04/10/2010, 02:25 AM
|
 | محرر اخبار رابطة إنتر ميلان | | تاريخ التسجيل: 05/11/2009 المكان: ♥ il Re Lione ♥ Eto'o
مشاركات: 670
| |
هاردلك التعادل , مع ان التعادل ما اعتبره اخفاق كبير في ظل الغيابات الكبيرة , يكفي اقول ان زانيتي غايب  .
كنت متفائل بالبداية بمستوى كوتينيو و بيابياني و ادهار ايتو  , نقطة التحول كانت باصابة بيابياني
, اللي اثبت اليوم انه مهب ريفاس جديد على الاقل , بديت اأمل عليه يكون منافس قوي على الاساسي بما ان
بانديف مهب جيد كـ جناح و ضعف كوتينيو بدنيا , المهم ان نقطة التحول كانت بدخل ميليتو و تحويل ايتو للجناح .
اقدر اقول اننا صرنا بـ 10 لاعبين بعدها بما ان ميليتو ينتظر الكور تجيه بين قلوب الدفاع ! ما شفته يطلع كثير من
الـ 18 و يستلم الكور و مع كذا كان خطر اذا طلع , هذا غير الفرصتين اللي ضيعها . كوتينيو كان جيد اليوم و كل
مباراة يتحسن لكن يبي له يضبط الكنترول عنده , اليوم كان منفرد في كورة لو استملها صح , مهيب اول مرة
تصير . ايتو اليوم يستمر بالادهار , لكن مدري ليه الشوط الثاني ما يعطونه الكورة مع انه يكون في موقع ممتاز ,
اوكي تنويع اللعب مطلوب لكن كان واضح ان عرضيات مايكون مهيب بذيك الخطورة بما ان دفاع اليوفي ممتازين
في العرضيات , فـ المفروض يركزون على ايتو اللي يقدر يحلها بمهارته .
شنايدر اليوم سيء مثل اغلب المباريات من بداية الموسم , ما شفنا ذيك التحركات و التسديدات , هذا غير الركنيات
اللي مفروض ينوع فيها شوي , كلها على القائم البعيد و قريبة من الحارس , المفروض مشكلة الركنيات تكون
اولوية لبنيتز خاصة مع انخفاض مستوى ميليتو + عندنا لاعبين ممتازين في الرأسيات ( لوسيو , صامويل ,
ستانكو , ايتو , مايكون اللي اليوم ما ادري كيف ضيع الرأسية اليوم ) + عندنا لاعبين ممتازين في التسديدات
خارج الـ 18 ( ستانكو , شنايدر بحيث ان كامبياسو او كوتينيو هم اللي يلعبون الركنية ) . المحاور اليوم كانوا
جيدين , ثنائية ستانكو و كامبياسو ممتازة مدام ستانكو في الفورمة .
كيفو كالعادة سيء كـ ’ ظهير ‘ كرازيتش كان ماخذ راحته في الشوط الاول , لكن كان جيد في قلب الدفاع . كوردوبا
كان جيد اليوم . لوسيو كان خارق الشوط الاول , ممتاز في الثاني . مايكون كان جيد في الدفاع مع انه ما كان فيه
ذيك الخطورة من جهته , لكن تقدمه ما كان بذيك الفعالية , كان ودي يدخل للعمق اكثر بدال ما يرفع لانه كان
شنايدر او احد المحاور على قوس الـ 18 في مكان ممتاز للتسديد . جوليو ممتاز كالعادة .
بينيتز كان جيد اليوم , ما كان بيده حلول كثيرة مع هذي الاصابات , لكن ما ادري ليه ما خلى ستانكو يتقدم بدل
كامبياسو . كان واضح انه ما فيه احد قدام دفاع اليوفي غير ميلو بما ان اكويلاني صانع لعب اكثر من انه محور ,
في ذي الحالة ستانكو بيكون حل ممتاز للتسديد . شفنا كامبياسو في حالات كثيرة مقابل دفاعهم لكنه يلعبه للطرف او
يحاول يلعبها للمهاجم و في العادة تنقطع او يسددها بدون خطيرة كبيرة . الشيء الثاني , ليش ما يبدأ بـ سانتون
مع انه شكله يدري انه كيفو ما ينفع في الظهير بما انه نقله مباراتين للسنتر , معقولة سانتون الى الآن ما يقدر
يلعب مباراة كاملة ؟! الشيء الثالث , اللي هو استغلال الركنيات و الفاولات , اتوقع هذي واضحة .
شيء اخير مهوب سبب للتعادل و مع اني اكره الصياح , لكن اليوم الحكم كان نوعا ما منحاز لليوفي , مثلا في
الكورتين اللي انصاب فيها بيابياني كلها ما حسب فيه اخطاء مع ان الكورة الاولى كانت خطأ و كرت بما انه دخل
على رجله , بعدها بدقايق لاعب ثاني على حدود الـ 18 يخش على بيابياني بنفس محل اصابته الاولية , نقول
صدفة ؟ ما ادري , كانت فاول على الاقل . بونوتشي اليوم اتوقع كان المفروض احمر على نص الشوط الثاني
بالكثير !  > اشوف العالم يستخدمون الفيس ذا للزرف دايم , و انا وش زودي عنهم . لا جد بونوتشي كان
يستاهل احمر اليوم , هذا غير بلنتي شنايدر اللي للامانة ماني متأكد منه لاني ما شفت الاعادة . لكن اكيد ما احمل
الحكم التعادل , الكلام هذا فقط للسجلات .
|
![©© ][.. رابطة عـشاق الإنتـر 2010 / 2011 ..][ ©©](iconimages/t913210_rtl.gif)
يوفاوي 
الوضع العادي
