ما يلحقها ويطلع من الابطال ..


اعذروني على الاطاله .. بس والله من الحره الي فيني يعني حرآآم تضيع مننا نقاط بالهبل ومن فرق متواضعه .. ما اقصد لازيو اليوم اقصد المباريات الي راحت