|| رابطة ♥ عشاق الملوك ♥ 2010 / 2011 ♥ || - صفحة رقم 276 - نادي الهلال السعودي - شبكة الزعيم

Hala Madrid · #4126 19/09/2010, 07:15 AM

الاتحاد الاسباني ملزم يرهق الاعبين ولا شلون ؟
المتش مع اسبانيول الثلاثاء !
بـ 10 ايام 4 مباريات , ضغط كبير على الاعبين والله يستر من الاصابات .

MAN$OUR · #4127 19/09/2010, 07:22 AM

//

صــبآآح المــلوك

مبررروك الفوز الرائع اللي حققه الفريق أمس ..

أيضآ أبارك لكم المستويات اللي يقدمها الفريق من مباراة إلى مباراة ..

الكل امس تآبع المطش وشآف دي مآريا يصول ويجول ويدمر دمآر

أمس الولد طآلع ملك استلام تسليم مراوغة تسديد

10 على 10 وآآصل يآ بطل << انتبه لا يسمعك

وبالنسبه للدون كريس

آحييه على بدآية العوده إلى مستواهـ المعهود وهو من مباراة إلى مباراة

يقدم كورة حلووه وننتظر منه المزيد ويكوون التووب

وخووفي علييه من إصابة

آمآآ الورع الثاني هيغوين أمس ضايع في المباراة شكله يفكر بالحب الجديد

لكن كما عودنا تكون له بصمته في المباراة القادمه ويرد بقووه

نجي للدفاع اللي انا اشوفه امس كان متلخبط نوعآ مآ خصوصآ كارفالهو مدري وش بلآه

كآن متشتت شويتين لكن هو نجم كبير وننتظر منه المزيد

ـــــ ـ ـــــ ـ ـــــ ـ ـــــ ـ ـــــ

وهذااا تصميمي للمباراة

وبصص

آلقآكم

MăģЗđ · #4128 19/09/2010, 09:45 AM

ألف مبروك الفوز ، وأن شاء الله تكتمل بفوز اتليتكو اليوم
بالله لو أحد عنده لقطة متحركة يوم مورينهو يرمي غرشة الموية هههههههههههههه

يليت الأدارة تسمح للسبشل ون مدام أنها ما فيها تعارض مع عمله بالريال .!

النظرهـ الخجوله · #4129 19/09/2010, 10:54 AM

Night$Wolf · #4130 19/09/2010, 11:06 AM

إقتباس

الرسالة الأصلية كتبت بواسطة Hala Madrid


	الاتحاد الاسباني ملزم يرهق الاعبين ولا شلون ؟ المتش مع اسبانيول الثلاثاء ! بـ 10 ايام 4 مباريات , ضغط كبير على الاعبين والله يستر من الاصابات .

السلام عليكم

زيد

زمان عنك والله

طبيعي نلعب يوم الثلاثاء القادم، لأن الأسبوع الجاي لازم نلعب يوم السبت (25/9/2010) في الدوري ضد ليفانتي، والثلاثاء (28/9/2010) في دوري الأبطال قدام اوكسير في فرنسا

بالنسبة لي نريح لمباريات دوري الأبطال أهم مانريح للدوري

صحيح فيها إرهاق للفريق
لكن معظم فرق اوروبا كذا، واحمد ربك إنك مو في انجلترا كان لعبت بطولتين غير الدوري والأبطال وكان لعبوك في الكريسمس وفي الأعياد وفي كل وقت

مورينهو عنده دكة ممتازة
هذا وقتها عشان يتجنب الإرهاق

لك

راجعين مع النقاشات بإذن الله

a_m_t · #4131 19/09/2010, 11:46 AM

.

.

السلام عليكم و رحمة الله و بركاته

..!!

مبارات كانت صعبة صعبة صعبة

بس دام الفريق جاب الثلاث نقاط كانت حلوه

..!!
تحليل ما عندي

ما شاء الله الشباب تكلموا عن المبارات

..!!
لكن في نقطه وحده و هي غرابة الاتحاد الاسباني بتحديد مواعيد مباريات الريال !! فريق يلعب كل يومين مباراه هاذي ما اذكره الا بالبريمير ليغ و بشكل نادر بعد !! لكن بالليقا غريبة بصراحة و خصوصا ان الفريق بيلعب قدام اسبانيول الثلاثاء !! يعني ثلاث مبارياة بستة ايام

!!الفريق كان واضح جدا عليه الارهاق البارح و الله يستر من اسبانيول !!

عموما الفريق إن شاء الله قده !! و متفائل بما إن المباراه على البرنابيو !!

بالنسبة للمو و كلام الاستديو عنه بعد المباراه و إنه تكلم مع الحكم بشكل غير لبق (مع ان المو مصافح الحكم بعد ما خلصوا سواليف) !! عموما مورينيو مصرح بعد المباراة للاعلام و ما ادري اذا احد ترجم التصريح ولا لا !! لكن المهم انه امتدح الحكم و قال انه قدم مباراه كبيرة !! خصوصا مع سرعة رتم الكوره !!

و بالنسبه للتصريح اللي قال فيه انه ما يفهم ليش الادارة ما تسمح له بتدريب البرتغال !! فالمو اتصل و صحح تصريحة عشان ما تكبر السالفه و قال انه ما يملك الحق بإنه يطلب من ادارة الفريق اي شئ !!

احتفال الدون كان عادي و كنه ارتاح اكثر من ما انه فرح بالهدف!! لكني استانست من مارسيلو يوم يقوله يحتفل !!

رجال المباراه على حسب الموقع الرسمي !!

إقتباس


	(( للمعلومية وللامانه من قبل يومين عندي هالمعلومة بس مافيه امكانية اكتبها وزين اني تذكرت من احد الردود جمهور البرنابيو لم يستهجن على رونالدو ابدأ بل كان الاكثر تشجيعا لكريس والكلام اللي طلع الجمهور بلقطة اراد من رونالدو الاسراع في النهوض بعد ضياع الهجمة .. غير ذلك لم يحصل اي استهجان حسب الحاظر بالملعب طيب الذكر ابو فتكات لا صحه لأي اخبار تفيد بوجود استهجان على كريس ))

أبوأصيل

..
هذا الكلام هل هو بمبارات اوساسونا ، او اياكس !!
لان اللي اخبره ان الاستهجان كان بماراة اوساسونا !! و بالنسبه لاياكس فحفيظ الدراجي كان بالملعب و يقول ان فيه صافرات على رونالدو !!

للجميع

.

.

Royal Lover · #4132 19/09/2010, 12:00 PM

مانشستر يونايتد يعاود الإهتمام بضم ديارا

منذ منتصف الموسم الماضي السير أليكس فيرغسون وضع أسم لاسانا ديارا كخيار لتقوية خط وسط مانشستر يونايتد .

وأيضاً في الموسم الماضي ذكرت صحيفة الماركا بإهتمام مدرب " الشياطين الحمر " بجدية فكرة التوقيع مع الفرنسي
الدولي والحصول عليه بـ نحو 20 مليون يورو .

" The People " ذكرت بأن مانشستر يونايتد على إستعداد لدفع 24 مليون يورو من أجل ضم لاس ديارا .

وأشارت أيضاً بعض الأخبار في إنكلترا بإهتمام ليفربول وتونتهام في ضم لاس في الفترة الثانية .

يذكر أن لاس ديارا أنظم للريال في عام 2008 قادماً من بورتسموث مقابل 18،9 مليون يورو .

R U S T Y · #4133 19/09/2010, 12:16 PM

يقال أن من شيم الكبار الفوز حتى في اسوء ايامه..

مباراة الامس والمستوى اللي ظهر فيه الفريق بالامس كان غير مفاجئ بالنسبه لي
المفاجأه كانت مباريات اوساسونا واياكس..مستوى غير متوقع في هذه المباريات ..

بصراحه وبدون مجاملات وتطبيل هذا المستوى المفروض اللي يصير في المباريات السابقه...
تخبيص يمين يسار الى أن تأتي محاوله فرديه من لاعب وتنقذ الفريق...هذا الوضع اللي المفروض يصير اصلا

صح إن الفريق تأثر بالارهاق وهذا واضح على بعض اللاعبين مثل الونسو و اوزيل..
لكن الفريق كـ كل ماعرف يمسك كوره صح..وما الوم مورينهو على الجلوس وانتظار حل من أي لاعب
مايقدر يسوي شيء غير انه ينتظر الفرج من رونالدو ولا لاعب ثاني وبعدين يقوم بتغييراته لـ قتل المباراه..

وهذا بالضبط اللي صار بالامس.. نزل لاس لـ تكسير الهجمات قبل بدايتها..نزل غرانيرو لـ يقوم بما يتقنه
وهو الحفاظ على الكره واكتساب الاخطاء..بـ صيغه اخرى تضييع وقت..
ونزل بينزيما فقط لـ تضييع الوقت ايضا من ناحية التبديل نفسه واللي ياخذ وقت..
تبديلات مورينهو كلها كانت للحفاظ على النتيجه وماكان فيه نيه لأي شيء ثاني...

مثل ماذكرت في الاعلى إنه الفريق الكبير يفوز حتى في اسوء ايامه..
صحيح إن اهدافنا كلها من محاولات فرديه وقليل من الحظ من ظهر بيبي..

لكن الفريق عرف كيف يحافظ على النتيجه..حتى هدفهم كان من ضربه ثابته وسوء تمركز من مدافعينا..
اتوقع لو امتدت المباراه كمان نص ساعه ماراح يقدر سوسيداد يسجل ..
لأن الوضع بعد الهدف الثاني اصبح اشبه بالـ Lock down مافي احد يقدر يدخل المنطقه ابدا..
أخطر شيء فعلوه هيا الكوره اللي انذها كاسياس بـ براعه...وحتى هذه اتت بعد اصطدامها في خضيره!

السبب الاكبر اللي جعل الفريق يمسك كوره في المباريات السابقه هو الوسط..ونجاحه في عزل هجوم الخصم عن وسطه..
وهذا اللي ماصار ولا شفناه بالامس..الونسو كان مسرح شويه في مدينته اللي افتقدها..واليد الوحده ماتصفق ياخضيره..

مارسيلو و كارفاليهو وبيبي كانوا رائعين بالامس..مارسيلو قام باللي عليه..من سوء حظه إنه التركيز كان على جهته
ومن سوء تقدير مدرب سوسيداد إنه اختار الجهه الخطأ...لو أنا منه حولت الهجوم من جهة راموس...
مارسيلو قطع كرات ودافع بشكل مميز...هذا كله و يكون فيه لاعبين على الاقل في جهته... الولد ما وجد اي مسانده
من دي ماريا او الونسو الا في بعض المرات... لكن بالعموم مارسيلو قدم اللي عليه..ومورينهو ذكر هذا الشيء
وماذكر بطبيعة الحال راموس...ان شاء الله هالتصريح يستفز راموس ويرجع صاحي المباراه القادمه..

هيغواين بالرغم من انه ماهدد المرمى ولا بـ أي شكل من الاشكال..لكنه رجع يستلم كوره وكان مزعج للخصم..
حاول وقاتل على كرات كثيره..افتقد الاسيست من الوسط النايم بالامس وماقدر يوجد حل غير الحل الفردي..
ما أقول إنه رائع..بعيد عنه اصلا..لكن اقل شيء المحاوله تحسب له...

رونالدو لما نحتاجه راح يظهر..وهذا اللي يميز كريس عن غيره ويجعله في القمه
هدفه بالامس مهم جدا له..مع إنه كان واضح انه ما عجبه الهدف..لكن على الاقل رجعت له الثقه شويه..

The Showstopper

أقرب وصف لقيته لـ هذا المتعجرف...

مو مسألة رميه للعلبه أو العرض اللي يسويه في كل مباراه..
لكن يا مورينهو بالرغم من انجازاتك اللي يحلم فيها أي مدرب..و تنقلك بين الانديه الكبيره والخبره اللي اكتسبتها
ولو مدرب ثاني مكانك كان اعتزل واكتفى باللي حققه...لكن....

بعد هذا كله.. فيك حماس باقي وحب للفوز الى الان...؟!
كثيرين سواء مدربين او لاعبين راح يقل حماسهم للفوز بعد تحقيق انجازات كثيره...
لكن هذا البرتغالي غير والله...حماسه ماشفته قل ابدا ولا في اي مباراه من مبارياته..
بالعكس اشوف كل ماحقق انجاز تزيد عنده الرغبه بـ تحقيق المزيد..
شيء رائع إننا نمتلك مدرب بـ عقليه مثل هذه..

بعد ماخلصنا من المباراه...نرجع لـ ثقافه عامه.. ونذكركم بـ اشياء يمكن نسيتوها مع الحماس

اللاعبين بشر...يتعبوا ويجيهم ارهاق...وممكن مايقدموا أي شيء اذا حملوا فوق طاقتهم..
اللاعبين بشر... يوم يكونوا في التوب..ويوم يكونوا "الله يستر"...شيء طبيعي والكل لازم ماينسى هذا الشيء

فريقنا باقي في عداد التجربه...الموسم طويل وراح نواجه مباريات أقوى مع ظروف صعبه..
لا تخلوا الحماسه والعاطفه تدفكم يمين و يسار...ابدع فلان رفعناه السما...خبص الله يلعنه من لاعب!
مو معقول كذا.. ولا حتى تدخل العقل بـ أي شكل من الاشكال..!

مثل ماذكرت المفاجأه بالنسبه لي كانت المباريات الاولى..والمستوى الغير متوقع واللي لايمكن ابدا تفسيره من الفريق
يعني عجزت بصراحه أجد تفسير واضح لأبداع الفريق في المباريات الاولى..!
لاعبين جدد..مدرب جديد صاحب تكتيك معقد... تاريخه يقول انه يحتاج الكثير من الوقت حتى يستوعب اللاعبين تكتيكه وفكره..

لكن مباراة الامس تقدر تفسرها بـ اشكال كثيره..لأن الامور واضحه و متوقعه اصلا..!
أنا اتمنى فقط الفوز في المباريات القادمه بـ أي طريقه كانت...المهم فوز وخلاص!
إن قدم الفريق مستوى رائع بـ ننبسط اكيد..وإن ماقدم مو مشكله..فوز إنت واللي بعده..

مثل ماقلنا..لازال الوقت مبكر على تقييم الفريق والمطالبه بـ لاعبين في الانتقالات

هذا ومباراه وحده سوت فيكم كذا.. الله يعيننا في هذا الموسم..

آلجني آلآزرق 9 · #4134 19/09/2010, 12:26 PM

صراحة ما كانوا بالفورمة بس اهم شي انهم فازوا

وراموس لاززم يشوفون له حل لانه اذا ما رجع لمستواه راح يكون نقطة ضعف

واحب اشيد بكاسياس لبا قلبه يبقى هو السبب الوحيد والاخير انه يخلي ريال مدريد يفوز

تقبل مروري

R U S T Y · #4135 19/09/2010, 12:56 PM

Night$Wolf

معليش لكن مو من عادتي ادخل بين اثنين يتناقشون

لكن نقطة كاسياس مثيره...

ما اشوف كاسياس يتحمل ولو جزء بسيط من الهدف...ليش..؟

إنت قلتها بنفسك..

إقتباس


	الكورة كانت سريعة وقوية وواصلة لين خط الستة

و أكدتها كمان هنا

إقتباس


	وبالنسبة غنه خرب التسلل فأشوف إن الكورة كانت اسرع من إنه يخلي تامودو متسلل

الكره فعلا كانت سريعه وقويه....إنت قلت إنه كارفاليهو ماراح يقدر يلحق على إنه يخليها تسلل..وأنا معاك
طيب تتوقع إنه فيه وقت إن كاسياس يقرر يخرج ويمسك الكوره أو يبعدها؟

اذا ماكان فيه وقت يسعف المدافع إنه يعمل تسلل...طبيعي مافي وقت يخللي كاسياس يخرج من مرماه حتى!
الكوره سريعه جدا...والحارس يحتاج يشوف الكوره ويقرر يخرج أو لا...بعدين اذا خرج راح يجري و..و..و انتا عارف الباقي

..

لو تشوف الهدف مره ثانيه..راح تلاحظ ان كارفاليهو كان مع تامودو..لكن مع مع اقتراب الكوره منه جاه تفكيرين

الاول توقع انها تسلل وقرر مايفعل شيء...الثاني حاول يتابع الكره أكثر من إنه يلازم تامودو
وبالتالي لا هذا القرار ولا ذاك...تامودو لقي الكره تخبط في فخذه وتدخل هدف....!

كاسياس ماكان بـ أي شكل من الاشكال يتوقعها تمر اصلا من بين رؤوس اللاعبين كلهم!
الكره سريعه ومو عاليه مره...لو كانت عاليه كانت راح تكون ابطئ وممكن كاسياس يقدر يقرر اذا يطلع او لا
لكنها منخفضه نسبيا وسريعه...كرات صعبه حتى على أفضل حارس اللي هو كاسياس...

لكني معاك في النقطه بشكل عام...إنه كاسياس بعض الاحيان يقرر خطأ ويختار انه يلازم مرماه بدلا من الخروج لإبعاد الكره..
لكن في هذه اللقطه اشوفها صعبه جدا لأنه مافي وقت ابدا لإتخاذ القرار بالاصل!

لك يامبدع إنت وجهاد

إقتباس


	مورينهو: النتيجة العادلة هي التعادل

يعجبني هذا الاسلوب...اسلوب يذكرني بـ كابيلو وطريقته في استفزاز لاعبيه..
بطريقة يعني إنت ولا شيء ولا قدمت أي شيء يستاهل..

يعني يا لاعبين تراكم ماسويتوا شيء يستاهل الفوز اصلا.. ولا تفرحوا وتفتخروا بنفسكم على كذا فوز..

بالطريقه هذه يجي للاعبين حافز موطبيعي ابدا للتعويض وتبييض الوجوه عند مدربهم

لأحد الاخوان اللي يقول ان مورينهو صافح الحكام وقال إنهم قاموا بعمل جيد..!

ما أتوقع إن المصافحه شيء يدل على اللي صار بالضبط بين المدرب والحكام...
ولا أعتقد إنه لما قال انهم قاموا بعمل جيد يعني كان يقصد مدحهم....

كلنا شاهدنا كيف كانت وتيرة الكلام بين مورينهو والحكام بعد المباراه...الـ Body language كان يدل انه فيه عدم رضى
المصافحه شيء بروتوكولي ولا شرط يعني تسلم على واحد يعني انك تطيقه

..

أول ماقرأت إن مورينهو قال ان الحكام قاموا بعمل جيد ضحكت..لأن اسلوب مورينهو معروف..
والحكم ابدا ماكان جيد في المباراه وكلنا شفناه كيف كانت نص القرارات مهي له للحكم المساعد

..

مورينهو راح يبدأ بالنقد في الحكام والاتحاد الاسباني...
بدأنا في موضوع المباريات وسوء جدولتها...وراح يبدأ شويه شويه يدخل في العميق...

ما أتوقع الموسم هذا يمر بدون ايقاف أو ايقافين لـ مورينهو

..
خليه ياخذ على اجواء الليغا وتخلص فترة الضياف اللي هي ثلاث مباريات

وبعدين خذوا قلة ادب من هذا الوقح

ولا عيب يقعد يهزء في الحكام والاتحاد و فترة الضيافه ماخلصت

..

FLORINTINO · #4136 19/09/2010, 01:24 PM

على قد ما كان الأداء سيء جداً في المتش .. لكن هالفوز له طعم ثاني

.. وهذا هو أهم شرط مطلوب عشان تنافس في بطولة طويلة مثل الدوري
تحتاج نفس طويل وتحقيق الفوز في اغلب المباريات .. وبما ان اللاعبين هم بشر في نهاية المطاف .. فالأكيد انهم من اصل 38 مبارة راح يكونـوا
خارج الفورمة 6 مبـــاريات على أقل تقدير .. وبداية المباريات السيئة جات مع بداية موسم وفريق لسى ما اخذ على بعضه .. لذلك اتوقع انه شيء
مقبول الى حد ما لـ الجماهير الواعيـٌة .

الفريق قدم ربع ساعة في بداية المبـارة بشكل جيد .. الي فرق ان سوسيداد خش فورمة المبارة .. قفل مساحات الأرتداد السريع الي يعتمد عليها اوزيل
و دي ماريا و رونالدو وكان مكون جبتهين هجومية قوية على الأطراف .. وهو الشي الي ضيع لاعبين المحور شوي من المتش .. خصوصاً خضيرة
الي استغربت ادائه هالمتش كثير .. استحوذوا على الكورة اكثر وعملوا خطورة على المرمى اكثر من مرة لأول مرة هالموسم .. لولا ان دفاعنا مميـز
وعنده خبرة كبيرة بتواجد كارفاليو كان ممكن نشوف هدف في الشوط الأول .

شغلنا الهجومي اقتصر على مهارات اللاعبين في الأحتفاظ بالكرة .. ما فيه لعبه على بعضها تقول هذي مرسومة او مخطط لها .. كله لـعب ارتجـالي
أكثر من ان شغل تكتيكي .. اللاعبين واجهوا قوة اندفاع بدنيـه خصوصاً اوزيل الي كان دايماً محـاصر بثلاث لاعبين يشتتوا انتباهه في مسألة تمرير
الكرة لـ زملائه .. لذلك كانت الكـرة دائماً ترجع لـ الخلف وبشكل مستمر .. خطتهم نجحت لـ الحد من خطورة وسط مدريد في صناعة اللاعب لكنهم
واجهوا مشكلة المهارات الي يملكها رونالدو و دي ماريا .

نقطـٌة لاحظتها في متش امبـارح .. لما يكون فيه شفت بين رونالدو و دي ماريا .. تكون فيه حوسة لو كان دي ماريا هو الموجود على الجهة اليسرى
مع مارسيلو بعكس لما يكـون رونالدو هو المتواجد هنـاك .. رونالدو متافهم مع مارسيلو بشكل كبير والخطورة الي كنا نشوفها كانت تجي منهم لمـا
يجتمعوا في ذيك الجهة .. بعكس رونالدو الي ما يحصل على مساندة كبـيرة من راموس .. حتى التفاهم بينهم شبـه منعدم .. وتوضح لكم من لقطـات
تكون الكورة مع رونالدو ويمررها والكورة تطلع برا لأن راموس ما وصل لـ موقع المساندة الهجومية في الوقت المناسب .. او حتى ما يكون متقدم لها

اخر نقطة عن المتش .. الهدف من وجهة نظري يتحمله كاسياس بنسبة 80% .. الـ 20% الباقيه لـ كارفاليو الي كان المهاجم في ظهره .. لكن خلينـا
نشوف الكورة قبل ما توصل المهاجم وين كانت ممكن تكون لو ايكر طلع من المرمى وضربه بـ ’ البقـٌس ‘ ؟! .. حتى لو كانت الكورة سريعه و قوية
ما تعفيه من المسؤوليه .. اجل لو شات عليه مهاجم كورة قوية في منطقة ممكن انه يصدها بنقول الكورة كانت سريعة وماينلام ايكر

.. الملامة اولاً
واخيراً على ايكر في الهدف .. الجزء الباقي على كارفاليو لأن المهاجم كان في ظهره بدون اي رقابة وكارافا كان اقرب مدافع له .

مدري كن الرسمي معطي الونسو افضلية مبارة البارح ؟! .. على وش بس !! .. اكثر لاعب رفع ضغطي في المتش هو تشابي وبدرجة اقل منه بشوي راموس
بأخذ الكلام عن تشابي أولاً .. من بداية الموسم .. لا لا من البري سيزون وتشابي الونسو موب خوينا حق العام .. مدري رقم 14 له لعنة على الفريق والي يلبسه
يصير مزاجي خخخ

.. ولا الولد صايرت له مشاكل عائليه .. ولا مصاب ومخبي على النادي خخ .. من جد الي يصيـر مع تشابي الونسو شي محير حتى
الآن .. لو بناخذ عذر انه حتى الآن ما انسجم مع خضيرة !! .. العام تشابي لعب مع لاس و جـاجو في فترات وما كان بينهم التفاهم الكبير ومع ذلك كنا نشـوف
الونسو يقدم نفسه على الأقل على المستوى الفردي .. لكن الآن .. تمريرات غلط وعشوائيه .. بطئ في التشتيت واذا شتتها تحس ان الباب قدامه وهو يمزع من
قلبه .. غير كذا واكثر شي يرفع ضغطي .. لما يقطع كورة يجلس يلف حول نفسه مرتين كذا ثم يمررها لأيكر الي ممكن يكون في وضعيه ماتسمح له انه يستلم
الكورة .. الونسو مختلف كثير عن الونسو الموسم الماضي .. الأسباب للحين ما لقينا سبب مقنع .. لكن نقول انها ان شاء الله فترة هبوط مستوى وبيرجع الفخم

.

Night$Wolf · #4137 19/09/2010, 01:45 PM

أسامة

معاك أبو يوسف

وش ذا البخل وردة وحدة بس لي أنا وجهاد

قبل كل شيء

أنا مقتنع أن كاسياس الحارس رقم واحد في العالم

و
حنا متفقين إن مافي لاعب فوق الانتقاد

حلو

إقتباس

الرسالة الأصلية كتبت بواسطة R U S T Y


	الكره فعلا كانت سريعه وقويه....إنت قلت إنه كارفاليهو ماراح يقدر يلحق على إنه يخليها تسلل..وأنا معاك طيب تتوقع إنه فيه وقت إن كاسياس يقرر يخرج ويمسك الكوره أو يبعدها؟ اذا ماكان فيه وقت يسعف المدافع إنه يعمل تسلل...طبيعي مافي وقت يخللي كاسياس يخرج من مرماه حتى! الكوره سريعه جدا...والحارس يحتاج يشوف الكوره ويقرر يخرج أو لا...بعدين اذا خرج راح يجري و..و..و انتا عارف الباقي.. كاسياس ماكان بـ أي شكل من الاشكال يتوقعها تمر اصلا من بين رؤوس اللاعبين كلهم! الكره سريعه ومو عاليه مره...لو كانت عاليه كانت راح تكون ابطئ وممكن كاسياس يقدر يقرر اذا يطلع او لا لكنها منخفضه نسبيا وسريعه...كرات صعبه حتى على أفضل حارس اللي هو كاسياس... لكني معاك في النقطه بشكل عام...إنه كاسياس بعض الاحيان يقرر خطأ ويختار انه يلازم مرماه بدلا من الخروج لإبعاد الكره.. لكن في هذه اللقطه اشوفها صعبه جدا لأنه مافي وقت ابدا لإتخاذ القرار بالاصل!

اقنعتني بنقطة كارفالهو وإن كان فعلا عنده تفكيرين يترك تامودو متسلل أو يكمل معاه

النقطة يكمل معاه لين وين؟
هم أصل في خط الستة، وين بيروح معاه بعد كذا
المفروض المنطقة الباقية لكاسياس

الكورة سريعة ومنخفضة نسبيا متفق معاك فيها
والكورة عدت رأس بيبي واللي معاه صح ممكن تفاجأ أي حارس

بس حنا نتكلم عن أفضل حارس في العالم
كور زي هذه ماتمر عليه، على الأقل يعمل حساب خطأ في التغطية
على الأقل يتحرك من مكانه شوي
انت تدري لو كاسياس متحرك بس متر واحد من مكانه كان قدر يصد الكورة
مشكلته إنه نوى يتحرك بعدين وقف مكانه

أعرفه اكثر مايميزة سرعة استجابته الخورافية

وهذا اللي خلاني استغرب جموده في الكورة

وصار عنده تفكيرين زي كارفالهو

اتحرك والا ماتحرك

إذا كان كارفالهو يتحمل خطأ التغطية على تامودو
فكاسياس يتحمل خطأ إنه ماتحرك ولا تصرف

منطقة خط الستة هذه ملك للحارس
يتحرك ويتصرف فيها مثل مايبي وأي تدخل منه واحتكاك مع لاعبين الخصم غالبا بيحسب له خطأ

هذه كورة في مباراة والحمد لله عدت بخيرها وشرها

الأهم من هذا كله
إن هذه موب أول مرة من كاسياس
حتى في الأعوام السابقة
معظم الأهداف اللي تدخل في كاسياس من عرضيات
دائما نحمل الدفاع خطأ التغطية
بس حتى الحارس له

لاحظ حنا دائما نعاني قدام اشبيلية بالذات في النقطة هذه
لأن لعبهم كله عرضيات
واللي يجيب فينا أهداف أقصر خلق الله

نافاس وريناتو بالذات

تخيل نلعب ضد كلوزه او دروجبا
كيف بيصير الوضع؟

اشوفه عيب في كاسياس من زمان وماهو من مباراة أمس وبس

بس يمكن زي ماقال جهاد

ماتحملت خطأه مع كارفالهو وحطيت حرتي فيه امس

وأنا عارف قلب كاسياس كبير ويتحمل انتقادي له

باقي كلامك عن المباراة فأنا معاك في معظمه

لك

كيف الكرم بس

لاحظتم لقطة مورينهو يوم يرجم قارورة المويه
أكثر شيء شد انتباهي اللي قاعد جمبه ابو شعر طويل
ولا خاف ولا رفع يده يحمي وجه ولاحتى رمش

إما إنه متعود يترجم

او إنه مايحس

راجعين

Madridi · #4138 19/09/2010, 01:50 PM

باولو بينتو مدربا للمنتخب البرتغالي
مورينيو : ’’ لا افهم لماذا لم يتم الاجتماع وانا سأقضي 10 ايام في عطلة ! ‘‘

البيض ينامون الليلة وهم متصدرون ( بإنتظار مباراة اتلتيكو وبرشلونة )

إنقلاب الصدارة

الاعب الايسر دي ماريا يسجل هدفا رائعا بيمناه

تامودو عدل النتيجة للباسكيين في مباراة عظيمة لهم

كريستيانو يعلن عن اول اهدافه هذا الموسم بركلة حرة

مورينيو تم استقباله بالبصق ويقول بصراحة : ’’ الحكم هو الافضل في اللقاء ‘‘

مورينيو يقوم بردة فعل عنيفة برمية لعلب المياه في الدكة

KUN AGUERO · #4139 19/09/2010, 01:52 PM

ألبيول يعود للتدريبات وممارسة الكورة بعد الإصابة

عاد المدافع راؤول ألبيول إلى التدريبات وممارسة الكرة في الفالديبيباس , ويعود ألبيول للتدريبات بعد أن تعرض للإصابة في كاحلة بالمباراة الودية أمام فريق ستاندر لييج في شهر أغسطس ,وقد قام زملائة اللاعبون بإستقبالة بحفاوة كبيرة .

وكان الجميع سعيد في التمارين بعد الفوز في المباراة الماضية (1/2) وبعد عودة زميلهم المدافع ألبيول .

خضيرة الذي أنهى مباراة الأمس وشعر بعدم الراحة إلا أنه كان متواجد في التدريبات .

http://www.marca.com/2010/09/19/futb...284889503.html

,,,,,,,,,,,,,,,,,,

صور التدريبات من الرسمي

طبعاً خبر الرسمي مافيه شيئ مختلف بخصوص التدريبات إلا إن اللاعبين الي شاركو(أساسيين) أمس تدربو مع مدرب اللياقة تدريبات لياقية .

واللاعبين الي كانو في الإحتياط تدربو التدريبات الإعتيادية أبرزها تقوية العضلات وتدريبات مع الكرة.

http://www.realmadrid.com/cs/Satelli..._el_cesped.htm

Royal Lover · #4140 19/09/2010, 02:47 PM

مبروك الـ 3 نقاط والفوز الثاني .. 3 نقاط كانت مهمة جداً للفريق وفي هالوقت بالذات الفريق كان مضغوط من
الجماهير والصحافة ومطالب بالفوز دائماً وفي كُل المباريات وماننسى الخصم العنيد اللي نشف ريقنـا مثل ماكنت
متوقع مباراة كانت صعبة جداً علينـا وغير كذا الفريق ما ماكان بالمستوى والفورمه ! لكن مو مهم المستوى في
الفترة هذي .. المهم هو الفوز وحصد النقاط الكاملة بعد 7 أو 8 جولات نقدر نطالب بمستوى ونتيجة بنفس الوقت ..
بالنسبة للشوط الأول للأمانة ماشفته إلا آخره تقريباً في الثلاثينات وماقدر أحكم من خلالها على الريال بـ هالشوط !
لكن الشوط الثاني الفريق ما كان بمستوى جيد وأستطاع سوسيداد مجاراة الريال وإقفال جميع الإمدادات للهجوم أوزيل
ماشفنـاه بالمباراة كان مختفي وغائب تماماً عن الشوط الثاني .. دي ماريا من الأطراف حاول أن يخترق في بعض
الهجمات وحاول بعد يعرض كذا كوره للأمام .. رونالدو ما أدري بس غالباً اذا مسك الكورة على طول سددها ؟! وأيّن
كانت الوضعية اللي مستعد لها للتسديد لأن فيه بعض الكور من المفترض أن يمررها لدي ماريا أو أوزيل اللي كانوا
فاتحين له .. هدف سوسيداد فيفتي فيفتي بين كاسياس وكارفالهو ! كان بالإمكان أن إيكر يطلع ويشيل الكورة برا
منطقة الجزاء أم كارفالهو ما غطى تامودو بالشكل الصحيح وما كان متمركز بالشكل المطلوب منه لتغيطة المهاجم .