نعود للرابطتي الجديده
بصراحه أنا بـ عاني مع هذا التغيير, الواحد لما يكون يتصفح رابطه وحده لـ مدة 9 سنين ويجي يغير فجأه...!
بعض الاحيان القى نفسي هناك بدون ما أشعر, واحس في شيء ناقص في الصوره
![S4s](images/smilies/Animated/s4s.gif)
الوضع على الرابطه هذه في المانيول مع الوقت ان شاء الله تكون اوتوماتيك
الموهيم...
اول شيء حاب اقول اني من جد استمتعت واستفدت كثير في الكم صفحه اللي فاتو, ردود وافكار جدا جميله
والواحد مايمل من قرأتها!
زمان عن هيك ردود مفيده وفيها افكار حقيقيه!
شكرا لكم جميعا
ماحصلت فرصه اني اتكلم عن المباراه الاخيره, راح احاول اختصر الكلام قد ما اقدر..
اخيرا شفت الريال يلعب, شهور وانا استنى هالمباراه ! مو هالمباراه بـ عينها بس المباراه الاولى للريال في الموسم الجديد
مع انه الجزيره سحبت على الشعب العربي كله وبعض الاجانب المقيمين, لكن كان صباح استثنائي لي..
ماهمتني النتيجه ولا همني مورينهو على الدكه ولا هالكلام كله, يهمني اشوف ريال مدريد يلعب وانتهى!
مع انها المباراه الاولى الوديه ومافيها كثير ينقال, لكن مايمنع نتكلم عن مباراه كـ نوع من تغيير الروتين شويه...
طبيعي جدا الفريق اللي شفناه صباح الخميس مو هو فريق مورينهو اللي راح يكون ان شاء الله في الشهور القادمه
لأن 15 يوم مو كافيه ابدا حتى ترسخ فكره اساسيه وحده من افكار مورينهو في عقول اللاعبين..
الوضع راح يحتاج وقت اكثر بـ كثير من 15 يوم حتى نشوف شيء بسيط جدا من الفريق البطل
لكن واضح ان مورينهو في الاسبوعين هذه ركز بشكل كبير على نقطة استعادة الكره المقطوعه بـ اسرع وقت ممكن
وفي المباراه شفنا كيف الفريق يضغط على حامل الكره لأسترجاعها بشكل سريع وبناء هجمه سريعه للأمام
واللي شفناه تقدروا تقولوا نقطه من بحر الافكار اللي ناوي مورينهو يرسخها في اذهان اللاعبين.
لمسات بيليغريني مازالت في اذهان اللاعبين, شفنا التركيز اكثر على العمق وتقدم اللاشعوري من لاس وغاغو للأمام
وشفنا هيغواين وبينزيما يجنحوا ويرجعوا للخلف لـ بناء الهجمات, والتمريرات القصيره بين اللاعبين.
كل هذا كلاكيت ثاني لـ تكتيك بيليغريني في الموسم الماضي, وشيء طبيعي جدا اننا نشوفه في اللاعبين
الآن على الاقل
لأنه تماما كـ قصتي مع هذه الرابطه وتلك
![Biggrin](images/smilies/biggrin.gif)
الفريق له سنه يمشي بنظام معين وبطريقه محدده
صعب ينسى على طول كل اللي تعلمه في سنه مع افكار جديده مامر عليها اكثر من 15 يوم.
تكتيك بيليغريني راح يكون عالق في اذهان اللاعبين لـ فتره, واللاعبين راح يحتاجوا وقت الى ان ينسوا كل ذلك,
أو بشكل ادق يبدلوه بـ تكتيك مورينهو الجديد.
مورينهو في التصريح ذكر انه في اشياء اعجبته في الفريق, توقعي انها الضغط على حامل الكره فـ هذه النقطه
واضح انها من لمساته, فريق بيليغريني ماكان يضغط على حامل الكره...على الاقل بهالشكل الممتاز!
طبعا وجود الانسجام بين اغلب لاعبي الفريق ساعد في الظهور بهالشكل, بالتالي مشكلة الانسجام ماصارت المشكله الاكبر
مثل الموسم الماضي, على الاقل اذا لم نلعب بـ ستة لاعبين جدد في التشكيله الاساسيه
![Biggrin](images/smilies/biggrin.gif)
.
الانسجام بين غاغو ولاس وغاراي وبيبي و رونالدو وبينزيما ورونالدو و هيغواين ساعد الفريق كثير بالامس
بخصوص التمريرات بينهم والتفاهم الواضح في استلام وتسليم الكره.
بالعربي
انبسطت يا عم مورينهو عندك فريق منسجم خلقه شيء كان يعاني منه اللي قبلك, باقي لمساتك الحلوه وخلاص!
أعجبوني لاعبين كثيرين, والمفاجأه الصراحه كانت كاناليس!
مو إنقاص فيه كـ لاعب, لكن مع عمره الصغير ولعبه لـ الريال مع لاعبين كبار طبيعي ماتتوقع منه شيء كثير
خصوصا في البدايه مع الضغط الكبير اللي عليه, لكن فاجأني بـ مستواه الجيد وتحركاته الايجابيه
ناقصه بس بعد نظر شويه ويرفع راسه بدل ماهو تحت اغلب الوقت ويكون بيرفيكت
![Biggrin](images/smilies/biggrin.gif)
لكن هذا كله طبعا يجي مع الوقت والخبره.
بينزيما لم يفاجأني الصراحه بـ مستواه, اغلبنا كنا متوقعين هالمستوى من الفرنسي لأنه واضح عليه من التدريبات
انه ناويها شر هالموسم ونشوف انفجار مو طبيعي من بينزيما, لكن بالرغم من كل شيء...
هيغواين مايزال المهاجم المثالي لـ قيادة الريال, والفرق بينهم انه هيغواين اناني قدام المرمى وهذا شيء ايجابي
بالنسبه للمهاجم انه يكون عنده دائما شغف بالتسجيل, عكس كريم اللي اسم على مسمى ماشاء الله عليه
![Biggrin](images/smilies/biggrin.gif)
الولد لو سحب الحارس وجنبه رونالدو اعطاها له قال سجل
![Biggrin](images/smilies/biggrin.gif)
... عشان بينزيما يخطف مركز هيغواين لازم يكون
اناني اكثر قدام المرمى, ولا راح يكتفي بالمهاجم الثاني وهو راح يكون ممتاز في هالمركز, لكن في احتمال يكون احتياطي
محد باقي عارف ايش الخطه اللي راح يثبت عليها مورينهو, من هنا الى ذاك الوقت يصير خير!
كاكا...كاكا...كاكا...!!
ايش حكايتنا مع اللاعبين الممتازين لكن مصابين اغلب الوقت؟
رونالدو يمكن المده اللي لعبها اذا جمعتها تطلع لك سنتين من اصل اربعه!!
روبين سنه من اصل سنتين!
والان كاكا..! لكن نقول الحمدلله على كل حال, يمكن تكون خيره..
مين المسؤول..؟ مو مهم هذا السؤال ...الاهم انه كاكا اجرى العمليه وهذا شيء جدا ممتاز
مشكلة الركبه وان شا ءالله مع العمليه ماراح ترجع, والعانه هي تحتاج فترة راحه طويله وعلاج طوال تلك الفتره
والدوا عند مورينهو بحسب ماقال هو وتاريخه مع نفس المشكله مع دروجبا...ننتظر ونشوف.
في نقطه ذكرت هنا او هناك مو متأكد باقي
![Biggrin](images/smilies/biggrin.gif)
, النقطه هيا انه يكون خارج الخدمه 4 شهور شيء نوعا ما طيب
أحسن من انه يكون نص مصاب ويقدم مستوى معدوم وينركن على الدكه ويزعل وزوجته تبدأ تطول لسانها...و..!
خليه ياخذ فترة نقاهه, والفريق يبدأ يتعود على تكتيك مورينهو الجديد خصوصا ان الدكه مليانه
ومورينهو ماراح يعاني عشان يجد البديل المناسب لـ كاكا ويصير عندنا 11 لاعب صاحي.. هذا طبعا الى ان يأتي كاكا.
اضافه بسيطه....
-كاكا لم يقم بالعمليه الموسم الماضي لأن فيه كأس عالم قادمه وبلاده معتمده عليه في البطوله, مالها داعي يسوي
العمليه ويغيب عن كاس العالم, راح يصيرله مثل ماصار لـ رونالدينهو بعد كاس العالم 06!
- بعد كأس العالم لم يقم بالعمليه لأنه وبحسب معتقداته الدينيه ممنوع او شيء زي كذا, او بالأحرى كان متردد بخصوص العمليه
عموما مورينهو وبـ اسلوبه اللي يقنع الحجر انه شيء ثاني تكلم معاه اقنعه باجراء العمليه.
- بعيد عن هذا كله, كم كانت اجازة كاكا؟ اسبوعين؟ 20 يوم؟ طيب ايش راح تفرق لو سوا العمليه بعد كاس العالم مباشره
او الان؟ اسبوعين؟ جولتين من الدوري؟ ماتفرق كثير ابدا, بالعكس اشوف انه كلامه مع مورينهو واخذ مشورته
كان افضل شيء سواه كاكا.
محمد سهلب![Smilie47](images/smilies/smilie47.gif)
نورت الحته كلها يا كبير![ورده](http://upload.alhilal.com/img/009/67.gif)
والله سليم شغال فالدانو على غفله
ماشاء الله عليك
اهم شيء لا تنكفش هناك ويعتقلوك ![Biggrin](images/smilies/biggrin.gif)
http://www.youtube.com/watch?v=EiRTa...layer_embedded
على خطى روبي كارلوس
![Smilie47](images/smilies/smilie47.gif)
![ورده](http://upload.alhilal.com/img/009/67.gif)