ماشاء الله مازال للصرقعة عنوان..!!

هذي أول مشاركة لي في المجلس بعد فترة انقطاع عن المشاركة والاكتفاء بالقراءة فقط.. باستثناء مواضيع الحوارات الفكرية..

مدري ليش أحس الأمل شيئ كبير جدا ..

رأيي الخاص والبسيط : انك تتبعين الطريقة الأوروبية في تحصيل الأشياء وهي إنك تهتمين بتقوية نفسك من الآن في تخصصك وتقرأين عن الدولة الي تأملين تروحين لها وتفصفصينها فصفصة .. << لاتقولين هذا موسوس تراني أتكلم جديا والله..

بعدين مدري ليش ماتعجبني أستراليا - مع أنها جميلة - لكن شعبها يعاني من عقدة أزلية وهي : أنهم أناس منسيون لأن قارتهم في مكان نائٍ من العالم - هكذا يشعرون - وقد أكون مخطئا..

شخصيا أقول : إن حصلت فرصة للدراسة في أمريكا فهي الأفضل من وجهة نظري..!!<< يمكني مخطئ لكن هذا الاحتمال ضعيف جدا..


أنا قاعد أتكلم كأن مشكلة المحرم انحلت ، لكني متفائل بأنك ستحققين كل ماتريدينه بإذن الله ولذلك قلت هالكلام..

لاتنسين : أمريكا وبس ..

وطيعي راي عبدالعزيز وأنا أتحمل النتايج :إن اخترتي أمريكا لاتفكرين بغير كاليفورنيا..!!<< متعصب لديرتي أول صح..؟!!

وش رايك بالتفاؤل ..؟!!

سلامي لوجن يا أم وجن..

متابعه تبغين تروحين تكملين بسرعه جونينه اسرع من سيارة بوقاتي

كل الي عليك هو

إقتباس وأخذ الجنسية الامريكية واجي هنا اكوس واحد بالسعودية لدرجه توصل فيني اهايط على زوج أم متعب << ام متعب العضوة الموقرة مو أحد ثاني

التبليغ على هذا الشخص لانه حاول يتعالى على زوجي

وهو جالس يدق من تحت لتحت

علمتك اسهل طريقه والباقي عليك

والله ياخذ حق زوجي منه

تحياتي

حيااتي متابعه ,,

ترا انا بعد نفس الشي نفسي اكمل ماستر برا ,, بس مافي احد يروح معاي ,,

اناخويتي اقنعت اخوها بس يوصلها ويرجع ,,

وشوفيها تسرح وتمرح بلوس انجلوس

عنْ ‏أَبِي هُرَيْرَةَ ‏‏قَالَ ‏: ‏قَالَ رَسُولُ اللَّهِ ‏- صلى الله عليه وسلم - ‏: " ‏ثَلَاثٌ جِدُّهُنَّ جِدٌّ وَهَزْلُهُنَّ جِدٌّ: النِّكَاحُ، وَالطَّلَاقُ، وَالرَّجْعَةُ ".رواه أبو داود (2194)، والترمذي (1184)، وابن ماجه (2039)، والحاكم (2/198).

بيني وبينك شيء يقهر ,, سنتين ودكتوره ,! إن شاء الله يرزقك بولد الحلال اللي تسافرين تكملين وهو يكمل بعد

الله يوفقك

الله يوفقكـ والله طمُوووحـ رآآقي ..

أنــآ رجل و أدرس برآآ وأعــآني أجل كيف وانتي صبيّــة .. ربي يعينكـ بس ..

شدي حيلتس وانا خوووك وترآ أول 50 سنَــة بالحيَــآة سعبة والبآآفي سهل ..

عيب والله
حنا في آخر الزمان صار البنت هي اللي تدور زوج !!
تذكير الحياء شعبة من الإيمان

يامتابعه بصمت فكري بالموضوع كل الاتجهات يمكن خير من الله فكرييييييييييييييييييييييييييييي

طيب خلاص يعني مافي الاامريكا واستراليا يمكن في الرياض عاد الرياض وش كثره جمعاتها

مهوفي الدمام مافي الا جامعه ملك فيصل وكليه البنات



انا صراحه مااقول لا الله يعنكي ويوفقكي

إقتباس الرسالة الأصلية كتبت بواسطة ابن الديرة تعرفين تزينيين جريش ومرقوق ومصابيب وتغسلين المواعين وتكنسين الواحد يبي حرمة تشتغل مهب تجمع شهادات ولا تدبر شي في بيت زوجها

هذي العينه من المجتمع نفسي انسفها من وجه الارض !!

إقتباس الرسالة الأصلية كتبت بواسطة ابن الديرة تعرفين تزينيين جريش ومرقوق ومصابيب وتغسلين المواعين وتكنسين الواحد يبي حرمة تشتغل مهب تجمع شهادات ولا تدبر شي في بيت زوجها

مدري ليه ضحكت
يعني الي معاها شهاده ماراح تكون سنعه
وحلوو الرجال يبي وحده تشتغل وتزين له جريش ومرقوق وتغسل المواعين
فيزه خدامه صارت والله مو زوجه

الله يرحم الحال بس