السلام عليكم ...



هاردلك جمهور الملكي العظيم هاردلكم الخساره ...



بس عندي كم كلمه اتمنى تتقبلونها ك وجهة نظر ليست اكثر ولا اقل ...
بالنسبه للمباراة هي مباراة للنسيان والدوري طويل وباقي اياب وغير كذا في انديه صغيره ممكن انها توقف البرشا
واهم شي انه لا احد يشكك في قدرات مورينيوو والله والله بانفسكم سترون الرد الملجم للجميع ما اعتقد في احد نسا انه اول ما جا للانتر اول موسم خسر اول ديربي له امام الميلان ومن ثم ثلاث ديربيات كلها فوز ومنها ال 4


ولا بدايته مع تشيلسي حتى ان زعيمي الانجليز الليفر والمانيو اصبحو يحسبون لمورينيو الف حساب قبل لا يحسبون لتشيلسي والشي الاهم انه ما يجوز نحكم على مدرب كبير وعملاق مثل مورينيو لانه خسر 3 نقاط (كلاسيكو)
ومن المجحف اننا ننسى انه ماله الا 3 شهور مع مدريد وسوا الفروقات والمتعه والقوه الدفاعيه وتاهل بالصداره في المجموعه الاوروبيه
ولو كانت امام فريق ضعيفه فنيا او حتى متوسطه مثل الميلان او اياكس لكن يبقى انه غير الكثير الكثير في الفريق انا متابع ومتيم لتشيلسي لكن انجبرت اتابع مدريد القوه والمتعه ولا يهمني خساره واحده انها تزعزع ثقتي بالمو المدرب قاعد ((((( يبني فريق قوي ))))) اصبرو عليه فقط فقط
اتفق معكم باننا كنا نتوقع رد الدين لبرشلونه او حتى الفوز عليهم خاصة انه غريم تقليدي لكن قدر الله وماشاء فعل


وبعدين بالنسبه للمباراة ولو كانت خساره بالخمسه اعتقد في الاخير 3 نقاط والدوري طويل وللناس ال منيب قايل اللي يقولون بنها جلبت العار ؟؟ فارد واقوول هي خساره 1 او 10 فالاخير الفايز بالبطوله سوف تكون له الكلمه العليا ولا يوجد احد ينكر خسارة البرشا ب 11 من مدريد ولكن في الاخير حسبوها خساره وبسسسسسس ولااكثر وفي الاخير حصدو سداسيه تاريخيه لا تنسى.. والله لو يبوني اخسر ومن برشلونه مو 11 الا 21 لكن افوز بالبطوله اختار الفوز والمجد ..الجميع سوف يذكر البطل ويمجده ولن يذكرو نتيجه مباراة واحده من 38 مباراة


اسف على الاطاله يا جمهور الملكي ( نادي القرن ) وحبيت اقول ان كلامي موجه لذوي العقول الكبيره فقط ولا يهون الجميع


الاهم ان الفريق يطلع من جو الخساره ...

ودي واحترامي لكم جميعا ... وبالتوفيق لكم وباذن الواحد الاحد ان يكون فالكم الدوري الاسباني ودوري الابطال من بعد تشيلسي ...

في ليلة سقوط الاسود ( الملوك ) يحق للنساء قرع الطبول ..




SPECIAL ONE

مريام فارس انجلدت خخخخخخـ
والله ياهي طالعه من قلب الصفقه
مدري ليه اول ماشفت هالصوره جاء على بالي هاللقطه





يارب سترك بس

إقتباس الرسالة الأصلية كتبت بواسطة فارس الناصر . عاجل : هجواين يعاني من إنزلاق غضروفي يبدو أن إصابة هجواين بالغه أكثر مما كان متوقعاً سيجري اليوم تشخيص دقيق وقد يحتاج الى جراحه تبعده فتره عن الملاعب قد يكون غياب طويل الأمد لهجواين .. وعلى مدريد الإتجاه الى ميركاتو الشتاء www.AS.com

مع الاسف لايزال فريقنا الطبي يجيب العيد
لاعب اربع ايام ظهره يعوره ماتدرون ان فيه انزلاق غضروفي الا اليوم
لابوكم لابو من عطاكم شهادات
عطونا طقم طبي الماني بس لابو ساينتس لابو شرشبيل فوقها
اذكر فيه اخطاء في التشخيص على كم لاعب بس نسيتها ياليت من يذكر يذكرنا

إقتباس الرسالة الأصلية كتبت بواسطة فارس الناصر . عاجل : هجواين يعاني من إنزلاق غضروفي يبدو أن إصابة هجواين بالغه أكثر مما كان متوقعاً سيجري اليوم تشخيص دقيق وقد يحتاج الى جراحه تبعده فتره عن الملاعب قد يكون غياب طويل الأمد لهجواين .. وعلى مدريد الإتجاه الى ميركاتو الشتاء www.AS.com

لا عاااااااد خبر يضيق الصدر من جد

لازم مورينهو يجيب مهاجم ممتاز .. ياليت يحاولون يجيبون توريس مع اني مااتوقع يجي او اي مهاجم

كافي الـ5 امس تجي اصابة للاعبينا




يااهووو عطاه وحده خله يتشقلب منها

لبى انت ياراموس برد قلبي ليت داعس على الغبي فالديس

إقتباس قبــل كل شي .. آنآ تشلسآوي ، وقفت مع مدريــد هآ آلمبآرآه بــس كلمة آلحق تنقآل !

عشانك كتبت هالجملة تتوقع راح نتقبل منك الترفيع والتغزل في برشلونة والتسفيل بالريال في رابطة الملوك!

اتمنى من الإدارة حذف الرد ( الإستفزازي ).




الغالي مملكة الريال
اولا هارد لك .. وروق المنقا

إقتباس بخسارة الامس انكشفة عورة الريال بوجود لاعبين عار على جبين ريال مدريد

أعتقد أنك بالغت في هذا الكلام .. وانت رديت على نفسك

إقتباس هزيمة الامس اتت في ضل وجود افضل لاعبين العالم

فلا يمكن ان يكون افضل لاعبي العالم عار على فريق ..

مباراة الامس تتلخص في جملة (لكل جواد كبوة)

وبرشلونة استغل الكبوة

الحمد لله على كل حال وقدر الله وماشاء فعل
وهاردلكم ونعوض في الجايات < تعبنا وحنا نردد ذا الاسطوانه


اكون صريح معكم ماشفت المباراة كلها
الشوط الاول ونمت لاني شفت مستوى الريال
وشفت مستوى البرشا ومسجلين فيك هدفين
قلت نم بكير تصح بكير وتشوف الصحه كيف بتصير


اللي لاحظته من المباراة امس
جميع لاعبين البرشا في الفورمه اما لاعبين الريال نقدر نقول لا احد


طريقة لعب مورينهو في الشوط الاول غريبه جدا
مفاتيح اللعب في البرشا تستلم الكوره وهي مرتاحه !!
مافيه اي ضغط عليهم !!

مورينهو حاول يستخدم دفاع المنطقه او مصيدة التسلل
وطبيعي انها ماتنجح مع فريق يمتلك افضل صناع اللعب
واسرع لاعبين على الاطراف ( ميسي , بيدرو , وممكن فيا )


في وجهة نظري المفترض يكون فيه رقابه مان تو مان
على اكسافي وانيسستا وتعطل صناعة اللعب عندهم
وبكذا تنهي نسبه كبيره من خطورتهم

باقي الخطوره تكون موجوده في ميسي على الطرف الايمن
بوجود مارسيلو ورجعوا دي ماريا للتغطيه نقدر نعطله

هذا اللي عندي وهذي وجهة نظري في اللي المفروض يصير


لجميع اخواني المدريديين في الرابطه :

خلونا نكون هنا ومانطلع خارج الرابطه عشان مايحصل ايقاف
اهم مكاسب مدريد بالنسبه لي هي انتم

لكم خاصه يا اعضاء الرابطه وللجميع بشكل عام

الى عشاق الملكي ليس هذا نهايه الطريق

والقادم افضل


ومشكله الريال عدم التركيز على الكرات المردته



و احد مشاكله الدخول من المنتصف وهذا يفلقني اذا جاب هدف الاطراف يرحم امك يالى اوزيل اللي نايم امس


بس الكبير كبير وخمسه راح نردها لكم يالبرشلونيين عما قريب باذن الله


ولاتفرحون كثير فما زال الدوري طوووووويل

إقتباس افهم الكلام واقرى كويس ,, انا قاعد امثل ان ياسر هو السوبر ستار بالهلال وان كريس هو السوبر ستار في ريال مدريد !! هذا مثال مو مقارنة ياليت بس لما تقرى تكون مفتح مخك شوي

اخوي فك مخك وطقه برصيف كود يروح اللي ساد طريق المعلومه اللي نبي نوصلها لك

ركز اخوي ركز زين

الريال مدريد ما يعتمد على لاعب تفهم
Real Madrid does not depend on one player
皇馬不是靠一個球員
El Real Madrid no depende de un jugador
レアルマドリードは、1つのプレイヤーに依存しない



الله يرضى عليك ركز حبوب باللي قلت لك تو وكتبتها لك بخمس لغات ولو تبي لغه سادسه بكتبها ولو تبي انام على قوقل واترجم لك ابشر الريال مانبيه ينشل اذا غاب لاعب وتونا في بدايه الموسم والرد بيجي لا تخاف وفي مواجهات مو مواجهه وحده

إقتباس كل فريق بالعالم لو شلت الثلاث لاعبين الاقوى بالفريق بتقل فاعليته ؟؟ وش هالجنان شي منطقي وعقلاني يا عزيزي !! شوف لي ايت فريق بالعالم وشيل احسن ثلاثه يلعبون بالفريق وقلي بتقل فاعليته ولا لا !! على فكرة فيه ناس مدريديه امس تتابع المباراة معي كانت تتعذر بغياب هيقوين و ( كاكا ) هههههههههههه

الغريبه انك تتكلم كلام منطقي وبعدين تناقضه

طيب اول شي اذا غاب لاعبين مهمين تقل فاعليته وكلام ممتاز وعقلاني وجميل وووو ..الخ

بعدها تقول ناس مدريديه يتعذرون بغياب كاكا وهيقوين واعتقد انهم لاعبين في مدريد وكانوا غايبين عن المباراة
انتظر منك رد تقول فيه ان كاكا من اول الموسم مالعب وكلامك برضوا صحيح
لكن مع من لعبنا ؟ كلهم فرق اي كلام باستثناء ميلان

حصلت اصابات لميسي وانيسستا اكيد فعالية البرشا تقل لكن تقدر تفوز على بيلباو والاتلتيكو وووو..الخ

إقتباس وزي ماقلت لك بما انه الافضل بالعالم من المفروض انه يصنع ما ابي اقولك يصنع فرق !! ابيه بس يهدد مرمى الخصم !!

طيب سؤال بريء جدا
وين ميسي العام قدام الانتر ؟؟ ليش ماصنع الفارق وسجل اربع اهداف وتاهلوا للنهائي ؟؟
السوبر ستار افضل لاعب في الفريق لكن مو معناها انه يسوي كل شي الفريق فيه 11 لاعب
اذا كانوا 10 سيئين وش يقدر يسوي السوبر ستار ؟؟

السلام عليكم ورحمة الله وبركاته

قايلكم لا تهايطووووووووون
بس الله يهديكم ماتسمعون الكلام

الحمد لله على كل حال
الهزمية الأولى للفريق كانت هزيمة قاسية وتاريخية من الغريم، وأكبر هزيمة لمورينهو على ماعتقد في تاريخه التدريبي
أرجع وأقول الحمد لله على كل حال

سبب الهزيمة واحد وقاله مورينهو

فريق كان في أفضل حالاته قابل فريق كان في اسوأ احواله
لاعبين البارسا بدون استثناء كانوا تووب
لاعبين الريال كان معظمهم سيء بإستثناء الدون كريس اللي كان يلعب ضد 11 لاعب ومدربهم 90 الف من الجمهور لحاله

ممكن نقول إن طرد فالديز وبلنتي لنا بيفرق كثير لأن بيب كان بيطلع فيا ووقتها ماراح تزيد غلة التهديف هذا في اعتبار خسارتنا وعدم تسجيلنا للتعادل

الأسماء اللي بدت المباراة نفسها ومتعودين عليها
ونقطة البنز مكان هيقوين
صدقني يابو عابد ماراح تفرق، بالعكس كذا كورة كانت طويلة امس للبنز وقدر يحصل عليها، لو هيقوين موجود ماحصلنا عليها
ولو فكرنا نلعب بالأرض، وسطنا امس كان خارج الخدمة تماما

ونقطة غن كريس وأوزيل وخضيرة ودي ماريا كلهم تأثر مستواهم وتكتيكهم عشان هيقوين موب موجود

اسمحلي يأبو عابد عجزت اقتنع فيها

خلنا ناخذها حبة حبة

المو حب يفرض أسلوب الريال على البارسا، وقلنا قبل المباراة فريقنا قادر على هذا الشيء
شرط إن يكون اللاعبين في يومهم وانضباطهم التكتيكي عالي جدا
الشيء هذا للأسف ماشفناه امس

هدف اكزافي، لو خضيرة كان معاه زي ماكان معاه في كوة مشابهة ل اكزافي في الشوط الثاني وانفراد مع كاسياس وخلصها خضيرة ماجاء هدف!
هدف بيدرو احمله كاسياس ومارسيلو
الثالث بيبي وغالبا تسلل
الرابع والخامس المباراة انتهت والتركيز ضاع وانتهى

الحصيلة عدم انضباط خضيرة والونسو التكتيكي في الهدف الأول ومارسيلو في الثاني وبيبي في الثالث نتج عنه اهداف
انت قلتها بنفسك فريقنا في اللعب واحد ضد واحد كان ممتاز وغالبا مايقطع كورة وكلها هجمات ينضرب فريقنا من العمق
ميسي يسحب بيبي او كارافالهو بره ال 18 ويعطي المساحة لاانييستا واكزافي وحتى فيا يكون في ال 18
المفروض راموس مع فيا، ومحاورنا مع انييستا واكزافي طوال اللعب وقفل عليهم وقتها البارسا بيملك كورة لكن بدون خطورة زي العادة

أوزيل ودي ماريا، دورهم التكتيكي كان للأسف غايب، وبالذات أوزيل، كان مهم إنه يقوم بنفس الدور اللي قام فيه قدام بيرلو ميلان مع اكزافي أو أقل شيء بوسكيتش
لكن للأسف ماكان يضغط ولا كان يغطي وراه وكشف محاورنا كثير للبارسا وصارت فيه زيادة عددية في الوسط للبارسا

البنز كان يغطي كثير على اليسار مع مارسيلو ودي ماريا في الشوط الأول، وكريس ماكان مريح انييستا كثير على الطرف الأيمن لأنه يرجع يغطي، لكن انييستا كان ينزل لوسط الملعب مع اكزافي وميسي وبوسكيتش مع بعض وكلهم قدام الونسو وخضيرة فقط
ومساعدة بسيطة من بيبي اللي في نفس الوقت يحاول يغطي على راموس إذا تجاوزه فيا

هجومنا كان بيكون شكله احلى بكثير، لو قعدنا بس نص ساعة وماستقبلنا هدف
لكن هدفين في ثلث ساعة وانت تلعب ضد البارسا في ملعبهم
اعتقد نزل ثقة اللاعبين في الأرض، وكملها الحكم بعدم طرد فالديز والبلنتي اللي كان ممكن يعيد لنا الأمل في المباراة

حاول مورينهو يصلح الوسط ويعطيه الزيادة العددية والضغط الصح على لاعبين البارسا وبعدها امتلاك الكورة وإرسالها لكريس أو البنز أو حتى دي ماريا
بعد مادخل لاس بديل لأوزيل اللي كان زيادة عدد في الشوط الأول

وصار دي ماريا غير مطلوب منه الجانب الدفاعي أبدا
لكن لاس للأسف مافرق بشيء، ومادري متى يفهم إن الطفاقة مع وسط البارسا ماتنفع، وصار للأسف عبئا على وسط الملعب وصار ميسي ماخذ راحته في وسط الملعب وبدأ يلعب كوره في العمق خلف دفاعنا وأظهرتنا اللي كانوا خارج نطاق الخدمة وبالذات مارسيلو

مرور الوقت مع تسجيل البارسا هدف ورى الثاني انهى المباراة قبل ماتنتهي
والنتيجة في الأخيرة خسارة قاسية
أرى أن من الظلم تحميلها لمورينهو وحده أو تحميلها للاعب معين

لأن والله جزئيات بسيطة صارت في المباراة لو ( وأعوذ بالله من كلمة لو اللي قلتها كثير) تغيرت كان تغيرت اشياء كثير في المباراة وتغيرت نتيجتها

أتمنى مانقسو كثير على الفريق اللي افرحنا طوال المدة اللي راحت
واللي كان بالأرقام حتى قبل مباراة امس أفضل فريق أوروبي من ناحية النتائج والأهداف والدفاع
وكل هذا مع مدرب جديد و 6لاعبين جدد منهم 4 اساسيين

ففكونا الله يرضى عليكم من نظام هذا فاشل وهذا حرام يلعب في الفريق، ولو فلان موجود ولو علان كان فيه، ونبدا شغل الشماتة والتقليل من اللاعبين

حنا والله اكبر من كذا، وفريقنا كبير وبيظل كبير
بينا وبين البارسا نقطتين بس، وإذا استمر الفارق حتى الكلاسيكو القادم، ومع عودة كاكا وجاجو ونضج فريقنا الحالي اكثر واكثر وشرب تكتيك مورينهو راح نستعيد الصدارة من البارسا بإذن الله (المرة هذه موب هياط أكثر من إنها حقائق )

نقطة أخيرة
كل يوم ورى يوم يزداد كرهي للغريم، اللي يشوف أمس حركات مدربهم ولاعبينهم وحارسهم حتى مع لاعبين فريقنا الللي يلعبون معاهم في المنتخب، يسال نفسه كل هذا كره وحسد وحقد
فريق عارف إنه مهما فاز علينا وبأكبر نتيجة مازال مقتنع إنه هو تحت وحنا فوق لأن هذا مكانه الطبيعي وهذا مكانا الطبيعي

كل اللي أقوله تسلم يمينك ياراموس مو عشان طقيت ميسي
إلا عشان تجمعهم بعد كل خطأ من حارسهم لين رأس الحربة على الحكم وعلى اللاعبين وعطيت كابتنهم كف وعطيت لكابتنهم الثاني اللي داخل الملعب كف مثله

أحلى شيء عجبني في المباراة البايخة امس هو تصرف راموس
والا الباقي للنسيان


قفلة

اللي يمدح بيلجريني ويقول إنه أحسن من المو عشانه انهزم بواحد والمو انهزم ب 5 (والله من الطموح )

البارسا العام لاعب معانا زي ماقال أبو عابد بهجوم من ميسي وهنري وانييستا، وفرق كبير من ناحية السرعة عن فريقهم امس

جرانت المدرب اليهودي استلم تشيلسي بعد المو ووصل بيهم لنهائي الأبطال واللي ماقدر مورينهو يوصل بيهم للنهائي، وخسر بضربات الترجيح بعد ماطاح تيري في تنفيذ ركلته الحاسمة

هل معنى هذا إن جرانت أحسن من المو ؟

أتمنى زي ماتعونا من فريقنا بعد كل سقطة إنه يقوم أقوى من قبل
المو عليك شغل كبير في الفترة الجاية وبالذات في الناحية النفسية

ومازلت أثق فيك وأثق في اللاعبين

الزبدة
لاعاد تهايطون
وإذا قالكم واحد دلخ مثلي هايطوا لاتصيرون مخفات وتهايطون مثله

بس رادين الخمسة إن شاء الله في الكلاسيكو الجاي واكثر
حملة الهياط
الجزء الثاني

روقوا المنجا
كذا الكورة يوم لك وخمسة عليك


للجميع
ابو يوسف