إقتباس الرسالة الأصلية كتبت بواسطة ام متعب التميمي انا برد على دلع بوضح نقطه احنا لما نعارض الاختلاط موالمقصد نبغى الجهل شوفي حبيبتي احنا الدراسه عندنا كلها حريم في حريم يعني احنا لما ندخل المدرسه كانا في بيتنا العبايه كلها بالشنطه مانتحجب زيكم .........!!! وماانبغى نقيد حريتنا احنا عايشين كذا ومبسوطين وخاصه انو سبق وان زارنا بجامعتنا وفد من الكويت وقالت نظامكم اطلق ميه مره من نظامنا اقلها البنت تاخذ حريتها باللبس وتحس بأنوثتها وماتتقيد بحجاب وغيره واحنا يدرسنا دكاتره لكن من خلف شاشات مايجي عندنا فكل دوله لها الحريه فأختيار انظمتها ونحن كشعب نرفض الاختلاط بجميعاشكاله وألوانه مادام هناك من يستطيع تدريس طلاب الابتدائي ذكور فلا اجد اي منفعه من دمجهم تحياتي

أنا ادري حبيبتي .. انه الاختلاط ما يعني الجهل ..
بالعكس انتو كدولة محافظة جدا .. نسبة الثقافة فيكم عاليه جدا ..

اما بخصوص مدارسكم .. ادري انه كبيتكم .. وتاخذون راحتكم ..
وانا من زمان نفسي أي أي مدرسة سعودية واشوفها عن قرب ..
لانه ربيعاتي وايد يرمسون عن مدارسكم ..

.. ينا لمربط الفرس ..
انتو شكله مدارسكم ما فيها نقص .. ما شاء الله ..
احنا عندنا الشباب ما يتجهون للتدريس .. فعندنا نقص في المدرسين من ناحية المدارس ..

والشي الثاني .. المعلمات يدرسون بس الروضة والصف الاول والثاني بس ..
يعني مب كل المراحل ..

مفهوم الاختلاط انتو وايد ماخذينه على اساس انه مضيعة وصياعة من الشباب والبنات ..!!!

انا بخبرج شي
مثلا عياداتنا .. انروح يكون في الرسبشن ولد .. نعطيه البطاقة ويدخل البيانات في الكمبيوتر .. وانتهى الموضوع .. يكون الكشف عند الدكتورة ..

الحين شو معنى الاختلاط اهني؟؟

صحيح انا اعارض الاختلاط في المكاتب و غيرها من الاماكن ..
لكن في الضوروة لازم الحرمة تطلع وتقضي مشاويرها اذا لزم الامر ..

فليش مصعبين الامور ..؟؟!!

اعارض الاختلاط في الجامعات .. اعارض الاختلاط في اماكن خاصة ..

وهيك يعني ...

لكني بنفس الوقت أأيد هالشي ... لانه مرات الواحد يكون ملزم انه يسوي اشياء في غياب رب الاسرة ..


انا وحدة ما اعرف افهم بالكتابة .. لكن لو بغيتي تيلفون يكون احسن

إقتباس الرسالة الأصلية كتبت بواسطة marsal دلع انتي للان تتكلمين من حب دولتك و تخافين على سمعتها ... عندنا بالسعودية فساد مالي و أكبر موردين الفساد بالعالم سعوديون و باموال سعودية الاصل و المنشى .. فليس لي دخل بهم و لست ادافع عنهم بس لانهم يحملون الجواز السعودي .. الاختلاط حرام شرعا و له تاثيرات كبيرة لا يمكن التتنبواء بها ولو حصل ووجد فهذا ليس دليلا على قبوله بل خطئ استراتيجي بالنظام و التخطيط جعلنا نصل الى هذه المرحلة ... ما المانع ان تكون مستشفى مستقل للنساء بكل تخصصاته و مستشفى متخصص للرجال بكل تخصصاته ...؟؟ على الاقل يزول الحرج في اثناء المرض و تأخذ المريضة وقته و راحتها من الاسترخاء و الراحة دون خوف وخجل ... خذي كلامي بعيدا عن دولتك خذيها كمسلمة موحدة ففي النهاية لن تحاسبي عن ما فعله الامارتيون و لن تاخي اجرا على افعالهم فكل فرد له كتابه الخاص ..

لا والله مب من حب دولتي .. لكن الامر يحتم ع الواحد انه يكون في اختلاط في اماكن محدده مثل ما ذكرت ..

ما نختلف انه الاختلاط محرم شرعا ..

اعوذ بالله منك يا ابليس نسيتني حديث الرسول صلى الله عليه وسلم ..
يوم انه يقول ( ... الشيطان ثالثهما ) .. المقصد انه في الاماكن العامة ما فيه انا وانته رواحنا ( لحالنا ) .. يكون في مكان عام والكل شايف ..

بخصوص المستشفيات .. انه كل جنس اروحه ..

خل انشوف اول شي مستشفيات شكل الناس وعقب نرمس وانقول انه نبى مستشفى مستقل لكل جنس ..

بعدين صح انه المستشفى واحد .. لكن لكل جنس في قسم للمستشفى ..

يعني عيادة العظام مثلا .. عندنا .. الرياييل في صوب والحريم في صوب ثاني .. وما يختلطون ابد .. والعيادات الثانية .. كلها جيه ..

فللحين انا ما اعرف انتو بشو اصلا تقصدون منع الاختلاط ..

ممكن اتفهموني اكثر ..؟؟


بعدين يا مرسال انا ارمس مب عن حب دولتيه .. انا ارمس عن امر واقع انا عايشتنه ..

صحيح انه ما خفي كان اعظم .. لكن الامور بخير ولا صاير اللي انتو متصورينه ..

وبعدين ما يخصه لا سياسة دولة ولا شي ..

ويا مرسال ادري انه لا تزر وازرة وزر أخرى .. فليش الخوف ما ادري ..؟؟!!
يعني انته قلتها .. انا ما باخذ لا باجرهم ولا شي ثاني ..
كلن له كتابه الخاص ..

ونصيحة مني لكم .. ربو ابنائكم ع التربية الصالحة و ع الثقة المتبادلة الانه اللي انشوفه الحين عن السعودية غير عن اللي كنا انشوفه قبل .. صح وله لا ..؟؟

يعني الحين بقيادتكم الرشيدة .. شفنا ظهور اعلاميات متميزات ..
شفنا اشياء وايد تغيرت بحكم الملك عبدالله .. شفنا الانفتاح ..
شفنا اراء السعوديين تغيرت عن اكثر من موضوع ..
شفنا ظهور السعوديات المبدعات ..
والقادم اكثر في ظل القيادة الحكيمة .. طبعا مع المحافظة وبحدود ..


انا كمسلمة يا مرسال .. اعارض الاختلاط في عدة اماكن .. وأأيده في بعض الاماكن ..

وايام الرسول صلى الله عليه وسلم كانن الحريم يضمدن جراح في الحروب ..

والكلام يطول والنقاش يطول .. .. ..

بكل صراحة وصدق وامانه

افتخر بشخص سعودي مسلم بمثل فكر مرسال

الله لا يضرك يا مرسال

وربي كلامك كله درر

وانا معاك قلب وقالب


لعن الله كل علماني يريد نشر الفواحش

واللهم استر علينا يارب

اخر الزمان يصبح الدين غريب وبالفعل بدت ملامحه الغربه تظهر

اللهم ارنا الحق حقا ً وارزقنا اتباعه وارنا الباطل باطلا ً وارزقنا اجتنابه

ما راح اقول الا شي واحد ،اكيييييد الكل بيزعل منه !!
الولد يدري عن وش يصييير بمرحلة المتوسطه بالذات من انحراف في بعض الطلاب
والبنات يدرون عن الانحراف الموجود الي اتوقع انه اكثر من عند العيال !! لاني سبق ودخلت مدرسة بنات وشفت بعيوني وش مكتب على الجدران والطاولات !!
يعني الي يبي يذكر سيات الاختلاط يذكر اذا تكرم سيئات الوضع الحالي...
طبعا هذا ما يعني اني اوؤيد الاختلاط لان الشعب شعب همجي للحيين !!

افا ياذا العلم الشباب عاطلين عن العمل ومعهم شهادة

البكالوريوس ... وبتخربها الوزارة .. بتدريس الفتيات

للمرحلة الابتدائية .. الله يهديهم >>>> لازم يدرسون الامر من جميع النواحي

و الله ان دخل الاختلاط في التعليم العام في المملكة ... رااااحت علينا

آلله يسستر من آلجآإي !

هالحين هالاطفآإل يفهموون كل شي !

حنا للأسسف فآإهمين التطوور غلط !

يعني بالله وش يضركم لو مآإ حطيتوآ هآلنظآإم ! مثلآ بينجح الطآلب ويكون عبقري ! البنت بتصير مثلآإ نآإبغه !

يعني وش حصلتوآإ من هالنظآإم ! بس سسسوآإلف توجع القلب !

يعني والله ان الرجآإل يفكر بشي ثآإني .!

يكفي مااصآإب هالبلد من بلآإوي ! حتى وهو مافيه اختلاط صار اللي صآر.! فمآإ بآلكم لو استمر هآلحآل على مآهو عليه !

قسم السسعوديه كل مآلهآ وتضيع .!

والله يسسستر يآإرب !

ويآإليت لو يقفون هالنظآإم ! وش زيننآإ وحنآإ بدونه !

في برنامج للشيخ سلمان العوده قبل تقريبا شهرين مدري ثلاث مااذكر المهم استضافوا مدير من الي بيطبقون هالنظام يقول ان الدراسات تقول ان المبزره يتقبلون الاناث فتدريسهم والمعلومه توصل بشكل اسرع وبسلاسه .. يعني وين المشكله بالذات ان هالمرحله مرحله اعداد وشكرا لي على اثرائكم

الديـن واضـح ولايحتآج هـ النقآشآت الي مآرآح تطلع بفآيده ..

الاختلآط حرآم .. بـ الكتآب والسنـه .. وانتهى كل شي
وخير الكلام ماقل ودل

زيزوم الزعيم ..

اتفق معاك انه الاختلاط محرم .. شرعا


وانا ما افتيت انه عادي ..

شوف العريفي يوم قال الحين الوحده ما يبالها محرم .. يوم اتسافر .. لانها اتسافر مع شلة حريم ..
والتنقل من مكان لمكان اسهل من ايام الرسول صلى الله عليه وسهل اذا لزم الامر ..
لانه قبل كانو يركبون الدواب .. اما الحين في ساعتين الطايرة واصله واصله ..
هذا يوم سالناه عن السفر اذا من غير محرم .. ويوم الواحد يكون مضطر ..

شوف اخوية انا ما احرم ولا احلل ..
انا قلت وجهة نظر .. واكيد فيها اخطاء .. لاني انا انسانه ..
لكنني اني احلل شي وهو محرم شرعاا طبعاا ما يصير ..

انا قلتلج عن واقعنا اللي عايشين فيه ..
اذا انتي سمعتي برنامج في قناة الدانة كانو يرمسون عن الاختلاط .. واغلبهم مأيدين
لانهم في حاجة ماسة لهالشي ..

::


حتى احنا عندنا الحرمة محد يتعرض لها اذا كانت محترمة ..
وراعية الحركات هي اللي تبى الشباب يركضون معاهااا ..
يعني لا تقيسين هالشي بس في المملكة .. ترى حتى احنا عندنا ناس عايشين عيشة الملوك ..

حتى احنا يجدمونها عند الصرافة ..
ويجدمونها عند المعاملات ..
ويجدمونها في وايد اماكن ..

لانه الناس تربت على جيه انه الحرمة اول وعقب الريال ..

::


الاختلاط حراااااااااااااااااااااام حرااااااااااااااااااااااااام ..
وما نختلف على هالشي ..

والله يستر علينا وعليكم ..



والله يسامحنا ..

إقتباس الرسالة الأصلية كتبت بواسطة زيزوم الزعيم اختي دلع... عندما رأيت ردك و كلامك الذي جانبه الصواب في اغلب ماذكر به لكن عندما اردت ان ارد ... كادت ان تتكسر اناملي ... بل انها تجمدت ... فأمرتها ان تتحرك ... الا انها لم ترد... ولم القا منها اي اجابه... فكررت ندائي لها وقلت بكل ما يعلو به صوتي تحركي واجيبي ... الا بي اشعر بانها تستجيب للنداء...بل انها بدأت تتحرك قليلا...ولو انها ترتعش ... فقلت لها بكل تعجب و استغراب .. مابك ترتعشين وكأنك تواجهين امرا عصيبا... الا بها ترد علي وتقول ... ارجوك ان تعفني عن الخوض في هذا الامر... رديت عليها وقلت لها...لماذاا..؟؟ هل انتي عاجزه عن ردٍ بسسيط في هذا الموضوع الحساس فردت علي قائلتا... وهل تعتقد ان ما تأمرني به امرا بسيطا...هل تعتقد ان هذا الموضوع مجرد موضوع..؟ فقلت هو مجرد موضوع عن الاختلاط...فلماذا كل هذا الهلع...الا بها ترد صارختا ..(بتلك الرعشه التي لم تفارقها) الامر ليس في الموضوع ... بل هناك ما هو ادهى و امر .. وعسا الله ان لا يحاسبنا بما يفعل غيرنا.. فقلت ماهو...؟؟ فقالت امعن النظر في النقاش و الردود وستعرف ما الذي يجبرني على عدم الخوض فيه الا بي امعن و ادقق و اقلب في صفحات الموضوع و اتفحصها حرفا حرفا بدون تفويت اي شيئ الا بي اقتنع بما قالت لي اناملي...وبدات الرعشة التي اكتست تلك الانامل المتخوفه و المرتعبه... تتحرك و تنتشر على انحاء جسمي لتكتسيه كاملا...الا بي ايقن ان تلك الانامل اصابت في كل حرف قالته... اصابت لانها خافت و لم تخوض الكثير بل حتى القليل في هذه الردود و هذا الموضوع وامتنعت عن هذا... لانها استذكرت ان الاسلام بدأ غريبا و سينتهي غريبا .. لان موضوعكم و نقاشكم لم يعد في الاختلاط فقط... بل تحول يعضكم و وصل به الامر ان... لن اقول انه وصل بهم الامر ان يحرفون فيما فرضه الله... بل سأستلطف الامر وسأقول... انهم يضيفون اراءهم في الدين و محللاته و محرماته ويبدون اراءهم... وكأنهم يقولون و العياذ بالله...لو الله فرض هذا و منع ذاك ولو انه احل هذا و حرم ذاك... واعني بهذا من يقولون انهم يؤيدون الاختلاط في ذاك المكان ... وهم ضده في المكان الاخر... لا ... لا ... لا ارجو ان لا نصل الى هذا الحد من الجهل او الى هذا الحد من محاولة تبرير عن امور تلذذه النفس... لان النفس امآرتا بالسوء...ومن سيتبع اوامر و متلذذات النفس حتما هو ضائع دنيويا و اخرتا... ارجو ان لا يأتي من يقول ويفتي ان الاختلاط عادي هنا ... و غير عادي و غير مقبول هناك... وان الاختلاط بهذه الحاله يجوز.... لكن بتلك الحاله :..لا و الف لااا ولماذا وهذا وهذاك... لا ... ان كنت تؤيد الاختلاط في مكان او زمان محدد ولا وترفضه في مكان و زمان اخر..فحتما انت مع الاختلاط... هل تعلم لماذا .... لان الذي اعرفه و اظن ان جميع المسلمين يعرفونه.. ان الاختلاط محرم بكل مكان و اي زمان... فلماذا نحاول ان نحرمه هناك وان نجيزه هنا...لماذا نحاول ان نبرر لملاذ انفسنا...تكلمو بما فرض الله علينا.. اتبعو ملاذ انفسكم ان اردتم...فلن يمنعكم احد...لكن لا تحاولو تبريره بتغيير شيئ مما فرض الله سبحانه علينا... بل اعترفو بخطأكم اهون و اقسم بالله انه اهون من تبرير الخطا بأعظم خطأ ... بأن تحاولو تغيير مافرضه الله... لان الاختلاط لا يجوز... صحيح انه لا يجوز للبالغين العاقلين الكبار...ومباح للصغار الاطفال الذين لم يبلغو... لكن واقسم بالله انها اعظم من اختلاط الكبار...ببساطه لانك اذا كنت كبيرا ستتصرف على تربيتك وما علمت صغيرا.. اما الصغار فهم يتربون على ذلك...والطفل البريئ يتربا و يُصب في مخه هذه التربيه (الاختلاط) كي لا يلقو صعوبه عندما يكبرون هاؤلاء الصغار وكل واحد منهم يشغل منصبا في الدوله في تنفيذ مغازيهم و مايودون الوصول اليه الا وهو الاختلاط... لانهم يفكرون و يعملون للأمد و المدى البعيد لانهم لم يقوو على المدى القريب ... تعقيبا على بعض ماذكر في رد ( دلــع ) عندما ذكرتي ان هناك مايلزم على المراه القيام به اثناء غياب ولي الامر تقصدين بذلك ان تخرج المراه وتتسوق و تكمل جميع نواقصها اقسم لكي بان المراه عندنا تمشي كالملكه وان و الاسواق و المجمعات ملكا لها والدليل لذك اعطيكي مثالا و اسألي اي شخص سعودي او سبق له وان زار السعوديه بصحة هذا المثال: الدليل على ان المراه ملكه في السعوديه انها لو اتت سياره مليئه بالرجال ولنقل ان عددهم يبلغ العشرة رجال... وارادو دخول احد المجمعات او ماشابه ذلك يتم منعهم ...لماذا..؟؟ببساطه لانه ليس معهم امراه ولو اتت سياره بها عشرة رجال وامراه واحد لفتحت لهم الابواب وتم استقبالهم وسمح لهم بالدخول والمراه تخرج من بيتها بأمن و امان ولا احد يجرء على ان يتعرض لها ولدرجة انها لو اتت عند آلة الصرف النقدي (صرافة الفلوس) في اي مكان يتم افساح لها المجال ولو كانت في ايام نزول الرواتب تتقدم بكل اريحيه وتحصل على مرادها وتذهب بكل اريحيه... ولو اردتي اطالة الحوار و الخوض في هذا الامر فحتما في الاخير سأقنعك لان اتكلم بما هو متعارف عليه وارجو ان لا تغير في الاحكام ولو انكي لا تقصدين بانكي تقولي اؤيد الاختلاط في اماكن واماكن لا.. لا يا اختي لان الاختلاط لا يجوز في اي مكان ولا اي زمان على معلومتي ... س/هل تعامل المرأه في امريكا او بريطانيا او اعظم دول العالم بهذه الرفاهيه؟؟؟ لا اظن ذلك في الاخير اسف عالاطاله لكن اتمنى ان تستفيدو من تجربتي مع اناملي وان تقطفو ثمار هذا الحوار وان ترمو ماهو غير مفيد وان ترمو به بسلة النفايات ولو اني اظن ان كل ماذكر مفيد و هادف ولو وردت به بعض الاخطاء الا ان المخطأ سيلقا صوابه وسيصحح خطأه... زيزوم الزعيمــ...

إقتباس ,,, الله يعين بس إذا الحين وماكو اختلاط السـ*ـاق واللـ*اط منتشر أجل لو طبقوا اختلاط وش بيصير ...؟ الله يستر ,,,

+

يعجبني الانصاري شخص كويس وجريء

نسأل الله أن يحفظنا

اليوم معلمات في الإبتدائية
وغداً في المتوسطة والثانوية
وبعده في العمل !!!

نعوذ بالله من عذابه ,

يا أهل الإمارات ودول الخليج أنتم على غلط ..


أهم شئ ديننا يحرم الإختلاط وماله داعي تجيبون مبررات ولا راح نقتنع فيها


وتذكرو قول الرسول صلى الله عليه وسلم في مامعنى الحديث لايخلون رجل بامرأه الا كان الشيطان ثالثهما ..<< معنى الحديث مو نص ..

وشكرا لك ياصاحب الموضوع ..

فعلا الموووضوووع خطيرمو دائماااااا يقولووون عن اي شششي تعلمه الانسسسان

تبدء من الصغرررركيف لو فيه اختلالالالاط وش تبي تعلمه على الجراءه على الحريم يعني اذا كبر

مايستحي ولايغظ بصررره عن الحريم والله غير تصير بلاووووي للاسسسف فاهمين التطووور بالمقلوووب

التطووور مو انك تقلد الغرب وتبيح ماحرم الله التطووور يكون ماااششي بشريعه الله مو بشريعه البششششر

الله يرحمنااااا برحمته