|
اتمنى ان لاتخرج عن هؤلاء الثلاثه، بعد إعلان عميد لاعبي العالم إعتزاله رسمياً (نقاش) بعد ان رحل عملاق الهلال بل عملاق اسيـــــا لا نملك الا نقول : لكل زمان دولة ورجـــال ونقول ايضــــأ : لو دامت لغيرك لما وصلت اليك ,, نعود : وكعادتي وعندما يحل علي امر كالصاعقه او يقدر الله علي شيئا لا اتمناه ,, فبعد التفكير لاشعوريا في السلبيات أبدأ حينها بالنظر فيما سيخلفه هذا الامر الجلل من ايجابيات لعلي اجد فيها مايخفف علي من وقع هذه السلبيات,, ,, بعد ان قرأت خبر الدعيع عملاق الخشبات الثلاث حاولت مليا ان اجد ايجابيه وحيده برحيل الدعيع فلم اجد ابدأأ :cry: ولم يخطر ببالي حينها الا عباره صدح بها احد نجوم كرة القدم الصاعدين عندما سئل عن حكمته في الحياه او الحكمه التي تعجبه ويرددها دائما فقال : لو دامت لغيرك لما وصلت اليك ,, لذا سيعاني انصار الهلال الامرين بعد رحيل هذا العملاق ,, كما عانوا عندما رحل عملاق الجانب الايمن الاسمراني الطائر,,,وشتان بين الرحيلين فهذا بشرف وذاك بلاشرف ولكن اتى صاحب العيون الضيقه الذي يمرح امامي الان ويسرح امام النسور الافريقيه :ga: وانسانا من رحل بلاشرف واتمنى ان ياتي من ينسينا عملا ق الخشبات الثلاث الراحل بشرف مع يقيني بصعوبة ذلك :cry: بالمناسبه اتمنى ,, ان يكون عملاق صغار الهلال الواكد : يردد هذه الحكمه ايضا (لو دامت لغيرك لما وصلت اليك ) انتهى , ,, سؤال اختم به موضوعي !! من سيتقلد شارة الكابتنيه بعد الدعيع ؟؟ انا اتمنى ان لاتخرج عن هؤلاء الثلاثه وبالترتيب : ** رادوي ---- نظير حماسه وروحه القتاليه ** ياسر ---- ليحس بالمسؤليه وبحكم مركزه الحساس في الهجوم وفي ظل عدم توصل الاداره لاتفاق مع مهاجم اجنبي يخلق تنافس بينهما جميعا يعي لنا ياسر الفين وسبعه **هوساوي ---- الخيار الاخير نظرا لثبات مستواه طيل الموسمين الماضيين حسن العتيبي مع احترامي الشديد لكبر سنه الا انه لايستحق شارة الكابتنيه ابدا ,, اما انت !! من ترشح لخلافة الدعيع ؟؟؟!! واتمنى ان يدرك المشجع الهلالي قبل الاجابه على هذا السؤال : اهمية القائد الميداني ويدرك ايضا ان الهلال افتقد بعد اعتزال سامي للقائد الحقيقي وبالاخص في المقدمه حيث يفتقد الهلال لمن يبث روح الحماس بين لاعبيه باستثناء ياسر الذي تلتقطه الكاميرات وهو ينافح بذراعيه ويصفق بكلتلا يديه ويوجه اللاعبين اثناء مجريات المباراه,, انتظر ترشيحاتكم والسلام |
نقاش: من ترشح يحمل شارة القياده بعد اعتزال الاسطوره..؟؟ بسم الله الرحمن الرحيم السلام عليكم ورحمة الله وبركاته اولاً شكراً للاسطوره محمد الدعيع على كل ماقدمه للهلال وياليته اجل اعتزاله الى بعد الاسيويه :( ثانياً من ترشحون ان يحمل شارة القياده بعد اعتزال الاسطوره..؟؟ بوجهة نظري انا ارى انه ياسر القحطاني بحكم خبرته الكبيره بالقياده قاد المنتخب السعودي لنهائي كأس اسيا وقاده ايضا لنهائي كأس الخليج وفي حال غياب ياسر ارى انه رادوي بحكم خبرته بالقياده وتوجيه زملائه اسامه هوساوي الكل يشهد له بأنه افضل مدافع وافضل لاعب بأسيا لكن العام الماضي القياده اثرت عليه مهمة القائد توجيه جميع زملائه اللاعبين وهذا شتت ذهن اسامه صعب يوصل صوته للمهاجم.! وعندما تحصل مشكله مع الحكم في منطقة الهجوم صعب يتقدم ويترك خانته لمناقشة الحكم ارى انه يجب ان يكون القائد وسط او مهاجم |
السلام عليكم أخوووي أنا أرشح يـاااسـر أو راااااادوي ومشكوووور على الموضوع تـقـبـل مــــروري |
اتوقع هوساوي واتمنى لياسر <<< والله يوفق زعيمنا يارب |
أنآ برأيي يحملهآ يآسر لآنه قآئد بمعنى الكلمه يبث الحمآس للآعبين ورأينآه مع المنتخب في كأس آسيآ والخليج ينآقش الحكم وله هيبه ومحبوب من جميع الآعبين ورآدوي نفس الشي لديه روح عآآليه لكن أرى آن الكآبتنيه تنآسب يآسر آكثر وفي الآول والآخير القرآر للآدآره وجيريتس وحنآ معهم في آي قرآر يتخذونه ودي ..:rose: |
أنا اقول رادوي أولاً اسامه ثانياً عزيز ثالثاً ياسر رابعاً العتيبي خامساً :D |
|
أتمناها لياسر أو رادوي بالتوفيق للجميع |
اتمنى والله ياسر القحطاني <قيادي , حماسي , عندة لغة يقدر يتناقش مع الحكاام الاجاانب> ومن ثم رادوي >>يالبى قلبة |
اكيييد .. اسامة هوساوي بصراحه فيه كل المقومات .. |
أتمنى أنها تصير لياسر أو رادوي . هوساوي رآح يصير عليه ضغط كثير وخاصة بعد ما أعتزل الدعيع !! ولازم يركز بالمباريات ولاتنسون حنا على مشارف تكملة دوري أبطال آسيا !! مشكور |
انا من وجهة نظري الشلهوب مع احترامي لياسر واسامه ورادوي لانه ابن الهلال واقدم لاعبين الهلاليين حاليآ واذا مااخذهـا ارشــح الكاســر عافاك الله اخوووي |
في البداية .. الله يوفقك يا أسطورة آسيا ويا معجزة الحراسة وين ما رحت .. لــــن ننساك .. رحيلك شكّل صدمة لنا :cry::smilie47: بالنسبة للموضوع .. أرى أنا نبعد عن التعقيد ويكون الكابتن أكبر اللاعبين سن .. هوساوي :smilie47: القائد الثاني الموسم الماضي وصار الكابتن بأكثر من مباراة والسبب كلنا عارفين إن الأسطورة الدعيع غاب فترة بسيطة ، والإدارة كـ تقدير منها لجهود هوساوي عطته الكابتنية ، لأنه مجرد وقت بسيط فقط .. لـــــكن .. الآن راح يكون القائد بشكل كامل لأن الأسطورة :smilie47:اعتزل ، لذا ما أعتقد إن النجم هوساوي راح يكون كابتن .. وأتمنى من كل قلبي إن الكابتن يكون الأكبر ( مثل غيرنا ) .. عشان نبتعد عن سالفة ليش هو ، ليش مو أنا !! بعد رحيل الأسطورة الدعيع . والنجم الكبير عمر الغامدي ، برأيي إنه من الإنصاف يكون ترتيب والأولوية كذا .. إذا أخذنا الأقدمية في الهلال وفي خدمته وأهم من هذا كله العمر .. يعني الكابتن الأول حسن العتيبي >>> الكابتن الثاني محمد الشلهوب >>> الكابتن الثالث خالد عزيز >>> الكابتن الرابع ياااسر حسن العتيبي : 6 أغسطس 1977 (العمر 32) ... في الهلال منذ عام 1994 محمد الشلهوب : 8 ديسمبر 1980 (عمره 29) ... بدأ من براعم الهلال عام 1993 خالد عزيز : 14 يوليو 1981 (العمر 28) ... في الهلال منذ عام 2002 ياسر القحطاني : 10 أكتوبر 1982 (العمر 27) ... في الهلال منذ عام 2005 * المعلومات من ويكيبيديا ... هم أكبر اللاعبين سن وأقدمهم في الهلال وإن كان قدوم ياسر متأخر نسبياً وسبقه بعض اللاعبين لكن جميعهم غير أساسيين واحتمال كبير أن يغادرون الفريق قريباً ( الله يوفقهم ) لذا الأفضل إنا ما نحرج أنفسنا ويصير العمر هو المعيار ... وهوساوي صار كابتن ( كما أسلفت ) لأن في ذيك الفترة كانت زمن محدد فقط ، والأمر الآخر هو صار كابتن بسبب تألقه فمن يضمن استمرار تألقه ولو حدث هذا ( لا قدر الله ) سنكون في وضع حَرِج ، لوجود من يفوقه سناً وأقدمية تواجد في النادي وكذلك مستوى ! لذلك أقول أن هوساوي نجم كبير ويستاهل كل خير ، لكن عشان ما نحط أنفسنا تحت الاحتمالات يصير العمر هو المعيار ... عموماً أتمنى إنكم ما تعطون الموضوع أكبر من حجمه يا زعماء ، ومن كان الكابتن يستاهل ونجوم الهلال كلهم كباتنه :smilie47: والله يوفق الكابتن القادم ويكون خير خلف لخير سلف :ba: طبعاً كلامي هذي إذا ما صار فيه لاعب موجود بالفريق أكبر سن من اللي رشحتهم أو أقدم في النادي أو سبب آخر نسيته أو يغيب عني >>> حس إنه يكتب إقرار بالمحكمة :ap: انتهى . شكراً :rose: :ba: |
الأحق بها هم ياسر أو هوساوي,,, واتمنى ماتطلع عنهم لأنهم قادة بمعنى الكلمة,,, تقبل مروري,,, محبك |
أتوقع الشارة لياسر ويستاهلها ،، أبو سعيد .. |
اولا اسامه هوساوي ثانيا رادوي ثالثا ياسر القحطاني وشكرا |
اتمنى لـ يااسر .. اولا عنده روح القائد .. ثانيا عنده لغة للنقاش مع الحكام وتوجيه اللاعبين الأجانب .. والتفاهم مع المدرب .. يعني سهل المدرب يوصل لياسر الصورة .. بحيث ينقله لزملائة اللاعبين |
ياسر .. قيادي جماسي لغته و تفاهمه مع الحكام احلى من العسل << بالعربي يبرد القلب هوساوي .. راح يصير عليه ضغط كبير الشلهوب .. ابن النادي لكن ما عنده تحميس اللاعبين و النقاس مع الحكم رادوي .. ارشحه بعد ياسر |
ارشح الكابتن رادوي .. قيادي درجه اولى في الملعب مركزه محور بإستطاعته كشف الملعب وتوجيه زملاءه . مستقبلاً لكل حادث حديث . |
اولا هوساوي وثانيا الشلهوب وثالثا جميع لاعبين الهلال يوجهون تراه قطعة قماش انا استغرب من الي يقول انها اثرت على هوساوي ليه لاتكون مثقله عليه اولى فيها هوساوي وشلهوب مع احترامي لياسر ورادوي |
استغرب منك تقول لو تصير مشكلة في الهجوم مايقدر يروح لهم يعني الدعيع الي كان يقدر يروح ! اعتقد بل واجزم انها ستعطى لأسامه ليس من الجهاز الفني بل ترشيح اللاعبين واسامه به مواصفات القائد وياسر كذلك رادوي لايصلح ابداً انفعالي وراعي ملاسن ^_^ والباقين كافين خيرهم شرهم يعني هم كبار وكباتن لكن مايصلحون يلبسون شارة القائد |
اولا: رادوي ثانيا: رادوي ثالثا: رادوي رابعا : ياسر ثم عزيز القياده ليست قطعة قماش كما يسميها البعض .. القياده تعني : الروح والحماس والمسؤوليه .. القياده تعني : تيري , و توتي , وراؤول ... ألخ , و محليا وبدون مجامله تعني محمد نور ... مشكور عالموضوع :rose: |
لا يوجد الا يااسرر وهوسااوي |
اهم شي الشباب اللي رشحو رادوي وهو اجنبي وباقي له موسم ويمشي من الفريق الكاتبنيه محسوم امرها .. ماتروح لغير أسامه هوساوي |
اتمنى ان لاتسبب القيادة مشاكل داخل البيت الهلالي وهذه فرصه لاصحاب النفوس الضعيفه في اختلاق المشاكل داخل نادي القرن |
ياااااااااااااسر بعده هوسااااااوي.. |
((ابو كلابشه)) اذكر الله يذكرك |
يااااسر او رااادي .. !:! |
الكــــــــابتنـــــيـــــة .. الكل يعلم إن الفريق بعد اعتزال أبو عبدالعزيز يحتاج إلى قائد و قائد محنك .. طبعا الموسم الماضي في غياب أبو عبدالعزيز شاهدنا هوساوي هو القائد .. أنا من وجهة نظري و بعد متابعة جميع المباريات اللي كان هوساوي فيها الكابتن .. أن هوساوي لاعب كبير و لا يختلف عليه اثنان .. لكن أداءه يختلف عندما يصبح كابتن .. لا أعلم لماذا .. أتمنى أن يطلب من هوساوي أن يركز في مهمته في الدفاع فقط لا غير لأننا نحتاج تركيزه كثيرا في الفترة القادمة .. و أتمنى أن تسلم شارة الكابتنية للمقاتل الروماني ميريل رادوي .. وش فيها يعني إذا صار الكابتن أجنبي .. حنا عندنا فاهمين الكابتنية خطأ .. أول شرط من شروطها إنه يكون عنده روح الحماس و توجيه الزملاء .. و هذي الصفة توجد عند رادوي بشكل كبير و هو أكثر واحد يجيدها .. و إذا معزمين ما تعطونها لأجنبي .. أنا أرى إن ياسر هو الأحق بالكابتنية .. لأنه كابتن المنتخب و يجيد التفاهم مع الزملاء و الحكام و يجيد رفع الحماس عند اللاعبين .. في النهاية ودي أسمع رأيكم و في نفس الوقت .. كلامي ما يقلل من هوساوي .. بالعكس .. هوساوي أهم لاعب في الفريق و تركيزه في منطقته هو الأهم .. |
اخواني للقائد في الملعب صفات خاصه واهمها الشخصيه القوية وانا اعتقد ان من يملك هذي الصفه بين لعيبة الهلال هو اسامه هوساوي |
وداعا يا بو عبدالعزيز .. ونطالب بذهاب الكابتنيه لـ بو عزوز بسم الله الرحمن الرحيم ... .. ذرفت عيناي عندما اعلن خبر اعتزال محمد الدعيع في يوم الثلاثاء الساعه الــ 7 ليلا لا أصدق أن أشاهد الهلال بلا عميده وعميد العالم اذهب فنحن راضون عنك تمام الرضى يا محمد . عشقناك فاحببناك فشجعناك فاتيت لنا بالبطولات كنت اتمنى ان ترفع كأس آسيا ولكن ربما قفازك حان الوقت له ليستريح .. . الشق الثاني من الموضوع لنطالب بــ ان يكون كابتن الهلال القادم (ياسر القحطاني) فياسر القحطاني .. محبوب الجماهير الأول ومحبوب بين اللاعبين ياسر القحطاني .. نجم الهجوم السعودية الأول ياسر القحطاني .. كابتن المنتخب السعودي من 2007 ياسر القحطاني .. قيادي داخل الملعب وخارجه ياسر القحطاني .. مثقف وذكي ويتحدث الإنجليزية ويجيد التعامل مع الحكام ومع الخصوم ياسر القحطاني .. لبق وذكي في حديثه للاعلام ويجيد الدفاع عن نفسه وعن زملائه وفريقه في الاعلام فكأنني أرى ياسر القحطاني انه سامي الجابر بذكائه وحنكته وقياديته تحياتي لكم أعزائي الزعمااء |
بصراااحة امر الكبتنيه شرف لكل من يأخذها وخاصة في ( نادي القرن ) ولكن كما ذكر بعض الاخوان قد تسبب الخلافات مابين الاعبين .. والكبتنيه لن تبتعد عن ( هوساوي ، ياسر ) مع أن الاقرب هوساوي .. شكرا لكم |
أولا :أسامة ثانيا: ياسر ثالثا: رادوى |
ماغيره يستحقها بعد الدعيع القناص اتمنى يكون كابتن الزعيم الجديد |
مو مهم شارة القيادة بعدين المفرووض تكوون شارة القيادة للاقدم وثاني شي شارة القيااادة تكووون للاعب سعوودي للانه فيه ناس ماعندهم لغة |
أوافق الرأي و بـ قوووووووووووهـ |
ياسر او هوساوي وبس وبالتوفيق |
أسامة هوساوي وبس فصفات القيادة فيه بالفطرة فهو قائد الهلال والمنتخب السعودي وقائد المستقبل لكأس العالم 2014 - 2018 - 2022 في قطر إن شاء الله والإدارة والمدرب أبخص |
ليااسر او من بعده رادوي او من بعده خالد عزيز ياسرعنده لغه يقدر يتفاهم مع الحكام غير كذا شفناه يقااتل مع المنتخب يوم كانت معه الكبتنيه رادوي ايضاآ لغة وحممماسي خالد عزيز ماظنيت عنده لغه هع بس انه حممماسي ووحش |
ترشيح شارة القياده ارشح الكـــــــــــــــــــــــــــــــــــــــــــــــــــــابتن اسامه هوسوي :smilie47: |
ليس المهم من يحمل الشارة المهم من يوجه الأعبين خلال وقت المباراة |
ياسر أولا ورادوي ثانيا أسامه ثالثا وبالتوفيق للدعيع |
محمد الشلهوب هو من يستحق الكابتنيه بما انه اكبر واحد وقدم واحد بالفريق |
هاوساوي بكل اريحية يملك كل المقومات خبرة مستوى و روح |
اتمنى ياسر او عزيز ’’’ لكن اتوقع هوساوي .... |
اعتزال الاسطوره محمدالدعيع ودعا ياعميـــــــــــــــــــــــــــــــــــــد حارس العــــــــــــــــــــــــــــــــــــالم لان ننسك ايها الخطبوط:smilie47:كم تمنيت ان تبقى معنى ايها الوافي لي نـــــــــــــــادي الهــــــــــــــــــــــــلال ودعا اقوله بحزن يا ابوعبدالعزيز كم سنشتاق لك واقول في اخر الكالم .............................كفيت ووفيت والله يوفقك في حياتك يابوعبدالعزيز::alzaeem::alzaeem:smilie47::smilie47::smilie47::smilie47::smilie47::smilie47::smilie47 ::smilie47: |
محمد الشهلوب الأجدر لحمل شارة القيادة |
انا ارشح حسن العتيبي اولا محمد الشلهوب ثانيا رادوي ثالثا ياسر القحطاني رابعا |
اسامه بصراحه مايصلح والافضل ياسر خصوصاً انه يعرف يتعامل مع الحكام و يتناقش بعكس اسامه |
اتوقع حمل الكبتنية أناطبعآآآآآآآآآآآآآآآآآآآآآآآ ولي الشرف امزح معاكم اسامة الهوساوي اللي راح يحملها |
لن يكون هناك قائد الا من فرط في الملايين لعيون الزعيم انه النجم ياسر القحطاني او ميريل رادوي ... واتوقع لن تعطى للشلهوب لأنه غير قيادي |
بكل تآكيد هي لـ آسآمه , يآسر . كبير ...! لكن آشوف آسآمه يستآهل ,/ بالنسبة للي يقولون ., رآدوي آنآ معآهم ., بس يكون خيآر ثآلث ..! |
:smilie47::smilie47::smilie47: ودي ياخذهـاااا أبو قحـط ! |
اتمنى والله ياسر القحطاني <قيادي , حماسي , عندة لغة يقدر يتناقش مع الحكاام الاجاانب> ومن ثم رادوي >>يالبى قلبة او اسامه بعد قلبي ابو كلبشه |
ياااااااااااااسر القحطاااني هو افضل قائد .. |
انا لا ارشح بل اكيد فيصل الجمعان ونائبه وليد الجيزاني او العكس |
رااااااااادوي ثم الهوساوي |
رااادووووووي رااادوووووي جندي المجهول رادوووووي يلعب برووووح عاليه يستاااهل كل شي |
هوساوي ثم ياسر ثم العتيبي ثم الشلهوب رادوي لا والله ما اتمناه عشان كل مبارةتلقاه جالس في المدرج |
ياسر القحطاني مشكوووور اخوي على الموضوع لاهنت يالغالي |
| الوقت المعتمد في المنتدى بتوقيت جرينتش +3.
الوقت الان » 01:12 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd