|| رابطة ♥ عشاق الملوك ♥ 2010 / 2011 ♥ || - صفحة رقم 917 - نادي الهلال السعودي - شبكة الزعيم

مجنون جديد · #13741 17/03/2011, 03:20 AM

عيآل مآني مصصصصصدق تكفوون قآعد آشوف آلآهدآف وعيوني تدمع

قسم بهذآ آلعب وبهذآ آلروح وبهذآ آلآدآء بآلفريق نوصل لنهآئي آبطآل آوربا

عيآل شفتو كيف ليون يبي يلمس كورة في الشوط الثاني ما قدر شفتو صياح الجمهور

شفتو آوزيل وهو دآخل بكآس شآهي ومرسيلو قآعد يتزلج في آلثلج

يآخي صدقوني مهوب ذآ آلريآل آلي كآن يلعب في آلموسم آلي رآح وآلي قبله

يوم فآز آلريآل طلعت آمشي بآلموتر مدري وين بروح مع آن آخويآي كلهم مدريديه

يقولون تعال شف المباره معنا بالاستراحه قلت لحآلكم

آمي يوم زعقت جآتني قآلت فيك شي قلت يمه تعالي اجلسي

شآفت آلعب قآلت جعلك تلعب معهم ههههههههههههههههه < قوية

بسسس مورينهو لآ عرف يهآيط عرف كيف ويدق خششششششوم

ليون آسسسسسسسسسسسسسسستريح

عندمآ تستفز آلملوك يظهر كبريآئوهآ

لآ صوت يعلو على صوت آلملوك

في مدريد
آلريآل يفعل مآ يريد

وعآد بطل آوربآ من جديد

ليه آنت فوزك عنهم يختلف آن فزت فرحو كل آلبشر ون خسرت آصبح يومهم ضيق
في داخلي كلام ودي آطلعه ودي اروح امشي ودي مدري كيف عيال شوفو لي حل

إقتباس

الرسالة الأصلية كتبت بواسطة GALACTICOS


	بطاقة المباراة القادمة ريال مدريد Vs اتلتيكو مدريد المناسبة : الليغـا الإسبانية - الجـولة 29 اليوم - التاريخ : السبت 19 مارس 2011 التوقيـت : 9 مساءاً بتوقيت جرينتش - 12 منتصف الليل بتوقيت مكة المكرمة حكم المباراة : الإسباني فرناندو تكسيرا ملعب المبـارة : فيسنتي كالديرون القنـاة النـاقلـة : الجزيرة الرياضية +2 , HD2 معلـق المـبـارة : لم يحدد بعد

وهآآآتو آلي بعدووووه هآآآآآآآتوه

وتسسسسسسسسسسسسسسسسسسسسستمر حمله الهياط

صدقوووووووووووني بتروحون فيهآ

بس آخآف يكسرون العقده مثل مآ كسرنآهآ آمس < يبي يخرب آلجوووووووووو

عيآل مآفيه حفلة ولا شششي ابي ارقص

تنكس تتننكس

الهلالي المدريدي · #13742 17/03/2011, 03:29 AM

http://estaticos04.marca.com/albumes..._albumes_0.jpg

تصميم ع الصورة الاليييييييييييييييييييييييييييييييييييييييييييييييييييييييييييييييييييييييييييييييييييييييييييييييي يييييييييييييييمه

عـــ الزعيم ـــاشق · #13743 17/03/2011, 03:31 AM

وأخيـــــــــــــــــــــــــــــــــــــــــراً ! يارب لك الحمد والشكر

عانينا واحنا كل سنة نفس هاليوم نفس هالوقت نقول : ان شاء الله السنة الجاية نفك العقدة ونتأهل .. تعبنا .. لي سنة كاملة انتظر هاليوم .. وقبلها انتظرت سنة وقبلها وقبلها وقبلها

ياناس يوم جا الهدف الثاني حسيت بيغمى علي

ومحد راح يحس فاللي حسيت فيه إلا المدريديين

غيرنا راح يقول متعدين دور الـ ١٦ ويحتفلون كنهم ماخذين بطولة

مادروا باللي جاي

عنوان مقترح :

قفي يا أوروبا احتراماً لعودة الملكي

لي عودة بالتفاصيل

تحيتي .،،.

Galacticos · #13744 17/03/2011, 03:31 AM

رابط تحميل تورنت عالي الجودة HD بصيغة HD720p
لمباراة ريال مدريد Vs ليون " إياب " دور 16 , ابطال اوروبا
التعليق انجليزي , الحجم : 4.5 GB , النتيجة : ريال مدريد 3 - 0 ليون
UEFA Champions League 2010-2011 - Round of 16 - 2nd Leg

http://www.multiupload.com/B76S29EH8P

مشاهدة ممتعة

ومبروك التأهل

Barhoum · #13745 17/03/2011, 03:31 AM

وأخيراً

الأبيض رجع لمكانه الطبيعي اللي من المفترض يتواجد فيه من زمان
فكينا عقدة دور الـ 16 و عقدة ليون بأحلى ثلاثية

الأبيض قدم مباراة ممتازه جداً وسيطر على المباراة ولولا الحظ كان المفروض نطلع بأكثر من 3
الفريق كان في مستواها و التركيز كان عالي جداً جداً و هذا الأهم

بالنسبة لي متفاءل بموسم طيب للفريق بعد مباراة اليوم لأنها فعلاً كانت مفصلية
الشكر ثم الشكر بعد الله للجمهور اللي ساند الفريق من بداية المباراة إلى نهاية
جمهور استجاب لمطالب السبيشل ون

معك سبيشل ون طبيعي جداً تكون في دور الـ 8

الف مبرووووووووووك للجميع

مجنون جديد · #13746 17/03/2011, 03:46 AM

مورينهو : " إنه شيء عادي " !

يجب أن نعترف بـ تفوق فريقه الواضح والصريح على ليون وبـ 3-0 ،
مدرب ريال مدريد البرتغالي جوزيه مورينهو يعتقد أن ما ظهر عليه لاعبوه في فترات اللقاء " شيء طبيعي " !

جوزيه مورينهو : " ريال مدريد كان يحدث أن يعبر إلى دور الـ 8 في يوم من الأيام ، ونحن تحركنا إلى هذا الدور وعدنا بـ الريال من جديد إلى مكانه الطبيعي لـ أننا كنا أفضل من خصمنا ولعبنا جيداً وهذا الفوز تم على أفضل نحو ممكن ونحن لم نعاني كثيراً لعبنا مباراة كامله وأنا راضي تمام الرضى عن الأداء الذي قدمه فريقي ، وحقيقة من الطبيعي الوصول الدور ربع النهائي بعد هكذا أداء والشوط الثاني كان هو الحلقة الفاصلة في تحديد وصولنا إلى دور الـ 8 ، ولقد نجحنا في الإستمرار على ذات الأداء الجيد خلاله " .

وأضاف قائلاً :" لم يكن من السهل أن أقرر مشاركة كريستيانو رونالدو في اللقاء من عدمها ، ولكن المعلومات التي وصلتني من الجهاز الطبي أكدت أنه جاهز ولذلك رأيتموه اليوم في الملعب كـ أساسي ، وفي واقع الأمر ليس هناك جدوى من اللاعبين الإحتياطيين إذا لم يسعفك الأساسيون المتواجدون على أرضية الميدان في الوصول إلى الدور ربع نهائي ، ورونالدو لديه عقليه إحترافيه وعزيمه قويه وإمتلك ثقة زملائه كذلك مما جعله قادراً على المشاركه اليوم ، وهو يحاول أن يستعيد كامل عافيته لـ يشارك في لقاء السبت ضد أتليتكو دي مدريد ، ولـ ربما لا يشارك في اللقاء ولـ ذلك يجب أن أقول أن كل الإحتمالات واردة ومع الإصابه لا يمكننا التوقع فـ إن كان في لعبه يوم السبت خطر عليه فـ بالتأكيد لن يشارك " !

وأما فيما يخص قرعة دور الـ 8 التي سـ تقام يوم غدٍ الجمعة ، فقد قال : " أنا أفضل أن نتجنب الوقوع مع تشيلسي لـ أنني لا أريد أن أواجه أصدقاء الأمس ، فـ اللعب ضدهم أمر لا أحبذه شخصياً وقد حدث هذا في الموسم الماضي عندما كنت مدرباً لـ الإنتر ، عموماً هذا الأمر لا يشكل لي هاجساً فـ الألقاب لا تأتي بـ هذا الشكل ، ولكن العمل الجماعي الجاد والسير في الإتجاه الصحيح يأتي بها ، ولـ ذلك مسألة القرعة لا تهمني كثيراً بـ قدر ما يهمني التجهيز لـ الفريق الذي سـ نواجهه في دور الـ 8 ، وأنا بعد أن تخطيت دور الـ 16 مع الفريق أستطيع أن أقول أنني محوت ذكريات فشل المواسم الماضية وإن حدث وخرجنا فـ العام القادم ينتظرنا ولـ هذا السبب أنا هادئ الآن ، وأنا دائماً مع كل الفرق التي دربتها أستطيع تكوين فريقٍ قوي في السنة الثانية ، ولـ هذه الأسباب وغيرها أجد أنه من الطبيعي وصول فريقنا إلى الدور ربع النهائي ، فـ هو شيء لن يكون غير عادي أبداً " .

آلمصدر

ahmad919 · #13747 17/03/2011, 04:05 AM

َ

القاعده ماشيه مع يحيى مضبوط .. يشجع فريق = يخسر

!

,

الف الف مبروك .. من قوة اللخمه .. الي عندي يصفقون بعد هدف مارسيلو و هم مالهم دخل بمدريد و انا متنح خخخخخخ
لأن من كثر الفرص الي ضاعت بديت اقمط بقوه و خفت من سيناريو الموسم الماضي !
كريس من قبل قلت لو مو جاهز لا يلعب .. و اصابته باين انها زادت عليه ! الله يستر !

البنز

.. من أول و حنا نقول هاللاعب عنده امكانيات تخليه أفضل مهاجم بالعالم !
و تخلي هيجوين و غيره من المهاجمين الي يجون مدريد يخسيون بالدكه ! و قالو ما تعرفون شي

!
أول ما شفت الثاني اول كلمه قلتها الله يلعنك يا هيجيون و الصدز الله يلعنه

!

مدرب كبير , جمهور البرنابيو , روح مدريد= دور الـ 8 .. و كل سنه كنا نفقد واحد من هالثلاثه .. أو كلهم سوا من الطفره

اليوم 3/3

من زمآآن عن الرابطه و هي تدف لها حول الـ 15 صفحه بكم ساعه !

مبروك مره ثانيه .. الصدز للحين ما صدقت

! احس فيه شي غلط خخخخخخخخ

Nasser_A7 · #13748 17/03/2011, 04:09 AM

إقتباس

الرسالة الأصلية كتبت بواسطة Cesc Fabregas


	يقولكـ [ أهل مكة ادرى بشعابها ] أنا متفائل كثير بـهاللاعب .. وأحس ان ماراح يفك عقدة ليون الا اللي لعب 3 سنين مع ليون ومثل ماجاب هدف بالذهاب راح يعيده في الاياب وبإذن الله يكون هو مفتاح العبور للأدوار القادم ويحفر اسمه مع اساطير المدريد .. كل التوفيق لكمـ .. واليوم قلوبنا معكمـ

كييييفني معكم

كييييف فال الخير اللي جاكم

ألف مبروووووووووووووووووووك لكل محبي الريال

كنا مراهنين على هالمزيون ولا خيب ظننا فيه

كوبري يا الظاااالم

جيبوا البرشا جيبوه ,, تخيلوا القرعه تطيحكم مع فشلونا والله بتصير حفله الحفلات

Music Ozil · #13749 17/03/2011, 04:36 AM

.

الحمد لله على التاهل وفك العقده

دور الـ 16 .. عقده نفسيه اكثر من كونها عقده فنيه ..
كان يبي لها بس مدرب يعرف يتعامل مع نفسيات اللاعبين , ويطلع كل طاقاتهم على ارض الملعب
وهذا الشي لقيناه في " مورينيو "

الفضل بعد الله يرجع له في تهيئة الفريق نفسيا .. ثم فنيا
وقراءته للملعب و عدم التهور في الهجوم و طبخ الهدف مثل ما يقولون على نار هاديه ..

في بداية الموسم , كنت اقول ما اطالب مورينيو بـ اي شي هـ الموسم
يكفيني بس كسر عقدة الـ 16 / والحمد لله ما خيب ظني و كان قدها

الواحد ما وده يكثر تحليل وكلام واجد , اهم شي منتظرينه من 6 سنوات و خلصنا منه
نقدر نقول الحين في خلال سنتين , من الممكن العاشره تصف جنب اخواتها في البيرنابيو

/

كل الفريق كان في المستوى المامول منه .. مع بعض الملاحظات البسيطه على الدفاع ,
الكل ابدع وقدم الي عليه وزياده .. من كاسياس لـ البطل بنزيما

لكن !

انت وانت وانت وانت بس

هذا هو الكل بالكل في الفريق , مع احترامي لـ بقية اللعيبه ..
لكن مسالة ان الفريق كله يعتمد على لاعب محور .. شي اول مره تصير في كرة القدم

تبني خطتك على مهاجم .. صانع لعب .. جناح !
لكن محور متاخر , شي جديد في عالم المستديره

الله يديمك من نعمه يـ امبراطور بس
تتعب وانت تمدح فيه

Muchas Gracias Special One

مبروك لـ الشعب الملكي

Omar 13 · #13750 17/03/2011, 05:06 AM

إقتباس


	انت وانت وانت وانت بس هذا هو الكل بالكل في الفريق , مع احترامي لـ بقية اللعيبه .. لكن مسالة ان الفريق كله يعتمد على لاعب محور .. شي اول مره تصير في كرة القدم تبني خطتك على مهاجم .. صانع لعب .. جناح ! لكن محور متاخر , شي جديد في عالم المستديره الله يديمك من نعمه يـ امبراطور بس تتعب وانت تمدح فيه

ـآقووووووول يــآ لـبـى وبسٍسٍسٍسٍسٍ ..

حـآيـلــي · #13751 17/03/2011, 05:12 AM

والله زمااااااااااااااااااااااااااااااااااااااااااااااااااان

لا لا ماني مصدق حنا اللحين نلعب بدور الـ 8 ومن ابرز المرشحين للبطوله
لا ما اصدق حنا !
اللي كنا نقمط من الصغير قبل الكبير اللي تمصخرنا بالاربعات من بطوله حنا اسيادها
حنا اللي كنا نلعب بدون هيبه وبرهبه وخوف وارتباك رغم اننا افضل عناصرياً

بختصر الكلام كله وابقول شكراً مورينهو

, شكراً من القلب والله

اوووووووووووووووووووص ......................................................................
ولا كلمة ولا اسمع نفـــــــس .................

لعنبو من يقول المرجله ماهي بسمووك

م ت ق ط ع · #13752 17/03/2011, 05:17 AM

الف الف الف مبروك التأهل لدور الثمانيه

واخيرا عدينا صح من زماان عنكم لكن متواجد يوميا قلبُ وقالباً

وبالمناسبة يسلم عليكم ابو محمود

ويقول لكم

أرررررررررررررررربت العاشره

البلانكو10 · #13753 17/03/2011, 05:38 AM

الروح لما تغلب ! .. الروح لما تطغى ! .. روح خوانيتو لما تكون موجوده كل شيء يصبح صغير بالنسبه للملكي ! ..

6 سنوات من التخبط ! .. نعمل في حلقه ! .. وفي النقطه ذي نرجع لبدايه الحلقه من جديد ! .. ونرجع نعمل مره ثانيه بنفس الحلقه ! .. نبدأ وننتهي من حيث بدينا ! ..

لكن السنه ذي الحلقه تغيرت ! .. وشكلها الدائري غيرناه ! .. وحولنا سير الفريق للطريق المستقيم للوصول لقمه اوروبا ! .. وهو مكاننا المعتاد

! ..

الكثير ممكن يستغرب فرحتنا بالتأهل من دور 16 ! .. والبعض يقول شوفوا المدريدين كيف فرحانين وكأنهم اخذوا بطوله !؟! ..
ارد عليهم واقول نحن ماخذنا بطوله ولكن اخذنا اكثر من بطوله ! ..

يوم نعدي دور ال 16 ! .. يعني اننا نسير بطريقنا الصحيح ! .. يعني انه اخيرا وجدنا الوصفه المثاليه للفريق ! .. والي بتستمر عليها النادي وبيكف من التنقل بين الوصفات ! ..

يوم نعدي دور ال 16 ! .. يعني ان الي ذبح مدريد من اداره وجمهور واعلام ! .. كله بيكون خلف الفريق ! .. بدل مايكون ضده ! ..

يوم نعدي دور ال 16 ! .. ان الضغط الي كان يكسر ظهور الاعبين ويكبل اقدامهم بينزاح ! ..

يوم نعدي دور ال 16 ! .. يعني ان الفريق اخذ الثقه ! .. والمدرب اخذ الاستقرار ! .. والاداره والجمهور بيؤمنوا بهم ! ..

عشان ككذا دور ال 16 مهم لنا ! .. لانه هو مفترق الطرق ! .. وفي 6 سنوات نعدي الطريق الخاطئ ! ..
الا السنه ذي عدينا صح ! ..

ومهو بأي طريقه ! .. الا بطريقه الاذلال ! ..

ذلينا العقده ! .. وذلينا معها ليون ! ..

.. يفرق ..

ايه يفرق ! .. يوم يكون معك مدرب يغتر ويدخل بأسم لاعبينه وبجمهور فريقه وبقوه ملعبه ! .. وبين مدرب يدخل بحقائق وعلى الورق ! ..

اي مدرب ! ..
بيغتر بأسم الريال ولاعبينه وجمهوره ! .. وبيدخل بثقله كله وبيحاول يدك ليون من بدري ! ..

لكن مورينهو كان له كلام ثاني ! .. كلام تكلمت عنه واقتنعت به بشكل قليل ( لاني كنت من الناس الي تبي تدك من بدري ! .. ) ..
الي هي اننا نترك ليون يلعب لعبه ! .. ونشوف وش يسوي بالكره ؟! ..

وذا الي حصل ! .. مورينهو دخل متحفظ وانتظر ليون وورطه بالكره ! ..

وذا قمه الاذلال لفريق انك تعطيه الكوره ولا يعرف يتصرف فيها خخخ

! .. وشفنا كيف ليون قاعد يألف في الكوره ويحاول انه ينقلها من الاطراف بلعب الحواري بصراحه خخ ! ..

لانه ماتوقع الشيء ذا ! .. وكان توقعه ان الريال بيدخل وبيلعب بطريقته وهو الي بيحاول انه يحصل اي خطأ ويستغل الفرصه منه ! ..
لكن الي صار عكس كذا ! .. وصار ليون هو الي معه الكوره ويلعب لعبه والريال هو الي انتظر الخطأ ويستغل الفرص منها ! ..

ولكم انكم تشوفوا ليون كم مره قعد يألف في التمرير خخ ! .. وكم مره انقطعت الكره من المنتصف ! .. ولو كان كريس في فورمته العاليه كان شفنا على الاقل 3 في الشوط الاول ! ..
لان ليون كان ضايع ومتورط بالكره خخ ! ..

مورينهو اشتغل صح ! .. وقدر انه ينقل الفريق لثلاث فترات في المباره ! ..
استغلال اخطاء ليون ! .. الهجمات المرتده ! .. ثم الاحتفاظ بالكره ! ..

الاولى عملها مورينهو في الشوط الاول ! .. وترك ليون يلعب واستغل خطأه وسجل هدف مارسيلو ! ..
الثانيه ! .. ليون يبدل ويلعب بمهاجمين ومورينهو يقفل المنطقه ويلعب على المرتده وسجلنا الثاني ! ..
الثالث ! .. الفريق يرجع للعبه العادي ويحتفظ بالكره ويتناقلها ويرهق ليون ومنها سجلنا الهدف الثالث ! ..

تنقل كبير بين الفكر ! .. وفي فترات بسيطه وفي مباره وحده ! .. فكر كبير يامورينهو

! .. وتطبيق أكبر من الاعبين

! .. الي بدأو يستعبون فكر مورينهو وطريقته ! ..

يعني مهو بس مورينهو هو سبب التأهل الا الاعبين كمان قدموا اداء كبير ! ..
واكتشفنا مفتاح جديد ومهم للفريق غير اوزيل والبنز ورونالدو ! .. الي هو مارسيلو نجم المباره بدون منازع ! ..

الكدش دافع وهاجم وضغط وقفل وفتح وعمل كل شيء وسجل اهم هدف ! ..

الونسو وخضيره ! .. شغل كبير من الناحيه التكتيكيه ! .. والتحرك بدون كوره وتغطيه المناطق ! .. وكانوا من نجوم اللقاء مع انهم ماظهروا كثير وخاصه التونسي الالماني ! ..
لكن الي عملوه شيء كبير ! .. ومايحتاج اتكلم اكثر عن الونسو بصراحه

.. لانه اكثر لاعب في الفريق عنده فكر عالي ! ..

الدفاع كان جيد ! .. كرفهاليو كان ممتاز وراموس كان المميز ! .. وبيبي جيد كمستوى سيء كفكر ونفرزه ولو الحكم كان حازم شوي كان انطرد ! .. يعني مادري ليه النرفزه ذي وفريقك فايز ومحتاجك ! ..

الي قدام ! .. البنز ( الكراك ) الافضل

! .. من تحرك ولعب وتسجيل وحتى قتال ! ..
الاعب من يوم ماصار طماع وقتالي ! .. وهو في مستوى متصاعد وقاعد يقدم شغل مهو هين ابد ! .. والهدفين الي سجلهم في جيرلان وفي البرنابيو دخلته قلوب المدريدين ! .. وثبتت وبتثبت اقدامه في مدريد ! ..

دي ماريا ! .. الهدف انقذه ولو كمستوى اشوفه قعد يعك ويألف بصراحه ! ..

اوزيل ! .. ناس كثيره مدحته لكن اشوف انه الولد ماكان بالمستوى اليوم ! ..
لياقيا وبدنيا كان سيء ! .. وفكره العالي هو الي ساعده اليوم والي قدر يصنع منه الهدف ! .. ولا الاعب عانى كثير وخاصه في الالتحامات البدنيه ! .. ولازم يشتغل كثير على الموضوع ذا ! ..
ولازم يكون حضوره افضل في المراحل القادمه ! .. لاننا في بطوله لازم تكون فنيا ومهاريا ولياقيا وبدنيا حاضر عشان تقدر تعطي فيها ! ..
وكل ماتقدمت المراحل كل مازادت صعوبه الامور ذي ! .. يعني اذا ماقدرت توقف مع قوه ليون البدنيه ! .. فكيف بيكون وضعك مع الانتر مثلا او تشيلسي !!!؟!! ..
لازم ينتبه على الشيء ذا اوزيل ! .. وكمان مورينهو ويحاول انه يجهز كاكا اكثر لانه الفريق بيكون بحاجته في حال ماكان اوزيل بنفس الاوضاع ذي ! ..

يعني ومنعا للأنبراش ! .. ذا الكلام مايعني ان اوزيل مااينفع لانه كلام خاطئ وكلام واحد حاقد ! ..
لانه باقي اوزيل هاذي اول سنه له ! .. ولسه صغير في العمر وعنده مجال انه يتطور ! .. واحد اركان الفريق ! ..
لكن لازم يتطور من الناحيه ذي اذا اراد انه يكون افضل ويصعد للفريق للأفضل ! ..

رونالدو .. الاصابه عذره ! .. لكن على الاقل اشوفه كان افضل من دي ماريا حتى مع الهدف

! ..

عموما نرجع مره ثانيه ونقول مبروك الفوز ! .. ومبروك التأهل ! .. ومبروك فتح الصفحه الجديده للفريق ولمورينهو ! ..

وزي ماقلت اول ! ..
كل الي ابيه من الموسم ذا اننا نفك كل العقد ! .. ونكون جاهزين للموسم ذا ! ..
وقربنا ! .. لانه مابقى الا عقده الكأس ( ومعها البرسا خخ ! ) .. ويكون موسمنا بأذن الله ناجح ! ..

طبعا أبقى وتبقون طماعين

! ..
بس مادري احس اني بديت اشوف ويمبلي خخ

! .. مدري ذا شعور الفرح ( الي بصراحه استغربت منه لانه كانت مشاعري عاديه بعد مافاز الفريق .. لكن بعدين قعدت اسولف مع فيصل خوينا الغايب خخ وقعد يحكي وطلع مشاعر مكبوته مدري من وين خخ

! ) ولا شعور اللحسه قبل النوم خخ ! ..

لكن كعموم ماهمني من بنقابل خخخ ! .. لأنه السكره الي انا فيها مهي بصاحيه خخخ

! ..

موفقين يارب خخ .. واسف اسف اسف اسف جدا على الاطاله خخخخخخ

! ..

M A D R I D · #13754 17/03/2011, 05:45 AM

اللهم لك الحمد حتى ترضى ولك الحمد اذا رضيت ولك الحمد بعد الرضى

أنا اسف جدا ياكريم ياابن الأكارم

بس عاد ترى مهوب هو اللي جاب التأهل .. كريس ومارسيلو << خخخ شف اللي بيّصرف خخخخخخ

شكرا لك من القلب

وشكراً مورينيو

إقتباس

الرسالة الأصلية كتبت بواسطة بطولات زعيم


	مدريد من لا يحبك لا يستحق الحياة حتى لو كان ميتا

بخصوص الكلام الغريب اللي فوق ؟ كان معكم القذافي انت وسعود بالدرعية ؟؟
وش جوّك هههههههههههههه

قاعدة اكتشفتها من يومين .. وبديت الإيمان بها من جد
أي فريق اتحمس له انه يفوز في مباراة كبيرة يخسر زي ماقال احمد

لذلك انا انتي مدريديستا من اليوم وطالع

الف مبروك ولي عودة ان شاء الله