نعم .. هذه مقولتي أنا : فيصل بن عبدالله كهلالي محب لناديه
, ويريد كل شيء - بطولات داخليه ,
خارجيه حتى لو كانت بطولة بدون مسمى- !!!

إذا كان هذا التشاؤم من الأعضاء انفسهم وممن يحبون الهلال أو يدعون حبه !!
فما هي نظرة من يكره نادينا كرها جما ؟؟
ملخص موضوع الاخ العزيز : الهلال ما راح ياخذ لا آسيوية ولا ياخذ
اي بطولة محلية وسوف يتدهور نادينا

أهكذا يكون حال مشجع محب لناديه ويرى كل طموحاته فيه ؟

الهلال مر بأصعب الظروف العام الماضي ..لاعبين لم يتأقلموا وبعضهم
مو قد الهلال والله يرحم "سيؤول" , لعيبتنا نفسياتهم قافلة ,آسيوية ضايعه
ومع ذلك كله ناخذ كأس ولي العهد ونفرح رغم إن فرحتنا ماهي المعهودة
لان فريقنا مايرضى ببطولة وحده !!! ويجينا أخينا فالله ويبني كل ماقاله على إن المدرب
راح يمشي نهاية الموسم القادم وإن المنتخب وإن وإن ...)
معتبر نفسه المحقق كونان الله يرحمه وإنه فاهم الكفت

المدرب أتفق مع الرئيس عبدالرحمن بن مساعد إنه أذا جاب البطولة الآسيوية
يقدر ما يكمل عقده ولا يدفع الشرط الجزائي ويمشي والله ييسر له وأذا ماجابها
يكمل عقده حتى نهاية الموسم القادم يعني المدرب موجود لنهاية الموسم القادم
وإن ماجبنا الآسيوية لا سمح الله بنجيب غيرها بإذن الله وإن جابها يالبى قلبه
والله لو يدرب الهلال الحسيني-مع كل التقدير والاحترام له- مثل أول المهم إن أحنا خذينا البطولة الآسيوية
وبنروح كأس العالم اللي فضحونا فيه نرغم إننا في عام 2000
تأهلنا بكأس السوبر الآسيوي عقب فوزنا على شيميزوا الياباني ولكن ظروف الإفلاس منعتنا

لماذا يتم التخاذل مع مثل هذه المواضيع اللي سبق وذكرت إنه ما منها فايده , إن ما ضرتنا ما نفعتنا
أنا اطلب مشرفين منتدى الجمهور الهلالي بحذف اي موضوع في تشتيت لتفكير كل من الإدارة واللاعبين والجمهور

أفرض يا أيها "المتشائم" إن أحد اللعيبه دخلوا المنتدى وش تتوقع إنه بيصير فيه ؟؟؟؟
وش تتوقع تكون ردة فعله ؟؟؟ وش تتوقع تكون نفسيته عليه؟؟