ثامر كيف بعد ساهر خوينا ماعاد يرتطم بصهريج نفط ما أخفيك اني حسيت بالشئ الي قلته حول كاكا .. رجعة مفاجئة محد كان يتوقعها ! خبر القائمة قريته بالمقلوب تعرف الواحد يبي يضمن الدون موجود ولا لا استغربت ان اسم كاكا ماهو موجود بين المصابين ولما ناظرت العنوان تفاجأت مثل ما قال السمي ولا أزيد على كلامه .. عودة كاكا هي مفاجأة المو لتوتنهام وهذا هو الوقت المناسب الي يتوقع فيه مورينهو ان كاكا راح يثبت نفسه فيه .. وبإذن الله نشوف الليلة الي راح تكون مليئة بإثارة مورينوهية
لك
ههههههههههههههههههههههههههههههه مرسلي مسج قبل فتره يقول انه يبي يغير اسمه لـ ( بصير قول ) مدري وش الهدف من هالاسم خخخخخخخخخخخ
ان شاء الله يا عمدتنا مثل ما فاجأنا مورينهو بضم كاكا للتشكيله يفاجئنا كاكا نفسه .. بمستواه المعروف
تفاؤلي فيه اليوم .. كبييييير ما قد خذلنا الدون ابد
مباراة صعبة جداً على الفريقين وعلى فريقنا بالذات
النادي واصل لها لمباراة في وقت سيء يصاحبه خسارة الدوري بـ نسبة 99 % و اصابات للاعبين
الفريق وصل لمرحله كان فاقدها من سنين و هالشيء يعطي دافع قوي للاعبين
توتنهام عنده الاجنحه ناس مثل الطياره ويقتلون الأظهره
أظهرتنا مقارنة بـ لينون و غاريث بال صعب جداً يوقفونهم إلا بمساعدة كريستيانو و دي ماريا
كراوتش خطير و خطير جداً لما يكون داخل المنطقة
أجنحه + مهاجم طويل يساوي خطر كبير على الفريق من العريضات و الكرات الركنية
اللي شاف مباراة توتنهام خصوصاً الذهاب قدام ميلان يعرف أنه فريق قوي جداً
يهاجمون فريق واحد و يدافعون فريق واحد غير أن اللاعبين يتميزون بالمهاره الفرديه العالية
بال و لينون و فارت و مودريتش بالمقابل ألونسو و أوزيل و دي ماريا و كرستيانو
المعركة بتكون قوية جداً واللي بيسيطر على الوسط هو الكسبان بـ 80 %
نقطة ضعف توتنهام في دفاعه و هالشيء لازم يستغله مورينهو أفضل استغلال
لازم نطلع فايزين و نلعب مرتاحين في الاياب أو على الأقل نتعادل سلبياً و نلعبها في الاياب صح
كل الكلام كوم و الشغل النفسي كوم الثاني
هالشيء يريحني لأن مورينهو عارف و طباخ هالأمور من زمان
رجعته غريبه جداً في هالوقت !
ان شاء الله يكون له كلمه اليوم
بس والله فضحوا الزمالك وشوهوا سمعه مصر ( مع حبي للزمالك والله ! ) .. والي صار يخلي اي احد يحمد نعمه الامن والامان في البلد الي عايش به ! .. الوضع مزري بصراحه في مصر ! .. اذا ماحميت نفسك فأنت معرض لأي شيء ! ..
الله يصلح حالهم يارب ! .. يحمينا ويحميهم ! ..
إقتباس
الرسالة الأصلية كتبت بواسطة iker
ما تكلّمتوا عن كراوتش كثير .. اللاعب سجّل 7 من 8 مُباريات لعبها أساسي بدوري الأبطال .. أربيلوا جاب طريقة إيقافه بشكل واضح جدًّا ونادر يطلع من لاعب ..
+1 ! ..
عزوز وزاهر كلامكم عن كرواتش صحيح ! ..
الاغلبيه خايفه من بال او لينون وفارت ومودريتش ! .. واهملوا شوي كراوتش ! ..
المشكله ابد مهو في سجله التهديفي ! .. المشكله انه مفتاح مهم لصناعه اللعب ! .. التهئيه بالرأس للمهاجم القادم او للقادم من الخلف اهم ميزات كراوتش واحد مفاتيح توتنهام المهمه ! ..
الي شاف توتنهام وركز فيه يعرف انه يلعب كثير على كراوتش ! .. كفايه انه في احد المباريات في الدوري الانجليزي ااذا ماخاب ظني قدر يفوز توتنهام بالـ3 وكلها من تهيئه كراوتش للعب ! ..
لازم مورينهو ينتبه للشيء ذا ! .. ولازم يحاول انه يطلع كرواتش من مناطق الخطر عشان تكون الكور العاليه مهي مفيده ابد ! ..
الدفاع المتقدم ؟! .. كفيل انه يخرج كراوتش من اللعبه بس بتفتح لتوتنهام اللعب الاكبر وخاصه المساحات الي بتكون كبيره في خلف الدفاع وعندك لاعبين مثل لينون وبال ! ..
توتنهام فريق عنده الحل اذا كان فريقك مقفل وبخط دفاع عميق ! .. وعنده حلول اكبر اذا كان خط دفاعك متقدم ! .. والمشكله ان فريقنا برضو بنفس الاسلوب خخخخخخخخخخ ! ..
مدري عندي احساس ان اللعب بيكون تكتيكي بحت ! .. وبيكون فيه حرص كبير من الطرفين ! ..
مسأله ال 3 محاور ! ؟ ! .. اتفق مع ابو تولين وابو عابد ! .. االتشكيله ذي مااتعني انك متحفظ ! .. الا اذا تبيها تكون متحفظه ! ..
تقدر انك تلعب بالتشكيله ذي وتقفل المناطق ولكن في نفس الوقت بتعطي حريه كبيره لأظهرتك ولهجومك ! ..
الشغل كله مهو بالرسم التكتيكي ! .. الشغل كله بتطبيق التكتيك وتعليماته ! ..
المباره زي ماقلت فيها مقلب خخ ! .. الي بيطيح فيها بياكلها خخ ! ..
وارجع واقول ان المباريات ذي من مباريات الاياب ! .. يااتطلع فيها بشيء مفيد لك يااخلاص تنتهي بوجهك في الاخير ! ..
انا كل الي اتمناه في المباره ذي انه مانقبل اي هدف ! .. لاني عندي ثقه كبيره بأمكانيات فريقي بالتسجيل ! ..
دفاع توتنهام مع انه قوي بدنيا ! .. بس مهاريا وكسرعه سيء جدا ! .. نقدر اننا نضربه بمهارتنا ونقدر اننا نضربه بعمقه كمان ! ..
مفاتيح توتنهام ! .. صدقوني نقدر نقفل عليها ونعزلها ! .. فارت اشوف ان ايقافه سهل لانه بيكون بعمق الملعب وبيقدر يوقفه محاورنا ! .. لينون اتمنى ان مورينهو اذا بيلعب بثلاث محاور اتمنى انه يجعل خضيره اقرب له من لاسانا لان الاعب ذا يبيله مخ عشان توقفه اكثر من قوه بدنيه ( عكس بال طبعا ! ) .. وطبعا بال اراهن بقوه على راموس انه بيقدر يقفل غير كمان انه لازم مورينهو يشغل بال باحد الاعبين الي بيلعبوا في جهته عشان مااياخذ راحته بالتقدم ! .. كرواتش لازم يكون فيه مراقبه لصيقه له ومضايقه على كل كوره عاليه له حتى وان ماقدرنا ناخذها منه ! .. غير طبعا اننا مانجعله بشكل دائم متواجد بمنطقه ال 18 لازم نحاول اننا نخرجه منها في اغلب اوقات المباره ! ..
بالنسبه لي اتمنى ان مورينهو ماايهمل قوه توتنهام ! .. بس في نفس الوقت ماايعطيها اكبر من حجمها ! ..
عضو اللجنة الإعلاميه للرياضة العالمية و رئيس رابطة ريال مدريد
تاريخ التسجيل: 17/02/2009
المكان: مدرجات البرنابيو ق1
مشاركات: 2,963
إقتباس
ما تكلّمتوا عن كراوتش كثير .. اللاعب سجّل 7 من 8 مُباريات لعبها أساسي بدوري الأبطال .. أربيلوا جاب طريقة إيقافه بشكل واضح جدًّا ونادر يطلع من لاعب ..
طريقة وحيدة لإيقاف خطورة كرواتش أنك ما تغطي كرواتش نفسسه امنع الكور أنها توصله سواءً كانت من بيل ولا لينون او فارت او مودرتش يعني اذا منعت الكور تووصل كرواتش
تنتهي خطورته.,’
وصلنا للمباراة والفريق مب في احسن حال
اصابات وخساره مفاجئه في الدوري على ملعبنا , واول مباراة بعد الخساره في نفس الملعب
ضد فريق صعب ومعقد فنيا مثل توتنهام , ظروف صعبه للريال طبيعي تسبب التشاؤم وعدم الثقه . .
لكن بإذن الله على الميدان يظهر المعدن الاصيل للفريق ويكون الريال في يومه وبكامل تركيزه وجاهزيته
الريال اذا يبي الابطال لازم يلعب بكامل قوته وتركيزه وطاقته في المباريات الحاسمه , حتى لو كان يمر
بفتره ظروف اصابات وخساره دوري وغيره . .
اتمنى نطلع من المباراة ولنا افضلية التأهل في الاياب . .
التشكيلة نزلت ,
و المو الظاهر بيعتمد عـ الدي
كـ محور ثالث , لـ التغطية على
ظهير الدجاج اليسار ايكوتو
و مسانده راموس في بيل ,
مدري , لكني مو مقتنع
و أعتقد أنه المو جازف بـ اشراكه
لأنه أفضل كـ ورقة رآبحة ,
لكن نتمنى .. و نقول
يا رب !
كاكا اليوم ,
امممممم
بعيدا عن العاطفة
اللاعب له شهر غايب عن المباريات
و اليوم ما استبعد ,
لكن صعب للأسف
مع أني أتمنى !
هدف مبكر ,
يا الللللله بيكون سيناريو خووورافي
لكن اعتقد التسجيل يتأخر لـ الشوط الثاني
و الشوط الأول بيكون اللعب محصور في النص
و شوي فيه تحفظ ,
و في الثاني مع اخراج الناقة و نزول الهيجوين
بتنقلب الأمور ,
و بعدها بيطلع الدي و بينزل لاس
و ممكن كاكا مكان اوزيل ,
هذا الي أتوقعه مبدئياً ..
حلوة التشكيلة خصوصا ان الريال يلعب في البرنابيو اما بالنسبة للثلاث محاور اللي تكلم عنها بعض الشباب هنا فاظن وقتها المفترض يكون في لندن الاسبوع القادم خصوصا
ميزة المو انه عنده سيستم واضح في مباريات الكأس اظن اللاعبين تشربوه لان يظل توتنهام ومع كل الاحترام له لكن مهو من اندية الخط الاول اللي الريال لازم يلعب معها بحذر في البرنابيو
اذا لعبوا اللاعبين بثقة بامكانياتهم بعيد عن اي مؤثرات خارجية وكان الجمهور مساند فحنا موعودين بمباراة مثل ليون ونقدر ناكلهم ان شاء الله
فيه نقطة تذكرتها وصارت في مباراة ليون وممكن يسويها مورينهو مثل ما سواها مع ليون اللي هي انه يسلم الكورة لتوتنهام فبكذا الريال يلعب على المرتد ويسهل كسر الدفاع خاصة لدفاع مثل توتنهام
طبعا تسلمهم الكورة بدايات الشوط الاول وتلعب في منطقتك بحيث مايقدرون يتصرفون بالكورة هذا تتعب الخصم ولما تهجم وتمسك الكورة بعدين تكون اكثر ثقة خصوصا اذا راموس ومارسيلو قدروا يسكرون على لينون وبال