جمعه مباركه على الجميع..
وكل اسبوع وإنتوا بخير
![Biggrin](images/smilies/biggrin.gif)
..
وصلنا لـ شهر نوفمبر..شهر صعب راح يكون على فريق مورينهو
مباريات كبيره ومتراكمه فوق بعض.. دور الاحتياطيين راح يكون مهم في هذا الشهر..
لكن لاحقين على هذا الشهر والكلام فيه..
الفريق الان وصل لـ مرحله متقدمه جدا في طور البناء, ماوصل لـ مرحلة يدق خشوم عمالقة اوروبا..
لكنه وصل لـ مستوى نقدر نسميه فريق كوره حقيقي..فريق يلعب بـ توازن بين الدفاع والهجوم...
فيه أشياء كثيره توقعتها من قبل بداية الموسم مع مورينهو و مع مرور الموسم صرت مخطئ..
مثل التخبطات في اللعب والخ...
لكن فيه شيء وحيد طلع صح, مورينهو راح يلعب كوره هجوميه ممتعه..
وهذا اللي صاير امامنا, فريق متوازن بين الدفاع والهجوم, لكن لما يهاجم -وحتى الان- يقدم اداء جدا رائع..
مورينهو بدأ بالتركيز على الدفاع, ثم بدأ بالتركيز على الوسط وتماسكه وصناعته للهجمات..واخيرا بدأ يشتغل على الهجوم وتسجيل الاهداف..
تسلسل منطقي, و وضع اولويات في مكانها الصحيح...وهنا اذكركم إنكم ماتستعجلوا بالحكم على مهاجمينا هيغواين وبينزيما
مورينهو حاليا في طور "سمكرتهم"..وهذا بدأ يوضح خصوصا في مباراة الميلان,
اللي هيغواين وبعيد عن الهدف اللي سجله..عمل شغل رائع في تهديد مرمى الميلان...
يرجع ويستلم كوره ويبدأ هجمه..أكثر من تسديده على المرمى..لقطه حلوه يمر فيها بين مدافعين للميلان..
بينزيما عاد مايحتاج اذكر ايش سوا في هيركوليس والميلان لما دخل...لكن مشكلته إنه مهاجم ثاني
وصعب جدا ياخذ مكان هيغواين لأن الادوار اللي مطلوبه منهم تختلف...
لكن ننتظر ونشوف مورينهو..يمكن عنده حل...
الفريق حتى الان ممتاز رقما و اداء.. ومن حسن حظنا جدول الليغا سهل نوعا ما في بدايته
ويبدأ بالتدريج في الصعوبه...وهذا بالضبط مايحتاجه فريقنا الان..
التدرج في صعوبة المباريات حتى نصل لـ مستوى يأهلنا لـ مقارعة أي فريق كان...
لكن الوقت باقي طويل.. ولازم نصبر والصحافه تصبر وتقف مع الفريق في وقت الخساره..
هذا الفريق صعب يبدأ بـ قطف ثمار الجهود في هذا الموسم..صعب جدا تحقيق بطولات في الموسم الاول..
لكن ما أخفيكم إني بدأت أطمع ببطولة الليغا كـ مثال...الابطال صعبه جدا..
المستوى يخللي الواحد يطمع,, لكن عندي الاهم من كل هذا إن مورينهو يبقى عندنا الى انتهاء عقده..
صح إنها أمنيه..وأمنيه صعبه شويه تتحقق...لكن نفسي اشوف الريال مره اخرى يستقر على مدرب لأكثر من موسمين..
شيء آخر
وداعا ديلاريد...لاعب قدم مستوى ممتاز في المباريات القليله اللي لعبها معانا..
أحزنني الصراحه خبر اعتزاله..
لكن لا نكون عاطفيين و محبين لـ الدراما بشكل زائد..
لاعب لعب مع خيتافي أكثر من ما لعب معانا..صح ولدنا..
لكن ترى ماقدم ذاك الشيء اللي يخلينا نبكيه وكأنه لاعب صنع فارق معانا في عدة مناسبات..
ممكن أكون بالغت شويه..لكن من جد أستغرب لما اقرأ كلام مثل "نبكيك كما بكينا زيدان وكارلوس من قبلك" وغيره
من الترفيعات اللي مو منطقيه ابدا!
اذا على مستواه في بدايته معانا..ترى غرانيرو قدم مستوى أفضل..وشوف فينه الان في نظر اغلب الاعضاء هنا..
مو مقارنه أو شيء...لكن لأظهر فقط إننا عاطفيين بشكل مبالغ فيه بعض الاحيان...
ياليت نعطي كل واحد حقه, بدون نقصان أو زياده..
![ورده](http://upload.alhilal.com/img/009/67.gif)