مازالت سويسرا متقدمة على اسبانيا

والله ياشوتة الونسو خطيرة وفي القائم كان يمكن التعادل

هارد لك لنا نعوض إن شاء الله في الجايات

ومثل ماقال ايوب الثقه الزايده كانت سبب من اسباب الخسارة .. والقهر في الهجمات الي ضاعت في الشوط الاول وهي هجمه بيكي وفيا وانييستا

آآه بس لو شويا حظ في كورتي الونسو ونافاس !!


طمنونا على انييستا بس خلوا المنتخب يطلع ولا تجيه اصابه

هاردلك ..
المنتخب كله مهوي الا كم لاعب .. لو نلعب 10 سنوات قدام ما سجلنا ولا هدف !
ان شاء الله هالخســاره تسوي ردة فعل .. دخلت اللاعبين و ان هم ابطال العالم
قبل لا تبدا البطوله أثرت عليهم بالهمبارة .. و الحمد لله خسرنا .. خلوهم يصحصحون !
ولا بنشوف الفريق اوت من اول تحدي !!

الحمد لله على كل حال .. هاتو هوندراس

شكلها اسبانيا و برازيل بدور الـ 16 , الله يستر

تشكيل غلط من البداية تسبب باعطاء الثقة لسويسرا

معقول يا ديل بوسكي تلعب بمهاجم واحد و بدون اطراف فعاله قدام منتخب عارف انه بيقفل

ديل بوسكي ضيع المباراة مع خطأ بوكيتش الساذج و المتكرر و بويول !!

بـ اختصار ,

هيتسفلد سيّر المباراة بالشكل المطلوب وخذا اللي يبي منها دون أي اضرار .
المنتخب الاسباني مشكلته انه استمر على نفس طريقته التقليديه المقتبسه من اداء برشلونه .
تدوير الكورة بين اللاعبين لـ اطول وقت ممكن واكتشاف الفراغات واللعب على اخطاء الخصم بشكل سريع .
الأسلوب هذا ماراح ينفع لأنك في كأس عالم وكل منتخب مستواه اقل منك راح يقفل كل الممرات ويعتمد على الهجمات المرتده .
الاسلوب هذا ماراح ينفعني الا اذا سجلت هدف مبكر , وكل ماتأخر الوقت كل مازاد الضغط عليك وزادت الثقة عند خصمك .
وبكذا ماراح تضمن أي نتيجه , لابد من دل بوسكي انه ينتهج اسلوب خاص فيه ويحاول مفاجئة الخصم لأنك بذا الطريقة ماراح تمشي
لأن الأغلبيه حفظوها وكل منتخب صار يدرس كيفية ايقاف خطورة المنتخب الاسباني اللي يلعب التكتيك المكشوف.

على العموم الاسبان قدامهم مباريات سهله وقادرين على التعويض .

بالتوفيق وهارد لك للجميع .