جريتس رحل , جريتس بالمغرب ! ’ وكوزمين في البيت الازرق لتدريب الزعيم من جديد ’ - نادي الهلال السعودي - شبكة الزعيم

ع ـبود الـزعيم ! · #1 07/06/2010, 10:05 PM

جريتس رحل .. جريتس بقى .. جريتس زار المغرب .. جريتس مازار المغرب ..
جريتس بيوقع للمغرب .. جريتس ماهو موقع للمغرب .. صدعتوا روسنا والله !
يعني إلى متى بالله عليكم .. طلع لنا ابو فيصل وقال الشايب باقي لين نهاية عقده ..

وطلع لنا جريتس وقال انا مستمر مع الهلال .. والمواضيع للحين تتكلم عن رحيله!
مادري وش تبون غير كلام رئيسنا محبوبنا .. تصدقون موقع ابو ريالين انه بيوقع
للمغرب ؟! .. والله امركم غريب جدا .. لا وبعضهم يقول وداعا يالاسيويه ! ..

وش يحسون فيه بالله ذالمشجعين .. اي وداعا اسيويه ياهوه انت وياه !!

جريتس سواء بقى او رحل .. ان بقى فهو احلى شي .. وإن رحل فهو بعد الاسيويه
يعني وضع الهلال تمام التمام .. واليوم طلع خبر انه اتفق رسميا مع المغرب ..!

لكن مايروح الا بعد الاسيويه . طيب حلو جدا ! لإن عقده اصلا ينتهي بعد الاسيويه
بشوي يعني رئيسنا وعد وأوفى بكلامه وين المشكله الحين ؟ جاه عرض مغري
ويدور عن مصلحته جريتس .. وماننكر مجهوده لكن اللي جابه يجيب الف جريتس

تذكروا يوم راح كوزمين وش قلتوا .. الهلال انتهى والهلال مايسوى من دون روح
كوزمين ومن هالخرابيط .. راح باكيتا وراح وراح وراح ويبقى الهلال له هيبته

اتمنى اتمنى يبقى جريتس .. لكن على حسب الاخبار انه بيروح بعد الاسيويه ..

ومانقدر نمنعه عن رغبته .. جاه عرض دبل الهلال و بيروح والفلوس مي لعبه
واذا جريتس ناوي يضبط شنطته ويمشي " بعد الاسيويه " .. ياليت نجيب كوزمين
بعد قرار العفو من الامير سلطان .. يمكن تتغير خطته الدفاعيه بالعناصر الموجوده

حاليآ .. ونرجع الى ذكرى معاه .. ويكون عارف الفريق جدا ماعدا بعض الاعبين
" محياني , لي , نيفز " .. وبكذا نضمن انه ينجح معنا ابو الـكوز معقدهم !!

والله يوفق الزعيم يارب بجريتس ولا بدونه ’

- وعدنا مباراة الغرافه

βάđя · #2 07/06/2010, 10:10 PM

.

والله من جد اقلقونا جريتس بكبره يقول ماني رايح

والرئيس يقول مهب رايح والنائب يقول مهب رايح

مابقى الا اوباما

علشان يصدقون بعض هالعالم

الله يكتب الي فيه خير للهلال

مشكوور فخر اسيا ( عبود الزعيم )

غلا دنياي20 · #3 07/06/2010, 10:18 PM

يسلم لسانك >صب القهوه ياولدمعليش تحمست >ااااااامزح
وأناأموووت ع كوزمين بس صدقني مره مره صعبه

آلماتدور آلهلالي · #4 07/06/2010, 10:23 PM

ازين مافي روحة المدرب انه قالنا قبل ولا سواها فجأة

بس رضا الادارة عن هالشي يدل على انهم ناوين على مدرب ثاني وجالسين يفاوضونه بهدوء يا ان الموسم الجاي بيصير بربسه وكل شغل هالموسم بيروح

مع اني بديت اتشائم لان وقت روحته مهمه بالنسبه لنا
واللاعبين اكيد وصلهم الخبر مثل ماوصلنا واي مدرب ثاني بيجي بديل له
بتكون سياسته غير وطريقته متى عاد ينسجم الفريق وياخذ على تكتيك المدرب الجديد
الين الموسم خلص والفريق ما امداه يكتمل

يعني عقب هالموسم الخطير , مانبي الموسم الجاي يصير نقطه تحول للأسوأ خاصه عقب آسيا اللي للحين مانضمنها وشكله حاس اننا بنطلع وراح يدور رزقه

يعني انت ياقيريتس يومنك تصرح وتقول تبي تدرب منتخب وتروح تتفق مع المغرب وهو من حقك بس ما اخترت وقت للرحيل الا هالوقت !!

ادارتنا ساكته
عالاقل خبر يطمن بدل هالاخبار اللي تمغص البطن

تحياتي

ولـد زايـد · #5 07/06/2010, 10:16 PM

والله نفس الكلام اللي انا كاتبه بموضوعي
بس للحين الجمهور مشكك
انا اشك بعضهم انهم هلاليه
اعتقد حساد للازرق يبون يشغلونه

يعطيك العافيه

غريب جده · #6 07/06/2010, 10:16 PM

اذ رجع كوزمين ماراح نشوف الخمسات والاهداف من 18 تمريره

ولاراح نشوف فريق هجومي

اتوقع الاداره بتحظر مدرب في مستوى السير جريتس

ع ـبود الـزعيم ! · #7 07/06/2010, 10:17 PM

إقتباس

الرسالة الأصلية كتبت بواسطة غريب جده


	اذ رجع كوزمين ماراح نشوف الخمسات والاهداف من 18 تمريره ولاراح نشوف فريق هجومي اتوقع الاداره بتحظر مدرب في مستوى السير جريتس

جريتس قبل العام كان دفاعي لإن ماعنده عناصر هجوميه
ماكان عنده لي يونغ ولا كان عنده نيفز ولا كان عنده المحياني ..
الان الوضع تغير , ولو تعاقد معه الهلال من جديد اتوقع بيتغير كليا ,

أفـلآطون · #8 07/06/2010, 10:19 PM

حبيبي غريتس خلآص راح توها جايتني رساله من جوآل ماشستر تقول ...!

قآل جيريتس : في تصريح للصحآفه البلجيكيه اليوم أنه توصل لـ إتفآق لتدريب المنتخب المغربي حسب ما ذكرت وكآلة الانبآء الفرنسيـة التي أضآفة أنه , سيترك نآدي القرن الهلآل في نوفمبر المقبل كأبعد حد ...!

8
8
8

وش بعد هالكلآم ؟؟؟!

ع ـبود الـزعيم ! · #9 07/06/2010, 10:21 PM

إقتباس

الرسالة الأصلية كتبت بواسطة أفـلآطون


	حبيبي غريتس خلآص راح توها جايتني رساله من جوآل ماشستر تقول ...! قآل جيريتس : في تصريح للصحآفه البلجيكيه اليوم أنه توصل لـ إتفآق لتدريب المنتخب المغربي حسب ما ذكرت وكآلة الانبآء الفرنسيـة التي أضآفة أنه , سيترك نآدي القرن الهلآل في نوفمبر المقبل كأبعد حد ...! 8 8 8 وش بعد هالكلآم ؟؟؟!

س سؤال .. قريت موضوعي كامل ؟

جريتس إن راح بيروح بعد الاسيويه .. وإذا رح قبل لازم يدفع الشرط الجزائي ..
وإلى الان مافيه خبر من إدارة الهلال تقول إنه ماشي ,

9 زعيم ومن قدي20 · #10 07/06/2010, 10:19 PM

يااااخواان وش فيكم كوزمين ماايدخل السعودية
واكيد ان جيرتس باقي مع الزعيم
طلع وطلع الرئيس قاالوا انه باقي في البيت الهلالي
وتقبلو تحياتي:ابـــــــــــــــــــوعلي

ع ـبود الـزعيم ! · #11 07/06/2010, 10:22 PM

إقتباس

الرسالة الأصلية كتبت بواسطة ابــــــــــــــوعلي


	يااااخواان وش فيكم كوزمين ماايدخل السعودية

مطفي النور الله يهديك :/
يالحبيب جريتس يقدر يدخل بعد قرار العفو من سلطان

أفـلآطون · #12 07/06/2010, 10:23 PM

إقتباس


	س سؤال .. قريت موضوعي كامل ؟ جريتس إن راح بيروح بعد الاسيويه .. وإذا رح قبل لازم يدفع الشرط الجزائي .. وإلى الان مافيه خبر من إدارة الهلال تقول إنه ماشي ,

قريتـه وعلى هألأسآسة كتبت الرد ..

’,’

نسيت أشكرك في ردي الأول

شكـرآ

غازي الحبردي · #13 07/06/2010, 10:30 PM

لا أعتقد أن جيرتس يغامر بسمعته وكلمة الشرف التي قطعها على نفسه مع شبيه الريح ولو أراد ذلك أول من يعلم
بذلك شبيه الريح

تحياتي لك أخوي ولم سطرت آناملك من كلمات واقعيه بعيد عن الشحن النفسي

مهستره بفن الزعيم · #14 07/06/2010, 10:32 PM

كلام سليم 100%
بالتوفيق للزعيم إن شالله

HiLaLy 7 · #15 07/06/2010, 10:33 PM

يا اخي ازعجتونا انت وياه...

قيرتس باقي الموسم هذا كله وللهلال الاحقيه بانه يجدد موسم ثالث...

يعني قيرتس باقي السنه الجايه واللي بعدها...

خلاص فكونا تراكم ازعجتونا....