السلام عليكم ورحمه الله وبركاته..
اولا مساكم الله بالخير جميعاااااااا بدون استثنااااااااء او صبحكم بالخير اختر الاجابه اللي تناسبك:p ؛؛؛ المهم مهوب هذا موضوعنا بس موضوعنا طال عمررررركم عن ابويعقووب وابي اقول رأيي بالموضوع ويعجبكم ولا ما يعجبكم اسم انه طلع مني هالراي والله يعينكم عليه
؛؛؛
اول شي ابقولكم ان اليوم في جريده الجزيره كتبوا عن الثنيان وانه يبي يحطونه فوق الرف يعني يبي يقولون له فرصه سعيده يا ابو الشباب<-- ليته والله شاب
؛؛؛ والشيء اللي قاهرني يا ان فيه ناس تدافع عن الثنيان وتتهجم على ماتورانا بسبب انه"ما اهتم فيه بنظرهم" مع اني اشوف ان الثنيان هو نفسه ما اهتم بنفسه على الاقل في الفتره الاخيره لدرجه اننا صرنا نسمع عن اعماله التجاريه اكثر من ما نسمع عن اعماله الرياضيه ودخل العنوان بالموضوع هو اني اشوف ان الثنيان بالوقت الحالي يجب انه يركز على شي واحد من اثنين اما اهتمامه بالامور التجاريه والله يرزقه
او انه يهتتم بالهلال لانه لو ما اهتم بالهلال هو الخسران الوحيد لان الهلال بحياته ما صار اسير للاعب واحد حتى لو هو بحجم يوسف وهذا رايي بالموضوع<-- احد طلبه
واعذورني اذا كان رايي يضايق احد.
@@@@@@ طواري@@@@@@@
على طاري فواز المسعد كانوا يتكلمون عن اسمه في النادي وعن مدى فائده النادي منه وعن المبالغ اللي سرقها من النادي وفجاه يصير المخلص ما يصير يا جماعه..
على طاري المسعد وش قصه سعد الدوسري هل هو هلالي ولا اهلاوي ولا استهبال صحافه..
وعلى طاري سعد ما اظن فيه احد يبي يخلص لنا موضوع سعد الا الكابتن سعيد العويران
؛؛؛
وعلى طاري سعيد وين البلوي ووين اللاعب اللي يبي يجيبه للنصر
..
وعلى طاري النصر وين رمزهم مختفي عن الجرايد ولا متوهق بعياله اللي يبي يستقيل ولا ما يبي يمسك مهرجان ماجد<-- الله لايبلانا :p ..
********
خاص لكل الاعضاء بدون استثناااء**
كل عام وانتم بخير بمناسبه حلول شهر رمضان المبارك واتمنى من اي شخص سبق وان زعلته من الاعضاء انه ما ياخذ بخاطره لاني اعتبر ان الاعضاء في المنتدى هذا اخوان رغم قله مشاركاتي
..
الوضع العادي
