24/01/2011, 07:13 AM
|
 | زعيــم مميــز | | تاريخ التسجيل: 02/11/2006 المكان: مدرجات البرنابيو
مشاركات: 7,763
| |
مبروك الفوز , الوصف الدقيق لوضع لاعبيننا في هالمباراه هو ان الارهاق قتلنا ! كل 3 ايام نلعب مباراه خصوصا هالشهر لعبنا مباريات قويه بفتره بسيطه , الحمد لله اننا نطلع بدون اصابات ولا كان علوم , الاتحاد الاسباني جهز فريقنا وطبخه باقي بس يسمون بالله اشبيليه وياكلوننا يوم الاربعاء , يعني اشبيليه وبرشلونه لعبو السبت وبيلعبون الاربعاء , فريقنا يلعب الاحد بعدين الاربعاء فرق يومين بس ما يمديك تريح ولا يمديك تسوي تمارين الى انت مسافر للاندلس ! شيء غريب صراحه كان خلو المباراه يوم الخميس مثل كل مره , بمباراه امس شفنا دي ماريا وكريس وحتى اوزيل البديل كثيره تمريراتهم الخطآ وهالشيء بسبب الارهاق الي قلل من تركيزهم , يعني دي ماريا واضح من بدايه المباراه انه مرهق مثل مباراه الميريا مدري ليه اصر مورينهو ولا دخل ليون مكانه ؟ اذا عقاب خلاص راح هالعقاب كم له مباراه ما يلعب وغير كذا مصلحه الفريق وسلامه الاعبين اهم ممكن دي ماريا بسبه الارهاق تجيه اصابه تخليه اوت لنهايه الموسم , العن شيء اصابات العضلات لما تكون مرهق تنهيك بالراحه , الشيء الثاني طرزان كل مباراه يلعب فيها سنتر يثبت لنا انه مدافع بطل ويقدم مستويات خرافيه بهالمركز تحس فيه ثقل بدفاعك , صح اني تمنيت بالشوط الثاني ان المو يسحب مارسيلو ويدخل البيول ويخلي المصري اربيلوا يسار وراموس يمين كنا محتاجين ظهير يهاجم , اربيلوا ضعيف هجوميا ومارسيلو كان سيء امس يعني فقدنا قوه كنا محتاجينها , تطليعه جاجو مدري وش سنعها , كان مفروض يدخل الونسو مكان كاكا وجرانيرو يتقدم مكانه اذا افترضنا انه مريح اوزيل للارهاق , صح كنا بوضع مزري ونبي الفوز بس جرانيرو كان مقدم مستوى بطل هجوميا واذا عطيته حريه امس بيعطيك اكثر يكفي تمريرته للبنز بالقول ! ايضا احب اشيد بمعلم الشاورما على القول وتحركاته الحلوه امس صح ضيع كم انفراده بس اشتغل زين وتحرك كثير وجاب لنا النقاط الثلاث , امس بالتحليل كان التونسي مدري وش اسمه يقول بن زيما الكل واقف ضده وانه ما يقدم مستوى ممتاز السؤال هل حصلت له كور قدام المرمى وضيعها ؟ الصدز اول ما سمعته بغيت اقتنع لكن يوم تذكرت الانفرادات الي يضيعها كل مباراه قلت الله يلعن من علمك التحليل , عاد ذا من حيني ما هضمته يلعن شكله نفوز 8 نفوز 5 نفوز بنص هدف يسفل بنا ودي مره اسمعه يمدحنا ما قدرت , لا ومن الشين يقول مورينهو كثير الكلام هههههه وش قاهرك على الاقل يتكلم كثير بفايده لكن انت تقرق طول الليل ومحد يستفيد شيء خخخخخ . جمهورنا امس ما قصرو صار بالفتره الاخيره هيصه وفله واستهجان وقله حيا رجعو شوي من هيبه البرنابيو , اعجبني امس تصفيرهم على الضفدع الاسود ويبو ياهم قروشوه احسه للحين نادم انه قعد يتوجع وضيع وقت , قلعته وش طلعه من مستنقعه . الاربعاء بنلعب باقذر ملعب مر على كره القدم ملعب الملاعين الصلب عيال المقنونه  الله يعيننا عليهم وعلى تصفيرهم الصدز اقمط وانا اتابع عاد شلون لو انا بالملعب والله لا اديور على مرماي واسجل واروح احتفل معهم يعنني ما خفت , بهالمتش يبيلنا لاعبين هادين وما يعصبون بسرعه زي لاسانا ديارا < ايه هين , لا جد الهدوء وبروده الاعصاب بهالمتش هي الي بتفيدنا اما اننا ناخذ ونعطي معهم ونتفاعل مع كل حدث بيصير بيطلعنا من جو المباراه , اطلق شيء تروق وتلعب وانت حاط فوق دميجك كيس ثلج وقتها بنلزخهم ان شاء الله , نجوميه المتش امس للسان وطرزان وبدرجه اقل كريس , والاسوا ابو سعد مارسيلو . اسفين على الاطاله وانا عمكم  . .. ايه نسيت يا هلا ومسهلا بابو تولين  |
) بيصير الفرق نقطة بينا وبين البارسا ومأمل خير في زلايب الليجا إنهم يخطفون نقاط من المتصدر 
الوضع العادي
