][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][ - صفحة رقم 836 - نادي الهلال السعودي - شبكة الزعيم

تشلساوي مدريدي19 · #12526 19/04/2011, 11:49 PM

إقتباس

الرسالة الأصلية كتبت بواسطة THEO WALCOTT


	^^^ يا هلا والله منورنا يا غالي و آآآآسف مره عاشره تهقون نستغل التعثر خخخ ما الظاهر .. أنواع الفرص عديناها .

لا وشدعوووى

خلاص عديها هالمره هذي اخر مره

مووفقين يارب

your soul · #12527 19/04/2011, 11:54 PM

الظاهر مباراة بكرة أهم مباراة في الدوري للارسنال.

والله والله والله لو ما يفوزون إن ما أدري وش يصير فيني، من الحين أعصابي دمار.

الأمبراطور14 · #12528 19/04/2011, 11:55 PM

^^^^
موب انت بلحالك ياعبدالله

اتوقع بكرة إذا خسر الفريق سلمني على فنجر

الفيلسوف ماجد · #12529 20/04/2011, 12:02 AM

إقتباس

الرسالة الأصلية كتبت بواسطة your soul


	الظاهر مباراة بكرة أهم مباراة في الدوري للارسنال. والله والله والله لو ما يفوزون إن ما أدري وش يصير فيني، من الحين أعصابي دمار.

اذ فاز الارسنال ان شاء الله

بيصير احلى فوز للارسنال من بداية الدوري

لان الفوز هذا فيه حرمان لدجاج من التاهل لدوري الابطال

وتقليص الفارق مع مانشستر

your soul · #12530 20/04/2011, 12:14 AM

إقتباس

الرسالة الأصلية كتبت بواسطة هلالي ارسنلاوي


	وهـذا ملخص بسيط للمباراة بعد إذن محمد نصيحه لا تشوفون هدف فييرا إلـي بالملخص ، قسم بالله تستحي على وجهك وانت تتابع دينلسون والشماخ وديابي

أنا ما أبي شيء غير تحميس بعضهم والأحضان قبل المباراة.
من جد فيه روح للفريق وثقة في بعضهم.
بس.

lzeezmoot · #12531 20/04/2011, 01:02 AM

YouTube - Arsenal fans sing "If You Hate Tottenham Stand Up"
---
YouTube - Stand Up If You Hate Tottenham

والله من الزحف يالمدفعجية

نيوكاسل عطانا فرصة كبيرة

انشالله نستفيد منها

Nasser_A7 · #12532 20/04/2011, 01:47 AM

نصيحه لا تتحمسون واجد ياعيال

الفرق بينا وبين المان ( 7 نقاط )

المان باقيله 5 مباريات بس
3 على ارضه مع ( ايفرتون - تشيلسي - بلاكبول )
وبيلعبون خارج ارضهم معنا ومع بلاكبيرن
مع العلم انهم في الدور الأول مع هالفرق اخذوا 10 نقاط من اصل 15 نقطه

وحنا بنلعب 6 مباريات 2 على ارضنا مع ( المان - استون فيلا )
وبنلعب خارج ارضنا بكرا مع توتنهام و بولتون و ستوك سيتي و فولهام
مع العلم اننا في الدور الأول مع هالفرق اخذنا 9 نقاط من اصل 18 نقطه

* عشان ناخذ الدوري لازم نفوز بكرا ونفوز على مانشستر وفي كل مبارياتنا الـ 6 الجايه وننتظرهم يتعادلون او ينهزمون من تشيلسي ( وهالسنه ترى ماقدرنا نفوز الا بـ 3 مباريات متتاليه فقط ) ..
هل تتوقعون هالكديش اللي عندنا قادرين يسونها ؟؟ وهل الحظ بيوقف في وجه مانشستر ويصف معنا ؟؟ عني ما اتوقع

ARSENAL- FC · #12533 20/04/2011, 01:51 AM

للمصلحة العامة و لمصلحة الرابطة تحديداً
نطلب الريس بإيقاف : هلالي ارسنلاوي - your soul - الفيلسوف ماجد - lzeezmoot - تشلساوي مدريدي19 مع انه ضيف علينا لكن وقته غلط

واذا خصلت ارجع ووقف نفسك انت بعد

او على اقل تقدير مسح ردودهم بالكامل بكرا يجي رهيّف قلب مثل ابو حسن والا رشود وخذ من هالجرعات

ما جاب لنا المرض الا تفاؤلكم بصراحة

الواحد عارف وضع فريقه ونقدر نقول راضي اننا متعلقين بالثاني

ويجيك واحد مثل عبدالله

ويوجع قلبك بمثل هالكلام

" فوز !! ما راح تفوزون " لهـ الدرجة الجملة صعبة ؟؟

Nasser_A7 · #12534 20/04/2011, 01:58 AM

^^
هههههههههههههههه
ياخي ماتنفع انت في لجنة انظباط مرررره

n_nasri · #12535 20/04/2011, 02:13 AM

إقتباس

الرسالة الأصلية كتبت بواسطة ARSENAL- FC


	" فوز !! ما راح تفوزون " لهـ الدرجة الجملة صعبة ؟؟

ما ادري ليه احس الكلام ذا مهوب من قلبك ..

احس انك تبي الفريق يفاجئك ..

..

..

بالتوفيق إن شاء الله !

والله انا عن نفسي كل يوم تجيني عشر احاسيس ..

مره بناخذ الدوري ومره ماحنا ماخذينه ..

طبعاً كلها مبنيه على تفكير ما ادري وش يبي ..

اقول بناخذه لأن الفريق 15 مباراة ما انهزم والمانيو تعادل اليوم يعني الظروف لسى واقفه معنا ..

والفريق رجعوا كاملين وكل خلق الله شبّوا فينا الصديق والعدو !!

يعني عندي احساس ان الفريق بيحس شوي ع دمه .. وماعادنا بشايفين الهزايم !

واحساسي الثاني / ماحنا ماخذينه .. لان نص الفريق جحلط كألمونيا ودينلسون وغيرهم وبعضهم اول موسم يلعبون اساسيين في الدوري الإنجليزي !!
كويلشير وكوسليني وتشيزني وسكلاتشي والشماخ .. !!
يعني احس انه ظلم ياخذونه ومالهم تجربه بالدوري عكس المانيو < مالها دخل

واقول ماحنا ماخذينه هالموسم والموسم الجاي .. بناخذه بدون هزيمه وفنغر بيشتري لاعبين مميزين
طبعاً بعد شبّة الجمهور عليه .. وبيشتري بيشتري مو بكيفه يعني ..

واحياناً اقول تاريخ الليفر ما راح ينخرب كذا بهالسهوله ..

واحيانا اقول بناخذه عشان مدري شنو ومدري شنو

والله عقلي انواع القروشه .!!

حتى إني مازعلت ع تعادل ليفربول ..

احس اني اقتنعت وما اقتنعت .. ما ادري شقولكم بالضبط ..

بس انا خلاص ابتفرج للمتعه فقط لاغير فزنا ولا مافزنا

مابحرق اعصابي .. واطلع مع اخوياني وانا مكتم ومالي خلق اسولف مع احد ..

يعني بخلي وضعي بالسليم ان شاء الله في كل المباريات ..

بالتوفيق ان شاء الله غداً .. !

Henry Quatorze · #12536 20/04/2011, 02:17 AM

شباب انا والله مع ممدوح , جد ..!!
اجمل مستويات الفريق كانت بالتشائم وترك المهايط , ولعلنا لا ننسى مباراة برشلونه الذهاب على سبيل المثال ..!!

عن نفسي ابي دين الذهاب اهم الشي حتى لو ماخذنا الدوري هي ومباراة المانيو ..!!
هاردلكم ضياع الدوري

..!!

نك نيم · #12537 20/04/2011, 03:55 AM

الحقيقه كلام ممدوح يوجع

بس فيه من الواقعية شي كبير إذا ما كان كله واقعي

تـبا ً لك يا ممدوح !

عـموما ! خـلوني أدخل في تحدي !

يمكن يصير نقطه حـلوه في حياتي الارسنالية

أنـهووووو : [ ايفيرتون يعطينا هديه

بس بـ نسود الوجه

]
ليش كذا طيب !؟

والله العظيم أني وصلت مرحلة أدخل الرابطة مدري وش أكتب !

نو أفكار ! نو توقعات ! نو تفاؤل ! نو كلش !

تدرون وشلون

من اليوم يرحم والديكم نبي كلام قاسي قاسي قاسي

مـثل ممدوح بالضـبط !

ايه تكفون دامها خاربه خاربه !
خـلونا نعميها

حرام عليك يا فـينغر ! شايف وش سويت فينا

الله ياخذ روحك [ إذا كنت تدري أنك مخطئ و تكابر ]

>>>>> على فكره يا عيال لحد يقول ساحبين ترى متابعين و نقرا باستمرار !
لكن وش نسوي الافكار جافه !
قناعة تسد النفس !
و نتايج تجيب الهم !
وش النتيجه مثلا ! عك فكري على الكتاب الكبار !
وش ترجون من بسطاء الروابط أمثالنا

الحاله اللي نمر فيها ! ولا خلني ساكت بس

شبيه المحياني . · #12538 20/04/2011, 09:36 AM

السلام عليكم
أرجو أن تكونوا بأحسن حال

بالنسبة لمباراة اليوم .. بـ اختصار :

مستحيل نحقق فوز و الاهبل هذا معنا !
إن شاء الله يطيرونه و يجيبوا مدرب زي العالم و الناس

your soul · #12539 20/04/2011, 11:15 AM

ما هو مستقبل الفرنسيين؟

ستة لاعبين الفرنسية وليس أقل من ذلك، يتواجدون حاليا في صلب ارسنال. وهذا هو أيضاً عدد المواسم بدون بطولات. ويمكن أن يرحل هؤلاء اللاعبون الفرنسيون هذا الصيف ، كما تشير مصادرنا. سمير نصري، والمرتبط بموجب عقده حتى 2012، لم يمدده حتى الآن. ويرتبط مستقبله في النادي بمستقبل سيسك فابريجاس. فإذا كانت الاستراتيجية هي إسبانية، فمن المرجح أن اللاعب الفرنسي سيذهب للبحث للعب في مكان آخر ( انتر ميلان مهتم ). إذا رحل فابريجاس، فيمكن لنصري الحصول على مفاتيح اللعب لارسنال والبقاء لموسم آخر على الاقل. من جانب آخر ، أبو ديابي لا يبدأ في التشكيلة الأساسية. والشيء الجيد أنه مطلوب من قبل مانشستر سيتي وتشلسي وانتر ميلان ويوفنتوس.

في الدفاع هناك الآن ثلاثة يطرحون الأسئلة منذ قدوم لوران كوشيلني، والذي وصل في الصيف الماضي من نادي لوريان، هو جزء من المشروع. الثلاثة الآخرين هم بكاري سانيا "السعيد" في ارسنال كما يقول وكيله كريستوفر مونغا قبل أن يضيف "لكن لا يمكنك أبداً ان تعرف". جايل كليشي، الذي بقي في عقده سنة، رفض تمديد عقده. وزعماء لندن منفتحون دائما على الانتقالات. أما بالنسبة لسيباستيان سكيلاتشي، فلم يقنع منذ وصوله في الصيف الماضي ووجد نفسه الخيار الرابع في قلب الدفاع. واذا كان يريد العودة الى اللعب، فإن المغادرة أمر لا مفر منه.

صحيفة الليكوب الفرنسية أحد أكثر الصحف شهرة ومصداقية في أوروبا.

ARSENAL- FC · #12540 20/04/2011, 11:22 AM

حلو هذي الروح اللي نبيها

ريحوا روسكم وعيشوا يومكم
هالموسم الاقرب انه ماهو من نصيبنا

على الطاير من تويتر :
صحيفة L'Equipe او الليكيب الفرنسية اوردت تقرير غريب وواضح ان حدوثه شبه مستحيل :
- تقول ان ديابي قد ينتقل لتشيلسي , السيتزن , الانتر او اليوفي .
- وتقول بأن لوران كوسيلني هو اللاعب الفرنسي الوحيد الذي ضمن بقائه للموسم القادم مع الارسنال .
- هالنقطة هي الاغرب : تقول انه اذا بقي فابريغاس , فإن نصري سيبحث عن مكان اخر ..
- وكيل سانيا يقول بأنه سعيد في الارسنال ولكن كعادة اي وكيل اعمال يختم حديثه بـ " لا تعلم ابداً ما سيحدث " .
- زعمت الصحيفة بأن غايل كليشي رفض تمديد عقده و سكيلاتشي لم يقنع منذ انضمامه واصبح الخيار الرابع لمدربه .

انا عارف ان بعض الاخبار واضح انها صواريخ
اذا تحبوا نوقفها وننقل الاخبار الاكيدة فقط ماعندي مانع

تحديث لابو عابد : ما انتبهت والله للخبر انك مترجمه < لا تقول لقافه