اممممم ... ما ادري هل اقول مبروك التعادل والا هاردلك
لكن انضباط ممتاز جدا للفريق قبل طرد الخيخة البيول اللي هنا اقول مورينهو اخطأ في
انه لعبه ولا نزل راموس في القلب واربيلوا ظهير ايمن من البداية .
قابل هذا الانضباط سوء في تنظيم المرتدات ولعب كرات طويلة بعضها كان عشوائي
بالاضافة الى الاناني السيء جدا اليوم ديماريا وهنا خطأ على مورينهو انه طلع بنزيما
ودخل اوزيل والمفروض يدخل اوزيل بدل ديماريا ويصبر شوي وعلى حسب الاوضاع
يدخل اديبايور اللي ضيع فرصتين وبرهن عن امكانياته المحدودة خصوصا في اللعب
السريع على الارض .
اوزيل يوم دخل عرف كيف يمسك الكرة ويعطي الفرص لزملاؤه دخل اللاعب الخلّاق
وهذا اللي كان ناقص الريال في غياب صاع اللعب ومع دخوله اصبح الفريق في الشكل
الهجومية افضل
فرصتين لرونالدو محققة الاولى من الركنية والثانية من الكرة الثابته كانت كفيله بفوز
الريال ربما واكتساب ثقة كبيرة جدا للفريق اذا افتتح هو النتيجة .
بالنهاية مع طرد الخيخة المبكر والفرص اللي ضاعت للفريق وعدم الاستفادة من الكرات
الثابته المباشرة او المرفوعة ارى ان النتيجة ايجابية للفريق وكسر انتصارات البرسا
المتكررة في آخر خمس لقاءات وان شاء الله تنكسر الرهبة عند الفريق الموجودة .
بنزيما توه جاي من اصابه صعب تعتمد عليه وحتى كاكا وهيقوين راجعين من اصابه طويله بغض النظر عن اسم اللاعبين المباراة صعبه اديبايور كان الاجهز انه يلعب صحيح انه اسوء الموجودين بسبب ظرف سرعة المباراة واعتماد الريال على المرتدات لكن هو الاجهز بهالوقت
اليوم فرصة كرس اللي طلعها ادريانو والفاول اللي بالقائم لو جت تغيرت المباراة 180 درجة
شي موب طبيعي بيبي اليوم / سبب ازمه لـ وسط وهجوم الخصم ..
في كل مكان تلقاه , يندخل بكل قوه " ع الكوره " ويقطعه بدون اي خطا ..
توظيف مورينيو له في هـ المكان , عطانا قوه في الوسط .. وضعف في الدفاع للاسف
دام فيه عاهه اسمه البيول ..
الفريق كان ماشي من احسن ما يكون , اداء تكتيكي عالي في الشوط الاول ..
وكمل هـ المستوى في الشوط الثاني , لكن الطرد لخبط اوراق مورينيو .. مع كذا
قدرنا نرجع ونسجل / وكان من الممكن نضيف الثاني ,
لكن اليوم ما فيه حظ + توفيق ..
/
مورينيو استفاد من مباراة الدور الاول كثير ..
وشفنا شلون قدر في مباراة اليوم , انه يقتل لعب البرشا , ويعطل مفاتيح اللعب لهم ..
مباراة اليوم , عطتنا دافع نفسي ومعنوي قوي لـ باقي المواجهات ,
كونك تلعب بـ 10 من بداية الشوط الثاني , و لعبك مثل ماهو / وقدرت ترجع وتحرج الخصم
وكان بـ امكانك تسجل الثاني ! , كله امور تخلي الفريق يتفائل في المرحله المقبله .. خصوصا " الابطال + الكاس "
/
نقطة تحول في مستوى الفريق , دخول زيدان
دي ماريا , كان مفيد لـ الفريق تكتيكيا / بالذات في الجانب الدفاعي ..
لكن اداءه الهجومي كان صفر .. وبما انك خاسر ومطرود منك لاعب
شي طبيعي من مورينيو يترك اللاعب الي يفيده تكتيكيا في الملعب , الي هو دي ماريا
مسعود اضاف لـ الفريق كثير في المباراة
نزوله كـ ورقه رابحه , لخبط اوراق بيب .. وشفنا شلون تحركاته بكوره وبدون كوره
في المجمل العام :
الفريق قدم مستوى فني حلو .. يخليك تتفائل اكثر في المباريات الجايه
ومثل ما قلت , دام مورينيو نجح تكتيكه اليوم بشكل كبير , بـ نشوف الملكي بوجه غير ان شاء الله
هاردلك التعادل , مباراه فرصه هنا وفرصه هنا , صحيح برشلونه استحوذ على الكوره كثير بس بالفرص مافيه مقارنه كنا الاخطر وضيعناها خصوصاً كوره اوزيل باخر المتش المفروض يسدد بعرض الملعب لان الاعبين متجمعين على خط المرمى , افضليه المباراه اعطيها للنمسيس بيبي رجل رجل رجل ولعب رجولي يدافع ويهاجم ويقطع كور كل شيء سواه بالمتش اليوم , يستاهل التجديد اساسا من دون هالمباراه وهو يستاهل اجل شلون بعد هالمستوى ؟ بتعطيه دفعه معنويه كبيره اذا تم التجديد وبنكسبه سنوات قدام , الفريق اليوم بالشوط الاول كان ماشي تمام مقفل دفاع ومافيه مساحات حتى ان لاعبين برشلونه صارو يلعبون كور قصيره بمناطقهم يحاولون يسحبون الفريق بس ما قدرو ومع اننا مقفلين الى ان مورينهو كان يلعب على المرتدات شفنا الفيس وادريانو يتقدمون بسبب ان فريقهم مسيطر ويلعب هجوم وتركو المساحات ورا لرونالدو ودي ماريا الي ما كان بالفورمه ابد لو مركز شوي طلعنا بهدف اقل شيء بهالشوط , الشوط الثاني وبعد الطرد انحاس تكتيك مورينهو بالكامل بسبب هالزفت البيول يعني كوره طويله المفروض بما انك اخر مدافع على طول وما يبيلها مدافع بطل خلصها براسك لاي مكان لكن الحبيب وش سوى ؟ خلى الكوره تنزل للارض واساسا بمجرد ما تنزل خلاص المهاجم هو الي بياخذ الكوره مهما كان اسمه ومستواه لكن هالغبي ما اكتفى بانه سحب فيا لا لمس الكوره بيده يعني بجيح بقوه , بعد الطرد برشلونه ما استغل نقص الفريق صار يلعب كور قصيره وبين كل فتره وفتره نشوف كوره طويله للمهاجم ان جت كويس وان ما جت الفريق متقدم وخصمنا مطرود منه ومافيه خوف انه يهاجم وهذا الي اربكهم يوم بدل مورينهو ولعب باوزيل واديبايور مع رونالدو واعطى مارسيلو ادوار هجوميه بحته ما توقعو هالشيء وتسبب مارسيلو ببلنتي , بعد الهدف سيطرنا على الكوره وضغطنا على مرمى برشلونه وهددناهم لكن ما استغلينا الفرص . الجميل ان الدبشه البيول موب لاعب النهائي غاراي اطلق منه بكل شيء واهم شيء بالمدافع الهدوء موجود فيه اتمنى اشوفه مع كارا بالنهائي وبيبي يستمر محور على هالاداء البطل . بروح للحكم وقراراته المخيسه : فيا يطيح ويحط فاول لنا طيب احسب بلنتي لفيا وكرت اصفر لكاسياس ولا كرت اصفر لفيا بحجه التمثيل لكنه راح وعطى بيكي كرت كأنه يقول شوفو انا صارم طيب الي مثَل ما اخذ شيء خخخخ الفيس يعيق مارسيلو وهو عنده كرت لكن يحتسب بلنتي ويروح يعطي فالديز كرت والي تسبب بالبلنتي ما عطاه شيء خخخخخخ ميسي يمزع جمهورنا ويجي الحكم يحطه بظهره ويدافع عنه بوجه لاعبيننا ولا عطاه كرت خخخخخخخخ . مهزله هالحكم هو وشعره ملصقه غصب موب جل ذا صمغ .
اول شيء هارد لك التعادل المر بطعم الخسارة .. الفريق كان ماشي تمام الشوط الاول صحيح سيطرة البارسا كانت سبعين بالمئة لكن الاحصائيات تقول الريال ملك سبع فرص اربع منها على المرمى بينما برشلونة ثلاث فرص على المرمى
السيطرة ليست كل شيء وفي رايي مورينهو يملك العقلية لهزيمة برشلونة لكن اليوم عندما تمتلك اهبل مثل البيول ضيع عليك المباراة تماما فخرج الريال بهذا التعادل المر ..
طبعا مشجعي برشلونة مغتاظين من بيبي وما الومهم لانه كان زي السم في بناء اي هجمة برشلونية
بيبي ياجماعة هو حجر اساسي في طريق الريال لهزيمة برشلونة ومع احترامي لخضيرة والونسو الا انهم بطيئين جدا وغير قادرين على ايقاف برشلونة لكن مع بيبي الريال قادر
في حال مورينهو اراد يلعب بمحورين فيجب يكون بيبي مكان خضيرة بكذا يتحقق التوازن في منطقة الوسط الدفاعي
صحيح خسرنا اليوم بالتعادل لكن المباراة بينت بشكل واضح نقاط القوة والضعف اللي نستطيع من خلالها هزيمة برشلونة في المنافسات القادمة
في ظني اسلوب الريال اليوم مناسب لمباراة نهائي الكاس اكثر من مباراتي دوري الابطال والتي في رايي لها حسابات اخرى مختلفة
ي لبىآ الكلآسيكؤ لآ صآر تسذآ ، لعب وحمآس وفلة الشووط الاول اشؤفه شؤط تكتيكي بحت بحت بجت مآن تؤ مآن ونسبة امتلآك الكرة وصلت ل 70 % لكن البرشآ وصل لمرمآنآ مرتين وحنآ يمكن 3 مرآت عن طريق المرتدآت اللي تفوقنآ عليهم لولآ دي مآريآ اللي كآن ضعيف اليؤم هجوميآ ولا يمكن طلعنآ بهدف بالشؤط الآول
الشؤط الثآني لو اسآمة هؤسآوي ولا المنتشري كآن عرف يطلعهآ تسبب في هددف لميسي
مؤرينهو مدري وش سؤآ وخلى الريآل الدفآعي هجومي وهنآ ترجع لخبرة المو او الدآهية بيب اشؤفة ضعيف تكتيكيآ اليؤم
الوضع العادي
