"
"

الحمد لله ..
خيخون الرجال عملوها امس ، وكملوها الرجال اليوم بـ احلى فوز .. جوله ممتازه جداً يعني ..
من زمان عن جوله مثل كذا خخ ..




فريق كان ممتاز ..
يعني 10 / 10 .. انضباط تكتيكي خُرافي ، روح هائله من زمان ما شفت مثلها ، لياقه عاليه جداً ..
وكانهم يقولون مُستحيل نفرّط بـ الهديّه اللي قدموها خيخون لنا ..

بيبي - مارسيلو - خضيره - الونسو - كريس ..
نجوم الماتش ، عملوا مباراة خُرافيه .. من احسن مباريات اللي عملوها هـ الموسم بيبي وخضيره ..

- بيبي كان وحش بـ الدفاع ، قرائته ممتازه لـ كل الهجمات ، لياقه وقوّه مش طبيعيه " وكانه يقول جدد لي يا بيريز وانت مغمض " ..
- الونسو .. مدري وش اقول ووش اخلي .. تعودنا على ابداعه ، لكن اليوم كان سكّر زياده .. اكتفي بـ كلمتين بس : الونسو نعمه الله يخليها لنا ..
- خضيره مب طبيعي ، اللي سوّاه اليوم ما يسويه اي لاعب بالعالم .. لياقه ومجهود والتحامات وتغطيه وقوه ومسانده في الدفاع في الهجوم ، كان نجم بـ معنى الكلمه ..
- مارسيلو نجم ، انضباط تكتيكي فوق الخُرافي .. يعرف متى يتقدم ومتى يرجع ومتى يغطي ومتى يناول .. تقدم وهدد مرماهم وسجّل ، وورا يغطي ، مراوغاته كانت غير طبيعيه ابداً ، انطلاقاته مجنونه .. قدّم مباراة خُرافيه ..
- كريس قدّم مباراة ممتازه جداً وكان احد النجوم .. اسيست الهدف لـ مارسيلو ، غير الهدايا اللي عطاها اديبايور تقريباً 3 فرص كلها اهداف .. كان يلعب لحاله قدام وقدم مجهود خُرافي .. يمكن ما شفناه " مثل دايم " يراوغ ويسجل عشان الطرد والادوار اللي يقوم فيها دفاعياً وهجومياً ، لكن يكفي المجهود الخُرافي اللي قام فيه ، والاسيستات اللي عملها لـ مارسيلو والاديب ..

ادان - كارا - اربيلوا - الاديب : ما قصروا ..
كارا يمكن اليوم مب خويي اللي اعرفه ، لكن ما قصّر يكفي انه كان وعرف يتعامل مع كل الكور ..
اربيلوا عمل ماتش ممتاز بـ كُل امانه ، قدم اللي عليها دفاعياً ، يمكن النقص هو اللي ما خلانا نشوفه قدام بـ الشكل المطلوب ..
ادان .. ما عمره حرس الا شوط اظنه ، ويدخل بـ مباراة مثل كذ ومحتاجين الفوز وبـ ملعب قذر ويقدم اللي قدمه .. شيء كبير وخُرافي بـ كُل امانه ، واساساً شيء متوقع من واحد يشوف كاسياس كل يوم بـ التمارين ..

الاديب - اوزيل ..
الاديب حاول وحاول وصنع لـ نفسه ويتحرك .. ما قصر رغم الفرص اللي ضيعها ، لكن قدّم مباراة حلوه وتحركاته كانت ممتازه وكان بثر جداً ويسوي اللي عليه ..
نقصه قول بس ، لكن يعوّض بـ الجايات ان شاء الله ..
اوزيل سيء جداً .. كور مقطوعه كثيره ، ومناولات خاطئه .. تمنيت كاكا ينزل مكانه بس مدري وش السبب اللي ما خلاه ينزله ..


"


وحش يا وحش ..




كبير يا ابن تونس ..
زي ما قلت ، اللي سواه اليوم خضيره صعب جداً يسويه اي واحد في العالم ..




من احسن المباريات اللي شفتها له ..
الانضباط التكتيكي واللياقه اللي كان عليها في الماتش شيء يهوّس .. غير القول الجميل ، ومراوغاته اللي كانت مميزه في الماتش ..


"
( ما كاني استخدمت فيسات كثير فيسات البلانكو 10 ) .؟
يالله مبروكين .. وعقبال ما يتواصل تقليص الفارق بـ الجولات الجايه ..