هلااا باام متعب
وانا اشوف المجلس منور اثريك كاتبه موضوع فيه
((عطيني ورد زي ابو مهاا ترا حتى انا تميميه مو بث هو))
* سوفي يابعد حيي
يلبس جينز بكيفه
يلبس الي يلبس بكيفه
بس يكون مايخالف ديننا والعادات والتقاليد
* هاذا النقطة مهمه
الاوهي الرقص والشكشكه
انا من وجهة نظري
عاتي يرقص بزواج اخته خالته عمته واقاربه بشكل عام
او انه يرقص العرض
هنا مافيش اي مشكلة
اماا انه يوقف بنصف الشارع ويهز خصره هاذا شي مرفوض تماما
وماادري وش يحس فيه الي يسوي هاكذا
* له له
وس ذا الحتسي
معقولة تبينهم يسون كدش
ماهي منك يافتاة
الكدش وععععع خلقه ...عاد كيف لو سوه الشباب
اماا عن تطويل الشعر
عاتي مافيه اي مشكلة يطوله
بس يكون بحدود ...موتوصلة لنصف الظهر
واذا طوله ينظفه على قولة اخونا ياسر
* شي حلو انهم يتبعون الموضة
بس مو اي موضة
اصلا الشباب السعودي نادرا ماتجد منهم من يتبعب الموضة او يكشخ
واذا قرر انه يكشخ يكشخلي بشماغ وهاذي العاده كثير ماتجدها عن شباب الرياض
* العطور النسائية عادي يشتريها بس انا افضل انه يتشري عطر رجالي
وانا احب العطور الرجالي اكثر من النسائي ودائم اشتريها بس ماتكون قوية
يااختي عندهم ماركات عطور جنان
*********************
حتى انتي محطمك ذآيب (ذا الولد ماترك احد الاوحطمة )
شكرا على الموضوع
واشك ان الي كاتب الموضوع انتي
قلبي يقول ابو متعب
لانه الموضوع يدافع عن الشباب
او انتي كاتبته وتحكي عن معانات بو متعب
عزيزتي ابي اختصر لك الأجوبه و ماابي اطيل عليك بس اتمنى تتقبلينها بصدر رحب
لبس الجينز والبرمودا ومشتقاته ؟؟
عزيزتي معجبك لبس الشباب هل اليومين للجينز طيحني و بابا سمحني و مدري فيه نوعين نزله جديد مااعرف اسميهم .. وربي ماالوم الأسواق و غيرها من المجمعات من طردهم لبس خادش للحياء ..
الرقــص والشكشكه ؟؟
اي رقص تتكلمين عنه هذا قلت حياء اجل الواحد يقعد يهز و يشكشك على قولتك وين راحت الرجوله
الكدش والشعر الطويل ؟؟
الكدش و سخه و تقليد للغرب زيه زي طيحني و شلتها من الجنوز الجديده
اتبــاع الموضه واشتراء الماركات من رباعيات لاكوست ديزل..الخ ؟؟
مافيه شيء ولا اتوقع احد تكلم فيها ابد ..
استخدام العطور النســائيه.... ؟؟
كذالك مافيه شيء ولا سمعت احد قد تكلم فيها ..
... الزبده موضوع ماله اي فايده و يتكلم في امور موب راضي فيها لا الرب ولا عبيده ..
السلام عليكم ورحمة الله وبركاته << توه طالع من المسجد والإيمان فل << الله يزيدك ياعبدالعزيز..احم
أهلا أهلا أهلا خالتي أم متعب ..
أول شيئ شفتي وش قالوا مجلة طله عن كلمتي لك : خالتي..؟!!
الله يهديهم مجلة طله << طلع منها ههههههه
جينا لموضوعك الخرافي هذا..
أول شيئ شكرا لك لأنك دافعتي عننا ..مدري ليش جاني الصياح << أقول اسكت بس ..
** والله أنا شخصيا إذا شفت الشاب حط لي شوشه وإلا مطول شعره أرحمه داخل نفسي لكني أتقبل دوافع الأفعال هذي من فراغ وحب ظهور وضعف شخصية وتقليد وغيرها..
لكن إن جيتي للصدق هم تركوا السيرة النبوية كلها والسنة كلها ولا طاحوا إلا بالشعر..؟ بعدين أذكر إني قريت كتاب لأحد المشايخ يقول إطالة الشعر ليس سنة ..ليش يافضيلة الشيخ..؟ قال الشيخ : لأنها تعتبر من عادات العرب في الجاهلية فالكل في ذلك الوقت كان له شعر طويل بل ويعدونها في ذلك الوقت من الرجولة..!!
يعني المسألة كلها ياخالتي عادات ..لاسيرة ولاسنة..!!
** عاد البناطيل والجينز أتوقع هذي المسألة بحسب رغبة الشخص ..يعني مثل ما بعض الناس يحبون يلبسون الشماغ والعقال دايما نلقى بعض الناس يحب يطلع بالثوب ومن دون شماغ..
مثلها البدل والجينزات إذا كانت تراعي الذوق والآداب العامة فلا أرى بها بأسا<< تكفى يا الشيخ يا صاحب الفضيلة..
بس أهم شيئ تكفون يا حبايبي : انتبهوا للذوق في اختيار تناسب الألوان ..تراها رافعة ضغطي أذواق بعض الشباب..
** العطورات أنا شخصيا : ماعندي مشكلة أستخدم أي عطر - رجالي وإلا نسائي - دامه يعجبني وريحته حلوة فأنا بستخدمه ولاعلي من كلام الناس..
*** أخيرا أم متعب : مواضيعك حلووووووووة ..بس هالمرة عاد ارتفعت أسهمك عندنا يالشباب لأنك دافعتي عننا..
- خالتي أم متعب : وين بتسافرون بالإجازة..؟!! احم احم تذكرين تذاكر السودان..؟ تراها للحين موجودة ههههههه
الله يسعدك ويحقق لك أمانيك يارب<< شكلي طولت عليك ..احم
تحياتي
المكان: ’،’,~’، فــي احـلى و اجــمــل وأرق ســطـح فـي الرياض
مشاركات: 1,593
هااااااه ترا اشوف الوضع تغير
ترا انا رحت جبت مشعاب وبلفع البنات اللي قاعدين يتريقون ومدري ايش
يالله اها بس لا احد يطري الشباب باي مكروه او اي اي ولا زي زي
البارح كنت كسلان رجعت اليوم بكل نشاط و حيويه الا والبنات يسبون و يشتمون لماذا؟؟
والله ودي ارد بس مابي <<< الا والله خايف من غدر الشباب
المهم يعطيتس العافيه يالوحيده التي تدافع عن الشباب ومشتقاتهم
وانا اشك ان هذا الدعم للشباب آتي من فراغ
بل اشك ان هناك مصالح ستظهر في المستقبل القريب<<<<مدري وش يحسبه اليوم
مالت عليهم بس.. مشكله لما تشوف عسكري طفشان من شغله.. يدور للناس على اي قصور..
اجل قسيمه عشان الحزام بنص البلد.. وليت كل الناس يربطون الحزام.. مليون واحد مر من قدامه ما وقف غيري..
*الجنز ومشتقاته..
كل واحد يلبس الي يعجبه وما عليه من احد.. واعلي مافي خيلهم يركبوه.. المهم لا يكون مخالف للشرع فقط..
*الموضه والكشخه.. شي اساسي ومهم.. لا اشوف واحد يقول دلع وتقليد ووو الخ..
حرام يعني الواحد يهتم بروحه.. ويكون كشخه مره..
ان الله جميل يحب الجمال..
ومشكلة لما اهلك يقولوا لك انت تاخذ وقت بالكشخه اكثر من البنات..
طيب وش نسوي لهم اذا هم ما يعرفون خلهم يتعلمون.. وش دخلنا احنا..
حلو الواحد يهتم بروحه ويكون انيق بكل شي..
المهم لا يتورط مع اخواته.. كل شوي تعال معنا انت ذوقك حلو..
*العطور النسائيه..
احسن شي فيها.. ريحتها قويه.. وتركيزها عالي بشكل كبير.. والبنات ما يحبون ذا الشي.. بعكس الرجال..
وما اشوف فيها شي استخدام العطور النسائيه.. بالعكس.. بالاول والاخير هو عطر لا يودي ولا يجيب..
وبالاخير.. كل واحد يعرف مصلحته.. ويعرف وشلون يلبس ويتكشخ.. ويتعطر.. وتسريحه وكل ابو شي.. مهما قالوا الناس.. ما بهزون شعره من راسه.. وهم الخسرانين..
والي ما بشتري يتفرج..
الا في شي مهم جدا ما ذكرتيه.. واشوفه اكبر ازمه للشباب بصراحة.. الي هو الخصوصيات..
ليه أغلب مجتمعنا ما يعترف بخصوصيات الانسان مهما كان سواء بنت او ولد..
الخصوصيه أهم شي بالحياه.. وحلو احترام خصوصيات الناس..
والله يا ذاك اليوم زعلت من اهلي وطفشت منهم من ناحية هذا الموضوع.. واخذهم مسجات على الجوال من اولهم لاخرهم.. احترموا الخصوصيات لو سمحتوا.. من بعدها وانا مكبر راسي ومحد قدي..
وفي شي مهم بعد.. اول سؤال لما يدقون عليك.. ويييينك.. وش دخلكم انا ويني.. انت الي وش تبي..
طيب عرفت ويني.. وش استفدت..
لا والي يرفع الضعط اكثر.. لما تقول لهم بالشارع الفلاني.. زين وش تسوي.. وليه رايح هناك.. ووووو..
بجد سؤال يرفع الضغط.. سواء اقتنعوا ان ماله داعي او ما اقتنعو شي راد لهم.. المهم ما اقول لهم وين انا.. لو ادري اني جنبهم بالغرفه الثانيه..
يبون اي شي يامرون أمر.. مستحيل اقول لهم وين انا..
الله يعافيك ام متعب.. كل الشكر لك.. بالتوفيق لك ان شاء الله يا رب..
الموهيم سلمتس الله انا اتفق معتس بأشياء وأختلف بأشياء ..
بالنسبة للجينز والبرمودا وطيحني ..
طبعاً هالكلام من وجهة نظري, بالنسبة للجينز أشوفه عادي جدا بالعكس ارتاح اذا لبسته اكثر من الثوب يمكن عشان خوالي اسبانيين ..
البرمودا برضوا أشوفه عادي , إذا صار برمودا واذا صار يهتم برجوله , بعضهم تلقينه الرجول انواع المشق والضربات وانواع الاشياء الزرقاء من كثر التشويت في هالبسس ويلبس برمودا .. بالله وش تبي تلبس برمودا انت وسيقانك ذي ي اشلي سمبسون .. وأنا مستغرب من الي يقول البرمودا م يصلح ليش يطلع سيقانه , ي اخي شعليك منه ؟ لا تناظر الله يخليك .. ان كان سيقانه شينه ومشعره وشهباء صد عنه .. مسوي الحين انك مهتم بالذوق العام ؟
لكن الي صاير الحين في شوارع الرياض .. صار الوضع موب برمودا صار شورت ..
يعني تلقينه لابس شورت الين فوق الركبة , هنا لا معليش ..
بالنسبة لطيحني , ل تعليق صراحة ... ودي أعرف بس وش الفكرة من لبس هالشيء , لا قبلة ول زين ول ستر .
الرقص والشكشكة أجل , تسمعين بالتسليك الله يحفظتس
وش شكشكة بنات حنا ؟
شوفي الرقص زي الرقصات الشعبية في المملكة, هذا أنا معااها وأؤيدها
بالنسبة للكدش أنا كنت معارض جداً لهالشيء واعتبره قلة حياء ...
بس في النهاية اكتشفت شيء, بعض الناس صار وجهه أقبل يوم حط الكدش, بس أتكلم عن الكدش الي قصير مرة , يعني زي ياسر أيام كأس أسيا الاخير مع المنتخب.
لكن الكدش الي أحتقره وم زلت , الي هو تجميع أكبر قدر ممكن من الشعر فوق الراس بغض النظر عن طريقة ترتيبه وتنظيمه يعني اهم شيء انه يكدش.
بالنسبة للشعر الطويل, أنا أؤيد وبشدة أي أحد يطول شعره بس يعتني فيه
طبعا التطويل الي اقصد موب الي يوصل الكتف , لا يعني يطوله ويهتم فيه ويرتبه
بالعكس بيصير أقبل , وبعدين تراتس ضربتي على الوتر الحساس .. الحين نص عيال السعودية صلعان الله يصلحتس وتبينه يقصر شعره, والا تلقين راسه فيه 11 فلقة مصفوفة جنب بعض مختلفة العمق والقياسات , ولين حلق موس طلع موب راس طلع شارع الكهرباء حق الروضة من كثر الحفر, فأانا مستغرب لين الحين محد نتفتس .
بالنسبة لإتباع الموضة , والله من جد كلامك صحيح لين الواحد كشخ ولبس شيء كويس قالوا شعنده وان لبس الزي السعودي قالوا ( غثونا ازواجنا طول اليوم بفنيلة وسروال ) ..
صراحة أنا أقدر الشخص الي يهتم بأناقته بغض النظر عن الماركة الي يلبسها , لأنه الفكرة موب في انه اللبس بكم ؟ أو وشو الماركة حقته .. أو تلقينه شاري تي شيرت وكله اللوقو حق الماركة عشان يكشخ فيه
لا الفكرة في الاناقة , بعض الناس يشتري اشياء موب ماركة ول غالية بس يطلع أنيق , والشغلة كلها تعتمد على ذوق الشخص في شراء لبسه .
بالنسبة للعطور النسائية , للمعلومية بس
م قد شريت عطر رجالي أبد, ول فكرت أشري .. كل العطور الي اشريها نسائية .. والله ملعوب علينا , يجيك اعلان شكبره ( عطر الرجل الأنيق ) ولين شميته صدعت .. تحسين المصنع الي سواه مجمع الورود اليابسة حقت اخر المحصول وصاب عليها حنا وسنوت < يسمع بالعطور
يعني ممكن سؤال؟
مين الي يقرر انه نسائي ول رجالي ؟
المكتوب على العطر من برا ؟ وعلى أي اساس صنف انه رجالي ول نسائي ؟
نوعية الورود المستخدمة فيه, ولا مزاجية الشخص الي صنعه؟
الورود موب حصر لرجل أو أمرأة , والرائحة الطيبة موب حصر لرجل أو امرأة
لو قعدنا على مبدأ عطور رجالية ونسائية , كان المفروض الرجل م يستخدم الا دهن العود ورائحة العودة بس
عموما في النهاية ,
لين صار الشاب كفو ورجال هذا هو المطلوب , صحيح اللبس والاشياء الي ذكرتيها تؤثر لكن كلها أشياء ثانوية مقارنة بشخصية الشاب
يعني , الله يخليك جيبي لي شاب لابس طيحني + حاط كدش شكبره + حاط 3 أنواع عطور نسائية بس انه كفو وشخصيته شخصية رجل بكل معنى الكلمة . ول تجيبين لي واحد لابس ثوب وشماغ وخكري ول يتميع ..
لبى قلبك ام متعب انتي وموضوعك الي جاي على الجرح ..
بالنسبة لي .. ( وش علي انا من الناس ,, وش على الناس مني ) .. طالما مو مخالف للدين باسوي اللي ابي , واللي مو عاجبه يـ...... ما ودي اكمل وتزعلون ..
من جد كل شوي طالعين لنا بسالفة , ومانعينا من شغلة ..
ما بقى الا ننام بالثوب والشماغ عشان نصير اكوس ناس ..
نصيحة لاي شاب سوو اللي تبيه وماعليك من الناس.. بكرة لا صرت شايب وراحت عليك الفلة والوناسة مو نافعينك الناس ..
يقولكم مثل قديم ومعروف.......يامن شراله من حلاله عله
:::::::::
بنوته هاديه
إقتباس
اما الكدش ..زي عبد الفتاح <<يجيب القرف
هذا موب كدش وانا اختس هذا عفريت مستاجر راسه بسم الله علينا
ويابعد تسبدي عشاتس علي وقولي تم
رد مهذب ومحترم شكرا لتس من القلب
:::::::::::::::
الضحــى
إقتباس
ربي يحفظك والله يعين متعب على ملاحظاتك !!
هاااااااااااااااو
يادافع البلا والله اني حبيبه ومنيب اخالف بشي
ضيقت صدري على وليدي
:::::::::::::
كغــيم
إقتباس
وش نسوي ..نصحته ولا فاد
حبيبتي انتي شوفي دامه ماهو عامل حرام لاتقسون عليه حرام مراهق بجد لاتقسون عليه والاكيد انه وقت ماهو زواج ولا عيد بيلبس حاجه تواجه وقت ماهو مع اصحابه او مع العائله بطلعات عائليه خلوه يلبس الي يريحه
والله يستر عليه منتس :::::::::: m7md.mc
((عطيني ورد زي ابو مهاا ترا حتى انا تميميه مو بث هو))
يابعدهم يا انتي خذي الورد منه مايستاهل ماغير ينافخ علي ماخلى في عيني قطره <<هاتس
إقتباس
الكدش وععععع خلقه ...عاد كيف لو سوه الشباب
طيب ماقد شفت هلالي يسب شعر ياسر وراكم الحين قمتوا الدنيا وقعدوها علي
بريء يابيه
إقتباس
حتى انتي محطمك ذآيب (ذا الولد ماترك احد الاوحطمة )
لا والله الحق ينقال ماعمره قالي أليف معاي لكن ادافع عنك اذكره بمواضيعك ::::::::::::: عشير الهنوفي
إقتباس
عزيزتي ابي اختصر لك الأجوبه و ماابي اطيل عليك بس اتمنى تتقبلينها بصدر رحب
ابشر جعلك تسلم
إقتباس
طيحني و بابا سمحني
عزيزي انت انا لم اتطرق لبابا ولا لماما انا قلت جنز عاتي
لاتقولوني كلام ماقلته
إقتباس
اي رقص تتكلمين عنه هذا قلت حياء اجل الواحد يقعد يهز و يشكشك على قولتك وين راحت الرجوله
اممم الحين البدو مافيهم رجال ..كلهم يرقصون دحيه وعرضه وكل ابوشي
انا ماقلت رقص فيفي عبده
إقتباس
الزبده موضوع ماله اي فايده و يتكلم في امور موب راضي فيها لا الرب ولا عبيده ..
ههههههههههههههههههههههههههههههههههههههههههههههههه
يوما منك .........كنا حلوين وراك نفخت علي وبعدين وش دراك ان الرب موب راضي فيها
ياخي قول انا موب راضي فيها
لاتجمع يجزاك ربك خير خير
عبيده في احدن راضي واحدن مارضى
والرب الله يقوينا على رضاه لكن لا تتكلم طال عمرك بلسان احد
::::::::::::::::: سيناتور الهلالي
إقتباس
الله يزيدك ياعبدالعزيز
عليكم السلام ورحمة الله وبركاته
وامين يارب يزيدك ويقويك ع طاعته
إقتباس
كتاب لأحد المشايخ يقول إطالة الشعر ليس سنة ..ليش يافضيلة الشيخ..؟ قال الشيخ : لأنها تعتبر من عادات العرب في الجاهلية فالكل في ذلك الوقت كان له شعر طويل بل ويعدونها في ذلك الوقت من الرجولة..!!
يعني المسألة كلها ياخالتي عادات ..لاسيرة ولاسنة..!!
مااحب اتكلم في كلام المشائخ جزاهم ربي عني خير الجزاء
لكن بعد الرضاع ومدري شو احب انا اطلع بنفسي على امور السنه افضل
وعندك سيره الرسول اقراها ودام الرسول سواء شي نتبع ليش لا مااتبع شيخ واترك قدوتنا نبي الله
إقتباس
فلا أرى بها بأسا
لاعاد من جد مصختها يرحم امك كلها من اعضاء المجلس نفخوك نفخوك لحد ماصرت تفتي علينا
إقتباس
خالتي أم متعب : وين بتسافرون بالإجازة..؟!! احم احم تذكرين تذاكر السودان..؟ تراها للحين موجودة ههههههه