إقتباس الرسالة الأصلية كتبت بواسطة عاشق أبداع الفيلسوف إستفسار الحين سمعنا إن كاسياس حصل على جائزة القفاز الذهبي كأفضل حارس بالعالم وفورلان أفضل لاعب ومولار الهداف وأفضل لاعب واعد,, ^^ أبي أعرف الحين الجوائز ذي ,,,إسم جائزة بس ولا راح يكون فيه تسليم للجوائز؟

راح يكون فيه حفل وتوزع فيه الجوائز وهذا الحفل راح يكون مع حفل قرعة ابطال اوربا
وحفل توزيع جوائز افضل الاعبين في دوري الابطال وكاس العالم ..

طبعأ كلامي وارد فيه الخطآ والصواب ..

ثامر حبيبي ..

موضوع غاغو ان الاعبين الي بجانبه هم سبب عدم تطوره ابدا لمده 4 سنوات مااخشت في بالي ! .. وبعدين حتى الاعبين الي كانوا جنبه مهو بجحلط ابد ! ..
انا اتكلم عن ممادو ديارا احد افضل المحاور الدفاعيه في وقتها .. اتكلم لك عن ايمرسون ومن ماايعرف ايمرسون ابد ماايعرف شيء في عالم الكره يدعى بالجندي المجهول او حتى شيء اسمه محور وخاصه انه كان من الافضل في مركزه ! ..

يعني الاعبين الي عاشرهم غاغو مهو بجحلط جحلط حتى وان قلت الفتره وتتابعوا المدربين واختلفوا الاعبين الي بجانبه ! ..

وحتى سالفه موضوع لو ناخذ كل لاعب بحدا .. ترا الشيء ذا ينحسب على غاغو ومهو عليه ..
الاعب ذا مفروض يااخذ درس في تطوير المستوى بذكاء من الاعب هيغواين ! ..

لاحظ تطور هيغواين كيف .. رغم انه تتابعوا عليه المدربين برضو واختلفوا عليه الاعبين وكمان كان في الدكه ! .. ولكن لاحظوا كيف تطور ! ..
من لاعب ماكان يستطيع التسجيل الى اكثر لاعب مسجل اهداف في الفريق مع رونالدو ! .. ومع انه كل سنه تسحب من الثقه يرجع يطور نفسه زود يرجع الثقه ذي مره ثانيه وهذا الي حصل معه السنه الي فاتت مع ان المنافس كان بن زيما ! ..
الاعب ذكي عرف ان الفريق ماايحتاج الى مهاجم يمرر ويعدي ويلعب بشكل جماعي ولا يكون طماع .. عرف ان الفريق يبيله هداف يسجل ثم يسجل ثم يسجل .. رجع وطور من مستواه التسجيل الين سدح بن زيما في الدكه ! ..
موضوع ان الي جنبي ماايساعد مره ماااش وخاصه ان هيغواين كان جنبه اكثر لاعب كاارهينه والي هو راوؤل ! .. ومع كذا عرف من اي ناحيه يتطور وطور من مستواه ..

يارجل هيغواين اكثر لاعب ممكن عاش موضوع سحب الثقه وثم ارجاعها ! .. يااارجل لدرجه ان مااردونا مااكان مقتنع فيك .. وكمهاجم ! احد اساطير الكره مهو مقتنع فيك كلاعب يحبطك .. ومع كذا رجع وطور من نفسه الين اقنع الحشاش ! ..

زبده الكلام ان غاغو موضوع تطوره صحيح انه ممكن تكبل او بطئ منه بس ذا مهو عذر انك تكوون تلعب 4 سنوات في الفريق بدون اي تطور ملحوظ ابد !!! .. ابد ماافي تطور زيه زي ماجاء زي مااهو !!

وللمعلوميه .. سالفه الضغط وانه خليفه ريدوندو وانه ميقا ستار.. الموضوع ذا ماكان ضااغط عليه كثر ماانه كان حافز له ..
وكفكر لاعب وجمهور ! .. ضغط عن ضغط يفرق ! ..
ضغط جمهور الريال على ايمرسون مثلا او حتى كنافارو غير عن ضغط جمهور الريال لغاغو ! ..
ضغط ايمرسون مثلا كان تنتيف فيه المسكين مع انه احيانا يستاهل خخخ .. بس بالنسبه لغاغو لا كان الجمهور مساانده لاأبعد درجه حتى اني اذكر ان اول مباره له في السنتياقو تقريبا كل باص صحيح الجمهور يصفق عليها هههه وش تبي من دعم اكثر من كذا خخخخ ( الظاهر المباره كانت ضد سرقسطه اذا ماخاب ظني ! ) ..
يعني عموما الاعب كان يلعب كثير ومسنوود ومشجع من الجمهور .. حاجتين تخليك مستواك يتطور غصبا عن امك الا اذا كنت لكيع وعاجبك مستواك كذا ! ..

بنظري ! .. الاعب ماااتطور حتى بنسبه 10 % من مستواه لا بدنيا ولا فكريا ولا تكتيكيا ! ..
حاجات فيه ماايحتاج الى من كان جنبه ومن كان معه ومن كان مدربه ! .. حاجات في تطور المستوى والاسلوب الي تتطور معك مع تعداد المشاركات والبطولات الكبيره ! ..

وبالنسبه لي غاغو في مدريد ماكان مضغوط بضغوط مدريد الي تهلك الواحد ! .. الا كان مساند من قبل المدربين والاداره والاهم الجمهور ( طبعا قبل ماايفصلوا عليه زي ماافصلت انا عليه ) ..

عموما الموضوع ترا ماابنوصل بشيء منه .. والي بووصلنا بشيء منه موسمه الجاي مع مورينهو ..

يااايبدأ بدايه جديده ويتطور مستواه مع مورينهو .. يااالاعب مقلب شربنااه زي الحلوين ماابه كلام ..
الجواب لا بعرفه لا انا ولا انت .. الموسم الجاي بيحكم فيه ..

وكزبده وجهه نظري الطويله خخخخ ..
غاغو فيه موهبه .. بس انها اخذت وقت كثير ! .. وكمنطق مدام الموهبه ماانفجرت او حتى تطورت وهي مدعومه وتلعب كثير .. فالمنطق يقوول انها ماابتنفجر من القعده مع دوديك في الدكه ..
لكن لبرائه الذمه نعطيه موسم مع مدرب كبير ولاعبين كبار ! .. ياايبدع ياانغسل ايدينا منه ..

وبالنسبه لموضوع اننا بنندم عليه .. اشوف الي زي غاغو منه كثير في السوق ! ..
لا هو بأيتو او حتى شنايدر او حتى روبين او حتى ماتا او ورعان كانوا عندوا زي سيلفا او انيستا .. وحتى الاسماء ذولا من زود مااحنا مطاانيخ ولا يعجبنا شيء وفينا طلاقه محنا بندامنين عليهم الندم الي مره شوي نقطع انفسنا عليه .. وكمنطق مدام ماابكينا على ذولا اكيد ماابنعبس على غاغو خخخ ..

شكرا على حسن الاستماع خخخ .. احبك يا El Blanco_7 .. ماافي امل تنادي احد بأسمه خخخ

اسف غيابي اجباري .. ولكن ان شاء الله لنا عودة قريبا

ابو دحه سلامة الوالدة الف سلامة والله يقومها بسلامة ويطولكم بعمرها

ثامر البلانكو 7 .. بعد رد جاجو .. ( الصمت في حرم الجمال جمال )

كولاروف لم يوقع للسيتي وفيه حرش قريب من الريال .. اللاعب تلفن لمورينهو .. وموري طلب منه يومين ..

كارفيلو بمنطق رفيقنا اقرب من ديفيد لويس

مورينهو قلق من عدم انسجام قلب الدفاع الجديد لذلك لا يريد الاستعجال

اذا الله اراد رجعنا .. فتى بريدة وحشتن وينك وصلت بالسلامه نفس الكلام ابو يوسف وابن الخطاب طمنونا عليكم

معليش بس أبي اخش عرض بموضوع قاقو

إقتباس الرسالة الأصلية كتبت بواسطة قاهر الظروف جاجو مع منتخب شباب الارجنتين ضد البرازيل . .

هذا الشي مايحسب له يحسب عليه , وزي المقطع اللي نزله نزله ثامر لمساته بالكلاسكو
هذا عيبه أنه مطفووق ويهجم ويترك وراه مساحات تحرج المدافعين ولا أنسى مباراة الاتلتكو
اللي كانت بموسم 2009 وانتهت 1-1 جاب هدفنا هونتلار , قام يخوره ابو الشباب ومسوي فيها صانع العاب
ويعدي الظاهر يحسب موقعه حر بالملعب , والمشكله الثانيه أنه يدفع كل جسمه للاعب يعني عليه دخلات مالها داعي
وسهل ينسحب وفيه ثقل بالمرونه لما يمسك الكوره تحسه انه ثقيله حركته وهذا غير ضعف بينته الجسمانيه
انا صراحه يمكن أكون غلطان بكلامي بس وين الموهبه اللي تتكلمون عنها ؟! انا مدري اللحين وش موقعه بالظبط
اذا قلت محور هجومي يحسب له الايسيسات بس اما غيرها مافيه شي يميزه واذا قلت محور دفاعي ما اظن انه زي محمد أو خضيره
يعني لاعب اخذ فرصته وزياده كمااااان خروجه من الفريق مفيد مالياً ومفيد كـ ضمان مقعد للدكه لأحد الشباب او الكبير ديارا
اللي بيعطي اضافه للفريق متى مادخل , مو يدخل بالملعب تايه ! تلقاه يركض ورا الكوره لو كانت عند حارس الخصم .!

عـ العموم أتمنى يكون كلامي غلط
وأتمنى انه قاقو يفاجئ الجميع مع جوزيه


جهاد

^^

بالنسبة لنقاش قاقو .. اسمحوا لي اخش معاكم مع ان الشباب ماخلوا شي ماشاء الله عليهم


قاقو كـ موهبة محد يقدر ينكرها ابداً عنده المهارات اللازمة انه يكون محور هجومي جبار , تمريراته رائعة , جهده ممتاز جداً ولسه صغير .. صحيح انه كـ محور دفاعي مااعتقد عنده القدرة اللازمة انه يشغل هالمكان
وعذر تغيير المدربين زي ماقال عبدالاله , مش بسيط ابداً
لو شفنا هيجواين كان يطقطق مع الرود وراؤول اثنين من افضل رؤوس حربة مرت على تاريخ الكرة بشكل عام , تعلم منهم , اول موسم كان مجهود ومراكض بس مافيه فينشينق وتجيه ام الركب اذا قابل الباب , تعلم من الاثنين اللي عنده وصار من افضل مهاجمي الريال على مدى طويل وصار التسجيل عنده تذوّق ومتعة .. صار يلعب بثقة ويسجل اهداف تستمع وانت تشوفها
مارسيلو من جهة اخرى لاعب مهاري , ماتطور بشكل كبير في مركز الظهير لكنه ابدع في مركز الجناح , استفاد من مهاراته وقدر يطوّر نفسه بعقليته هو

من ناحية قاقو , لاعب مركزه حساس ومهم جداً , تعاقب المدربين عليه وفلسفة كل مدرب تختلف , وللأسف مااستفاد من وجود كابيلو وياليته يستفيد من وجود ألونسو , اذا كان من اهم مميزات الونسو التمرير .. قاقو هنا لقى له قدوة يقدر يتعلم منها , موسم كامل وانت تلعب معاه .. المفترض تستفيد منه .. المشكلة انه ماجاته الفرصة حتى الآن انه يبين مستواه وهل فعلا استفاد من وجود الونسو معاه او لا
جسمه نحيل , مو ذاك الزود في الالتحامات .. مركزك محور
ليش ماتشتغل على نفسك من ناحية القوة الجسمانية
امس انا وعبدالله بنزيما .. نسولف عن نقطة ان كاناليس زاد حوالي 8 كيلو عضلات من تقريباً 6 شهور , لاعب ذكي عارف بنحوله جسمه وانه مستحيل يمشي بالفريق بدون مايقوي جسمه .. وزي ماقال عبدالله اقنعني بمسألة ان مورينيو يحب اللي يركض كثير .. بفايدة مهوب زي درينثي .. ليش قاقو مايشتغل على نفسه بنفسه من هالناحية
وبالحكي عن دريثني .. البارح اقول للعيال اللاعب موهبة جبارة رجله قوية وسريع ومهاري ولساته صغير .. بس مشكلته الثقة بالنفس .. خصوصاً بعد إنفرادته في فالديز اللي ضيعها وضاع مستقبله معاها .. فقد الثقة بشكل كبير.. لو مورينيو يشتغل على هالجانب زي ماهو معروف عنه بإهتمامه بالجانب النفسي للاعبين .. صدقوني بنكسب لاعب ينفعنا للمستقبل وفي مركزين " الظهير والجناح "

عموماً .. جلسه قاقو انا مرتاح له وفعلاً كنت ابي اللاعب يجلس مايطلع , لانه مهما كان لاعب عنده القدرة على التطور في ظل وجود مدرب كبير زي مورينيو ومتأكد ميّة في المّية انه قادر يبرز قاقو بشكل افضل من المواسم السابقة

المهم بعد الأخبار عن استبعاد فكرة التعاقد مع مايكون
اتمنى الإيتاء < جهاد هههههههههه
بجد اتمنى جلب قلب دفاع بطل , والاهم انه يكون ليدر , كارفالهو موب شين ابد وقيمته معقولة جداً اذا اخذنا بالاعتبار عمره 32 سنة لو جبته بـ 5 مليون كما يشاع بان هذي قيمته
تقدر تجيب ظهير ايسر بحدود باقي مبلغ مايكون المفترض ( 15 - 20 مليون )
هنا تقفل دفاعك بشكل كامل وترتاح لهم

عوافي ياعيال مستمتع جداً بالنقاشات

سلاام

بيلجريني تلقى عرضاً لقيادة منتخب المكسيك.

مانويل بيلجريني مدرب ريال مدريد السابق و المقال بسب إحتلال الفريق المركز الثاني في ترتيب الدوري خلفاً لبرشلونة والفشل الكبير في كأس ملك اسبانيا وفشلة في دوري أبطال أوربا.

وقد قال المدرب بيلجريني بأنه يرغب بالإستمرار في التدريب في أوربا ,إلا أنه مؤخراً جائه عرض بتدريب المكسيك و الأرجنتين.


المكسيك بحاجة إلى مدرب بعد إستقالة المدرب خافيير أغيري , ومن الممكن أن يكون بيلجريني مدرب المكسيك.

http://www.as.com/futbol/articulo/ma...sdasftb_39/Tes

(الخبر بتاريخ أمس)