░► صيف مجلسنا يجمعنا 2010: فعالية -سقى الله وقتنا الماضي زمانٍ يوم كنا أطفال (شاركونا صوركم ) ◄ ░ - نادي الهلال السعودي - شبكة الزعيم

المنتدى الاستشاري · #1 03/07/2010, 03:11 AM

فكرة : ابوطــلال
إعداد : الهنوووف

مع صيف جديد ، يتجدد اللقاء ، ويتجدد الإبداع
فـ أهلا بكم في افتتاحية فعالياتنا لهذا العام 2010
مع فعالية سقى الله وقتنا الماضي زمانن يوم كنا أطفال (شاركونا صوركم )

سقى الله وقتنا الماضي زمانن يوم كنا أطفال
زمان اللعب والهيصه ودنيـــا ننغرم فيها
زمانن فيه ضحكاتن مع شويه دلع وهبـال
نعيش أوقات هالدنيا وما نــدري بتاليـها

░► فكرة المسابقة ◄ ░

المجال مفتوح لـ المشاركة بصور الاطفال سوا كانت المشاركة صورتك وانت صغير أو صور لـ أطفالكم
* في مرحلة التصويت سيتم منح وسامين 1\ وسام لـ أجمل صورة عضو وهو صغير
2\ ووسام لـ أجمل طفل (من الجيل الجديد

)

░► شروط المسابقة◄ ░
* ان تكون الصورة من التقاط كاميراتكم وان يكون حجم الصوره 600 × 460
*عند المشاركة بـ اكثر من صورة الرجاء تحديد الصورة التي ترغب دخولها
بـ (مرحله االتصويت)ان لم يتم تحديد الصورة فسيتم الاختيار عشوائيا
* المسموح بالمشاركة لـ صور الأولاد الاتتجاوز 12 سنه والبنات الامورات ماتتجاوز 6 سنوات

*الرجاء الابتعاد عن الردود الخارجه عن ايطار المسابقة
* الرجاء كتابه الاسم على الصورة

مدة المسابقة 10 ايام

نتمنـى للجميـع قضـاء وقـتا ممتعـا
مـع تمنياتنـا لكـم بالتوفيـق

لكم في الختام أرق التحايا وأطيبها من
مشرفي واستشاريي
المجلـس العـام

abo_nasser · #2 03/07/2010, 03:16 AM

اقووووووووول اووووووووووولي؟

ـــــــــــــــــــــــــــــــــــــــــــــــــــ

اجهز صورتي يعني..؟؟

بس مابي احطم الصبايا ويشوفوني احلى منهم..

ودكم انزل صورتي وتعطوني الوسام من الحين؟

<-----مشروع هياط في المسابقه..

ان شاءالله اذا رجعت لجهازي قبل نهاية المسابقه شاركت لاني الحين في البعيد

فيه نقطه مهمه كنت اتمنى الاستشاريين ضموها بس مو مشكله اضمها انا بدالهم
اللي هي ..لا اشوف صورة ورع والا ورعه عمره ابو يومين يعني باقي في اللفه
بالله وش ابغى فيه وملامح وجهه ما بانت؟
خصوصا البنات لازم ابو سنتين وطالع ويمديكم تدفوها لعشر مو مشكله..

اما الشباب ما عنده مشكله يبي تكون الصوره وعمره يوم والا عشرين فالشين يبقى
شين لين يموت<----دعابه دعابه لا احد يقلب علي فتحوم له بقعا وما جاورها

يديكم العافيه جميع ..والله يوصلني لجهازي بالسلامه..

سلااااااااااااااااااااااااااااااااااااااااااام

فَيْلَـسُــ زَمَانَهُ ـــوفْ · #3 03/07/2010, 03:21 AM

وش هالمزآيين

>>> عبآلة شآف أحد

أنآ أقولكم أنتظرو لبكرى أدور صورتن لي

وأن مآ لقيت أبشروآ بالي يحط لكم صورة

طبعآ لوآحدن من سرآبيتنآ الصغآر

لكن أنآ أحذركم مآرآح أوقع لأي أحد معجب ولا رآح أعطيهم وجه

ومآني مسؤول عن أي حآلات إغمآء تجي جرآء الأنفتآن بصورتي

أنآ أعرف أني جذآب

من يوم وأنآ صغير

يعني لو مآ لقيت حظكم

لكن أغديني نلقآ صورة منآ ولا منآك

....................

ỳάṡṣẻя · #4 03/07/2010, 03:24 AM

,,,

يا لبى فعالياتكم يا مجلسنا

ترم صيفي وفعاليات بالمجلس بالله
في احسن من كذا << يعزز روحه

دورت .. دورت .. دورت ولقيت لكم
صورة شك شك طلب يشتريها مني بس رفضت

لكن للأسف الحجم مو زي ما تبونه بس ان شاء الله
تقبلونها بما اني واصل وعندي معارف بالمجلس

الصورة تقريبا في عام 1416 هـ عمري خمس سنين تقريبا
قبل ما ادخل للمدرسة

قولوا ما شاء الله

تم كتابة الاسم وتعديل الإضاءة شوي
اهم شي الحقوق محفوظة بس خخخخخ

شوفوا حتى بالتصوير على طريقة الملوك

بس للأسف البشت ضايع مدري وين طااس
كنت ناوي اخليه ليلة زواجي

مشرفي واستشاريي
المجلـس العـام
شكراً لك

مدري إذا في جوائز نقدية بعد التصويت...؟؟

,,,

الهنوووف · #5 03/07/2010, 03:33 AM

مرحبا فيكم

وصيف مجلسنا يجمعنا

وان شاء الله تنبسطون معنا

ويالله نبي مشاركتكم لانها هي الاهم

نبي نشوف صوركم وانتم صغار (موتجيبون صوركم بـ شنب

تقولون صغار)
والبنات

نبي قبل تدخلون المدرسه لاننا نعرف انكم حلوات وخايفين عليكم

أو صور اخوانكم واقاربكم الصغار (يعني الحين هم صغار مو صورهم وهم صغار

)
مثل طلال وفراس وجنوو

نبي نكحل عيونا بالاطفال

وان شاء الله انكم فاهمين فكره المسابقه
( ياصوركم وانتم صغار أو صور احد من الصغار بعائلتكم )

اتمنى حتى ماتفقد الفعالية جماليتها اننا نبتعد عن الردود الي مالها فائده
لانا بتزيد الصفحات على غيرسنع

يعني يانشارك بـ صور او نعلق على الصور الموجوده

والي ماوده يشارك بـ الصور يتفاعل مع المشاركات بالتعليق

يالله ان شاء الله الاقي لكم صوره طفل
(ياشين الي ماعنده صغار يمون عليهم

)

واي استفسارات حنا بالخدمه
وتصغير الصور بعد لاتنزلونها كبيره علشان لاتخرب الصفحة

عطونا نصغرها لكم

الهنووف

كانت
هنا
ورحلت

ḾŎĤǍṀẠḊ · #6 03/07/2010, 03:34 AM

نحن هوونا
.................................................

بااكـ

ان شاء الله بنشاركـ

بس شوفوا لا تجون تزعجوني تطلبون صداقه معي ..

..
منيب ناقص وجع راس ومعجبين

برب ثانيه
بروح لم لابتوب امي الله يخيلها .. مخزنه كل الصور هناك

.. .. ..

الـمـشـاغـب · #7 03/07/2010, 03:50 AM

صار صار .... ماجد مقبل جهز نفسك

لقيت لي في أوراق قديمة صورة وأنا لابس الحفاظة

بس لا تخافون ساتر نفسي لابس بدلة .. من صغري وأنا شريف ما تطلع فخوذي أبد إلا وأنا بأستحمّى

بس مشكلة من يدلّني وين أحصّل مكان فيه سكينر؟

ماجد مقبل بأعطيك الصورة ودبّرها

الصورة بأحطها بهالردّ .. ويا ويل ويله ويل اللي ما يصوّت لي

محبة الرحمن · #8 03/07/2010, 04:08 AM

إقتباس


	مثل طلال وجنوو

وش عندك هنوفه
حاطه اسماء اطفال خواتي ؟؟

يااختي قوليها مباشرة يابنوته حطي صور اطفال خواتك

بلاش ذا التلميح ..<< لوول امزح ترا
لو بشترك كان غطيت عليكم وفزت بلا منازع
لذالك لان اشترك ..<اخخ وااضح

بالتوفييييق

هلاليــ دوت كوم ـــه · #9 03/07/2010, 04:19 AM

مجلسنــآإ عوآإآفـي عوآإآفـــي ع هـ الفعاليّة

...
يوم نزل الموضوع .. أفكّر أنزّل صور أو لآ ..

بسّ بعد صورة يآسر تحطّمت

كووووشخة صورتك بِشّت وسنع

< لا تصدّق

إقتباس

قولوا ما شاء الله

ماشاء الله ..

.
.
فكرة :ابوطــلال
إعداد :الهنوووف

مشرفي واستشاريي
المجلـس العـام
جميـعاً .. عسسآإكم ع القوّة

طفلة خانها التعبير · #10 03/07/2010, 04:24 AM

السلام عليكم ورحمة الله وبركاتهـ

عندي سؤال بوركتم الجنان

هل هناك عدد محدد للصور ؟؟
ام لنا الحريه في ذلك؟؟؟

الهنوووف · #11 03/07/2010, 04:37 AM

إقتباس

الرسالة الأصلية كتبت بواسطة طفلة خانها التعبير

السلام عليكم ورحمة الله وبركاتهـ

عندي سؤال بوركتم الجنان

هل هناك عدد محدد للصور ؟؟
ام لنا الحريه في ذلك؟؟؟

المجال مفتوح للمشاركه
بس اهم شي تختاري صورة وحده تدخل بالتصويت

حياكم

الهنووف
كانت
هنا
ورحلت

ام متعب التميمي · #12 03/07/2010, 04:46 AM

حركات والله

ياسر:::ورى ماطلعت شعرك نشوفه

مشاءالله لاقوه الا بالله

::::::::::

بعدين ورا توكم تقولون ع الموضوع صوري في بيت اهلي

اذا امداني ع الويك اند سدحت صورتي وصورة بزر عندنا

برب

طفلة خانها التعبير · #13 03/07/2010, 04:58 AM

شكرا يالهنوف على التوضيح..

ماشاء الله تبارك الرحمن ياياسر امير وانت صغير

عاد مدري وانت كبير
جمال الاولاد مايدوم

الله يحفظك لاهلك وعقبال ماتشوف ولدك يارب..
على طاري البشت امي محتفظه ببشت اخوي لولده..
مدري شقصتكم مع البشوت شكلكم كلكم تحلمون بالحكم من صغركم

طيب هذا صورتين اختاروا انتوا والثنتين اسمهم ريماس
ramoosah1

ramoosah 2

يارب يعجبوكم

parrot · #14 03/07/2010, 05:30 AM

رووووووووووووعه الفكره
بس ما اظن اشارك

حتى لو بصورتي و انا صغيره لو تدري امي بتحنطني فوق السطح ........ كذا تشوفوني احسن

احاول بالمبزره اللي عندنا و اشوف

متآبعه بصمت · #15 03/07/2010, 05:41 AM

يا ليتـنـي بينك وبيـن المـضــرّه :: من غزة الشوكة إلى سكرة الموت
أو ليت شاورني القدر بس مـرّه :: ولبى مطالب رغبتـي قبـل ما أفوت
أو ليتنـي لجرّة مـواطـيـك جــرّه :: أحمـي قدم رجلك مثل جزمة البوت
أو ليـت بيديني السعد والمسـرّه :: وأحكم عليها عنـك ما لحظة تفـوت
يفـداك عمرٍ منك يشعــر بعمـره :: أنتِ الحيـاة لنفسـي وردًة الصـوت

~