@@ عناد لابن دومة !! @@
عندما قرأت الخبر المنشور في صفحة الزعيم الاولى والذي يقول :
لم يذكر الخبر ان الفريق الفائز عمد إلى اضاعة الوقت مما حرم الفريق المهزوم من ايصال النتيجة إلى 200 !!!
تذكرت المثل النجدي اللي يقول ( عناد لابن دومة ) !!!
وصاحب ابن دومة اللي ( عاند ) ابن دومة قصته قصة !!
يقال ان (صاحب ابن دومة) كان يسكن في رأس ( طلعة) يعني بيته في طلعة .. ومرة من المراريت فضت اسطوانة الغاز اللي عنده بالبيت ..
قام وشالها على راسه وطلع علشان يغير اسطوانة الغاز !!! طبعاً ( صاحب ابن دومة) ما عنده سيارة .. وكان متعود وهو طالع من البيت يلقى جاره ابن دومة قدام بيته ويوصله لمحل الغاز ويرجعه لبيته !!!
المهم المرة هذي .. الرجال طلع من البيت .. ووالتفت وشاف ابن دومة توه راكب سيارته !! وقف الرجال يعتقد ان ابن دومة يبي يقول له اركب اوصلك وارجعك !! ( ابن دومة شكله كان مشغول ) دعس ابن دومة مع الدحديرة ولا حتى سلم على جاره !!!
الرجال عصب
.. شال الاسطوانة على راسه ونزل فيها ( طبعاً الاسطوانة فاضية يعني خفيفة .. ومحل الغاز في اخر الشارع يبي ينزل من هالطلعة ) بس المصيبية بالرجعة والاسطوانة مليانة خصوصا وقدامه هالطلعة !!!
المهم الرجال وصل حده بالزعل من ابن دومة !! وشال الاسطوانة ونزل وغير الغاز وهو راجع للبيت والاسطوانة على راسه .. شافه راعي سيارة وقال له ( اوصلك ياخال ) !! قال ( اقول طس انا ابروح رجليه للبيت عناد لابن دومة !!!) !!!
الشاهد .. ان هالفريق الداج اللي يسنتر ويسجل ببابه مهوب بعيد عن صاحب بن دومة !!! يعني تعاند على حساب نفسك انت ووجهك !!!
الله يستر . يقولون الطنزة تلحق !!! عسى ما نقرأ بعد ايام هالخبر :
أقول الله يستر بس !!!
@@@@@@@@
@@ رسائل معجبيني !! @@
@ القارئ العزيز ( ابو نصبة ) .. شكرا لرسالتك الرقيقة .. بالنسبة لمباراة العراق وامريكا في دور الاربعة في كأس القارات السادسة عشر فسوف تنتهي بإذن الله باربع اهداف مقابل هدفين للمنتخب الامريكي .. يسجل لامريكا جون زاكي وابو سمرة .. لكل لاعب هدفين .. اما اهداف العراق يحرزها علي هيكل وناظم شاصي وجعفر دفرنس .. طبعاً انا ذكرت ثلاث اسماء للاعبي العراق لان واحد منهم يبي يسجل ويلغيه الحكم ( وانا دقيق جداً)
@ القارئ العزيز ..( ركضة الدحيدح ) .. لا اخفي اعجابي الشديد بلاعبك المفضل ابو دحدح .. اما سؤالك عن اول قميص شارك به الفريق فكان رقمه ( 2343 ج تقسيم 23) .. بتاريخ 12/3/1413هـ .. اتمنى ان اكون وفقت بالاجابة على استفسارك ..
@ الاخ الغالي ( نصااااب ) .. اعتذر لك عن تأخري بالرد فانا عادة اتأخر في استلام الــ EMAILالخاص فيني .. لاني ساكن في حي الفلاح وتعرف بعيد جداً عن وزارة البرق والبريد والهاتف !! ومثلك عارف الزحمات والحوسة ..
@ العزيز ( أنا ) .. شكرا لاطراءك في اخوك الفقير الى الله .. بالنسبة لاخر جلسة لعبادي الجوهر فسوف تنزل للاسواق ان شاء الله مع مطلع العام الميلادي القادم 2344587 م .. وسيحتوي على عدة اغاني جديد ابزرها ( العب على غيرنا )
الاخوة القراء اللي ما بعد رديت عليهم ايميلاتهم اوعدكم في السنة الجاية اكمل الردود .. لاني ناوي اسوي فورمات لوزارة البرق والبريد والهاتف .. وسيارتي خربانة ..
مع السلامة ..