إقتباس وعن العقوبات الاوروربيه تحدث المو : ( وقرار الاتحاد الأوروبي هو تاريخي بالنسبة لي ويذكرني بما قالته جدتي ) وأعتقد أن هناك لائحة خاصه لمورينيو ولائحه أخرى لباقي المدربين . لأنني لا أستطيع إلتقاط الكره .. وغيري يستطيع لا أستطيع مغادرة المنطقه الفنيه .. وغيري يستطيع

قوية يالمووو وبالتوفيق للريال

إقتباس ها تبون الحصرية تبون المدوية خلال اليوم سيتم الاعلان من قبلي عن الاسم اللي اقرب من دزيكو واديبايور ومن الدوري والا اقولكم خليكم تتشوقون اليوم او غدا بعطيكم الاسم هو نجم كان مرتبط اسمه مع الريال بوقت سابق

أعطيك شوي يمكن فان نيستلروي هداف ويعششق الريال وكان هداف معنا

والله ياجماعة مادري وش اقول وش اكتب
اقسم بالله اللى صار للحين بين عيوني ماقدرت اتخطاه

والله حتى بالفراش يظهر سيناريو المباراة امامي

وقاطعت حتى الاستراحه من الدقيقه 60 بالشوط الثاني قمت ولاوريتهم وجهي للحين

والمشكله اكثر اللى بالاستراحه برشلونيين
غير اللى عندي بالجوال ماقصروا بالرسايل والاستهزاء


ورب البيت مباراة الليله الريال مع الخفافيش ما رايح احضرها

اخاف اجي اشوفها يقولون لك عين بعد الخمسه تتابع هالجحلط
ولا اخف اجلس مااجيهم يتصلون يقولون ترى الريال يلعب الليله وعادي تجي تحضر خخخخخخخخخخخخ

وربي دوامه مادري متى بتنقشع عني ياللييييييييييييييييييييييييييييييييييييييييييييييييييل



الا ياجماعه السوق الشتوي بدأ ولا لا
على خبري انه بداية يناير لمدة اسبوعين

اتمنى من كل قلبي فورلان او دروقبا
توريس مستحيل يجي للريال && كرهه للريال بيعوق الصفقه

دزيكو وغد صغير
صح موهبه بس وش يضمن نجاحه هو وسيقانه
انا ابي اشارك بمباريات كبيره في الدوري وفي الابطال ماظنتي بيكون قدها
لان الاجواء والضغط الاعلامي والجماهيري اكبر منه

انا ابي واحد جاهز وخبره ومايرحم قدام القول



الله يلعن ابليسك يامورينهو
لعن ابو بليسك يوم كان مع الانتر اسالوه عن رص الدفاع امام فشلونه

وقال ياحبيبي برشلونه فريق قوي وهم يريدون من الفرق انها تلعب مفتوح لانها تسهل طريقة التهام الخصم
لكن من الغلط ان اعطيهم مايريدون وصكها دفاع وطلعهم من الابطال


طيب اكثر واحد يلعب مع برشلونه هو انت
ويوم جيت مع الريال تروح تفتح اللعب


والله كنت متوقع الهزيمه 2-0 حتى لو انه داخل دفاعي بحت

اما انها خمسه تاريخيه فضحتنا قدام العالم
حتى انها خرقت مهابة مورينهو السبيشل ون في العالم


اكرر غلطتك انت وحدك
الخساره يتحملها مورينهو بنسبة 90%


ايضا احب ان اعلق على كاسيس دايم في المواجهات الاخيره مع برشلونه اهداف سهله تدخل فيه
ايضا يكون مطفي وطالع من جو الكلاسيكو الــــين مايجي الهدف الاول وبعدين يبدأ يصحصح ؟؟؟

تتذكرون كورة ميسي الاولى اللى بالعارضه
والله قعدت اضحك عليه
بزر بعمر ميسي يوهقك ويلعب كوره تجاه مرماك وانت تحسبها رفعه ههههههههههههه
وماتصحى ياكابنن اللى وصلت للثلاثين وقائد اسبانيا الا بصوت القائم يصدها عوضا عنك !!!!!!!!!!!!!!!!!

ويحتاس فريقك من اول المباراة بالضغط الرهيب
ولا وش تخلون كورة الهدف الثالث بالله هذي صدة افضل حارس بالعالم يروح يزينها للمهاحم والقول فاتح عرضه


راموس ايضا اثبت بما لايدع مجالا للشك انه مو قد خانة الظهير خصوصا قدام برشلونه
السادسياه اللى في البرنابيو كان بسبته 3 اقوال منها
والان هدفان تسبب بهما لسوء التغطيه المطلوبه



كل المصائب قد تمر على الفتى %% وتزول غير شماتة الحســـــــاد

إقتباس الرسالة الأصلية كتبت بواسطة Hala Madrid عبود ميليتو لعب بالابطال حتى كأني اشوف بين عيوني تسديدته الي بالعارضه على توتنهام يوم ينهزمون 3-1 انحصرت الاسماء بين فورلان واديبايور .

لا تقول

طيب اجل نحط بداله تيفيز لأنه كان رايح عن بالي .. وبينه وبين المتخلف مدربه مشاكل كبيرة وصلت لمرحلة ماقبل البقوس اوما لو يجينا تيفيز

بالنسبة للانتقالات الشتوية تبدأ في جانيوري اي يناير .. يعني بعد ٢٧ يوم .. وتنتهي بنهاية يناير يعني لمدة شهر كامل ..

الفضائي استقبلنا الهدف الأول في بداية المباراة بعد ثاني هجمة بالضبط وكاسياس مايتحمل مسؤولية الهدف ابداً !

بالعكس للمرة الخامسة كاسياس ينقذنا من نتيجة ١١

استغرب من الي كانوا يقولون احفظ تاريخك وروح فريق ثاني ! تشجعون الفريق انتم والا تشجعون الحارس ؟ في احد عنده احسن حارس بالعالم والي منقذه من كوارث ويجي يقوله احفظ تاريخك واطلع ؟ حسستني انه في خيتافي مو الريال

تحيتي .،،.

8
8
8

عاشق الزعيم هلا فيك

انا ماقلت لكاسياس احفظ تاريخك ومن هالكلام بالعكس كاسياس اراه رمز للريال ولن يعتزل الا فيه


لكن في مباريات برشلونه بالذات دايم يخورها

إقتباس يقولون اصبرو اصبرو بيثبت نفسه وهذا موهبه وهذا سعنون ارحمونا شوي له سنتين ونص وهو على حطت ايدك

سنتين ونص !!! موسم ونص ماكملها حتى الآن!

ارحمني على الفرص اللي يأخذها!! عشر دقائق ومباراة محسومة تسميها فرصه!


الفرصة في وجهة نظري لا تقل عن 10 مباريات اساسي وبعدها أحكم .


في مباراة برشلونة مالقيت الا البنز يكون شماعة! من الظلم أنك تركز عليه والفريق كله على بعضه سيء جداً


نبي عقلانية في الاراء .. الهزيمة قاسية عليك وعلينا لكن بالعقل والمنطق نعرف ان البنز أقل لاعب يتحمل الخسارة!

إقتباس الرسالة الأصلية كتبت بواسطة النسرالهلالي سنتين ونص !!! موسم ونص ماكملها حتى الآن! ارحمني على الفرص اللي يأخذها!! عشر دقائق ومباراة محسومة تسميها فرصه! الفرصة في وجهة نظري لا تقل عن 10 مباريات اساسي وبعدها أحكم . في مباراة برشلونة مالقيت الا البنز يكون شماعة! من الظلم أنك تركز عليه والفريق كله على بعضه سيء جداً نبي عقلانية في الاراء .. الهزيمة قاسية عليك وعلينا لكن بالعقل والمنطق نعرف ان البنز أقل لاعب يتحمل الخسارة!

من جد هزيمه ترفع ابو الظغط والواحد وده يفضفض شوي

بس ياليت يكون بدون تهور اجل كاسياس!!!

هدو اللعب ياشباب

.

.

هلا ولله بـ زيد

بصراحة ردك اللي قبل الاخير خرافي وكأنك تعيش ما بداخلي

من ناحية كلامك عن بنزيما فـ والله في الصميم , هذا الاعب اعطي الفرصه الكبيره ولم نراء المطلوب منه
اقسم بالله العلي العظيم لا اطلب من بنزيما ان يسجل اروع الاهداف واجملها واصعبها لكن من يراء بنزيما
داخل الملعب يحس انه مغصوب على اللعب , بنزيما يقطع قلبك ويمصعه من قوة الاحباط اللي تشوفه فيه
بنزيما تحسه يدخل الملعب سكران او دايخ ماهو داخل جو المباراة ابد , ودي اشوفه يتعصر ويتقطع قلبه
على الفريق للاسف ما قد شفته ابد , من ناحيتي وتوقعاتي في الصيف اقدام سوف ترون بنزيما معروض للبيع

إقتباس لاني وبكل صراحة لا اراء الاعبين كلهم يستحقون اللعب للريال لاعبين مثل راموس , مارسيلو , بنزيما , هؤلا الاعبين اعطو الفرصه ولم يثبتو انهم يستحقون المكان الاساسي

تعليقي بيكون على نقطة راموس مع تحفظّي على النقاط الأخرى !

سلكنّا للي يقول راموس ينكبنا في مباريات البرشا ..
وسلكنا للي يقول اربيلوّا يقدر يقدم مستوى أفضل من راموس ..
وكلها كان مجرد تسليك في تسليك لاني اشوف الجميع يكتب آرآئه وتحت تأثير الخمسة ..
لكن تجي وتقول راموس ما يستحق فنيلة الريال ؟
هذي مع وين أبلعها ؟ .. قالوا رأي ورأي آخر .. هذي يا حبيبي حتى رأي اخر ما نقبل فيها !!
راموس .. متأكد انك تتكلم عن نفس اللاعب الي يصنفه جميع الخبراء في العالم من افضل 3 أظهرة يمين في العالم ان لم يكن أفضلهم !
راموس الي مزبـّن والدي فريقك غاب محور يمسك مكانه غاب ظهير يسار يمسك مكانه .. وبنفس ثبات المستوى وبنفس القوة وبنفس الرتم ..
راموس الي اول موسمين له مع الفريق كان ماسك ظهير + جناح للفريق ولا عنده أيّة مشاكل ؟؟
راموس أيه راموس الكابتن الثاني في فريقك ! واللاعب الي تبيه يعرّض عرّض لك وتبيه هيدر انطلق وسجل عرضيتّه ؟
يعني معليش بلعت كل الردود لكن وقفت عند هالرد وانصدمت .. الي يقراه يشك ان الي كتبه ما قد شاف مباراة للريال في حياته !
صراحة أشطح من كذا ما في يا محمّد ..
على فكرة كل مدافع وله يوم يتمصخر فيه وخلونّا صريحين .. مايكون الي ازعجتونا فيه أكلّه بال التراب والعشب من قوة الجرجرة ولا شفنا مشجعين الانتر يقولون ما يستاهل الفنيلة ..
تقولون نبي لاعبين يعشقون الشعار قبل يلعبون ..
لا تروح بعيد راموس اضافة لمستواه الكبييير .. حبه للشعار محد يختلف فيه ويكفي انه بعد اعتذاره للاعبين البرشا ( الي اعتدى عليهم ) ولجمهور الريال قال اني ما سويّت هالشي الا من الغبنة وحبي للشعار !

إقتباس الرسالة الأصلية كتبت بواسطة ابودحه الهلالي تعليقي بيكون على نقطة راموس مع تحفظّي على النقاط الأخرى ! سلكنّا للي يقول راموس ينكبنا في مباريات البرشا .. وسلكنا للي يقول اربيلوّا يقدر يقدم مستوى أفضل من راموس .. وكلها كان مجرد تسليك في تسليك لاني اشوف الجميع يكتب آرآئه وتحت تأثير الخمسة .. لكن تجي وتقول راموس ما يستحق فنيلة الريال ؟ هذي مع وين أبلعها ؟ .. قالوا رأي ورأي آخر .. هذي يا حبيبي حتى رأي اخر ما نقبل فيها !! راموس .. متأكد انك تتكلم عن نفس اللاعب الي يصنفه جميع الخبراء في العالم من افضل 3 أظهرة يمين في العالم ان لم يكن أفضلهم ! راموس الي مزبـّن والدي فريقك غاب محور يمسك مكانه غاب ظهير يسار يمسك مكانه .. وبنفس ثبات المستوى وبنفس القوة وبنفس الرتم .. راموس الي اول موسمين له مع الفريق كان ماسك ظهير + جناح للفريق ولا عنده أيّة مشاكل ؟؟ راموس أيه راموس الكابتن الثاني في فريقك ! واللاعب الي تبيه يعرّض عرّض لك وتبيه هيدر انطلق وسجل عرضيتّه ؟ يعني معليش بلعت كل الردود لكن وقفت عند هالرد وانصدمت .. الي يقراه يشك ان الي كتبه ما قد شاف مباراة للريال في حياته ! صراحة أشطح من كذا ما في يا محمّد .. على فكرة كل مدافع وله يوم يتمصخر فيه وخلونّا صريحين .. مايكون الي ازعجتونا فيه أكلّه بال التراب والعشب من قوة الجرجرة ولا شفنا مشجعين الانتر يقولون ما يستاهل الفنيلة .. تقولون نبي لاعبين يعشقون الشعار قبل يلعبون .. لا تروح بعيد راموس اضافة لمستواه الكبييير .. حبه للشعار محد يختلف فيه ويكفي انه بعد اعتذاره للاعبين البرشا ( الي اعتدى عليهم ) ولجمهور الريال قال اني ما سويّت هالشي الا من الغبنة وحبي للشعار !

عزيزي ابودحه

اول شي هذا رايك واحترمه

انت تشوف راموس يستحق وانا ما اشوفه يستحق , راموس من بعد موسم شوستر وهو لاعب عادي جدآ


اتمنى اكون غلطة بوصفي عن راموس واتمنى يرد علي والله لـ اكون اكثر انسان فخور وسعيد بتواجد لاعب مثل راموس



,,

إقتباس محمد .. لا حساسية ولا شي .. مدري ممكن كلامي ظهر باسلوب حاد انا ما كان ودي يطلع زي كذا لذلك اعتذر .. لكن حتى الكلمة الي اقتبستها كانت غلط املائي وقصدي كان ما ينقبل فيها .. وانا ما كنت اتكلم بشكل شخصي .. اتوقع اني عبرت عن اراء الجميع لما نقول راموس بالنسبة لاستحقاقيته لفنيلة الريال .. امر غير قابل للنقاش عزيزي .. شخصياً موب مجاملة يا محمد دايم استمتع بردودك خصوصاً اذا كان الفريق فايز .. لان بعض الاحيان اذا خسرنا تظهر ردود غريبة لك ما اظن انها تمثل ارائك .. لكنها ممكن تمثل تنفيس للغضب بسبب الهزيمة .. زي ما قلتلك مسألة راموس واستحقاقه لفنيلة الريال من عدمه - مع احترامي الكامل لرأيك - احس انها غير قابلة لإدلاء رأي < احس الجملة موب راكبة .. تحيّاتي لك

اول شي ما بيننا اعتذار
انا اقدرك واقدر جهدك في الرابطه
وعن الكلام في راموس يمكن انا غلطان ويقدر راموس يسكتني في ما تبقى من هذا الموسم
واذا قدم واجبرني على الرد صدقني راح اكون اول واحد يصحح كلامه عن استحقاق راموس لقيمص الريال

كريم لاعب لا يختلف عليه اثنان

لكن صعبة تلعبه وحيد بالهجوم يكون راس حربة صريح

هو مهاجم بس مو لاعب صندوق

حلو يكون خلف المهاجمين

و يصنع الكورة للمهاجم و يكون متحرك عالأطراف

لكن الحين الفريق مجبور يلعبه رأس حربة صريح

شفنا المباريات السابقة كيف بنزيمة يدخل آخر

ربع ساعة و يتحول للأطراف و يكون الدون هو رأس الحربة

هاذي كانت ناجحة لحد ما و كانت تفتح الدفاعات

و تزيد غلة الأهداف

بنزيمة مميز يملك قدم يسرى و يمنى قويتان لكن

و يجيد التسديد من الزوايا الضيقة

ما شفناه يستثمر هالنقطة كثير

من اذكر البنز كيف كان يمتع مع غوتي

و الأهداف الخرافية اسحب نيتي بذمه





بالنسبة للمهاجم يللا أعضا أنتوا و حظكم

اللي توقعه صحيح يربح سيارة كمارو 99

لمدة يوم

و الباقي يدخلون السحب على كيلوا فستق