- رأيك بالمستوى العام للفريق بعد لقآء ليفربول ؟
- ما هي الخطه التي ترآهآ مناسبه للفريق حاليا ً ( 4-4-2 ولا 4-3-3 ) ؟
- ما هي المرآكز التي تحتآج لتدعيم في الفريق ؟ و من هم اللاعبين المناسبين ؟
- هاجس الاصابات و عدم توفر البديل المناسب هنالك من يقول أرضية الملعب
او خشونة الخصوم او ضعف اجسام لاعبينا؟ رأيك ما هو السبب ؟
- اللي بيضيف سؤال عايدي
ماشفت المباراة لكني شفت الملخص عشان ماينبرش علي أحد , الفريق سيم سيم الموسم الماضي وكأن الموسم الماضي لم ينتهي , سيطره على المباراة بدون نتيجه , وفرص مهدره بالجملة .
- ما هي الخطه التي ترآهآ مناسبه للفريق حاليا ً ( 4-4-2 ولا 4-3-3 ) ؟
4-4-2 , لإن الفريق يملك تخمه من اللاعبين في الوسط
- ما هي المرآكز التي تحتآج لتدعيم في الفريق ؟ و من هم اللاعبين المناسبين ؟
ثلاث مراكز فقط ( مدافع + حارس + محور متمكن ) , المحور كما ذكرت سابقاً أنه أكثر مركز نملك فيه لاعبين , لكن مالنا حظ فيه أبداً , لكن ضامن بنسبة مليون بـ المية , أن فينقر ماراح يجيب محور , لذلك خل نقطع الأمل من ألحين , لكن الحارس لازم لزوم , وكذلك مدافع , وواضح من فينقر , أنه ساعي لجلب هالأثنين , ننتظر ونشوف ,
اللاعبين المناسبين ؟؟ وين أنت !! تحسب نادينا ريال مدريد وإلا تشلسي , تخير اللاعب واعتبره عندك الله يرحم الحال , الجود من الماجود طال عمرك .
- هاجس الاصابات و عدم توفر البديل المناسب هنالك من يقول أرضية الملعب ؟ او خشونة الخصوم او ضعف اجسام لاعبينا؟ رأيك ما هو السبب ؟
لا بعيدة أرضية الملعب , لإن ملعبنا يضرب به المثل بالأرضية , زي ما قال السير وغيره , وخشونة الخصم هذي لها عارضها , لكن وش تقول بهاللاعب اللي أصيب بالتدريبات ,
هذي والعلم عند الله من إهمال اللاعبين أنفسهم , أغلب اللاعبين مايهتمون بصحتهم وببدنهم , وهذا مايراكم علينا الإصابات .
من عندنا ,, الشماخ قولين ,, و روزي
من عندهم مااعرفهم صراحه ,,
ألمونيا ,,
امزح وقسم ,,
اقصد الشماخ بعد تسبدي
- رأيك بالمستوى العام للفريق بعد لقآء ليفربول ؟
انت وش رايك ؟ < يستهبل واجد ,,
ابد والله ماشفت القيم ,, بس يقولون الشباب كنا مسيطرين ,, اعتقد هذا المهم ,,
اذا مسكت اللعب القول بيجي ,, أو وقتها بتكون سويت الي عليك ع الاقل ,,
بس القهر اذا سويت وفعلت وتشقلبت فوق حارسهم عشان تجيب القول ,, وتتفاجأ ,,
ان حارسك فاغر ويصد الكوره من داخل القول مثـلآ ,, من زود الفغاره ,, يارب سترك ,,
- ما هي الخطه التي ترآهآ مناسبه للفريق حاليا ً ( 4-4-2 ولا 4-3-3 ) ؟
الاوله احسن ,, واحسن شي لو يحطوني كوتش ,, وقسم اضبطهم ,,
اقصد يعني عاجبتني تشكيلتي الي سدحتها لكـ ,, مع بعض التغييرات على حسب مجريات المطش ,,
- ما هي المرآكز التي تحتآج لتدعيم في الفريق ؟ و من هم اللاعبين المناسبين ؟
- هاجس الاصابات و عدم توفر البديل المناسب هنالك من يقول أرضية الملعب
او خشونة الخصوم او ضعف اجسام لاعبينا؟ رأيك ما هو السبب ؟
ابد وانا اخوك ,, خذها مني ,, اجسام لاعبيننا ,,
يعني الجهاز الطبي على حسب مافهمت من البوس حقنا انه من 10 سنوات تقريباً وهو معاهـ ,,
او دخل النادي معاه يعني مع بعض ,, فـ كيف زمان ماكان فيه اصابات والحين سبحان الخالق تجمعت علينا ؟
بالنسبه لأرضية الملعب هذا كلام فاضي ,, ياخي عندنا في الدوري السعودي مافيه اصابات كثر نادي ارسنال ,,
اجل ملعب نجران تسميه ملعب ؟ ولآ احد جاه اصابه وش زينهم زي الاحصنه ,, < يبالغ حبه ,,
شوف كوسيليني ,, يازينه عطب رجله جو كول وقام زي الاسد ,, لو الرخو سمير نصير كان جاه انهيار عصبي < شدخل ,,
- رأيك بالمستوى العام للفريق بعد لقآء ليفربول ؟ جيد الى جيد جداً نوعاً ما
- ما هي الخطه التي ترآهآ مناسبه للفريق حاليا ً ( 4-4-2 ولا 4-3-3 ) ؟ 4 - 4 - 2
- ما هي المرآكز التي تحتآج لتدعيم في الفريق ؟ و من هم اللاعبين المناسبين ؟ الحراسة ، قلب الدفاع
اللاعبين المناسبين مثل ما قال أحمد ( الرود ) الجود من الماجود
- هاجس الاصابات و عدم توفر البديل المناسب هنالك من يقول أرضية الملعب
او خشونة الخصوم او ضعف اجسام لاعبينا؟ رأيك ما هو السبب ؟ في شي ما ذكرته أنت اللي هو الجهاز الطبي ، جهازنا الطبي سيء الى أبعد حد و لنا في اصابات فابري الموسم الماضي عبرة و ما ننسى اللي صار لـ روزسكي قبل موسمين و البهذله اللي صارت له ، أذكر فينقر قال المدة المتوقعة لشفاء روزسكي 3 الى 4 اسابيع ، أضف الى ذلك ضعف البنية الجسمانية لـ لاعبينا
- اللي بيضيف سؤال عايدي شكراً لك محمد ،، ما في بالي أسئلة ولا كان تبثرت عليكم
الصراحه لو نتكلم بالواقع شوي ونشوف ان فريقنا كان ناقص اعمدة الفريق سونج و سيسك و بيرسي الي ما لعب الا ربع ساعه وغير كذا كنا نلعب ضد فريق كبير وخارج ارضنا ولاعبين اول مباراة رسميه لهم مع الفريق لكن رغم كل هالظروف قدمنا مستوى حلو و سيطرنا على اغلب المباراة لكن سيطره بدون خطوره !! ، بالنسبة لي كنت مقتنع بـ مستوى الفريق و متوقع منهم اكثر وافضل بإذن الله في المباريات القادمه بدايةً من مباراة بلاكبول.
- ما هي الخطه التي ترآهآ مناسبه للفريق حاليا ً ( 4-4-2 ولا 4-3-3 ) ؟
احب 4-4-2 لأني اشوفها متوازنه وتكتيكيه اكثر من 4-3-3 ، لكن على لاعبينا وامكانياتهم ودقراتهم راح ننجبر نلعب بـ 4-3-3 لأننا راح نكسب وجود لاعبين اذا لعبنا بـ هالخطه مثل ديابي لأن ماله مركز في 4-4-2
ع العموم بالنسبه لي اتمنى اننا نستمر على 4-3-3 وفي حالة الفريق كان مضطر انه يسجل سواء كان الفريق متعادل ولا خسران يطلع سونج ويدخل شماخ وتتحول 4-4-2 هذي وجهة نظري ، واتوقع فينجر راح يستمر على 4-3-3 خاصةً ان ديابي وسونج متفاهمين مع بعض و تتطوروا حراام ما يلعبون مع بعض ونستفيد منهم اثنينهم
- ما هي المرآكز التي تحتآج لتدعيم في الفريق ؟ و من هم اللاعبين المناسبين ؟
اهم اهم شي الحراسه واعتقد شوارزر هو المناسب ، وما ننسى ايضاً مدافع احتياطي وبالنسبه للمدافع ما فيه اسم معين لكن اتمنى ابسون خاصةً انه انجليزي وعنصر خبره لكن ما اتوقع قدومه لأن ما قد سمعنا اخبار مفاوضات بينه وبين ارسنال بالفتره الاخيره.
- هاجس الاصابات و عدم توفر البديل المناسب هنالك من يقول أرضية الملعب
او خشونة الخصوم او ضعف اجسام لاعبينا؟ رأيك ما هو السبب ؟
هي لـ سبب واحد /
1- ضعف اجسام أغلب لاعبينا و الدليل ان اصابات الكسر والي فيها عنف تجي لـ لاعبينا النحاف والعصاقيل ، المقصود صاحبين الاجسام الضعيفه كـ سمير وادواردو ورمزي !!
اما بالنسبه لـ خشونة لاعبي الخصم هذي ناتجه بسبب ضعف اجسام لاعبينا ، يعني لو كانت اجسم لاعبينا اقوى وكانوا اخشن ما كانوا لاعبين الخصوم يلعبون معنا بـ خشونه وبـ عنف !!
ما شاء الله عليك يا عبدالعزيز ، ياحظك رحت للملعب ، عقبالنا
طيب باقي مباراة لاتسيو الظاهر ومدري من المهم إن باقي صور
في الدوري الإيطالي ياليت تحطها بعد
--
- رأيك بالمستوى العام للفريق بعد لقآء ليفربول ؟
ما أقدر أحكم بالضبط على الأداء لأني شفت المباراة عن طريق الإنترنت .
بـس الأداء كـان حـلـو ، غياب فان بيرسي و فابري وسونق كان مؤثر جداً ،
بـ غياب فان بيرسي كـان الضغط على مروان كبير جداً ، وأتوقع مع عودة
اللاعبين إلـي قلتهم قبل شوي راح يتغير أداء الفريق للأفضل بشكل كبير
جداً إن شاء الله .
- ما هي الخطه التي ترآهآ مناسبه للفريق حاليا ً ( 4-4-2 ولا 4-3-3 ) ؟ أتوقع 4-4-2 هـي الأنسب .
ويكون
سونق
أرشـا"روزسكي" - فابري - نـصري
فان بيرسي -----الشماخ
أتوقع هـذي هـي الخطة الأنـسب .
- ما هي المرآكز التي تحتآج لتدعيم في الفريق ؟ و من هم اللاعبين المناسبين ؟
أكيد الحـارس ، ومدافع أيضاً
وياليت لو يجيب فينغر ، غيفين ، أو لوريس .
وراح يكونوا الأنـسب بلا شك .
وفي الدفاع هانجلاند ، ويكون كوسليني إحتياط ،
أو سكيلاتشي ويكون إحتياط .
- هاجس الاصابات و عدم توفر البديل المناسب هنالك من يقول أرضية الملعب
او خشونة الخصوم او ضعف اجسام لاعبينا؟ رأيك ما هو السبب ؟
ما أتوقع إنـهـا الأرضية ، لأن في كل ملعب الظاهر لنا إصابة ،
واستبعد الخشونة كـ سبب رئيسي أيضاً لأن لو على الخشونة
كان كل الأندية الأخرى صارت مثلنا ، ويمكن الأقرب إنهم ما
يكثرون حليب الله يصلحهم ، وممكن ضعف الأجسام يكون له
سبب ، أتوقع ممكن المشكلة في أكـل اللاعبين و تمارين الحديد .
، والله مدري وش السبب بالضبط
- اللي بيضيف سؤال عايدي
سـ / مساحة حره ؟
أتمنى إن فينغر يخلص علينا ويجيب لنا مدافع كويس وجسم صح ،
و حـارس ممتاز وأتوقع غيفين هـو الأنسب والأقرب أيضاً خاصتاً إنـه
يبي يكون أساسي ، ولوريس غالي علينا .