|| رابطة ♥ عشاق الملوك ♥ 2010 / 2011 ♥ || - صفحة رقم 970 - نادي الهلال السعودي - شبكة الزعيم

تشلساوي مدريدي19 · #14536 02/04/2011, 09:46 PM

هاردلكم الخساره الغير متوقعه

للأسف تجيك فرص ولا تستفيد منها .. صدقوني اليوم برشلونه بيخسر وبندم على هييك فرصه

الفريق ماقصر اخر 20 دقيقه ضغطنا الى اخر رمق

بلنتي لم يحسب حكم سيء

يالله خيره عسى ان تكرهوا شياً وهو خيراً لكم

عاشق الريال والميلان · #14537 02/04/2011, 09:50 PM

هاردلك للجميع

اعتقد ان افضل لاعب هو دي ماريا

Madrid Magic · #14538 02/04/2011, 09:52 PM

عن نفسي ! الدوري ما همنّي بكثر الريكورد الكبير في البرنابيو و مورينهو ..

هي كلمتين بس ..
راموس صار جناح و بيبي ظهير خخخخ ! بيدور ليون وينه ؟
-

الثلوث نبي نشوف مباراة ثانية .. هالموسم يا أبيض يا أسود

..

KUN AGUERO · #14539 02/04/2011, 10:00 PM

هارلدكم الخسرة ,, والحمد لله على كل حال ,,

أعتقد سبب الخسارة الأول هو مورينيو للتشكيلة الي دخل فيها , واللي أقدر أسميه إحترام بزيادة لـ خيخون ,,

السبب الثاني هو اللاعبين والإعتماد على الأنانية في كذا فرصة ,,

السبب الثالث هو الحكم , ,

كنت مأمل كثيييير في فيا ريال لكن مادريت إن فريقي بيكون كذا ,, قدر الله وماشاء فعل ,,

إن ماتعثر اليوم برشلونة فـ أعتقد من الأفضل إننا مانلعب بكامل لاعبيننا بالليقا ونعرضهم للإرهاق على غير فايدة .

بالتوفيق للريال

,,,,,,,,,,,

ضربة جزاء لـ ريال مدريد لم يحتسبها الحكم

Gonz

أبوصالح الهلالي · #14540 02/04/2011, 10:11 PM

AS : خيخون أطلق النار على الدوري ,
وأمل الريال في الدوري يتلاشى تقريبا مع هذه الهزيمة ,
ولاس كويفاس ينهي سجل مورينيو في ملعبه .

AS

أبوصالح الهلالي · #14541 02/04/2011, 10:17 PM

تصريح أربيلوا :-

ثمان نقاط فارق كبير ..
لعبنا جيدا اليوم .

هناك أيام تعمل كل ما بوسعك ولا تحقق شيئا وهذا اليوم كان أحدها .
من الآن نفكـــر في مباراة توتنهـــام ..

AS ..~

أبوسعود الأزرق · #14542 02/04/2011, 10:26 PM

خلونا نفكر بدوري الابطال افضل

أبوصالح الهلالي · #14543 02/04/2011, 10:35 PM

فالدانو بدا مستاء من الهزيمة وصرح : -

* كنا سعيدين في مدريد ولكن اليوم تعكر جونا في مرحلة مهمة كهذه .

*يجب على اللاعبين التغلب على هذه النكسة .

*لدينا فريق عظيم وعنده روح الثبات والهزيمة لن تذهب الروح .

*(حشرناهم ) في ملعبهم الشوط الثاني ومن هجمة واحدة سجلوا وهذا يزيدني غضبا وعصبية بالإضافة لعجزنا عن التسجيل .

*كل شيء سلبي اليوم والمكسب الوحيد هو عودة هيجوين .

*يجب أن نشكر الجمهور وليس جزاؤهم أن يخرجوا غاضبين .

*يجب أن نركز على ما سيـأتي .

*بدأ اللقاء بهدف ملغي لنا ولكن للمرة الأولى لم نجد طريقا للمرمى .
*يجب أن نترك من غاب عن اللقاء ونتحدث عن الـ11 الذين لعبوا اليوم .

AS .~

madridi94 · #14544 02/04/2011, 10:45 PM

هدف خيخون

ملخص للمطش

ليله سقوط مدريد

خساره من خيخون

و خروجي انا و اخوي راؤول 4 ايفر من بطوله الروابط

اسف , حاولت و لكن

ليله سوداء

Night$Wolf · #14545 02/04/2011, 10:51 PM

عجيب امركم ياعرب

صار مورينهو فاشل!
وصاروا اللاعبين فاشلين!

يعني لو الأديب ماضيع الفرصتين اللي جته
ولو هيقوين سجل الفرصتين اللي جته
ولو كارفالهيو كلف نفسه شوي زيادة وغطى لاعبهم قبل مايسدد الهدف

ماكان شفنا الردود الغريبة اللي قاعد اقراها بصراحة

قبل المباراة سبق وتكلمنا إن الفريق ناقص ويلعب في ظل غيابات كثيرة
وغيابات مؤثرة جدا جدا جدا
وزيادة على الكلام اللي قلته قبل المباراة

مفاتيح اللعب موب موجدين (مارسيلو والونسو)
هدافين الفريق موب موجدين (كريس والبنز)

مضطر إنك تنزل باللاعبين اللي عندك
وتلعب بتكتيك يمشي باللاعبين اللي عندك

لا هي فلسفة زيادة ولا غيره
فيه أحد يتفسلف وهو له أمل في الدوري
فيه أحد يتفلسف وهو عنده ريكورد من 2003 مانكسر

خيخون ياجماعة قلناها قبل ماهو نفسه اللي صكيناه بسبعة قبل عامين
فريق عانى منه الريال والبارسا كثير الموسم هذا
فريق لياقيا مجنون، روح انتحارية، وتنظيم دفاعي رائع بصراحة

بالنسبة لنقطة بيدرو ليون وكاناليس!
يعني ليه دائما نجيب طاري بيدرو ليون في كل تعثر للفريق
وكأنه هو المنقذ الوحيد واللي لو كان موجود كان فزنا بالراحة

طيب بيدرو ليون كان موجود في مباراة ليفانتي اللي تعادلنا فيها
وش سوى!
نهاية المباراة تهاوش مع هيقوين
وتهاوش مع جاجو في التدريب
وتصاريح مادري وش تبي للصحافة

لاعب زي هذا بيكون منقذ لي!

كاناليس ماهو نفسه اللي كنا نطالب بإعارته الفترة اللي راحت عشان يشد اكثر ويصير لعبه احسن، كذا مرة اعطاه المو فرصة ومن البداية وش سوى! حتى مباراة اليوم اشركه وش سوى

الفريق ماكان في يومه مثله مثل أي فريق في العالم
يجيك يوم وتلعب وتطلع كل اللي عندك
ويجيك يوم ويصير لعبك ممل ويسد النفس

أوزيل- الأديب- كارفالهيو- البايول-اربيولا- جرانيرو-راموس-خضيرة
كل الفريق تقريبا بإستثناء لاس ودي ماريا ماكان في يومه
فليه نلوم مورينهو لحاله؟

بالنسبة لتغيير جرانيرو
انا اشوف المو تأخر فيه كثير
لاعب يبطأ اللعب كثير ودائما يلعب الكورة خلف اللاعب الراكض ويتعطل اللعب
ويرجع الخصم يغطي

وشفنا بعد دخول هيقوين ولعب الفريق بمهاجمين صريحين جتنا 4 فرص محققة
تغيير دي ماريا واضح إن المو ماكان ناوي يغيره
لكن إصابته هي اللي استدعت تغييره
ودي ماريا على انانيته وفلسفته طوال المباراة لكنه كان متحرك اكثر من أوزيل والاديب وهو الوحيد اللي يحسسك إنه كان يلعب من الشوط الأول ودفاع خيخون ارتاح كثير بعد خروجه

طبعا كلامي اللي فوق كله مايمنع إني للمو أيضا اخطاء في المباراة
تغيير اربيولا ببيبي مافهمته بصراحة
لأن تحويلك اللعب ل 3-5-2 مع تحويل راموس جناح أيمن وأوزيل في اليسار وكاناليس في وسط الملعب امام خضيرة ولاس
تكتيك ماتعود عليه الفريق كثير والوقت مااسعفه إنه يسوي شيء بالتغيير هذا خاصة مع تسجيل خيخون لهدف
ولا حتى المكان اللي لعب فيه كاناليس كل يوم يلعب فيه يقدر يلعب تحت الضغط هذا كله!

خلاصة الكلام

فيه لاعبين كثير خذولنا اليوم لكن خذلانهم لنا في مباراة مايعني إنكار اللي مستوياتهم الممتازة طوال الفترة اللي راحت

كان بالإمكان أفضل مما كان والحمد لله على كل حال
مباريات الميريا والديبور وخيخون اليوم كان تسجيلنا فيها لهدف أقرب من أي وقت ممكن وكان ينقصنا شوية حظ وبس

اتمنى فوز البارسا اليوم على فياريال عشان نرتاح من الدوري ونشيله من راسنا بصراحة

قفلة أخيرة

كلامي وتعليقي ماقصد فيه أحد شخصيا
لكن اتمنى من الشباب ككل وانا اولكم إن وقت الهزيمة لا يستعجل الواحد في كتابة رده
يهدي الوضع ويشرب شاهي بالنعناع

وبعد مايروق يكتب اللي يبي

وهاردلك لكم جميعا

Valdano · #14546 02/04/2011, 11:50 PM

هزيمة اليوم إن شاء الله بتكون خيره لنا في ماتبقى من الموسم .. توقيتها جيّد جداً لأنها جت في بداية شهر إبريل الحاسم
وأنا متفائل بذا الهزيمة صراحة لأنها جت في وقت يمدي فيه إننا نعيد ونرتب حساباتنا ونعرف وش حنا عليه .

هزيمة اليوم الكل مشترك فيها اللاعبين والمدرب
شوط أول غابت فيه الروح والشيء هذا واضح من وجيه اللاعبين اللي تقول مغصوبين على اللعب ..!
مدري وش السبب صراحة .!
ما اعتقد إنه من أيام الفيفا لأن فيه لعيبة ماتأثروا بـ أيام الفيفا ومع ذلك شفنا الروح غايبة عنهم .!
مافيه في الملعب اللي يبرد قلبك إلا لاسانا فقط
دي ماريا احياناً اقول ليش ياربي تحط ذا الموهبة في شخص غلط

تركيبة جسمه ماتوحي لـك بـأن هذا الشخص موهوب

كان سيء جداً اليوم وحركته زايده على غير سنع ما استفدنا منه أي شيء اليوم وفوق كل هذا اناني وبقوووووه

المهم إن الهزيمة هذي ان شاء الله تكون دافع لـ الأنطلاق للأمام
والفوز الحقيقي بالنسبة لي هو تجاوز هالخسارة والظهور بشكل مغاير قدام توتنهام

بصراحة رقم مورينهو ما يعني لي شيء لأنه شيء خاص فيه ولا راح يضيف للريال أي شيء
كل اللي يهمني إن مورينهو يقود الفريق بشكل ممتاز للبطولات

بالتوفيق للملكي وهارد لك الخسارة ياملوك

العوض في الجاي بـ إذن الله

Madrid Magic · #14547 02/04/2011, 11:56 PM

^
المهايطي خخخخخخخ

..

بأتكلم عن نقطة بيدور ليون .. صح مع ليفانتي كان موجود .. بس موب معناه
إن بيدور بوجوده بنفوز خلاص ! الي قلته انا ان الفريق كان محتاج لاعب جناح
بـ مواصفات بيدرو ! اجل راموس يصير جناح بالله عليك ! و بيبي صاير ظهير !
إذا بيدرو موجود بنشوف حلول ثانية و أكيد افضل بكثير من الي شفناه ..

كارفا ... البيول ... راموس
لاس
جرانيرو ... خضيرة
دي ماريا ... اوزيل ... بيدو
الاديب ... هيجوين

ما راح نقدر نسجل كذا ؟ خل الحظ و الأمور الخارجة عن الأمور الفنية ! بس
كـ أسماء و توزيع بنسوي شوي لو إننا لاعبيين بنفس هالرسم لـ ١٥ دقيقة ..

الفريق كله أخطاء .. مورينهو غلط هـ المتش ، و غلطة الشاطر بـ ليقا

..

سم

النيكل 2002 · #14548 03/04/2011, 12:04 AM

هارد لكم على المباراة واعتقد سبب الخسارة
اولا: غياب اهم عناصر الريال الونسو ومارسيلو وكريستيانو وهبوط مستوى أوزيل
ثانيا : الحكم بعدم احتسابه لهدف صحيح من وجهة نظري
ثالثا : المو يتحمل جزء من الخسارة بهذه التشكيلة

واخيرا اتمنى ان تكون هذه المباراة هي لقاح بطولة الكأس
بالتوفيق للريال في المباريات المقبلة
لكم 

mori · #14549 03/04/2011, 12:41 AM

بطولات زعيم

اي نعم ريان طال عمرك وكلامك شرف لي الله يسلمك

ياليت والله يتعلمون منك الاخوان طريقة الرد والاختلاف بشكل جميل يبحث عن مقارعة الرد برد مماثل بدون رمي الاوصاف والتلميح والدخول بالنوايا

كلامك على متمه ولو اني ابيك تسمح لي اعقب على نقطة شوستر

شوستر مدرب الفريق ويتكلم للصحافة وكلامه مؤثر على اللاعبين والادارة والجمهور ونركز على تأثيره للاعبين

لكن كلامنا حنا وواقعية التمني والبحث عن مانستطيع عمله وفقاً للمعطيات الموجودة
وكلامي هذا مبني على توقع وهو بطبيعة الحال يختلف تماماً عن التمني اللي هو اكيد الضرب بقوة على الفرق المقابلة , كل آرائنا هذي مايطلع عليها اللاعبين والادارة والجمهور مجرد آراء جمهور من دولة أخرى بعيدة

يعني من غير المعقول اننا بنشوف اوزيل مثلا يتصفح الردود هنا

ومثل ماقلت لفرونتينو اقول لك ان امثالك وامثال قلمك يشدونني للرابطة باحترام الرأي الآخر والمناقشة بالمنطق

شاكر لك هالمداخلة الثرية

نجي لمباراتنا اليوم

الاخ عاشق زعيم يقول حسيت انك من جمهور خيخون ويالسخرية خيخون يكسر رقم اسطوري لمورينيو

الفريق ناقص اليوم وكنا محتاجين الونسو اولاً وبنزيما ثانيا

اديبايور طبعا اعطوه حقه الشباب اليوم انبح حلقي من الصراخ والتلعين عليه خصوصاً آخر المباراة

هيقواين سدد بطريقة غريبة وضيع لكن ماالومه 5 شهور ماهي قليلة

افضل اللاعبين اليوم لاس اولا ودي ماريا ثانيا ولو تخلى عن الانانية اللي عايشها اللي يحسسني فيها انه مراهق يبي يصنع مجد شخصي لنفسه والا كان قلت انه نجم المباراة

طبعا في رأيي خروجه مصاب نقطة تحول بالمباراة ط

اوزيل

البعض دافع عنه

للأسف لاعب نفسية يوم فوق ويوم تحت ماادري هل بتستمر حالته كذا والا هالموسم بس بحكم انه الاول
ننتظر ونشوف

ومن اسوأ اللاعبين اديبايور المعاق واوزيل وقلوب الدفاع عموما

عندك مفتاحين للعب

الونسو ومارسيلو وبالخصوص الونسو

طبعا انا من ناحيتي ماكنت مأمل كثير بالدوري وهذا برشلونة متقدم الحين بهالوقت اللي قاعد اكتب انا فيه

لكن اكثر شي حرق قلبي هو كسر رقم مورينيو

هذا بالنسبة لي اشوفه ممكن واقول ممكن يأثر سلباً على سمعة وهيبة مورينيو على أرضه بالمباريات الجاية

تشكيلة توتنهام بتكون مقاربة لهذي مع زيادة الونسو

لاحظت شغلة بالفريق

يغيب الونسو الفريق يعاني كثير

وطبعا غاب المهاجم الهداف حالياً وبالتالي شفنا التضييع من شخص معاق وواحد لسى راجع

للأسف انا مااعطيت الفريق حقه

كنت خايف ينكسر الرقم من برشلونة ..لكن طلعوا اسوأ وانكسر من سوبر ماريو

مااحد يدري وش يصير

لكن حالياً خلاص انا ماراح احرق نفسي وانتظر شي هالموسم حرقة الاعصاب اليوم تكفيني وتخليني اتابع باقي الموسم بكل هدوء ولاراح اطالب الفريق بشي

الكلام اللي عليه الكلام بشوف وش آثار كسر هالرقم بمورينيو وش بيسوي بالفترة الجاية

عموماً قلتها قبل للحين الفريق عنده خانات ناقصة او مالها بديل واليوم شفنا دكتنا كيف كانت سيئة

بيدرو ليون كنت اتمنى انه ماوصل لهالمرحلة من المشاكل لانه لو كان وضعه طبيعي بالفريق ويشارك كان ممكن يدبرنا اليوم

هارد لكم شباب

نصيحة وحدة ابغى اقولها للجميع( لاتتفاءل كثير عشان ماتنصدم )
خلك واقعي وتمنى بحدود امكانياتك وارجو هالكلام ماينفهم غلط

فعلا انا حزين هاليوم وان شاء الله آخر الأحزان

والآن اقدر اقول اني فعلاً خايف من الثلاثاء لكن ان شاء الله يعوضوننا

Tiago 10 · #14550 03/04/2011, 12:45 AM

هآردلك لكـم شباااااااااب

وبصرآحة معصـب , وعلى قولة المهآيطي بآشرب شاهي نعنآع ولي عـودة

ابو تولين > المهآيطي