السلام عليكم ورحمة الله وبركاته

مســــــــــــــاء/صبــــــــــــــــــاح الزعامه

بدون لف ودوران بدخل بالموضوع على طــــــــــــــــول

بعد ما انتهى الموسم اتمنى من كل شخص يكتب موقف صعب صار له او تضحيه سواه عشان الهلال

(وقال يالله لعيوووون الزعيم)

اكيد كلنا تصير لنا مواقف احيانا تقهر واحيانا صعبه ومستحيله بس نحاول ندبرها منا منا المهم انا نلحق الموج

الازرق

انا رح اقول مواقفي دائما اروح للملعب بدون ما اقول لاهلي واول ما ارجع للبيت تعبان وحيلي مهدود وصوتي رايح

القى ابوي قدام البيت (يممممممممممممممه وش اسوي يالله يا ابن الحلال خذلك كم تهزياه ورح حط راسك ونم)

المهم اكملكم يومياتي انا وابوي هههههه وانزل من التاكسي ما كاني اشوف شي ويناديني ابوي

خـــــــــــــــــــــــــــــــــــــــــــــــــــــــــــــــــــــــــــــــــــــــالد

ويوقف قلبي وينشف دمي واروح له اعرف انه لا مفر واذا قلت له يبه ابي اساند الهلال والله احبه واعشقه

يقولي ما يخالف رح للمباريات الوديه عشان ما فيه زحمه هههههههههه

ونفس السناريو ينعاد كل مباراه ولا اتوب عن حب الزعيم حتى صار ابوي ما يمنعني بس يقول افتح جوالك عشان

اتطمن عليك

وفي مواقف كثيره طبعا

وابرزها واهمها اني حولت شريحتي من حلا بلس الى الموج الازرق بخمسه وعشرين ريال بغى يجيني انهيااااااااار

عصبي لما شفت رد الخدمه25 ريال مره وحده قووووووويه كان خذوها اقساط هههههههه

(لا تحرمونا من مواقفكم)

الله يعطيك العـــــــافيهـ

ع المواااااقف الجميلهـ


وكل شئ لعيوووووووووووووووووووون الزعيييييييييييييييم يهوووووووووووووووون

انا في مبارة اعتزال نواف التمياط يوم السبت

كان فيه مبارة النصر قبلها يوم الخميس الي العصر الموهم

حضرنا النصر وقررنا نسحب على الكلية لالانا جايين من برا الرياض من الجبيل

لعيون نواف

الموهيم قلنا لازم نجيب شي للمبارة عيب نجي ايديننا فاضي
فكرنا نكتب على قماش كلمت "خلاص بترحل 11" طلاب كلية الجبيل الصناعية
وعرفنا انه ممنوع يدخل اي كتابه

وضبطنا القماش وكل حاجه حلوه

قلنا نرووح من العصر الساعه 4 للمبارة ولفينا القماش على ظهر خوينا من ورى الثوب يعني تهريب قلنا ان شاء الله تعدي
الموهم يوم جينا للتفتيش وفتش خوينا حس انه فيه شي ملفوف على ظهره
ومسك خوينا وقاله فصخ قدام الناس وطلع الي وراك
وبالغصب و بالاخلاق الزفت كالعاده من العساكر فصخ خوينا وطع القماش وجلسو يصورون ع شان اثبات للمحضر وقالو لخوينا تراك بتنام عندنا بقسم الروضه اليوم
المشكلة اننا حنا الثلاثه ساحبين على يوم السبت وباقي لنا كل واحد غيابين وياخذ DN يعني لو حبسو خوينا راح ناخذ حرمان يعني تعيد الترم من اول واحنا في اخره

وفاتتنا المبارة وقعدنا في القسم الى الساعة 10 باليل ورفضو يطلعون خوينا

الى ان جبنا واسطه باليالله طلعه

وسيييدا على الجبيل

والله ذاك اليوم تعبنا نفسيا وبدنيا رصونا في مواقف الملعب الى الساعه 8 ثم ودونا المخفر الى 10

بس يالله كله يهون لعيون الزعيم ونووواف 2000

الموااااااااااااااااااااقف العصيبه تهوووووووووووون لعيووووووووووون الزعيم

الله يخليلك ابيك

والله لولا حبه لك وخوفه عليك كان ما جاب خبرك



أسألني أنا اب وأعرف معنى ان ولدي يجي متأخر

الدنيا تخوف سيارات على مشاكل خلق الله ما تدري وش تواجه


انت يمكن مفتح بس غيرك يبتليك وهو مغمض



تبي رأيي

اسمع كلام ابوك وخذه معك لتشجيع الزعيم



موفق

إقتباس الرسالة الأصلية كتبت بواسطة محمد النجدي الله يخليلك ابيك والله لولا حبه لك وخوفه عليك كان ما جاب خبرك أسألني أنا اب وأعرف معنى ان ولدي يجي متأخر الدنيا تخوف سيارات على مشاكل خلق الله ما تدري وش تواجه انت يمكن مفتح بس غيرك يبتليك وهو مغمض تبي رأيي اسمع كلام ابوك وخذه معك لتشجيع الزعيم موفق

ياربي خليتوني عاق بابوي هي كم مره قصدي كم مراريت هههههههه وبعدها تكلمت معاه وتفهمني والله يخليه لي

مهما كان خيوو يبقى ابووك

وماسوا لك كذا الا لانه يحبببببك



انا صراحه ماعندي مواقف
بس حبيت اشاركم

يعطيك العافيه

هههههههههههههه

الله يخلي لك ابوك

وموفق

كل شي يهون للزعيم .

.
.
.

والله يا كثر السحبات على الدوام والدراسه كله لعيون الزعيم ...

للاسف ما حضرت غير مباراة الهلال والشباب

الي بالدور الاول ,لاني من خارج الرياض وكانت المباراة

في اجازة الحج .

موقف ماراح أنساه في مباراه الهلال والوحده كانت العصر وقبل دخولي للملعب الى واحد يناديني والتفت الى فكتوريا حمراء وينزل منها واحد أنا بلمت وراح لشنطة السياره ومير أنه يطلع علم هلالي وقال خذ قلت وش السالفه قال زواج أختي في الشرقيه وأمي أتصلت قالت لازم تجي طبعا المباره كانت بالملز قال كان ودي أشوف المباراه بس الزواج في الشرقيه ومتى بوصل شكرته وتمنى الفوز هلالي والعلم علقته بغرفتي

مواقف ولا اروع , وتضحية جميله منك الله يحفظك لاهلك .

الله يعطيك العـــــــافيهـ

ع المواااااقف الجميلهـ


وكل شئ لعيوووووووووووووووووووون الزعيييييييييييييييم يهوووووووووووووووون

انا مرره كان عندي اختبار رياضيات وكان الاختبار مو نهائي دوري بس يحدد
اذا راح ارسب او انجح على الحفه وقلت كلو عشان الهلال يهون وما ذاكرت
رحت للاختبار تاني يوم كتبت اسمي وسلمت الورقه وشلت المادة بس والله
يهون عشان الزعييييم <<<<<

انا عتي ما حضرت الا مبارتين كلهم بالشرقيه ( القادسيه - الاتفاق )

قصتي مررره صعيبه ..
المهم ../ المباراة كانت امام القادسيه واول مباراة بالدوري للهلال وبالشرقيه لاااا واول مره احضر للهلال بالملعب ...!
كنت مره مهتم مجهز للمباراة باسبوع الى ان جاء قبل المباراة بيوم قلت وذاك اليوم كان على جيت خويي من الجبيل
كلمته عن المباراة وكذا وقلت اول مباراة للهلال والناس مشتاقه له لازم نروح نشتري التذاكر االيييوم الرجال قال ابشر قدام
حنا طبعا من سكان الدمام والملعب بالراكه قريب الخبر وما نعرف طريق الا من عند الراشد المهم مشينا بسياره كورولا 1900 وشوي السياره اوكيه ما بها شي فيوم مشينا ووصلنا لاشارة قريب الراشد تعطلت السياره وكان جو حر ورطوبة وقرف
فجنبنا السياره بعد ما دفيناها وساعدنا واحد جزاه الله خير قعدنا نشوف وش بلاها ونزبط فيها لين اشتغلت ..
اوكيه كذا مشينا وصلنا لمنطقة الراكه . يا سلاااام فرحانين شوي ما عرفنا وين الملعب ندور ندور نسال يقولون لنا ابد سيد قدام تلقاه ونسيد ونسيد نشوف على يميننا سياج ومبنى مبيييير قلنا اكيد ذ1 الملعب خشينا اقرب فتحه طلعلنا واحد لابس جيشي ويقول لنا على وينا نقله نبي ملعب الراكه ماهوب بذا ؟؟,,, يقول لا الرجال خذ عصا حديد وقام يلف حول السياره شوي يقول لنا سيدوا بعد قدام طلعنا ومشينا رحنا لاشاره تعلطت السياره مره ثانيه يوووه يلعن ابو القرف ننتعها المهم وااشتغلت والملعب كان قدمنا بس ما انتبهنا له نلف يمين يسار نرجع للي ورا نسالهم وصفوا لنا المكان بالضبط يوم وصلنا للاشاره اللي تعطلت السياره فيها وقف جبنا واحد يسال عن الملعب عاااد حنا فرحانييين واثقين قلنا له ابد سيد بتلقاه على يمينك يوم فتحت الاشاره الاخ مشى وحنى تعطلت السياره عسى يوقف ويجي ابد مشى مره ثنانيخ ناحول ننتعها ما رضت ...! الا ويجينا ذاك السياره يوقف لنا واحد معه عماله ويشحن لنا البطاريه الله يجزيه الخير وصلنا للملعب والحمد لله الا والقى شباك التذاكر فاااضي ذاك الوقت انصدمت ...!
اشترينا تذكرتين ومشينا على طريق الساحل عشان نرجع ع الواجهه البحريه اللي بالدمام الا وتتعطل السياره عند محطه واالحمد لله مافي الا نقعد ندور واحد يشحن مافي الا بعد 3 ساعات ما وصلنا الدمام والبيت بالتحديد الا والسياره تطلع دخان من الكبوت ,!!!

وكل ذ1 لاجل الززعييييم يا لبى الزعيم بس