السلام عليكم ورحمة الله وبركاته

كلام كثير ونقاشات اكثر ولكن كل اللي نقوله ماله فايده لان الزبده عند ماروتا
بس مايمنع نتكلم ونفضفض عن اللي فينا ويعطيكم العافيه

اجل باعوا دييقو وبمبلغ اقل من شراءه باي عقليه احترافيه نمشي عليها؟؟
انا كنت منهبل لين وقع دييقو لليوفي واذكر وش كانت الرابطه يوم وقعنا معه
كان التمجيد وكانت الصحافه رفعته فوق وخلته مزيج بين زيكو وبلاتيني
واول مباراه لعبها مع روما كان البطل على الرغم من ان الفريق كان كله بطل
وبعدين مع تتالي المباريات نزل مستوى الفريق كاملا وللاسف تم تحميل المسؤوليه لدييقو لان الخطه وضعت علشانه
وش ذنبي اذا كان المدرب سفيه ويقوم بوضع خطه عشان لاعب معرض للاصابه ولهبوط المستوى
نرجع لدييقو اول ماجا برضو كانت الصحافه تتمنى تشوفه يلعب جنب لجنب مع ديل ىبييرو لكن الاصابه تمنع اليكس تاره وتمنع دييقو للتواجد تاره اخرى
حتى التقوا وكان الفريق كله ضايع وماقدموا شي يشفع

جا الموسم هذا وجانا مدرب بفكر جديد وصارت منافسه بين دييقو واليكس على الاساسي الحين بدت المشكله
صار دييقو كخه واليكس هو الشاب على الرغم من تحفظي على اللي يجعل اليكس فوق اليوفي انا ماانكر ان اليكس سبب انتمائي لليوفنتوس لكن للسن احكام

برضو اقول موب موضوعي المناقشه والتفضيل بين الاثنين
لكن سؤالي بعت دييقو بمبلغ بخس وبعت جيوفينكو وكلهم شباب
من بقى لك يصنع لعب؟؟؟
لااحد يقول اليكس لانه يخسي يكمل موسم كامل
لااحد يقول اكويلاني لانه محور
لااحد يقول مارتينيز لان مو معقوله بيشيلنا كل الموسم لازم بديل
اتمنى تعويض دييقو ولو ان مايتعوض وبنندم عليه واذكركم
واللي طبل وانبسط لقدوم كراسيتش وانا اولهم ياليت ماننكر اننا فرحنا بقدومه
طبعا الكلام هذا بعد انتهاء هذا الموسم واتمنى مااحد ينكر وش كان شعوره
مثل ماحصل يوم جا دييقو والحين البعض ينكر

اسف ع الاطاله واتفق مع اخوي احمد لاول مره
عوافي حظيظ على كلامك اللي بالعقل وليس بالعاطفه
اما سعد اشوفه بس صدفه ويقول اني سعد ان اخليه اسعد يوم بحياته

سعد

والله اني احبك في الله يارجل

ناصر
ترجمت الخبر لكن مالقيت فيه زبده واعتقد انك قد ترجمت خبر مماثل له من اول
والخبر يقول ياعيال يامشجعين اللي يبي يحط اسمه في الملعب يجي ويسجل اسمه ويدفع دراهم ونحط اسمه ويكون منقوش في الملعب الجديد

لا وسجل عندك بيع تريزيقيه وكامورانيزي والناس الباقيه
يعني يصير ماصرفنا الا مبلغ بسيط
وين الكلام ووعد الرئيس الجديد ووين ميزانية النادي الظاهر هو كحيلان جديد
يلعن ام البخل ياشيخ كل سنه نجمع فلوس للسوق الجاي ولين الحين مادفعنا شي وحنا بحاجة بعض الاماكن مثل الظهير اليسار وصانع اللعب مع اني مااشوف مركز قلب الدفاع له اهميه حاليا

صور تمارين الفريق