حقيقه الفريق اليوم يستحق الخسارة
فريق فاقد هوية البطل
مو الانتر اللي يلعب بكل ثقة وتوازن وتكتيك وثبات
والله يوم شفت التشكيلة قبل المبارة وانا مو متفائل باللاعبين , واضح ان التشكيلة مو منطقية أبد
يعني ماادري ابو مصير وش يحس فيه
تلعبلي زانيتي محور ثابت وحتى والله اننا نشوفه اقل اللاعبين المتواجدين
وتلعبلي كييفو اللي والله مدري وين الله حاطه الله فيه
حتى تكتيك الدفاع بدأ يهتز ويفقد الثقة في نفسه , لوسيو اليوم ماكان بالمستوى حتى مايكون في الهدف الأول ماتحرك يتداخل مع رييس والهدف الثاني وين تمركز لوسيو ماشفت الا صامويل ومدري وين زحلق معه
والله تمنيت يلعب بخطة مبارة روما أقل شيء انه يقتنع بالخطة الثابتة ,,

خلاصة الكلام :
أتمنى رافا مايتفلسف في تشكبلة الفريق , اذا الفريق بيلعب يوم الاثنين بهذا المستوى فقولوا على الانتر السلام


::


تصبحون على خير

بينيتيز لقناة Rai Sport





علينا أن نتحسن.. من وجهة نظر رياضية لم يكن لدينا الكثير من الوقت لتدريب معا. ما زال أمامنا الكثير من العمل للقيام به ..

وتابع "بدأنا المباراة بشكل جيد وتمكنا من خلق فرصتين أو ثلاث خطرة قريبة من الهدف ، ولكن بعد ذلك فقدنا السيطرة على المباراة في وسط الملعب ، وفي النهاية كانت المباراة مفتوحة جدا ، واتلتيكو لعب جيدا على الهجمات المرتدة..

سألوه عن سبب تغيير بانديف بستانكوفيتش . قال المشكله مو بلاعب محدد .. ستانكو قدم مباراة كبيرة ونحن جميعا نتحمل الخسارة

الرسمي


هارد لك للجميع

إقتباس الرسالة الأصلية كتبت بواسطة الأمــبراطـور بينيتيز لعب بخطه ماهو مقتنع فيها ولاكد لعب فيها وعلى كلامه انه ماوده يغير شي بالفريق لانها مباراه نهائيه ولاوده يجازف ويطبق خطه يمكن اللاعبين مايطبقونها ميه بالميه فقال العب بالخطه الي دايم يلعبون فيها وصار هالشي لعبنا مع روما في نهائي السوبر وفزنا بأخطائهم مع وجود هفوات كبيره من دفاعنا ولا حد قال شي من المحللين او غيره ليش لانا فزنا بثلاثه وطبقنا هالشي مع اتليتكو مدريد وصار الي كنت متوقعه لعب تافهه من الانتر والهدف الثاني جا بطريقه مادري وش يبي حتى الفيصلي ماتجي عليهم اهداف زي كذا يعني كل الي صار بالمبارايتين ماهو مقتنع فيه بينيتيز ومع ذلك سواه لانه يبي يسكت الجمهور بتطبيقه لخطط مورينهو ]

أنــا أخـالفك الرأي

بينيتيــز ما طبـق خطـة الانتر في المباراتيــن !

في مباراة رومـا وضـع نفـس العنــاصر لكن بتركيــبة مختلفــة ! مثــل الدفـــاع العــالي اللي ما قد جربه الفريـق !

وفي مباراة الأتيليتكو وضـع تشكيلـة مختلفـة وأسلوب لعب مختلــف !

يعني بينيتيــز طبـق الطريقـة اللي عجبتـه في المباراتيــن !

هاردلك لكم الخسارة المستحقة



صراحه من يوم وقع الانتر مع هالمدرب وانا غير واثق فيه واليوم اثبت هالشيء

ممكن البعض يقول ان حنا حملنا المدرب الخسارة بشكل كبير او حكمنا عليه بشكل مبكر لكن الكل هينا يجمع ان بنتيز هو السبب الاول للخسارة

انك تغيير شكل فريق فائز ومحقق كل البطولات اللي لعبها في مباراة مهمه وسوبر اوروبي هذا الشي اللي ماينفهم ابدا

في مباراة السوبر الايطالي كانت واضحه الاخطاء الدفاعيه وبالذات في العمق وايضا الفراغ الواضح في منطقة المحور لكن الفريق كان يلعب بنفس الاسلوب اللي تعود عليه عشان كذا فاز

لكن وش هالتغيير العبقري في الاسلوب والتكتيك بعد خمس ايام بس وتنزل لنا لاعب مستهلك بدنيا مايقدم اي اضافه ومعروف ستانكوفيتش في السنوات الاخيره انه ممكن يقدم لك الاضافة في نص شوط او اقل

انا مافهمت شي اليوم اخطاء وتخبيص بالجملة في الفريق بداية من الدفاع المتقدم وزانتي لحاله في المحور وكمبياسو صانع لعب مع شنايدر وايتو مهاجم على اليسار والجهه اليمنى مافيه احد الا اذا تقدم مايكون احيانا ولا احد يقوم بتغطيته دفاعيا وستانكو كان دوره يطلع ضربات الزاوية اللي علينا من منطقة الجزاء

المشكلة الكبيره اللي اشوفها ان بينتيز جالس يغالط نفسه ويغير في الفريق لسبب واحد فقط عشان النقاد مايقولون انه ماغير شي في الفريق والاعبين جالسين يلعبون بأسلوب مورينهو لان التكتيك والاسلوب اللي لعب فيه مورينهو مع الانتر هو نفسة اللي كان يلعب فيه بينتيز مع الليفر لكنه يجي الحين ويغيره مع ان الفريق الان مبني على هالاسلوب

مورينهو في اول موسم جاء حاول يغير شكل الفريق ويلعب بأسلوبه لكنه ماقدر واعترف انه لعب بأسلوب مانشيني لكي ينجح الفريق ويفوز وفي السنة الثانية بعد ماجاب خمس لاعبين تقريبا قدر يغير الفريق ويلعب بالاسلوب اللي يبيه

على العموم بينتيز ضيع علينا بطولة كان من المفروض ناخذها لكن اتمنى انه يرجع لعقله ولا يكابر بتغيير الاسلوب والخطط لانه لو استمر على هالمنهج بيضيع الموسم كله

إقتباس الرسالة الأصلية كتبت بواسطة قرش أتقف معك إنهم سيئين , لكن تشيفو كآن أسآسي بالنهآئي , أنت تقول مورينيو ترك فريق كآمل لـ رآفا , مآ نختلف إن موري صنع فريق بطل , لكن هذي ثآني مبآراة بالموسم لـ رآفا , فـ من الصعب نحكم عليه , أنآ إنتقدت التكتيك , وأبداً مآ ينآسب الإنتر , وإذآ إستمر على هذآ التكتيك فـ يحق لنآ ننتقد , يلزمنآ ظهير أيسر ظروري , أو محور ويكون زآنيتي ظهير أيسر , و اليوم قآعد أدور بديل رآس حربة , مآ فيه ! فـ لابد لنآ مهآجم . ..

افهم الله يعافيك انا انتقد رافا مو اقول اطردوه .!

ادري ثاني مباراة له وادري انه مايقدر يوضع بصمته للفريق بالسرعه ذي .!

عتبي عليه ان عنده فريق جاهز وبطولتين جاهزه ادخل فيها وحققها ثم عطنا طريقتك !

تخاف من اتلتيكو حتى تدافع وتلعب بثلاث محاور .!؟ .. وليته دافع مادري كيف وضعه في الفريق .!

انتقد رافا لـ عدة اسباب من بداية الموسم ساكت عنها

تغيير مركز كمبياسو ليش .!؟ .. كمبياسو من افضل المحاور الدفاعيه ليه تتفلسف وتخترع له مركز جديد هو اصلا مايعرف له .!

ميزة كمبياسو افتكاك الكورة وتمركزه في المحور ولاعب ذكي ويلعب باص سريع ما يتفلسف .! .. شلون بتخليه هجومي ويحافظ على الكورة .!؟ .. المركز اكبر من امكانياته

زانيتي محور وحيد .!؟ كيف ابي افهم .. اللاعب طول عمره مالعب محور وحيد في حياته وعمره 37 سنة وحتى لياقيا مو جاهز جايته اصابة .. تبي تثبت لـ الادارة ان ماسكيرانو يعني مطلب ضروري خلاص الرجال راح برشلونة

هذي اغلاط قبل المباراة ومن بداية الموسم وهو مستمر عليها .!

في المباراة نفسها واضح ان الفريق كان كويس اول 5 دقايق بس ! .. تشوف فريقك تايه ولا يقدر يسوي اي شيء وتتفرج .! .. ليه تنتظر هدف يدخل عليك عشان تقوم تغير التكتيك

التبديلات لا تعليق .. تطلع شنايدر وتدخل كوتينهو .! .. طيب وش سويت بالله يا فهيم زمانك .!

ونستغرب كلنا ان كمبياسو صار صانع اللعب وكوتينهو جناح

مباراة للنسيان صراحة .!


الإنتر لا ينقصه ظهير ولا محور ولا اي موضوع .!

الإنتر ينقصه لاعب سوبر في النص مع كمبياسو وشنايدر يكون محور هجومي .!

محتاجين نحافظ على الكورة ونبني هجماتنا من الوسط

كان عندنا خيار هامسيك .. وشفايني

باقي المراكز كلها نملك لاعب ونملك بديله يقدر يعطي مثل اساسي في مباراة او مباراتين .!

احس اني طولت

لك

هاردلك ياشباب والله الخسارة موجعة ولكن اتلتكو كشف المستور وفوزنا على روما بأخطاء دفاعهم

يعني لابد يبقى رافا على انسجام الفريق هذا شي ضروري منه ولا بينخرب الفريق القوي اللي بناه مورينيو

إقتباس س / ديان ستانكوفيتش اين كان يلعب اليوم .. وماهي ادواره ؟ ارجوا ان لا يتاخر علي من يعرف الاجابه فانا رجل مثقل و مرهق واريد النوم اريد الاطمئنان فقط .. هل انا المجنون ام رافا بينتيز ؟

الظآهر حتّى ديآن مآ يدري وين لعب ! ,

يآخي موب معقول اللي سوآه رآفا , وأنآ أتآبع المبآراة أشوف ديآن يسآر ومرة مع زآنيتي يمين ! ,
يعني النص ضآيع ,

لو لعب بـ 4-3-1-2 , كآن تكون التشكيلة مقبولة , يكون شنآيدر خلف المهآجمين , وإيتو وميليتو رؤوس حربة , وتعطي مآيكون حرية بالإنطلآقات , لإن زآنيتي يكون مغّطي ! ,

لكن أول مرة أشوف مدرب يلعب بـ جنآح يسآر , وبدون جنآح يمين ! , " دآهية " ,

وإطمئن يالغآلي لو كنت أنت مجنون فـ كلنّآ مجآنين , لإنه ولا وآحد يقدر يأيد رآفا باللي سوّآه ؛ وحتىآ لو فآز الإنتر أمس , مآ راح أغير كلآمي , وأبقول نفس الكلآم ذآ .

لك ,

..

الكل تكلم عن بديل مآريو ,

سمعنآ أخبآر كثير , عن روسي , وعن سكولي , وكآوت ,

لكن فيه لاعب أستغرب إني مآ سمعت أي خبر عنه , حتّى إشآعة ,

أي وآحد تآبع الكآلشيو العآم المآضي أكيد إنه شد إنتبآهه , وأي وآحد تآبع كآس العآلم أكيد إنّه إستمتع بـ لعبه ,





لاعب جنآح مجنووون , تآبعت اليوم مبآراة أودونيزي و جنوىآ , وإستغربت إن سآنشيز مآ زآل بـ أودنيزي , لاعب شآب , سرييع , يسمونه القطآر , مهآري , وشويت ,

أجزم إنّه رآح يغطي مكآن بآلوتيللي , بس من يفكر به !

..