السلام عليكم

يدرك الجميع ان الهلال وقع مؤخراً مع الثنائي فيصل الجمعان ومع وليد الجيزاني ،
ونتمنى لهم كل التوفيق مع الزعيم .. وكلاهم مهاجمين وتُشكر الاداره على هالجهد لأننا مانضمن عودة ياسر بقوه بعد الاصابه وكلنا نعرف ان الهلال بقيت له بطوله آسيويه استعصت علينا كثير وانت في هالحاله تحتاج مهاجم او مهاجمين آخرين مع المتواجدين عشان تضمن أكبر عدد جاهز من المهاجمين ومافيه شك ان الجمعان فيصل والجيزاني وليد هم من أفضل المهاجمين اللي لمعت نجومهم في الفتره الأخيره من الموسم الماضي وقبل كل شي هم المتوفرين حاليا وبنفس الوقت مهاجمين لديهم امكانيات لأن الأنديه الباقيه كلهم متمسكين بنجومهم ولهم الحق أكيد .

نعرف تماما طريقة لعب الهلال مع غيرتس ، طابع اللعب دايما يعتمد على اللاعب ذو الامكانيات الفرديه حتى راس الحربه الصريح واللي هو ياسر والطريقه كما يعلم الكل هي 4 - 2 - 3 - 1 وهذي الطريقه أهم فوائدها هي ان لايوجد لاعب واحد مكلف بالتسجيل ونلاحظ ان الثلاثي اللي يلعب دايما خلف ياسر يسجلون والدليل ان الشلهوب هداف الدوري ومن بعده نيفيز وكلهم مو مهاجمين يلعبون كـ رأس حربه صريح
وطبعا هذا مو من روسهم انهم يتقدمون ويسجلون لكن هذي طريقة الهلال مع غيرتس .. الجمعان أعتقد ينفع للطريقه هذي وحتى لو لعب طرف ايمن او ايسر ممكن يعطيك للسبب اللي ذكرته وهو ان اللاعب في هالخطه يكون عادتاً اما سريع او مهاري ونعرف ان المهاجمين نوعين : نوع يتحرر ويتحرك وتجده نشيط دائما وصاحب مهاره عاليه حتى لو لعب لاعب طرف ، ومهاجم يلعب في الصندوق وعادتاً تكون
الطريقه 4 - 3 - 3 مع وجود لاعبين في الطرف الايمن والايسر ويتفرغ المهاجم للتسجيل فقط ، لكن الجيزاني ماشوف فيه هذي الامكانيات .. اتكلم عن مهاره خارج الصندوق ومافيه سبب لجلبه الا ان ممكن غيرتس يغير الطريقه الى الطريقه الكلاسيكيه اللي هي 4 - 4 - 2 جناحين ومهاجمين لأني ماتوقع الجيزاني ينفع في الطريقه اللي يلعب فيها الهلال حاليا .

بالنهايه أتمنى التوفيق للجمعان وللجيزاني معنا بإذن الله .