| إقتباس | | | | |
الرسالة الأصلية كتبت بواسطة skroo | | | | | | | |
الله يعطيك العافية يا ثامر على التعقيب
هو فعلا اليوفي احسن من يوفي الموسم الماضي
لان بناء الهجمة اسهل والارتداد صار اكثر فاعلية
لكن اتكلم عن اليوفي ككل
شف من نمدح الان بالفريق, اغلبهم بقاياا موجي
دل بييرو
كليني
بوفون
ماركيزيو
البقية للحين ما انعرفت مويتهم
سيسوكو اول موسمين ذكرني بقرانديزر حتى مدريد طلبوه والان مدري وش فيه
ما ودي ابدأ بعد اللاعبين واحد واحد, لكن اللي ينقص اليوفي شيئين لا ثالث لهما /
1- مدرب قدير , هالنقطة اشبعناها طرح وضربنا مليون مثال
2- $$$$
النقطة رقم 2 جوهرية جدا
لو عندك فلوس كان جبت اظهره زي الناس
لو عندك فلوس كان طردت اماوري وياكونتا من النادي وجبت مكانهم مهاجمين زي الناس
اذا بترجع بعد نكسة فلابد لك من ترميم الفريق ترميم كامل
والترميم لابد تكب فيه شي يكفي
لكن شغل اللمصقة والخنبقة هذا هو وضع اليوفي الان
يعني بالله فيه عاقل يخلي ظهيره الاساسي دي شيلي وبديله احتياط ثالث في ارسنال ؟
ما ودي اتطرق لنقطة اللاعبين لاني ابطول بالرد
باختصار
يوفي افضل من الموسم الماضي اكيد
لكن لا يمت لليوفي اللي نعرفه لا من قريب ولا من بعيد
يا حلالاه من حضر مباراة في تورينو وجاب معه لوحه كيلو × كيلو ومكتوب فيها ( اعيدو لنا يوفنتوس )
شكرا ثامر | | | | | |
عفواً .. ناصر
بس اسمحلي اعقب مرة ثانية <<< مستلج اليوم
اليوفي الحقيقي .. كان يطلب منه البطولات .. فـ 90 % من نوعية اللاعبين الموجودين الان مستحيل نشوفهم في اليوفي الحقيقي ...
اما اليوفي الحالي فيطلب منه المركز الرابع
زي ما ذكرت بنفسك هي مرحلة بناء .. للعودة ان شاء الله لليوفي الحقيقي ...
المرحلة الحالية هي تحسين المركز و الوصول لدوري الابطال
لنضمن ان شاء الله تحسن الدخل المالي و زيادة عدد اللاعبين المميزين الي يبون يجون .. بحكم انهم يقدرون يلعبون في دوري الابطال ...
فالمركز الرابع ان شاء الله ما يحتاج 11 سوبر سطار .. انما يحتاج بعد توفيق الله
لبقايا موجي الي ذكرتهم + لاعبين مجهود و الحمد لله اغلب الكديش الجدد اعارة !!
و ترا بعض الجدد تحس فيهم رجا .. مثل كراسيتش و بيبي الى الان اشوف انهم مكسب .. اما الباقي ما اشوف انهم اضافو جديد الى الان ...
لنركز على هدف الموسم الحالي
اليوفي الكارثة الموسم الماضي .. انهى الموسم بالترتيب السابع ...
الان الفريق كمستوى ينبأ ان شاء الله انه بيكون افضل من الماضي ...
و المطلوب هو المركز الرابع .. بحسبه بسطيه
المركز السابع - المركز الرابع = ثلاث مراكز .. نحتاج نتفوق فيها على الموسم الماضي
و اشوف ان شاء الله انها مهيب صعبة ...
اذا وصلنا عاد لهدف الموسم الحالي ان شاء الله .. المفروض ان الادارة الموسم الجاي تبدأ بالإرتقاء شوي
اقصد ترتقي بنوعية اللاعبين الي مفروض انهم يجون .. لان الهدف بيتغير ...
على العموم ما يندرا وش بتصير النتائج نهاية الموسم يالله حسن الخاتمة ...
والى الان ما اثق في الادارة بشكل كامل .. لكن اعذرنا وش اسوي .. احاول قدر الامكان اني اتفائل .. لاني منقهر .. احباط في الدوري الايطالي و احباط في الدوام و احباط زحمة مدارس و احباط في الرياض بشكل عام
ناصر شكرا