إستفتاء الماركا ..

ابوأصيل صباح الخير

بما إننا فاضين الصبح وش رأيك نفتح موضوع أجويرو ؟

شف الفترة اللي فاتت كنا نقول مورينهو أبخص .. ولا زال مورينهو أبخص

لكن أحس إننا بنشتري أجويرو عشان نشتري وبس

خلاص تعودنا كل موسم نشتري .. كويس مو كويس مايهم المهم ندخل الميركاتو ويكون لنا النصيب الأكبر من كعكة الإعلام

أنت ذكرت مميزات أجويرو .. طيب نكون شوية منصفين ونذكر عيوبه

حنا مانبغى نطير بالعجة .. لازم نذكر وش له وش عليه .

أجويرو ماعنده إرتقاء

أجمل أهداف أجويرو مع الأتليتي يوم يكون محتفظ بالكورة من نص الملعب تقريباً
يعني بتخسر ميزة التواجد داخل الــ18

أنا ماشفت مباريات كثيرة لــ أتليتكو
لكن المباريات اللي شفتها للكون ماأحس فيها إنه لاعب حسم

من ضمن عيوبه هو رحيل مؤكد لواحد من إثنين ( البنز او هجواين )

========

على النقيض لو بغيت تجيب الفيل الإيفواري

إن بغيت طول متوفر
إن بغيت إرتقاء متوفر
إن بغيت مساند وقت الركني علينا برضه متوفر
إن بغيت بشرة كمان متوفر

وفوق هذا
في التعاقد مع دروغبا ميزة حلوة للفريق
ماراح تخسر البنز أو هجواين
لأنهم يعرفوا إن هاللاعب ماراح يكمل أكثر من سنتين بعكس أجويرو اللي بيعسكر عندنا خمس سنين
يعني وجود دروغبا يعطي البنز وهجواين فرصة للإحتكاك + ضمان للمستقبل

أرجع أقول لك بكل الأحوال .. مورينهو أبخص
وبالنسبة للفيلا اللي شراها .. هذي حركة عشان يمهد الخبر لجمهور الأتليتي
ولو ماجاء للريال .. ترى الموضوع عادي ثاني يوم يبيعها
يعني مسألة شرائه للفيلا ماهي قضية

أنا كنت بأتحمس لأجويرو في حالة واحدة
يطلع ويقولها رسمي .. أنا أبغى الريال .. وقتها بيكبر بعيني
أما يطلع ويقول : الكل يعلم أين سأذهب الموسم القادم
والا يقول أديداس ماراح توقع معاي لين ألعب في دوري الأبطال
والا يطلع مارادونا ويقول اجويرو سيلعب للريال
كلها ماتوكل عيش
أبغاه هو بنفسه يطلع ويقولها .. رضى من رضى .. وزعل من زعل



إسمع هالسالفه
حركات أجويرو هذي تذكرني صراحة بأنور السادات وتحالفه مع جمال عبدالناصر
يوم من الايام قرر جمال عبدالناصر الإنقلاب على محمد نجيب
وإتفق مع أنور السادات ( في حزب الضباط الأحرار ) على ساعة الصفر
يوم الإنقلاب كان السادات وزوجته حاضرين فيلم في سينما
عمل مشلكة مع واحد من الجمهور وكبر الموضوع لين وصل لقسم الشرطة اللي حرر محضر
الساعه واحدة طلع السادات من القسم مبسووط
على الطرف الآخر نجح الإنقلاب ... راح لجمال وقاله أنا كنت في قسم الشرطة وإذا ماأنت مصدق روح إسأل

هدف السادات من هالحركة :
لو نجح الإنقلاب أنا معاكم لكن صارت لي مشكله أخرتني شوي
لو فشل الإنقلاب أنا مالي دخل حتى إن ليلة الإنقلاب أنا كنت في السينما
يعني في الحالتين ماراح يلحقه ضرر

هذا اللي يسويه معانا أجويرو
إذا إنضم لمدريد قال أنا معاكم أنا شاريكم
وإذا ماإنضم قال أساساً أنا ماصرحت .. كل الأخبار اللي طلعت إشاعات ميركاتو


لك المايك

إقتباس خطة في غاية الدقه من مورينهو للوصول لـ أعلى مستوى للفريق في نهائي كأس السوبر ضد برشلونه مو والسرعه القصوى اول 12 يوم " الحريه والراحه و تنظيم وجبات الطعام والشرب " يوم 13 " اسبوع كامل من التدريب والتمارين الرياضيه ، 300 مرة تمرين رياضي يومياً " يوم 20 " ممارسة السباحه و كرة التنس والسله 2 يوليو " شاهين سيصل مدريد قبل اللاعبين باسبوع "

ياناااااس أحبه والله يا إنه ناوي شر ذا الموسم احس الله يعينه ويقدره بس ونجيب العشاريه مو السداسيه ( حتى لو نطلع القاب جديده هههه )

إقتباس اقويرو __ كوينتراو

كما قلت سابقا الصفقات اعتبرها منتهيه والسبب الرئيسي رغبة اللاعب + سحر المو يعني مجرد مسألة وقت

إقتباس بيدرو ليون يقول لا لليفربول البايرن ميونيخ والسبيرز توتنهام أيضا مهتمان باللاعب

لاعب موهبه والله موهبه تذكرون لقاء الميلان لبى قلبه
تصريحه حلو يبي يثبت نفسه مع الفريق بالرغم من المواهب الموجوده
لكن وقته جدا بايخ وغلط .. يعني المو بكبره قالك احسلك جنب + مواهب قويه و..و.. أو بأكتفي بقول أنها أجهز منه بكثير راح تحصل فرص اللعب أكثر منه اكيد
اتمنى يطلع اعاره

إقتباس جاجو من الواضح أنه سيستمر في مدريد

صحيح المو يبيه ويحبه بس هذا اول ايام طفرة اللاعبين
اكيد التصريح مجرد للضغط على الشارين ورفع السعر

إقتباس ريال مدريد هو الفريق الاكثر فوزا بالبيتشيشي

ديستفانو 5 مرات __ كريس مره واحده

من يراهن على كريستيانو أنه يتعدى فوز بالبيتشيشي أكثر من ديستيفانو في الموسم القادم بس

إقتباس نوري شاهين

راجع من إصابة وخايف يروح عليه مكانة خصوصا اول تدريب له اثر نفسي على المدرب
بيرجع قبل الشباب بأسبوع رغم انه شفي من اصابته ( أحب روح التنافس الشريف )

إقتباس حسين ياسين على صفحته في فيس بوك الكثيرون يسألون عن نايمار, لا شيء اضيفه, اكرر نايمار سيكون لاعبا في ريال مدريد

كأنه عصب ( كأنه شاف النقاش الي هنا عن مصداقيته ههههههه )

إقتباس صور زيارة كرستيانو رونالدو إلى تركيا

الحمد لله على الوصول سالم غانم مرتاح مروق

إقتباس لعب مسعود أوزيل في هذا 63 مباراة، وهو افضل رقم شخصي في مسيرته

الموسم الي راح رغم الظروف الي جت لكن اكثر من لاعب كان له انجاز شخصي رائع ومنهم اوزيل سواء باللعب او بالتصليحات من هالحال وطالع ان شا الله

إقتباس رايد + ابو محمد + بدر = ابدااااااااااااااع

شهاده بصمتها على صدري ( كناية عن الاعتزاز بها )

[QUOTE]@ مورينهو يرسل بالفاكس سي في دكتور برتغالي [/QUOTE]

ما عندي معلومات عن الاطباء .. بس دام بيجي أحد زود عن الكديش الي عندنا هذا بحد ذاته شي حلو ( فما بالك من طرف المو )

إقتباس برونزتي :: مايكون لن يكون بالريال الفلورو لا يحبه وسيبقى انتراوي 100٪

صفقة لو جت أكيد حلوه لكن لو ربي كتب وفشلت ما أتوقع الريال راح يتأثر .. أتمنى يجي بأرخص سعر خصوصا مع مستواه الزفت الموسم الماضي + العمر

إقتباس دريرنثي منحاش الادارة تحاول الاتصال به ولا يوجد وسيله لاس يتلاعب غاغو طلب النقاش قبل الانتقال غاراي انتظر صفقه كونتراو ان لم يكن بها سيكون بفرنسا بشكل كبير فعروض الاسبان هزيله ولم تحبذها الادارة ليون يصر ع البقاء مع علمه بعدم المشاركة كاناليس اما ان ابقى او للبيع دون الإعارة

درينثي = باع عمره وباع الي كانو يبونه عقب تصرفاته مع هيركوليس ( قاهر الكامبنو )

غاغو = أتمنى بيع مع خيار اعادة الشراء خلال الموسمين ولبوكا بين اهله وفريقه السابق

غاراي = اعاره موسم وبيرجع بدال كارفا

ليون = تكلمت عنه

كاناليس = نفسيا احسه متحطم وتصريحه يدل على ذلك .. بيع مع خيار اعاده شراء

للللللللللللللللأسف مافيه أي خبر او معلومه عن البيول

إقتباس 30 يونيو سيستطيع الريال فك كسر عقده

قالوها الشباب تياقو ( رغم انها كانت على طرف لساني ههههه )

راح تكون صفعه ما بعدها صفعه أقوى من صفعه فيقو لان ذي الصفعه نتكلم هنا عن صفعه موهبه شهد لها العالم مستقبلا كبير كبير كبير حتى أن الجماهير رفضوا فابري إذا كان بيكون السبب في ذهاب تياقو يعني صفعه بنت ستة وستين صفعه

^^ كم صفعه ذكرت ^^