السلام عليكم , كل عام وانتم بخير ولو انه متأخره حبتين , مبروك الفوز على جيجون وبيلباو ولزخه اياكس الزلايب , متش اليوم ما شفته زين توي واصل الرياض وناظرت المباراه على النت وتقطيع وصفاوه ابو كلب , لكن ما يمنع اني كنت مركز خخخ , فوز عريض وطقطقه وسعه صدر وكعبات وفله , اطلق لقطه بالمتش اوزيل يوم يجربع مدافعهم عند الاوت ويرجع فيه ويعطيه كم سحبه بمنطقه الجزاء وهوبا بلنتي دبروها لنا يا كويسين , الدون القوي الفخم المغوار البطل الشنب الكويس العضلات جاهز مليون % الحين وبعز مستواه من وصل لنا نبي نلزخ الحوثيين بأرضهم ونبيه يسجل له قول قولين ويسكتهم لو ينطرد من المباراه اهم شيء نشوف حركه راؤول تتكرر .
طرد راموس والونسو موب شيء جديد على المو قد سواها اذكر مع الانتر او تشيلسي نسيت بالضبط من .
تراي كنت متابع يومي للرابطه بالايام الي راحت لا تحسبون اني ساحب ..
المحاور ما قصروا , أدوا اللي عليهم ,
هذا ما يعني إن أداء لاس عجبني , اللاعب كانت له أخطاءه في الاستلام و كان بيسبب بلنتي على الفريق بخطأ تافه
,
ابو مبارك حبيبي لاتخلي كرهك لـ لاس يعميك عن ابداعه اليوم
لاس افضل لاعب في وسط الملعب اليوم وكان هو اللي يهدي ويرفع الرتم
باصاته بالملي متر سواء كانت طويلة او قصيره , ولاعب ضد لاعب تكون من صالحه
الفاولات اللي سببها قليله جداً , والكورة اللي تقول بغا يسبب منه بلنتي للمعلومية مافيها اي غلط
قطع الكورة وشد جسمه لكن لاعب اياكس رخمه طاح على طول
لاس قدّم مباراة روعه وكان الافضل في المباراة بالنسبة لي
--
حركة راموس وتشابي مقلعه هههههه تستاهل تكون لقطة اليوم في استديو الجزيرة
هاتوا الانفصاليين مستعجل على شوفتهم وهو يشغلون الرشاشات
مبارة روعة
والاهم ضمان الصدارة
كاسياس مسكين الي مانعده كابتن زيك
اربليوا اداء رائع وكملته بالهدف
قلوب الدفاع وحنا نشوف المبارة مطمنين انه ماحد راح يسجل
مارسليو يالبى قلبكومن الان اساسي مع المنتخب
المحاور صمامين امان ولا اروع
اوزيل هذا هو اللعب الي نحب نشوفة
ليون مستوى رائع
الدون لايهمك العذال انته ملكهم كلهم
البنز يالبى قلبك استمر على هذا الروح واضمن لك الاساسي
الان نـــهــــايــــط بــــراحــــتـــــنـــــا
اللاعبين كانو اليوم تمااااااااااام من ايكر في كورة الفاول الوحيد اللي صدها صده ما يسويها الا حارس اسطوري بالنظر للمباراة وسيرها والهدوء اللي عايش فيه كاسياس
الدفاع كان مميز جدا سواء البدلاء او الاساسيين ولو ان مارسيللو هالمرة موب مارسيللو الخقق اللي عرفناه على بداية الموسم
الوسط نفس الكلام سد منيع من المحاور وبناء سريع للهجمة مع اتقان وسلاسة
بنزيما تحركاته كانت ممتاز وهدف رائع بعد اللمسه السحرية لاوزيل وفتح مساحات لزملاؤه وقدم مستوى ممتاز والجميل في الامر انه مستمر في النسق التصاعدي واليوم مدحه مورينهو في تصريحه للجزيرة .
مورينهو اول مدرب من عرفت الريال والكورة تكون تغييراته ابدا غير متوقعة مع انه مع الانتر وتشيلسي ما كان يفاجئ بتغييراته بهالطريقة وبهالكثرة صحيح انه مدرب مجازف لكن مع الريال كثير جدا تلقى تغييراته غير متوقعه ودائما اثبت انه على صواب في تبديلاته . الا تبديلات اليوم بعضها نعرف نتايجها في الكلاسيكو
لكن اعيد من الي كان يتوقع الريال الفخم هذا يظهر بهالسرعة ويكون القائد في الدوري والابطال ؟!
==
إقتباس
فما كان من الأفضل انهم يكملون المباراه و في مباراة اوكسير ما يلعبون ..؟ و بالنهاية البطاقات بعد التمهيدي تنلغي ..... والا انا غلطان ..؟؟
لا ما تنلغي الا بعد دور الـ 16 على حد علمي
الف مبروك مرة ثانية وعقبال ما نبارك لبعض بعد الكلاسيكو ان شاء الله
اشوف الشيييييييياب اللي هنا (ماقصد احد ابد ) قلبوها تشهير مو هياط
بسم الله نبدا الهياط
روح زي هالمباراة ـ اضمن لكم رشاشات الموية بتشتغل على المو بعد المباراة
مع اني ما اطيق قوتي ، لكن مجاراة للصورة هذه
جبت هذه
وش تسكر وش تفتح يا ماركيز
وهذه فوق البيعه
منظر عرضي تبين ملامح القمطه
تتوقعون بيبي يسوي كذا في واحد منهم
الا شباب ... من جد في مباراة التشامب اليوم؟؟؟
الله يسامحك يابو يوسف دخلتنا بجو الكلاسيكو بدري بدري
فرانكو ، بما انك ديكتاتور و ولعبت بحسبة التاريخ كذا ، ينفع نلعب اليوم مع البارسا و نخلي اياكس يوم الاثنين؟؟؟
اول شي اول شي .. ماني مصدقك سعود كاتب رد
ثاني شي ( الف حمدا لله على سلامتك ) اخوكم سعود سوا انه الصن ايكر وهو حارس جاه رباط صليبي وهو طريح الفراش والوساده والغطا ومتلحف زين
اللهم لا شماته حارس ورباط صليبي يعني لو صرت مهاجم اصابع يدك بيصير فيها شي مثلا استغفر الله بس
على العموم تقوم بالسلامة وما تشوف شر يا دبنا الغالي وي ويل ميت سووون ان شاء الله
...
انتم يا المدريديه قلال ادب يعني فريق يبي يتمسك بهاللقاء علشان يتأهل ومسوين صفح عن سواريز هالماتش وبعدها يستأنف عقوبة الايقاف لقاءين وتصكونهم اربعه صدق ما فيكم دم ولا في قلوبكم رحمة
خبراوي ظنتك يوم خربتها وحطيت الصور ما ابي اتوقف .. علشان اذا الله ما اراد وهذي نسبتها 00.01 % وانهزمنا اصير متوقف ما اقدر ارد وارقع عرفت
hm๏̯͡๏de_4 :: حمود وصلك على البولد والا على الكيرف علشان نعرف مصداقية الخبر بس
ينصر دينك ودين ابو كعب الحلاق وربي ترفعون الراااااس و ربي تشرفون و ناس جدعه
ابو محمد2009 :: كان بودي اشاركك بموضوعك اللي بالعالميه لكن ان طلعت لنقاشات العالميه اعرف اني ما راح ارجع قبل شهر ايقاف فاحتفظ بردودي لرابطة الريال وابحبح فرانكو يرقع لنا بينا بس برا ما تترقع .. على العموم انت لو تجيب ثور وتقول هذا ثور بيقولون لا بس الثور قالوا فيه حليب وممكن يرضع .. يعني برشلونه حقق القاب اكثر من الريال في عهد فرانكو وكان ضاغطهم ومستبد .. كلام الكاتلونيا كله مظلوميات زي فرقة المظلوميات المعروفه بالاسلام وتقريبا كل كلامهم مردود على قفاهم ومخلوط بالكذب .. فلا تتعب نفسك وخصوصا ان اغلب مشجعي البرشلونه عندنا ما عرفوه قبل 2006 فهم في عهد طراوة الانتماء و في غياهيب الحب ولا يهمه لا حاظر ولا ماضي ولكن تهمه موضة تشجيع البرشا والدارجة بشكل اكبر عند الجنس اللطيف حسب استفتاء احد الصحف العربية ونقلا عن صديق عمري وطفولتي البرشلوني .. وكلمة ان تشجيع البرشا موضة انا اخذتها من استاذ المدريدية وكبيرهم بمنتدى عربي ( ا / عبدالرحمن ) واصاب الحق فعلا وضرب على الوتر الحساس بكلمة موضه .. فلا داعي ان تتعب نفسك فلعمرك اني لاخرست كتيبة منهم وتم تحذري وارسال نقاط تحذير ( على النظام القديم ) والسبب صراع المظلوميات تبعهم
GALACTICOS ::
انت خوخه انت مشمش انت عندي حاجة تربش .. انت عندي زي الاريل لو غبت عني اوشوش
من لا يشكر الناس لا يوشكر ( فشكرا من القلب على كل ما تقدمه ) سواء على التولبار الروابط الافضلية بتعب وانا اعد فبسكت وبكتفي بشكرا
اسئلة نقاشية ( مهايطية )
س 1 / بعد تقدمنا 2 صفر على برشلونه وجانا بلنتي هل توافق على تسديد ايكر للبلنتي أم لا ؟؟
س 2 / طيب ودك بعد ما نجيب الثالث يطلع المدرب كريستيانو يريح للقاء فالنسيا ويخش ماتيوس جناح ايسر ؟؟
لا جد جد
الاسئلة اليوم
1/ قدر الله وانهزمنا في الكلاسيكو ردة فعلك الشخصية ردة فعل الفريق بوجهة نظرك ؟؟
2/ توقعك الرسمي لنتيجة اللقاء ونسبة فوز الريال فيه ؟؟
3/ بعد اداء اربيلوا اليوم على الطرف هل تؤيد استمرار سيرجيو بجانب كارفيلو ام لا ؟؟
4/ شخصيا تتوقع يحي متفائل والا متشائم ومتخبي وما وده يعلن عن شي خصوصا ان الحج خلص واليوم الملك الله يحفظه شكر منسوبي وزارة الصحة على جهودهم بالحج وتلقى روسهم هالكد كبرها ؟؟
ما تشوف شر يا سعود
الله يهديك يا بو أصيل بس الرجال طايح و أنت تتشمت به
بس من جد , ما تجي
حتى زيد رجع للرياض عشان يشارك بـ حملة الهياط
صادق يا بو يوسف , ناس يدورون الشر
ولكم باك زيد , و الحمد لله على السلامه .
هلا بـ فهد
معك حق , أنا ما أحب اللاعب , لكن هذا ما يعني إني ظلمته ,
أنا قلت اللي شفته منه ,
اللاعب قدم أداء مقبول , ما كان سيء و لا كان جيد وقدم أداء خرافي وأفضل لاعب بالمباراة و يخسي ماكيليلي !
عطني الاسباب اللي تخليه يكون أفضل لاعب بالمباراة ,
أفضل شيء قدمه هو قلة أخطاءه القريبه و الخطره ,
اللاعب ما حسيت بوجوده , و هذا شيء جيد بالنسبه له , لكن بالجهة الثانيه إذا وصلت له الكوره يتفلسف كثير , ولا لا ؟
يرفع ضغطك لا استلم الكوره وخلاها تنطط " تنقز " " تطامر " < اختر ,
وخاصه إذا كان حول قوس منطقة الجزاء ,
أما اللقطه أنا ما قلت بلنتي , لكن قلت " كان بيسبب بلنتي على الفريق بخطأ تافه " و هذا ما صار ,
لكن لو ترجع للقطه بتشوف اللي أقصده بأخطاء لاس ,
قبل ما ترجع له الكوره مره ثانيه كان من المفترض يخلصها على الأقل ,
هو قدم أداء مقبول منه , كـ محور أدى ما عليه ,
لكن كانت له أخطاءه اللي تمنعك من القول إنه الأفضل .
يمكن إنك على حق , العاطفه لها دور بحكمي , بس ما أظن .
شاكر لك تعقيبك
فالدانو :" ريال مدريد يذهب للكلاسيكو بشكل جيد للغاية ".
كان خورخي فالدانو منتشي بعد الفوز على ملعب أمستردام وقال : "لقد كانت نتيجة قوية ونحن راضون للغاية ريال مدريد سار بشكل جيد جدا إلى الكلاسيكو ، وسيكون عرض رائع ".
واضاف:"انها مباراة جيده وكنا سعداء لاننا قدمنا مستوى جيد دعونا نتمتع به وسيكون هناك وقت للتفكير في الكلاسيكو وستكون مباراة كبيرة وجيدة بين فريقين من افضل الفرق في العالم"
" نحن سعداء جدا بالنتيجة وانا سعيد بالهدف والمساهمة بالفوز , لقد كانت مباراة صعبة جدا وقدمنا مستوى مميز ، وإستطعنا أن نكون في صدارة المجموعة ، لقد كان يوما جيدا بالنسبة لنا جميعا "
وعن مباراة الكلاسيكو قال بنزيما " نحن متحمسون جدا لهذه المباراة , غداً سيكون يوم راحة لنا ,و من يوم الخميس سنبدأ بالتفكير في مبارة برشلونة , إنه فريق كبير ، وهي مباراة مهمة جداً ، ولا أعلم ما إذا كنت سأشارك في المباراة أم لا , فالمدرب هو من يقرر ، لدينا فريق قادرعلى تقديم مباراة جيدة , وأنا لدي الكثير وسأسجل المزيد من الأهداف "