نبدأ بالحراسه .. الحارس اليوم ابدع لاكن ما توفق في طلعته .. يعني ما يشفع له ابداعه ..
الدفاع .. سانيا كوتشليني سكلاتشي وربي رجال ابدعوا .. اماا العاهه الاضحوكه كليتشي يبقى زي اول
الوسط سيء للغاايه .. فابري ولا اسست صح الا واحد .. ولشير والله مدري وش اقول هو ابدع ولا سيء .. نصري كنت اتمناه يلعب نهاية الشوط << وقته .. .. سونغ يبقى غبي ما يعرف يتسلم ولا يسلم
الهجوم .. الهندي سيء واناا قايل للعيال ما ينفع الا ورقة رابحه ما تزج فيه اساسي .. شماخ يواصل مستوياته السيئه ..
التبديلات : يعني نقدر نقول دخول ارشا تحرك الفريق شوي .. اما البقره ما استفدنا شيء من دخوله ..
وغلطت فنجر ما لعب بـ روزي وربي لو لعبه دقيقه 60 كان بأذن الله انقلبت .. لاكن يبقى هو قاري المباراة افضل مني ..
على العموم مبروك خساارة تشلسي < < سبحان الله ولا مره استفدنا من تعثرهم .. وهاردلك الخسارة ..
بصصصرآحه كلامكم يوفي بدال ما اقعد اتفلسف .. لكن الفلسفه حق وواجب
مسستوى غررريب , وفينجر اغرب بعد !! , كنت اتمنى ان خشووم يبدآ بـ روزي بدال المزاجي فابري
لان الفريق واضح انه ما يعتمد الا على فابري في حال وجودهـ : هو اللي يشوت , وهو اللي يناول , وهو اللي كل شيء .. !! .. لو كان روزي موجود اعطى للكل فرررررصه وخصوصآآ و:خصوصآآ ويلشير اللي ما شفنا له الا كم كووورة بس !!
بس اول مررررهـ احس ان الفريق كامل .. بعووودته طبعآآ ( فان هووود )
الحمممد لله لحظة تسجل بالتاريخ : استفدنا من تعثثر تشلسي , لكن الاستفادهـ ما تكتمل بـ فوز المان
يوم عصصصيب .. انا الاقيها من الملز ولا من الامارات .. الله يعين بسس ..
يالله ششباب الدووووري طووويل وتونا << مليييت من هالكلمه من كثر ما اسمعها من غيري
هـآردلكـ الخساره الموجعهـ ,, ماهي نهاية الدنيا ,, ماراح الا 11 جوله وباقي 27 ,, الخير جايكمـ ,,
إقتباس
الرسالة الأصلية كتبت بواسطة C.F.4
هذا والكوت اللي أزعجوا ام ام امنا فيه المشجعين ..؟؟
أقسم بالله من قبل ما ينتهي الموسم اللي راح و أنا أقول يا يحسن من مستواه أو يدوري له فريق ثاني ..!!
و الشماخ اليوم مدري على ايش يناول أي كورة يناول حتى لو المرمى فاضي بيناول .. و هذا ارشافين اللي تقولون مستواه طايح عرفنا قدره يوم بدينا بوالكوت اساسي الله ياخذ وجهه ذا الهندي .. اهم شيء المباريات الجاية والكوت ما يشم الاساسية و يخلونه مع انجلترا للالعاب الاولمبية .. و بالتوفيق قدام ولفرهامبتون ..!!
شوي شوي يابعدهم ,, حسيتك داخل تدور واحد تضربه ,,
المهمـ ,, الفريق كامل ماكان بمستواهـ ,, صحيح ان وجهة نظرك بخصوص ان وولكت مايصلح اساسي انا معاك فيهـآ ,,
لكن مانقدر نلومه على شي ,, نيوكاسل مدافعين بـ درجة امتياز ,, بدون أي خطأ يذكر ,,
و ولكت معروف بانطلاقته خلف الدافعين ,, وولكت بالعربي يصلح قدام الفرق الكبيره ,,
الي تفتح لك شوية مجال يقدر يخلخلها بـ سرعته ,, اما فريق يلعب على منطقته بس بالله وين تبيه ينطلع يروح؟!
إقتباس
الرسالة الأصلية كتبت بواسطة SAMGoOl
^^^^^^^^^^^^^^^^^^^
اذا فاز الفرييق ما نشوف ذا الكلام
واذا انهزم نشوف اللي يقول المدرب
المفرووض يشتري لاعبيين
ومدري ايييش
الفريق ما توفق اليوم وخلاص
ان شاء الله نعوض ويتعثر تشيلسي
بالعكس يابعدهم ,, كلنا تكلمنـآ وقلنا ان البوس لآزم يشتري لآعب واحد ع الاقل من نوعية اللاعبين الـ سوبر ستار ,,
هذا اذا كان يفكر في بطوله فعـلآ ,, لأن خط الهجوم عندنـآ للأسف انه عقيم ,, خصوصاً اذا ماكان عندنا الا بيرسي الي يقضي 90% من الموسم في العيادات واعادة التأهيل ,,
واخرتها يستدعيه المنتخب ويصاب ويرجعـ ,,!
اعتقد مالنا عذر نقول ان الشماخ وبندر هذولا بدلاء ,, !!!!!
إقتباس
الرسالة الأصلية كتبت بواسطة C.F.4
بعدين ايش دخل الفلوس الحين..؟؟
انت اظاهر ما تعرف الشيء اللي اسمه ديون اللي لاعب في حسبة اندية الدوري الانجليزي كلها مو بس ارسنال..؟؟
انت تدري ان مانشستر يونايتيد كان يمكن يحرم من المشاركة في دوري الابطال عشان ماسدد ديونه بس..؟؟
عشان كذا يا حبيبي لما تتكلم اتكلم عن شيء وانت تدري وش السالفة مو تخش و انت مسكر أبو اللمبات..!!
انت رايح فيها من الهزيمه ,,
طيب هالكلام نقدر نقوله لو الاداره ماعندها ميزانيه ,, بس اذا طلعت الاداره وقاله فينجر يملك سيوله واننا خلصنا تقريباً من الديون الي على النادي وما إلى ذلك ,,
وفي الاخير يجي فينجر مايصرف الا 10 مليون من 40 مليون مسلمتها له الاداره ؟؟!
هنا نقول لآ ياحبيبي وقف عند حدك ,, وين الـ 30 الباقي ؟!
خصوصاً ان الاداره تقول احنا مانسأل فينجر عن الباقي ,,
مايمنع هالشي ان فينجر يفك شوي ,, اجل يجيب لآعب ببلآش ؟
فينجر يبي يسكتنا بس يوم جاب مروان ,,
الي مع احترامي له لـكـنـ طلع لآعب متواضع جداً جداً جداً ,,
وحتى الضربات الرأسيه الي قلنا اننا جبناه عشانها نستفيد منها للأسف ماسجل منها ,,
والي يزيد الطين بله انه يحاول يمثل ,,
~.~.~.~.~.~.
فريق مدمور للأسف ,, وسط جبار ,, دفاع متميز ,, حراسه لآ بأس بهـآ ,, هجوم عقيييييييييييم ,,
والأدهى مدرب عنيد ,, يصر على قناعات ميته ,, وش المشكله لو لعب بـ 4 4 2 ؟!
يثبت الدلخ سونق وقلبين الدفاع بالخلف ,, ويفرغ ويلشر و فابري و نصري ( أو روزي ) لـ صناعة كور متأكد انها بتوصل على طبق من ذهب لـ الشماخ ( أو ارشا ) و معاهم بندر ,,
خصوصاً في ظل الحصار المميت والاعتماد ع المرتده الي يتميز فيها الفريق ,,
ويلشر بـ إعتقادي خروجه خاطئ ,, وكان ممكن يطلع فابري افضل ,,
للأسف اقول هالكلام لكن البوس الظاهر ماصار يخطط للسيناريوهات المحتمله للمباراه ,,
حسيته وهو واقف ويفكر انه متورط في المباراه اكثر من اللاعبين انفسهم ,, يعني وش كانت الفايده من وولكت اليوم ؟
كان ميت تقريباً في هذيك الجهه ,, كان ممكن يطلعه ويدخل روزي أو ارشا ,,
عموماً البوس اكيد شاف شي ماشفناه ,, ولكن في الاخير ماتعدلت المباراه ,,
الفريق ماكان في يومه ,, ولكن ان شااء الله الدوري طويل ,, وان شااء الله نصارع للأخير ,,
ويكون للبوس كلمه اخرى في سوق الانتقالات الشتويه ,, يعني صرآحه لاعبين كثير انتقلوا كان الارسنال المفروض مايفرط فيهم ,,
منهم فان در فارت واسامواه ,, الاول كان البوس يقول شكلي باوقف على باب الريال عشان اشوف لاعبين ,, وليته سواها ,,
والثاني يقول كنا قريبين من التوقيع معاه ,, وليته وقع ( مسجل هدفين اسامواه اليوم ) ,,
استغرب من بعض الاعضاء الي يقولون غلط الهدف من الحارس
الي يقول الغلط من الحارس ,, اتمنى يرجع يشوف الهدف من جديد
ولا مدافع احتك مع كارول بس فابيانسكي ,, المدافعين يتفرجون على كارول ,, على الاقل دفه ولا ارجفه خله يجي بلنتي ولا يسجل بهذي الطريقه
لـ هذي الدرجه دفاعنا مخيس
اذا صار المدافع يتفرج انا كــ حارس وش تباني اسوي
فابيانسكي ما غلط !
بندتنر والله يستحق الاساسي
تقريبا من خمس جولات وانا اقول الشماخ مخيس ,, اتمنى من الكل يرجعون لـ اهدافه يـا راس ولا دربكه ويسجل ولا تجيه مقشره من فابري ولا ارشا
هاردلك الهزيمة يا شباب، والله يعيننا على حرق الأعصاب.
أبدأ بالكلام على التشكيلة.. تشكيلة البداية كانت معقولة جداً ومتوقعة جداً عدا بداية ثيو
والكوت.
الفريق ككل كان متوسط المستوى، ولكن للأسف أقولها للمرة المليون فابريغاس هو
الآرسنال. إذا شفت فابري بيومه تشوف آرسنال جبار آرسنال قوي وخطير من كل
الجهات، والعكس تماماً صحيح. وهذا اللي حصل أمس، سيسك خارج الفورمة نهائياً،
واذا كان الشوط الأول أمام ويستهام هو أسوأ شوط في حياته فما أدري وش راح يقول
عن هالمباراة. والكوت، خلونا نتكلم بواقعية يا جماعة. والكوت يسمع بشيء اسمه مراوغة، مان تو
مان ما يمديه أبد أبد أبد، أمس ما قدر يفتح له مساحة ولو مرة وحدة بس !!! وش
هالفشل يا ثيو، عكس نصري بالضبط. الدفاع ممتاز وأنا أعي ما أقول، حتى الأظهرة لم تكن سيئة. كذلك ويلشير و سونغ
جيدين. الشماخ المفروض يدخل للصندوق أكثر ويسدد، الصراحة كان واااضح عدم التفاهم
بينه وبين بقية اللاعبين نقول ان شاء الله انها مسألة وقت والله لا يخيب رجانا.
نأتي لنقطة التبديلات، المفروض أول من يطلع هو والكوت ويخش روزا ويبدل مع نصري المراكز بحيث يكون نصري على الجناح الأيمن. والتبديل الثاني بخروج سونغ ودخول بندتنر. بكذا راح يكون فيه خلق للفرص عن طريق نصري وروزا
وسيسك أقصد نصف سيسك. واذا تعقدت الأمور أكثر يدخل أرشا آخر عشر دقايق
مكان واحد من القلوب. باختصار تبديلات يا فينغر كانت زي وجهك.
على هامش المباراة: اذا كنت تمتلك لاعبين افرج فالمحصلة هي فريق افرج، سياسة
رخيص وكويس ما تمشي. وصدق اللي ما يتسماش يوم قال عطني بيض كويس
اعطيك اومليت كويس . ثانياً الحمدلله ان فابيانسكي أخطأ وأتمنى أقل شيء خطئين
على هالمنوال، حتى يزيد الضغط على فينغر بشراء حارس وورلد كلاس.
بالنسبة للهدف فواضح وضوح الشمس ان عندنا مشكلة عويصة في الركلات الثابتة سواءاً الفاولات أو حتى الركنيات. ونظرتي القاصرة تقول بأن طريقة التغطية خاااطئة، فاللي حاصل أن اللاعب يغطي المنطقة وليس اللاعب والمفترض العكس كل شخص مع لاعب معه زي ظله ولو نشوف الضربات الثابتة الماضية نلاقيه واضح الأمر جداً.
هالمباراة بدت تغير قناعات عندي الصراحة.
الى اللقاء.
( ثاني ) مره في تاريخ البوس يمدح مدرب خصمه قبل مباراته ويُهزم منه في ارضه ..!!
( الاولى ) مع المدرب ساوثغيت امام مدلزبره وهزمونا في الامارات بهدف لاعبنا الياديير ..!!
كنت متفائل , يوم صرح نغزني قلبي ..!!
ثيو والكوت لا يلعب الا شوط ثاني فقط فقط فقط , وهذا ارشا الكبير كاد ان يصنع الفارق في مرات كثيره يا من طالبتوا باجلاسه ..!!
وهارد لكم , لي عودة للشخمطه والبثاره اكثر على هذه المباراه ..!!
![][ رآبطة عشآق المدفعجيه ][ 2011-2010 ][ الآن رابطة الآرسنال على TWITTER ][](iconimages/t913680_rtl.gif)
يضحك مرره .. 
.. اماا العاهه الاضحوكه كليتشي يبقى زي اول 
.. ولشير والله مدري وش اقول هو ابدع ولا سيء ..
وربي لو لعبه دقيقه 60 كان بأذن الله انقلبت .. لاكن يبقى هو قاري المباراة افضل مني 
.. بعووودته طبعآآ ( فان هووود ) 
.. فريق لايمتلك عقلية الفوز .. فريق يلعب بتخآذل 
الوضع العادي
