09/11/2002, 01:11 AM
|
| زعيــم فعــال | | تاريخ التسجيل: 30/08/2002 المكان: الرياض
مشاركات: 281
| |
|
اتركوا العاطفه على جنب لماذاتدافعون عن سامي ؟
اذا كان سامي ما بعد دخل جو المباريات ليش يلعب مباراة كامله هل هي مجاملة خلاص لا تصير
اناني اخذت المليونين وتبي تاخذ مكان لاعب جاهز لا تقولون مباراة سهله الان مافيه شي اسمه
مباراة سهله انا عندي العب ضد الاهلي او الاتحاد اهون من ان العب ضد الفرق الصغيره لان الفرق
الصغيره يبغى لها مجهود اكبر من مباريات الفرق الكبيرة واذا بغيت تدخل جو المباريات ادخل
تدريجيا لا تقولون هو ماله دخل بالهزيمه ما فيه باص واحد لعبه صح كانه توه مبتدئ اذا كان كابتنهم
وقدوتهم يلعب باص غلط الباقي ماعليهم شرهه انا ما يهمني سامي انا يهمني اللي يلعب بجد
واخلاص ولياقه عاليه انا ابي اهداف الى متى وانتم تدافعون عنه والله اذا ابدع اول من يفرح لانه
سوى انجاز لكن ادافع عنه وهو غائب عن مستواه هذا شي مو معقول .
بالله عليكم ياجماهير الهلال اعطو كل ذي حق حقه وابعدوا عن هذا جمهور سامي وهذا جمهور
يوسف وهذا جمهور فلان لانكم كذا تحطمون اللاعبين المخلصين اللي يحرثون الملعب طول وعرض .
الهلال الان يمر بأسوء حالاته
1- لاعبين بدون روح .
2-أعضاء شرف منقسمين والله ما أدري الى كم قسم .
3- الجماهير منقسمين ناس تبي لاعبين معينين وناس تبي مدربين معينين وناس تبي أعضاء شرف
معينين وناس ما فيه شي عاجبها حتى بشبكات النت منقسمين ناس تبي شبكة الزعيم وناس تبي
شبكة ...... اخاف اكتبها يزعلون علي اللي هنا وحتى بالجرايد صار فيه انقسامات ناس تبي جريدة
الرياض وناس تبي جريدة الجزيره والله انا كلها عندي واحد وما يهمني من يكتب هنا او هناك اهم
شي الهلال وغيره ما يهمني .
يجب علينا ان نتحد ونفتح عقولنا ونبعد عن الحزازيات ونحاول ان نقرب بين اعضاء الشرف
اخر تعديل كان بواسطة » اكسبلورر في يوم » 09/11/2002 عند الساعة » 01:18 AM |
من أجمل ماقرأت في المنتدى ... ;) 
الوضع العادي
